{"id":1368,"date":"2022-04-01T13:48:03","date_gmt":"2022-04-01T12:48:03","guid":{"rendered":"https:\/\/sbunker.org\/?p=1368"},"modified":"2023-12-11T15:06:53","modified_gmt":"2023-12-11T14:06:53","slug":"kush-perfitoi-nga-demonstratat-e-vitit-1981","status":"publish","type":"post","link":"https:\/\/sbunker.org\/en\/analize\/kush-perfitoi-nga-demonstratat-e-vitit-1981\/","title":{"rendered":"Kush p\u00ebrfitoi nga demonstratat e vitit 1981?"},"content":{"rendered":"

Gjat\u00eb viteve \u201870 Kosova p\u00ebrjetoi transformim t\u00eb gjithmbarsh\u00ebm politik, ekonomik, social e kulturor. N\u00eb fakt, ky transformim nisi n\u00eb fund t\u00eb viteve \u201960, por kulmoi n\u00eb vitin 1974 me miratimin e Kushtetut\u00ebs s\u00eb Jugosllavis\u00eb, ku Kosova fitoi statusin e autonomis\u00eb n\u00eb kuad\u00ebr t\u00eb Serbis\u00eb e t\u00eb Jugosllavis\u00eb. Ky status nuk ishte n\u00eb p\u00ebrputhje as me k\u00ebrkesat e shqiptar\u00ebve, as me t\u00eb s\u00ebrb\u00ebve. Kryetari i Jugosllavis\u00eb, Josip Broz Tito, krahas p\u00ebrgjegj\u00ebsive p\u00ebr gjendjen e r\u00ebnd\u00eb t\u00eb shqiptar\u00ebve t\u00eb Kosov\u00ebs n\u00eb periudh\u00ebn 1944-1966 (t\u00eb njohur ndryshe si \u201cKoha e Rankovi\u0107-it\u201d), ka edhe merita p\u00ebr avancimin e t\u00eb drejtave t\u00eb tyre n\u00eb periudh\u00ebn 1966-1980. Madje, Tito ishte i mendimit se Kosova duhet t\u00eb ishte republika e shtat\u00eb n\u00eb Jugosllavi, mir\u00ebpo kjo qe e pamundshme p\u00ebr shkak t\u00eb kund\u00ebrshtimeve t\u00eb forcave shoviniste serbe. N\u00eb nj\u00ebr\u00ebn prej intervistave t\u00eb fundit, dh\u00ebn\u00eb m\u00eb 1978 p\u00ebr profesorin amerikan me origjin\u00eb austriake, George W. Hoffman, i pyetur cila kishte qen\u00eb detyra e tij m\u00eb e v\u00ebshtir\u00eb n\u00eb politik\u00ebn e brendshme,\u00a0Tito ishte p\u00ebrgjigur<\/a>: \u201cT\u2019i bindja s\u00ebrb\u00ebt q\u00eb ta pranonin autonomin\u00eb e Kosov\u00ebs\u201d.<\/p>\n

Dhjet\u00eb muaj pas vdekjes s\u00eb Tito-s, situata politike, ekonomike e sociale ishte e r\u00ebnd\u00eb dhe nj\u00ebfar\u00eb ndjenje e pasiguris\u00eb dhe paperspektiv\u00ebs ishte e gjith\u00ebpranishme. Papun\u00ebsia n\u00eb Kosov\u00eb ishte dy her\u00eb m\u00eb e lart\u00eb sesa n\u00eb republikat p\u00ebrreth: 4-5 her\u00eb m\u00eb e lart\u00eb sesa n\u00eb Kroaci, e plot 17 her\u00eb m\u00eb e lart\u00eb sesa n\u00eb Slloveni. M\u00eb 11 mars 1981, pak pas ndeshjes futbollistike Prishtina-Partizani (ku Partizani fitoi me golin e sh\u00ebnuar nga Xhevat Prekazi),\u00a0qindra<\/strong>\u00a0student\u00eb t\u00eb Universitetit t\u00eb Prishtin\u00ebs protestuan p\u00ebr shkak t\u00eb cil\u00ebsis\u00eb s\u00eb ushqimit dhe kushteve t\u00eb dob\u00ebta n\u00eb Menz\u00ebn e Student\u00ebve. \u00c7\u2019\u00ebsht\u00eb e drejta, nj\u00eb grup student\u00ebsh kishte protestuar edhe m\u00eb 12 dhjetor 1980 p\u00ebr kushtet e r\u00ebnda aty. N\u00eb shikim t\u00eb par\u00eb, k\u00ebto demonstrata duket se ishin spontane dhe t\u00eb karakterit social e ekonomik, por thyerja e korniz\u00ebs s\u00eb fotografis\u00eb s\u00eb Josip Brozit brenda menz\u00ebs, brohoritjet pro Enver Hoxh\u00ebs, si dhe thyerjet e panove t\u00eb reklamave p\u00ebr filma porno n\u00eb qend\u00ebr t\u00eb qytetit, japin nj\u00eb tablo krejt tjet\u00ebr.<\/p>\n

