{"id":3488,"date":"2018-05-30T12:41:00","date_gmt":"2018-05-30T10:41:00","guid":{"rendered":"https:\/\/sbunker.org\/?p=3488"},"modified":"2024-12-13T12:43:12","modified_gmt":"2024-12-13T10:43:12","slug":"roli-i-enver-hoxhes-per-kosoven-dhe-ceshtjen-kombetare","status":"publish","type":"post","link":"https:\/\/sbunker.org\/en\/analize\/roli-i-enver-hoxhes-per-kosoven-dhe-ceshtjen-kombetare\/","title":{"rendered":"Roli i Enver Hoxh\u00ebs p\u00ebr Kosov\u00ebn dhe \u00e7\u00ebshtjen komb\u00ebtare"},"content":{"rendered":"
\n

<\/h3>\n<\/div>\n
\n
\n

Edhe pse kan\u00eb kaluar 27 vite nga r\u00ebnia e regjimit komunist shqiptar, vazhdon t\u00eb ket\u00eb shum\u00eb\u00a0shqiptar\u00eb t\u00eb Kosov\u00ebs dhe trojeve t\u00eb tjera shqiptare n\u00eb ish-Jugosllavi q\u00eb ushqejn\u00eb nj\u00eb simpati e\u00a0vler\u00ebsim ndaj Enver Hoxh\u00ebs\u00a0dhe regjimit t\u00eb tij. Ekzistenca e k\u00ebsaj nostalgjie p\u00ebr enverizmin mund\u00a0t\u00eb ishte e kuptueshme deri n\u00eb vitet 90-t\u00eb\u00a0kur shqiptar\u00ebt jasht\u00eb kufirit ishin t\u00eb tejngopur p\u00ebr dekada\u00a0me radh\u00eb nga propaganda shurdhuese e sistemit totalitar q\u00eb kishte nd\u00ebrtuar kultin e individit\u00a0udh\u00ebheq\u00ebs. Kuptohet q\u00eb p\u00ebr shum\u00eb shqiptar\u00eb gjat\u00eb okupimit sllav b\u00ebhej fjal\u00eb ose p\u00ebr t’u orientuar\u00a0nga Beogradi i rob\u00ebris\u00eb ose nga Tirana, pavar\u00ebsisht se kush e sundonte Shqip\u00ebrin\u00eb. Mir\u00ebpo tani q\u00eb\u00a0po mbushen dy dekada nga \u00e7lirimi i Kosov\u00ebs dhe shqiptar\u00ebt jan\u00eb t\u00eb lidhur e komunikojn\u00eb me nj\u00ebri\u00a0tjetrin si asnj\u00ebher\u00eb m\u00eb par\u00eb, \u00ebsht\u00eb e pakuptueshme dhe indinjuese q\u00eb ka ende nga ata q\u00eb besojn\u00eb se\u00a0Enveri dhe regjimi komunist ka qen\u00eb i dobish\u00ebm p\u00ebr Shqip\u00ebrin\u00eb dhe kauz\u00ebn komb\u00ebtare.<\/p>\n

Pik\u00ebs\u00ebpari, kur flitet p\u00ebr rolin historik t\u00eb Enver Hoxh\u00ebs dhe regjimit q\u00eb ai drejtoi, nevojitet nj\u00eb\u00a0reflektim dhe ndryshim opinioni\u00a0p\u00ebr komunizmin p\u00ebr faktin se regjimet e mb\u00ebshtetura tek kjo\u00a0ideologji kan\u00eb b\u00ebr\u00eb krime nga m\u00eb mizoret duke eliminuar mbi 100 milion\u00eb qytetar\u00eb t\u00eb pafajsh\u00ebm.\u00a0Mjafton t\u00eb shikohen tmerret e periudh\u00ebs s\u00eb terrorit t\u00eb kuq, spastrimeve dhe holomodorit n\u00eb\u00a0Bashkim Sovjetik, hopi i madh p\u00ebrpara dhe revolucioni kulturor n\u00eb Kin\u00eb apo vrasjet masive t\u00eb\u00a0khmer\u00ebve t\u00eb kuq n\u00eb Kamboxhia p\u00ebr t\u00eb kuptuar sa \u00e7njer\u00ebzor ishte\u00a0komunizmi,\u00a0e pse duhet d\u00ebnuar.\u00a0Shqiptar\u00ebt e ish-Jugosllavis\u00eb kan\u00eb qen\u00eb vet\u00eb viktima t\u00eb mohimit t\u00eb t\u00eb drejtave t\u00eb njeriut e duhet q\u00eb t\u00eb\u00a0d\u00ebnojn\u00eb regjimet komuniste si format m\u00eb ekstreme t\u00eb zhveshjes s\u00eb njeriut nga t\u00eb drejtat m\u00eb
\nthemelore.<\/p>\n

S\u00eb dyti, figura e Enver Hoxh\u00ebs dhe regjimit komunist duhet shqyrtuar nga shqiptar\u00ebt e ish-Jugosllavis\u00eb edhe n\u00eb prizmin e solidaritetit mbar\u00ebkomb\u00ebtar dhe keqardhje p\u00ebr vuajtjet esktreme t\u00eb\u00a0shtetasve shqiptar\u00eb t\u00eb Republik\u00ebs Popullore Socialiste t\u00eb Shqip\u00ebris\u00eb. Instituti Studimit t\u00eb Krimeve t\u00eb\u00a0Komunizmit n\u00eb raportin e tij ka nxjerr\u00eb se gjat\u00eb regjimit jan\u00eb vrar\u00eb 6,027 vet\u00eb, jan\u00eb burgosur dhe\u00a0d\u00ebnuar p\u00ebr arsye politike 34,135 vet\u00eb dhe jan\u00eb internuar n\u00eb kampe p\u00ebrqendrimi 59,009 persona.\u00a0Torturat dhe kushtet e r\u00ebnda gjat\u00eb q\u00ebndrimit n\u00eb burgjet e komunizmit iu kan\u00eb shkaktuar vdekjen\u00a0984 qytetar\u00ebve dhe kan\u00eb shkaktuar humbjen e aft\u00ebsive mendore gjat\u00eb q\u00ebndrimit n\u00eb burgjet e\u00a0komunizmit 308 personave. N\u00eb raport thuhet se k\u00ebtu nuk jan\u00eb llogaritur me mij\u00ebra qytetar\u00eb q\u00eb jan\u00eb
\nvrar\u00eb nga viti 1944-1955, pasi p\u00ebr ta nuk ka gjurm\u00eb n\u00eb arkiva. Pra, t\u00eb qenit shqiptar k\u00ebrkon jo\u00a0vet\u00ebm solidarizimin e shqiptar\u00ebve t\u00eb Shqip\u00ebris\u00eb me ata t\u00eb Kosov\u00ebs gjat\u00eb rob\u00ebris\u00eb por edhe\u00a0anasjelltas, dhembshurin\u00eb p\u00ebr vuajtjet e shkaktuar nga nj\u00eb nd\u00ebr regjimet\u00a0m\u00eb t\u00eb\u00a0egra komuniste n\u00eb Evrop\u00eb.<\/p>\n

Nj\u00eb nd\u00ebr provat kryesore t\u00eb rolit negativ q\u00eb Enver Hoxha ka pasur p\u00ebr \u00e7\u00ebshtjen komb\u00ebtare \u00ebsht\u00eb\u00a0padyshim m\u00ebnyra se si ai e n\u00ebp\u00ebrk\u00ebmbi \u00e7\u00ebshtjen \u00e7ame. N\u00eb shkurt t\u00eb vitit 1943 u krijua \u00e7eta\u00a0“\u00c7am\u00ebria” q\u00eb pak m\u00eb von\u00eb u shnd\u00ebrrua n\u00eb batalionin “\u00c7am\u00ebria\u201d me mbi 2000 mij\u00eb partizan\u00eb ku\u00a0shumica d\u00ebrrmuese ishin \u00e7am\u00eb. Ky formacion nd\u00ebrmorri disa beteja heroike dhe ishte d\u00ebshmia edhe\u00a0m\u00eb e mir\u00eb se shqiptar\u00ebt \u00e7am\u00eb luftuan kund\u00ebr fashist\u00ebve. Mir\u00ebpo n\u00eb qershor t\u00eb vitit 1944, Enver\u00a0Hoxha, duke e konsideruar \u00e7\u00ebshtjen \u00e7ame tekstualisht \u201csi patate t\u00eb nxeht\u00eb q\u00eb do k\u00ebrc\u00ebnonte\u00a0marr\u00ebdh\u00ebnien me Greqin\u00eb\u201d vendosi q\u00eb t’ia ndryshonte emrin n\u00eb batalionin Thanas Ziko. Duke i\u00a0v\u00ebn\u00eb emrin e nje minoritari grek dhe hequr emrin \u00e7am\u00ebria, Hoxha iu dha sinjalet e para grek\u00ebve se\u00a0do e injoronte problemin \u00e7am. Po ashtu n\u00eb vend q\u00eb t\u00eb d\u00ebrgonte Ushtrin\u00eb Antifashiste Nacional-
\n\u00c7lirimtare kund\u00ebr masakrave\u00a0ndaj shqiptar\u00ebve civil\u00eb t\u00eb pambrojtur t\u00eb \u00e7am\u00ebris\u00eb, e d\u00ebrgoi n\u00eb Jugosllavi \u00e7ka
\ntregon q\u00eb kjo ushtri nuk e ka pas merituar emrin \u201cnacional \u00e7lirimtare\u201d.<\/p>\n