M\u00eb 26 mars 1981, dit\u00ebn kur Prishtina ishte mbushur me spektator\u00eb p\u00ebr manifestimin \u2018Stafeta e Rinis\u00eb\u2019,<\/a>\u00a0t\u00eb organizuar n\u00eb nderim t\u00eb Titos p\u00ebr t\u00eb nxitur ndjenj\u00ebn e \u2018v\u00ebllaz\u00ebrim-bashkimit\u2019,\u00a0mij\u00ebra<\/strong>\u00a0student\u00eb e qytetar\u00eb protestuan n\u00eb Prishtin\u00eb, k\u00ebsaj radhe me k\u00ebrkesa eksplicite politike. Dominonin parullat: \u2018Kosova Republik\u00eb\u2019, \u2018P\u00ebr k\u00eb punon Trep\u00e7a?\u2019, \u2018Ne jemi shqiptar\u00eb, jo jugosllav\u00eb\u2019, \u2018Bashkim me Shqip\u00ebrin\u00eb\u2019, e me radh\u00eb. N\u00eb organizimin e k\u00ebsaj demonstrate ishin p\u00ebrfshir\u00eb edhe grupet dhe organizatat ilegale t\u00eb shqiptar\u00ebve q\u00eb vepronin gjat\u00eb pothuajse gjith\u00eb viteve \u201970.<\/p>\n

K\u00ebsaj radhe policia nd\u00ebrhyri edhe m\u00eb brutalisht se her\u00ebn e par\u00eb. Serbia e mobilizoi policin\u00eb p\u00ebrreth kufirit me Kosov\u00ebn, mir\u00ebpo n\u00eb baz\u00eb t\u00eb Kushtetut\u00ebs s\u00eb Kosov\u00ebs, nuk kishte t\u00eb drejt\u00ebn ta fuste n\u00eb Kosov\u00eb. Prandaj, Kryesia e Jugosllavis\u00eb vendosi q\u00eb me aeroplan\u00eb t\u2019i d\u00ebrgonte n\u00eb Kosov\u00eb nj\u00ebsit\u00eb speciale t\u00eb Sekretariatit Federativ p\u00ebr Pun\u00eb t\u00eb Brendshme. K\u00ebto nj\u00ebsi mb\u00ebrrit\u00ebn n\u00eb Prishtin\u00eb m\u00eb 25 mars 1981 dhe t\u00eb nes\u00ebrmen nd\u00ebrhyn\u00eb brutalisht duke rrahur k\u00ebdo q\u00eb u dilte p\u00ebrpara, sidomos student\u00eb n\u00eb konvikte. Pas nd\u00ebrhyrjes u p\u00ebrhap\u00ebn fjal\u00eb se ishin vrar\u00eb qindra shqiptar\u00eb dhe se\u00a0policia kishte hyr\u00eb edhe n\u00eb konviktet e vajzave<\/a>, duke ua futur k\u00ebrba\u00e7\u00ebt mes k\u00ebmb\u00ebve dhe duke i goditur me ta n\u00eb gjinj.<\/p>\n