N\u00eb fund t\u00eb vitit 1945 deri n\u00eb 1945, dy divizione partizane V dhe VI me rreth 10 000 trupa n\u00ebn\u00a0komand\u00ebn e Gjin Markut dhe Rrahman Parllakut vazhduan luft\u00ebn n\u00eb Jugosllavi deri n\u00eb Vishegrad\u00a0af\u00ebr Sarajev\u00ebs mbi 100 kilometra larg trojeve shqiptare, n\u00eb ndjekje t\u00eb forcave gjermane q\u00eb\u00a0t\u00ebrhiqeshin drejt Berlinit. M\u00eb shum\u00eb se 700 partizan\u00eb ran\u00eb n\u00eb luftimet kund\u00ebr gjerman\u00ebve n\u00eb\u00a0Jugosllavi n\u00eb t\u00eb nj\u00ebjt\u00ebn koh\u00eb kur Zerva n\u00eb krye t\u00eb formacioneve kolaboracioniste t\u00eb nazist\u00ebve masakronin me mij\u00ebra civil\u00eb \u00e7am\u00eb t\u00eb pambrojtur vet\u00ebm pak kilometra n\u00eb jug t\u00eb kufirit t\u00eb Shqip\u00ebris\u00eb.<\/p>\n

Po ashtu pas mbarimit t\u00eb Luft\u00ebs s\u00eb II Bot\u00ebrore, n\u00eb vend q\u00eb t\u00eb merrej me zgjidhjen e kthimit t\u00eb\u00a0refugjat\u00ebve \u00e7am\u00eb n\u00eb vendlindje, Hoxha futi hund\u00ebt n\u00eb politik\u00ebn e brendshme t\u00eb Greqis\u00eb duke mbajtur\u00a0krahun e EAM-ELLAS-it n\u00eb luft\u00ebn civile t\u00eb Greqis\u00eb dhe p\u00ebr rrjedhoj\u00eb duke d\u00ebmtuar simpatin\u00eb\u00a0nd\u00ebrkomb\u00ebtare p\u00ebr shqiptar\u00ebt e d\u00ebbuar nga \u00e7am\u00ebria.<\/p>\n

Por diktatori nuk u mjaftua me k\u00ebt\u00eb gj\u00eb. N\u00eb vitin 1953 Enver Hoxha konfiskoi dokumentet greke,\u00a0hoqi n\u00eb m\u00ebnyr\u00eb t\u00eb dhunshme shtet\u00ebsin\u00eb greke t\u00eb refugjat\u00ebve \u00e7am\u00eb q\u00eb ishin n\u00eb Shqip\u00ebri duke ua b\u00ebr\u00eb\u00a0edhe m\u00eb t\u00eb v\u00ebshtir\u00eb kthimin ligjor t\u00eb tyre dhe pretendimet legjitime q\u00eb ata kishin p\u00ebr kthimin e\u00a0pron\u00ebsis\u00eb. N\u00eb t\u00eb nj\u00ebjt\u00ebn linj\u00eb t\u00eb q\u00ebndrimeve t\u00eb tija anti-\u00e7ame q\u00eb synonin t\u00eb akomodonin e t’i jepnin\u00a0garanci shtetit grek, n\u00eb vitin 1960 Hoxha iu dha \u00e7am\u00ebve q\u00eb ishin n\u00eb Shqip\u00ebri nj\u00eb goditje finale duke\u00a0nd\u00ebrmarr\u00eb gjyqin e sajuar ndaj grupit t\u00eb 65 \u00e7am\u00ebve t\u00eb drejtuar nga admiral Teme Sejko, q\u00eb\u00a0jo\u00a0vet\u00ebm eleminoi zyrtar\u00ebt m\u00eb t\u00eb lart\u00eb e figurat m\u00eb t\u00eb shquara \u00e7ame, por u shoq\u00ebrua me nj\u00eb persekutim\u00a0t\u00eb familjeve t\u00eb tyre dhe gjith\u00eb \u00e7am\u00ebve n\u00eb p\u00ebrgjith\u00ebsi.<\/p>\n

E ashtuquajtura Lufta Anti-Fashishte Nacional \u00e7lirimtare (LAN\u00c7) q\u00eb n\u00eb zanafill\u00eb u dominua nga\u00a0Jugosllavia. Dokumentet e deklasifikuara t\u00eb sh\u00ebrbimeve sekrete per\u00ebndimore tregojn\u00eb se disa nga\u00a0figurat kryesore t\u00eb luft\u00ebs anti-fashiste ishin faktikisht agjent\u00eb t\u00eb Jugosllavis\u00eb t\u00eb cil\u00ebt u aktivizuan n\u00eb\u00a0luft\u00eb kund\u00ebr pushtuesve italian\u00eb me k\u00ebrkes\u00ebn dhe sponsorizimin e britanik\u00ebve t\u00eb cil\u00ebt donin q\u00eb t\u00eb\u00a0hapnin nj\u00eb front t\u00eb ri n\u00eb Shqip\u00ebri kund\u00ebr fashizmit. K\u00ebshtu p\u00ebr shembull, Myslim Peza dhe Haxhi\u00a0Lleshi t\u00eb cil\u00ebt ishin rekrutuar nga sh\u00ebrbimet jugosllave, u kthyen n\u00eb Shqip\u00ebri dhe organizuan\u00a0veprime t\u00eb armatosura me fondet q\u00eb vinin nga Londra. Po ashtu jan\u00eb t\u00eb panum\u00ebrta dokumentet q\u00eb e\u00a0d\u00ebshmojn\u00eb kat\u00ebrcip\u00ebrisht se Partia Komuniste e Shqip\u00ebris\u00eb u formua m\u00eb 8 n\u00ebntor 1941 nga dy\u00a0emisar\u00eb jugosllav\u00eb Dushan Mugosha dhe Miladin Popovi\u00e7, t\u00eb cil\u00ebt e drejtuan k\u00ebt\u00eb parti deri n\u00eb fund t\u00eb luft\u00ebs.<\/p>\n

Faktikisht, Partia Komuniste Shqiptare ishte vet\u00ebm nj\u00eb deg\u00eb e partis\u00eb komuniste jugosllave, deri n\u00eb\u00a0vitin 1948 kur Titoja u prish me Stalinin. Vet\u00ebm kur Bashkimi Sovjetik e futi Shqip\u00ebrin\u00eb n\u00eb zon\u00ebn\u00a0e vet\u00eb t\u00eb influenc\u00ebs, Partia Komuniste Shqiptare u b\u00eb e pavarur prej ndikimit jugosllav dhe ndryshoi\u00a0emrin n\u00eb Partia e Pun\u00ebs s\u00eb Shqip\u00ebris\u00eb.<\/p>\n

Por munges\u00ebn e nacionalizmit dhe kontrollin nga jugosllav\u00ebt e d\u00ebshmon akoma m\u00eb mir\u00eb prishja e\u00a0marr\u00ebveshjes q\u00eb doli nga konferenca e Mukjes. Kjo konferenc\u00eb synonte t\u00eb bashkonte t\u00eb gjith\u00eb\u00a0shqiptar\u00ebt n\u00eb rezistenc\u00ebn ndaj fashist\u00ebve dhe u mbajt n\u00eb 1-3 gusht 1943, me pjes\u00ebmarrjen e 12\u00a0p\u00ebrfaq\u00ebsuesve t\u00eb Frontit Nacional\u00e7lirimtar dhe 12 p\u00ebrfaq\u00ebsuesve t\u00eb Ballit Komb\u00ebtar. Pas shum\u00eb\u00a0diskutimesh dhe l\u00ebshimesh t\u00eb dyanshme, u arrit marr\u00ebveshja p\u00ebr luft\u00eb t\u00eb p\u00ebrbashk\u00ebt dhe t\u00eb\u00a0menj\u00ebhershme kund\u00ebr pushtuesit p\u00ebrkrah aleat\u00ebve t\u00eb m\u00ebdhenj dhe u krijua edhe Komiteti p\u00ebr\u00a0Shp\u00ebtimin e Shqip\u00ebris\u00eb si nj\u00eb organ i p\u00ebrbashk\u00ebt i bashk\u00ebrendimit t\u00eb luft\u00ebs, q\u00eb p\u00ebrb\u00ebhej nga 6\u00a0p\u00ebrfaq\u00ebsues nga secila pal\u00eb. Por pika 2 e proklamat\u00ebs q\u00eb doli nga marr\u00ebveshja ishte ve\u00e7an\u00ebrisht\u00a0problematike p\u00ebr jugosllav\u00ebt sepse thoshte \u201cPika 2. Luft\u00eb p\u00ebr nj\u00eb Shqip\u00ebri independente dhe p\u00ebr\u00a0zbatimin e parimit t\u00eb njohur universalisht e t\u00eb garantuar nga Karta e Atlantikut t\u00eb vet\u00ebvendosjes s\u00eb\u00a0popujve p\u00ebr nj\u00eb Shqip\u00ebri Etnike.\u201d\u00a0Emisar\u00ebt jugosllav\u00eb Svetozar Vukmanovic-Tempo dhe Miladin\u00a0Popovi\u00e7 e bind\u00ebn Enver Hoxh\u00ebn q\u00eb ta mohonte dhe prishte k\u00ebt\u00eb marr\u00ebveshje, madje Hoxha shkoi\u00a0edhe m\u00eb tej duke nisur sulmin ndaj Ballit Komb\u00ebtar duke nisur nj\u00eb luft\u00eb civile paralel me at\u00eb anti-fashiste.<\/p>\n