Kjo nd\u00ebrhyrje brutale pezmatoi r\u00ebnde shqiptar\u00ebt. Prandaj, m\u00eb 1 dhe 2 prill 1981 demonstruan\u00a0dhjet\u00ebra mij\u00ebra<\/strong>\u00a0qytetar\u00eb, gati n\u00eb t\u00eb gjitha qytetet e Kosov\u00ebs, duke u dh\u00ebn\u00eb k\u00ebsisoj demonstratave karakter gjith\u00ebpopullor. N\u00eb to u vran\u00eb dy polic\u00eb dhe n\u00ebnt\u00eb demonstrues q\u00eb, p\u00ebr fat t\u00eb keq, nuk p\u00ebrkujtohen pothuajse kurr\u00eb: Afrim Abazi, Asllan Pireva, Ibrahim Krasniqi, Naser Hajrizi, Riza Matoshi, Ruzhdi Hyseni, Salih Abazi, Sherif Frangu dhe Xhelal Maliqi. Nd\u00ebrkaq, u arrestuan mij\u00ebra e, nga prokuror\u00eb e gjyqtar\u00eb shqiptar\u00eb, u hetuan dhe u d\u00ebnuan qindra pjes\u00ebmarr\u00ebs, si dhe u inicua procesi i diferencimit ideo-politik n\u00eb t\u00eb gjitha strukturat politike e shoq\u00ebrore t\u00eb Kosov\u00ebs.<\/p>\n

\"\"<\/p>\n

Zyrtar\u00ebt e lart\u00eb politik\u00eb shqiptar\u00eb t\u00eb Kosov\u00ebs i cil\u00ebsuan demonstratat si armiq\u00ebsore, destruktive, nacionaliste, irredentiste madje. Organet e at\u00ebhershme krahinore, republikane e federative, i quajt\u00ebn \u2018kund\u00ebr-revolucionare\u2019, \u00e7ka n\u00eb legjislatur\u00ebn komuniste n\u00ebnkuptonte t\u00eb drejt\u00ebn q\u00eb pushtetmbajt\u00ebsi t\u2019i p\u00ebrdorte t\u00eb gjitha mjetet p\u00ebr ta shtypur. P\u00ebr m\u00eb keq, edhe Kryesia e Jugosllavis\u00eb mori mandej vendim t\u00eb shpallte gjendjen e jasht\u00ebzakonshme n\u00eb Kosov\u00eb dhe t\u00eb urdh\u00ebronte nd\u00ebrhyrjen e Armat\u00ebs Popullore Jugosllave (APJ).<\/p>\n

Marr\u00ebdh\u00ebniet mes shqiptar\u00ebve e s\u00ebrb\u00ebve u acaruan edhe m\u00eb kur Serbia nd\u00ebrmori fushat\u00ebn q\u00eb ta suprimonte autonomin\u00eb e Kosov\u00ebs p\u00ebrmes propagand\u00ebs p\u00ebr \u201cpresione, p\u00ebrdhunime, shkat\u00ebrrime pasurish, vrasje e shp\u00ebrngulje t\u00eb s\u00ebrb\u00ebve\u201d prej Kosov\u00ebs. M\u00eb 23 mars 1989, me miratim madje nga Kuvendi i Kosov\u00ebs me shumic\u00eb shqiptare, Serbia e p\u00ebrmbylli p\u00ebrfundimisht procesin e suprimimit t\u00eb autonomis\u00eb.<\/p>\n

Sido q\u00eb t\u00eb jet\u00eb, gjat\u00eb gati gjith\u00eb viteve \u201980 n\u00eb hap\u00ebsir\u00ebn publike mbizot\u00ebroi nj\u00eb diskurs negativ p\u00ebr k\u00ebto demonstrata, kurse pas shembjes s\u00eb sistemit komunist, n\u00eb gjith\u00eb dekad\u00ebn pasuese, e ve\u00e7mas pas luft\u00ebs 1998-1999, mbizot\u00ebroi diskursi pozitiv. N\u00eb thelb, n\u00eb qasjen ndaj k\u00ebtyre demonstratave ekzistojn\u00eb dy rryma:\u00a0lojale<\/strong>\u00a0and\u00a0jolojale<\/strong>.<\/p>\n