Gjithashtu, Enver Hoxha nuk e p\u00ebrsh\u00ebndeti aspak konferenc\u00ebn e Bujanit q\u00eb u mbajt n\u00eb\u00a031 dhjetor 1943- 2 janar 1944, n\u00eb Bujan t\u00eb Tropoj\u00ebs, e cila n\u00eb rezolut\u00ebn e saj shprehu haptazi vullnetin p\u00ebr bashkim komb\u00ebtar n\u00ebp\u00ebrmjet luft\u00ebs\u00a0kund\u00ebr fashizmit. Madje organi i partis\u00eb komuniste shqiptare \u201cZ\u00ebrit t\u00eb popullit\u201d n\u00eb at\u00eb koh\u00eb kur\u00a0raportonte p\u00ebr Konferenc\u00ebn e Bujanit e kishte \u00e7ensuruar plot\u00ebsisht fjalin\u00eb lapidare t\u00eb rezolut\u00ebs s\u00eb\u00a0k\u00ebsaj konference q\u00eb thoshte se \u201cpopulli i Kosov\u00ebs e i Rrafshit t\u00eb Dukagjinit si gjithmon\u00eb dhe sot\u00a0d\u00ebshiron me u bashkue me Shqipnin\u201d.<\/p>\n

Munges\u00ebn e dimensionit nacionalist t\u00eb Enver Hoxh\u00ebs e tregon edhe implikimi i ushtris\u00eb partizane\u00a0shqiptare n\u00eb \u00e7armatosjen e rezistenc\u00ebs nacionaliste kosovare si dhe n\u00eb transportimin e partizan\u00ebve\u00a0kosovar\u00eb n\u00ebp\u00ebrmjet territorit t\u00eb Shqip\u00ebris\u00eb drejt masakr\u00ebs s\u00eb Tivarit. Partizan\u00ebt e Enver Hoxh\u00ebs e\u00a0ndihmuan projektin e zhdukjes s\u00eb kosovar\u00ebve n\u00eb Tivar duke dor\u00ebzuar tek jugosllav\u00ebt t\u00eb gjith\u00eb t\u00eb\u00a0arratisurit shqiptar\u00eb nga trevat e tyre, por edhe gjith\u00eb vullnetar\u00ebt shqiptar\u00eb t\u00eb Kosov\u00ebs q\u00eb u\u00a0bashkoheshin batalioneve t\u00eb UN\u00c7L, e mandej jugosllav\u00ebt i \u00e7uan k\u00ebta n\u00eb therrtoren e Tivarit.\u00a0Tradh\u00ebtia e Enver Hoxh\u00ebs ndaj Kosov\u00ebs u pa edhe n\u00eb Konferenc\u00ebn e Paqes n\u00eb Paris, n\u00eb gusht 1946,\u00a0kur u p\u00ebrmend \u00e7\u00ebshtja e Kosov\u00ebs, Enver Hoxha do t\u00eb deklaronte haptazi se: \u201cNe nuk kemi\u00a0pretendime ndaj aleatit ton\u00eb, Jugosllavis\u00eb\u201d. Faktikisht jo vet\u00ebm q\u00eb Enver Hoxha nuk k\u00ebrkonte\u00a0bashkimin komb\u00ebtar me trojet e ngelura n\u00eb Jugosllavi, por qe i gatsh\u00ebm edhe p\u00ebr ta b\u00ebr\u00eb Shqip\u00ebrin\u00eb\u00a0republik\u00ebn e 7-t\u00eb t\u00eb federat\u00ebs s\u00eb sllav\u00ebve t\u00eb jugut. P\u00ebr k\u00ebt\u00eb q\u00ebllim u b\u00eb bashkimi monetar dhe\u00a0doganor, u ndryshua dita e \u00e7lirimit nga 28 n\u00ebntor n\u00eb 29 n\u00ebntor p\u00ebr ta p\u00ebrshtatur me \u00e7lirimin e\u00a0Jugosllavis\u00eb dhe ushtar\u00ebt tan\u00eb u integruan n\u00eb strukturat e ushtris\u00eb jugosllave me t\u00eb nj\u00ebjt\u00ebn uniform\u00eb\u00a0e u nd\u00ebrmorr\u00ebn veprime t\u00eb tjera n\u00eb k\u00ebt\u00eb drejtim. Pavar\u00ebsia e Shqip\u00ebris\u00eb shp\u00ebtoi vet\u00ebm prej prishjes\u00a0q\u00eb Stalini pati me Titon n\u00eb vitin 1948 dhe q\u00eb si pasoj\u00eb e k\u00ebsaj thyerje Bashkimi Sovjetik e nxorri\u00a0Shqip\u00ebrin\u00eb nga kthetrat e Jugosllavis\u00eb dhe e futi n\u00eb sfer\u00ebn e vet\u00eb t\u00eb influenc\u00ebs.<\/p>\n

Por p\u00ebr t\u00eb kuptuar akoma m\u00eb qart\u00eb munges\u00ebn e dimensionit patriotik t\u00eb enverizmit, mjafton t\u00eb\u00a0shikohet heshtja e\u00a0regjimit komunist ndaj krimeve e padrejt\u00ebsive q\u00eb iu b\u00ebheshin shqiptar\u00ebve t\u00eb ish-\u00a0Jugosllavis\u00eb edhe gjat\u00eb viteve n\u00eb vijim, kur Shqip\u00ebria nuk ishte m\u00eb n\u00ebn ndikimin jugosllav por\u00a0kishte prapa Bashkimin Sovjetik.\u00a0Shqip\u00ebria jo vet\u00ebm q\u00eb nuk i ka denoncuar n\u00eb aren\u00ebn nd\u00ebrkomb\u00ebtare por as nuk i ka p\u00ebrmendur n\u00eb\u00a0shtypin vendas apo n\u00eb tekste m\u00ebsimore t\u00eb koh\u00ebs. Shqip\u00ebria komuniste mb\u00ebshteste pafund protesta,\u00a0denoncime apo rezoluta n\u00eb OKB q\u00eb kishin t\u00eb b\u00ebnin me solidaritet komunist anti-kapitalist si ato\u00a0kund\u00ebr Izraelit pro Palestin\u00ebs, kund\u00ebr SHBA e pro vietkong\u00ebve, p\u00ebr regjimet komuniste n\u00eb Amerik\u00eb\u00a0Latine apo l\u00ebvizjet \u00e7lirimtare dekolonizuese n\u00eb Afrik\u00eb e gjithfar\u00eb nismash nd\u00ebrkomb\u00ebtare t\u00eb k\u00ebtij\u00a0lloji, mir\u00ebpo nuk b\u00ebnte t\u00eb nj\u00ebjt\u00ebn gj\u00eb p\u00ebr Kosov\u00ebn. Pra edhe pse nuk mund t\u00eb ofronte mbrojtje\u00a0ushtarake s\u00eb paku do t\u00eb ishte natyrshme q\u00eb n\u00eb aren\u00ebn nd\u00ebrkomb\u00ebtare Shqip\u00ebria t\u00eb niste rezoluta, t\u00eb\u00a0b\u00ebnte denoncime apo protesta, Madje Shqip\u00ebria jo vet\u00ebm q\u00eb nuk e ka thirrur ambasadorin jugosllav\u00a0p\u00ebr sqarime gjat\u00eb situatave t\u00eb v\u00ebshtira p\u00ebr shqiptar\u00ebt e ish-Jugosllavis\u00eb sikurse duhet ta b\u00ebj\u00eb \u00e7do shtet\u00a0dinjitoz, por e ka mbajtur Jugosllavin\u00eb si partnerin e saj kryesor tregtar.<\/p>\n

Regjimi enverist q\u00ebndroi duarkryq e nuk b\u00ebri asnj\u00eb p\u00ebrpjekje nd\u00ebrkomb\u00ebtare kund\u00ebr pastrimit etnik\u00a0q\u00eb iu b\u00eb\u00a0 trojeve shqiptare duke d\u00ebbuar popullsin\u00eb n\u00eb Turqi. Marr\u00ebveshja turko-jugosllave e vitit\u00a01953 n\u00ebnshkruar n\u00eb Split prej Titos dhe ministrit t\u00eb jasht\u00ebm turk Fuad Kyprili rip\u00ebrt\u00ebriu\u00a0marr\u00ebveshjen e dikurshme t\u00eb vitit 1938 p\u00ebr shp\u00ebrnguljen e shqiptar\u00ebve n\u00eb Turqi. Gjat\u00eb periudh\u00ebs\u00a01953-1965 jan\u00eb d\u00ebbuar rreth 450 mij\u00eb shqiptar\u00eb dhe jan\u00eb sjell\u00eb dhjet\u00ebra mij\u00ebra kolon\u00eb duke p\u00ebrb\u00ebr\u00eb\u00a0nj\u00eb pastrim etnik t\u00eb heshtur masiv.
\nPo ashtu nuk iu d\u00ebgjua aspak z\u00ebri Shqip\u00ebris\u00eb kund\u00ebr masave\u00a0represive e terrorizuese q\u00eb shoq\u00ebruan fushat\u00ebn e k\u00ebrkimit t\u00eb arm\u00ebve n\u00eb dimrin e viteve 1955-56. Po\u00a0ashtu Tirana q\u00ebndroi indiferente edhe ndaj masave nd\u00ebshkuese q\u00eb erdh\u00ebn pas demonstratave t\u00eb vitit\u00a01968. E v\u00ebrteta \u00ebsht\u00eb se Enveri harxhonte dhjet\u00ebra miliona euro p\u00ebr t\u00eb financuar parti lomuniste\u00a0anemban\u00eb bot\u00ebs dhe st\u00ebrviste n\u00eb territorin e saj p\u00ebr luft\u00eb guerile dhjet\u00ebra grupe ushtarake q\u00eb vinin nga Zaire, Ekuadori, Peruja, Cejloni, Kili, Indonezia e Haiti e shum\u00eb vende t\u00eb tjera, mir\u00ebpo nuk ka\u00a0b\u00ebr\u00eb t\u00eb nj\u00ebjt\u00ebn gj\u00eb p\u00ebr Kosov\u00ebn.<\/p>\n