Bajram Kosumi dhe Hydajet Hyseni jan\u00eb p\u00ebrfaq\u00ebsuesit m\u00eb t\u00eb spikatur t\u00eb rrym\u00ebs politike\u00a0jolojale<\/strong>\u00a0ndaj Jugosllavis\u00eb, pjes\u00ebmarr\u00ebs e organizator\u00eb t\u00eb demonstratave t\u00eb vitit 1981, rrjedhimisht t\u00eb burgosur politik\u00eb p\u00ebr nj\u00eb dekad\u00eb. Sipas Kosumit, para demonstratave t\u00eb vitit 1981 ishte hetuar nj\u00eb prirje relativisht e theksuar e ndikimit t\u00eb kultur\u00ebs sllave dhe asimilimit t\u00eb shqiptar\u00ebve (\u201cKosova e vitit 1981\u201d, Z\u00ebri, mars \u201996). Nd\u00ebr t\u00eb arriturat kryesore t\u00eb k\u00ebtyre demonstratave, sipas tij, ishte nd\u00ebrprerja e k\u00ebsaj prirjeje dhe kthimi i plot\u00eb kah trungu i kultur\u00ebs s\u00eb mir\u00ebfillt\u00eb shqiptare. Nj\u00eblloj, sipas Hysenit, asokohe p\u00ebrgatitej regjistrimi i popullsis\u00eb dhe kishte trysni t\u00eb fuqishme n\u00eb favor t\u00eb jugosllavizimit, prandaj l\u00ebvizja ilegale kishte shp\u00ebrndar\u00eb nj\u00eb trakt me moton \u201cJemi shqiptar\u00eb, nuk jemi jugosllav\u00eb\u201d, t\u00eb kthyer edhe n\u00eb parull\u00eb t\u00eb k\u00ebtyre demonstratave (\u201c1981: faqe e re n\u00eb historin\u00eb e Kosov\u00ebs…\u201d, Z\u00ebri, mars 2001). Pra, sipas t\u00eb dyve, me demonstratat e vitit 1981 u ndal procesi i jugosllavizimit t\u00eb rinis\u00eb shqiptare.<\/p>\n

Nga ana tjet\u00ebr, p\u00ebrfaq\u00ebsuesit m\u00eb t\u00eb denj\u00eb t\u00eb rrym\u00ebs politike\u00a0lojale<\/strong>\u00a0ndaj Jugosllavis\u00eb, Mahmut Bakalli dhe Azem Vllasi, t\u00eb pakt\u00ebn q\u00eb prej r\u00ebnies s\u00eb regjimit komunist n\u00eb Kosov\u00eb, jan\u00eb shprehur t\u00eb bindur se ngjarjet e vitit 1981 ishin inskenuar me q\u00ebllim q\u00eb t\u00eb destabilizohej Jugosllavia dhe t\u00eb suspendohej autonomia e Kosov\u00ebs. Ata k\u00ebmb\u00ebngulnin se demonstratat e vitit 1981 ia humb\u00ebn Kosov\u00ebs autonomin\u00eb, ndon\u00ebse, \u00e7\u2019\u00ebsht\u00eb e verteta, autonomia e Kosov\u00ebs do t\u00eb suprimohej nga Serbia edhe pa demonstratat e vitit 1981. P\u00ebr m\u00eb shum\u00eb, Bakalli e Vllasi pretendonin se n\u00eb k\u00ebto ngjarje ishin p\u00ebrfshir\u00eb sh\u00ebrbime brenda dhe jasht\u00eb Jugosllavis\u00eb, n\u00eb m\u00ebnyr\u00eb q\u00eb pas Titos, Serbia t\u00eb kishte rol dominant n\u00eb Jugosllavi dhe n\u00eb Ballkan. Sipas tyre, forcat q\u00eb synonin jostabilitet n\u00eb Jugosllavi e koncentruan veprimtarin\u00eb n\u00eb Kosov\u00eb, hallk\u00ebn m\u00eb t\u00eb dob\u00ebt t\u00eb zinxhirit jugosllav, duke kalkuluar me kund\u00ebrth\u00ebniet dhe pak\u00ebnaq\u00ebsit\u00eb e shumta sociale, ekonomike, historike, nacionale etj., q\u00eb n\u00eb Kosov\u00eb t\u2019i tregonin dh\u00ebmb\u00ebt dhe t\u00eb verifikonin fuqin\u00eb p\u00ebr hapa t\u00eb m\u00ebvonsh\u00ebm n\u00eb mbar\u00eb hap\u00ebsir\u00ebn jugosllave.<\/p>\n