\u00cbsht\u00eb qesharake t\u00eb mendosh q\u00eb diktatori ka pasur nd\u00ebr mend t\u00eb sulmoj\u00eb e \u00e7liroj\u00eb Kosov\u00ebn kur dihet\u00a0q\u00eb investimi m\u00eb i madh ushtarak n\u00eb koh\u00ebn e tij ka qen\u00eb mbushja e vendit me bunker\u00eb t\u00eb cil\u00ebt nuk\u00a0l\u00ebvizin, nuk jan\u00eb ofensiv\u00eb e sh\u00ebrbejn\u00eb vet\u00ebm p\u00ebr mbrojtje. Por p\u00ebr \u201cdashamir\u00ebsin\u00eb\u201d e diktatorit p\u00ebr\u00a0Kosov\u00ebn mund t\u00eb \u201cd\u00ebshmojn\u00eb\u201d m\u00eb s\u00eb miri kosovar\u00ebt q\u00eb u arratis\u00ebn nga Jugosllavia me shpres\u00eb se\u00a0do t\u00eb gjenin streh\u00eb n\u00eb Shqip\u00ebri. Mbi 1200 kosovar\u00eb u dergj\u00ebn n\u00ebp\u00ebr burgjet e regjimit kurse mbi\u00a04500 syresh u katandis\u00ebn n\u00eb internim n\u00eb zon\u00ebt m\u00eb t\u00eb humbura t\u00eb Shqip\u00ebris\u00eb.<\/p>\n

Nj\u00eb tjet\u00ebr d\u00ebm i madh i shkaktuar nga Enveri ka qen\u00eb padyshim vendimi i tij p\u00ebr t\u00eb izoluar t\u00ebr\u00ebsisht\u00a0Shqip\u00ebrin\u00eb nga vendet fqinje e p\u00ebr rrjedhoj\u00eb nga gjysma e kombit e ngelur jasht\u00eb. Braktisja e\u00a0Tiran\u00ebs dhe pamund\u00ebsia e komunikimit me shtetin am\u00eb mund t\u00eb konsiderohet padyshim si nj\u00eb nd\u00ebr\u00a0faktor\u00ebt kryesor\u00eb q\u00eb \u00e7uan n\u00eb asimilimin e shum\u00eb shqiptar\u00ebve n\u00eb trojet tona etnike. Gjat\u00eb dekadave t\u00eb\u00a0izolimit t\u00eb Shqip\u00ebris\u00eb jan\u00eb asimiluar shqiptar\u00ebt n\u00eb Tivar, Plav\u00eb e Guci t\u00eb Malit t\u00eb Zi si dhe jan\u00eb\u00a0boshnjak\u00ebzuar n\u00eb Turin dhe Pazar t\u00eb Ri t\u00eb Sanxhakut n\u00eb Serbi. Po ashtu kan\u00eb humbur identitetin\u00a0komb\u00ebtar\u00a0shqiptar\u00ebt ortodoks\u00eb t\u00eb Maqedons\u00eb e Greqis\u00eb. Po qe se Shqip\u00ebria komuniste do t’i kishte\u00a0mbajtur kufijt\u00eb relativisht hapur si ta z\u00ebm\u00eb Hungaria apo Bullgaria, me komunikimi nd\u00ebr-kufitar, nuk do\u00a0t\u00eb kishim asimilimin masiv q\u00eb ka ndodhur mes shqiptar\u00ebve t\u00eb ngelur jasht\u00eb shtetit dhe shqipja nuk\u00a0do t\u00eb ishte rudhur n\u00eb p\u00ebrmasat e sotshme.<\/p>\n