\"\"<\/div>\n

Revista “Liria” 1981<\/em><\/p>\n

Ndon\u00ebse politika n\u00eb Shqip\u00ebri at\u00ebher\u00eb i mb\u00ebshteti k\u00ebto demonstrata dhe k\u00ebrkesat e tyre, nj\u00eb dekad\u00eb m\u00eb von\u00eb, n\u00eb shtator t\u00eb vitit 1992, Presidenti i Shqip\u00ebris\u00eb, Ramiz Alia, n\u00eb nj\u00eb intervist\u00eb t\u00eb gjat\u00eb t\u00eb realizuar nga Blerim Shala e Llukman Halili, e t\u00eb botuar si lib\u00ebr me titullin \u201cUn\u00eb Ramiz Alia d\u00ebshmoj p\u00ebr historin\u00eb\u201d, thoshte: \u201cMund t\u00eb them se demonstratat e vitit 1981 p\u00ebr ne kan\u00eb qen\u00eb krejt\u00ebsisht t\u00eb papritura dhe shpeshher\u00eb vrisnim mendjen se kujt i interesonin ato, sepse zhvillimi i marr\u00ebdh\u00ebnieve midis Shqip\u00ebris\u00eb dhe Kosov\u00ebs ishte aq i favorsh\u00ebm, sa k\u00ebto ngjarje m\u00eb shum\u00eb i shkuan p\u00ebr shtat tjet\u00ebrkujt sesa shqiptar\u00ebve. Personalisht kam menduar disa her\u00eb se nga ato ngjarje nxor\u00ebn p\u00ebrfitime m\u00eb shum\u00eb s\u00ebrb\u00ebt\u201d.<\/p>\n

Nuk ka dilem\u00eb se pozita e shqiptar\u00ebve t\u00eb Kosov\u00ebs pas demonstratave t\u00eb vitit 1981 u p\u00ebrkeq\u00ebsua r\u00ebndsh\u00ebm, por p\u00ebr fat t\u00eb keq, sot e k\u00ebsaj dite nuk ka nj\u00eb studim t\u00eb mir\u00ebfillt\u00eb p\u00ebr to. Do t\u00eb ishte mir\u00eb q\u00eb k\u00ebto demonstrata t\u00eb hulumtoheshin rr\u00ebnj\u00ebsisht, t\u00eb analizoheshin e t\u00eb studioheshin m\u00ebtimet e t\u00eb dyja rrymave, pastaj ndikimi i Shqip\u00ebris\u00eb, i S\u00ebrbis\u00eb, e i shteteve t\u00eb tjera, n\u00eb m\u00ebnyr\u00eb q\u00eb t\u00eb krijohet nj\u00eb ide m\u00eb e qart\u00eb se \u00e7ka fitoi e \u00e7ka humbi Kosova prej tyre.<\/p>","protected":false},"excerpt":{"rendered":"

Gjat\u00eb viteve \u201870 Kosova p\u00ebrjetoi transformim t\u00eb gjithmbarsh\u00ebm politik, ekonomik, social e kulturor. N\u00eb fakt, ky transformim nisi n\u00eb fund t\u00eb viteve \u201960, por kulmoi n\u00eb vitin 1974 me miratimin e Kushtetut\u00ebs s\u00eb Jugosllavis\u00eb, ku Kosova fitoi statusin e autonomis\u00eb n\u00eb kuad\u00ebr t\u00eb Serbis\u00eb e t\u00eb Jugosllavis\u00eb. Ky status nuk ishte n\u00eb p\u00ebrputhje as me […]<\/p>","protected":false},"author":401,"featured_media":1369,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[13],"tags":[720,664,701],"ppma_author":[685],"class_list":["post-1368","post","type-post","status-publish","format-standard","has-post-thumbnail","hentry","category-analize","tag-demonstration","tag-kosovo","tag-yugoslavia"],"authors":[{"term_id":685,"user_id":401,"is_guest":0,"slug":"shkelzen-gashi","display_name":"Shk\u00eblzen Gashi","avatar_url":{"url":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png","url2x":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png"},"user_url":"","last_name":"Gashi","first_name":"Shk\u00eblzen","description":"Shk\u00eblzen Gashi ka studiu Shkencat Politike n\u00eb Universitetin e Prishtin\u00ebs, kurse magjistratur\u00ebn p\u00ebr Demokraci dhe t\u00eb Drejta t\u00eb Njeriut n\u00eb programin e p\u00ebrbashk\u00ebt studimor t\u00eb Universiteteve t\u00eb Bolonj\u00ebs dhe t\u00eb Sarajev\u00ebs. \u00cbsht\u00eb autor i shum\u00eb botimeve (librave dhe artikujve). N\u00eb vitin 2010 ka botuar biografin\u00eb e paautorizuar t\u00eb Adem Dema\u00e7it, i cili ka kaluar 28 vjet n\u00ebp\u00ebr burgjet jugosllave. Koh\u00ebt e fundit, ka botu shum\u00eb artikuj brenda e jasht\u00eb vendit rreth historis\u00eb s\u00eb Kosov\u00ebs n\u00eb tekstet m\u00ebsimore t\u00eb historis\u00eb n\u00eb Kosov\u00eb dhe n\u00eb vendet p\u00ebrreth Kosov\u00ebs \u2013 Shqip\u00ebri, S\u00ebrbi, Mal t\u00eb Zi dhe Maqedoni. Po ashtu, tani \u00ebsht\u00eb duke shkruar biografin\u00eb e Ibrahim Rugov\u00ebs, udh\u00ebheq\u00ebsit t\u00eb shqiptar\u00ebve t\u00eb Kosov\u00ebs 1989-2006."}],"_links":{"self":[{"href":"https:\/\/sbunker.org\/en\/wp-json\/wp\/v2\/posts\/1368","targetHints":{"allow":["GET"]}}],"collection":[{"href":"https:\/\/sbunker.org\/en\/wp-json\/wp\/v2\/posts"}],"about":[{"href":"https:\/\/sbunker.org\/en\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/en\/wp-json\/wp\/v2\/users\/401"}],"replies":[{"embeddable":true,"href":"https:\/\/sbunker.org\/en\/wp-json\/wp\/v2\/comments?post=1368"}],"version-history":[{"count":1,"href":"https:\/\/sbunker.org\/en\/wp-json\/wp\/v2\/posts\/1368\/revisions"}],"predecessor-version":[{"id":1372,"href":"https:\/\/sbunker.org\/en\/wp-json\/wp\/v2\/posts\/1368\/revisions\/1372"}],"wp:featuredmedia":[{"embeddable":true,"href":"https:\/\/sbunker.org\/en\/wp-json\/wp\/v2\/media\/1369"}],"wp:attachment":[{"href":"https:\/\/sbunker.org\/en\/wp-json\/wp\/v2\/media?parent=1368"}],"wp:term":[{"taxonomy":"category","embeddable":true,"href":"https:\/\/sbunker.org\/en\/wp-json\/wp\/v2\/categories?post=1368"},{"taxonomy":"post_tag","embeddable":true,"href":"https:\/\/sbunker.org\/en\/wp-json\/wp\/v2\/tags?post=1368"},{"taxonomy":"author","embeddable":true,"href":"https:\/\/sbunker.org\/en\/wp-json\/wp\/v2\/ppma_author?post=1368"}],"curies":[{"name":"wp","href":"https:\/\/api.w.org\/{rel}","templated":true}]}}