Me pak fjal\u00eb duhet kuptuar nj\u00ebher\u00eb e mir\u00eb, p\u00ebr arsyet e sip\u00ebrp\u00ebrmendura por edhe p\u00ebr shum\u00eb arsye\u00a0t\u00eb tjera se regjimi komunist i Enver Hoxh\u00ebs ishte nj\u00eb nd\u00ebr fatkeq\u00ebsit\u00eb m\u00eb t\u00eb m\u00ebdha q\u00eb i kan\u00eb\u00a0ndodhur kombit ton\u00eb dhe se Hoxha ishte nj\u00eb narcizist q\u00eb t\u00eb vetmen gj\u00eb t\u00eb shtrenjt\u00eb kishte mbajtjen\u00a0me \u00e7do kusht t\u00eb pushtetit personal. Pra jo vet\u00ebm q\u00eb nuk ka qen\u00eb Hoxha patriot por ka qen\u00eb madje\u00a0shum\u00eb i d\u00ebmsh\u00ebm. P\u00ebr hir t\u00eb pushtetit personal ky diktator sadist eleminoi shok\u00ebt e tij m\u00eb t\u00eb af\u00ebrm\u00a0dhe ishte i gatsh\u00ebm t\u00eb shiste kauz\u00ebn komb\u00ebtare sa her\u00eb q\u00eb ia lypte nevoja.<\/p>\n

Nga ana tjet\u00ebr duhet\u00a0kuptuar q\u00eb Kosova dhe trojet e tjera etnike kan\u00eb pasur nj\u00eb kosto t\u00eb jasht\u00ebzakonshme oportune prej\u00a0regjimit enverist dhe se rezistenca e lufta p\u00ebr liri e pavar\u00ebsi n\u00eb ish-Jugosllavi nuk ka ardhur prej\u00a0Republik\u00ebs Popullore Socialiste t\u00eb Shqip\u00ebris\u00eb por e ka pasur burimin vendor tek patriotizmi e\u00a0krenaria komb\u00ebtare e shqiptar\u00ebve t\u00eb atysh\u00ebm. E ka burimin tek nj\u00eb atdhedashuri autentike q\u00eb ngeli e\u00a0pashuar pavar\u00ebsisht nj\u00eb shekull rob\u00ebrie.<\/p>\n<\/div>\n

\n
\n

\n<\/div>\n<\/div>\n<\/div>","protected":false},"excerpt":{"rendered":"

Edhe pse kan\u00eb kaluar 27 vite nga r\u00ebnia e regjimit komunist shqiptar, vazhdon t\u00eb ket\u00eb shum\u00eb\u00a0shqiptar\u00eb t\u00eb Kosov\u00ebs dhe trojeve t\u00eb tjera shqiptare n\u00eb ish-Jugosllavi q\u00eb ushqejn\u00eb nj\u00eb simpati e\u00a0vler\u00ebsim ndaj Enver Hoxh\u00ebs\u00a0dhe regjimit t\u00eb tij. Ekzistenca e k\u00ebsaj nostalgjie p\u00ebr enverizmin mund\u00a0t\u00eb ishte e kuptueshme deri n\u00eb vitet 90-t\u00eb\u00a0kur shqiptar\u00ebt jasht\u00eb kufirit ishin t\u00eb […]<\/p>","protected":false},"author":373,"featured_media":11051,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[883,11],"ppma_author":[367],"class_list":["post-3488","post","type-post","status-publish","format-standard","has-post-thumbnail","hentry","category-analize","tag-enver-hoxha","tag-kosova"],"authors":[{"term_id":367,"user_id":373,"is_guest":0,"slug":"adri-nurellari","display_name":"Adri Nurellari","avatar_url":{"url":"https:\/\/sbunker.org\/wp-content\/uploads\/2024\/11\/adri.jpg","url2x":"https:\/\/sbunker.org\/wp-content\/uploads\/2024\/11\/adri.jpg"},"user_url":"","last_name":"Nurellari","first_name":"Adri","description":"Adri Nurellari \u00ebsht\u00eb studiues, k\u00ebshilltar dhe kolumnist i angazhuar kryesisht n\u00eb fush\u00ebn e politik\u00ebs dhe medias. Ai ka vijuar studimet universitare n\u00eb Universitetin e Tiran\u00ebs dhe ato pasuniversitare n\u00eb Cambridge, London School of Economics dhe University College London. Adri \u00ebsht\u00eb ish-k\u00ebshilltar i kryeministrit Sali Berisha dhe ish-sekretar i PDIU-s\u00eb n\u00eb Shqip\u00ebri, nd\u00ebrkoh\u00eb q\u00eb ka punuar si pedagog n\u00eb Universitetin e Tiran\u00ebs dhe at\u00eb t\u00eb Evrop\u00ebs Juglindore n\u00eb Tetov\u00eb. Ka qen\u00eb i angazhuar si analist dhe konsulent nd\u00ebrkoh\u00eb q\u00eb prej vitit 2013 punon si k\u00ebshilltar i Hashim Tha\u00e7it."}],"_links":{"self":[{"href":"https:\/\/sbunker.org\/en\/wp-json\/wp\/v2\/posts\/3488","targetHints":{"allow":["GET"]}}],"collection":[{"href":"https:\/\/sbunker.org\/en\/wp-json\/wp\/v2\/posts"}],"about":[{"href":"https:\/\/sbunker.org\/en\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/en\/wp-json\/wp\/v2\/users\/373"}],"replies":[{"embeddable":true,"href":"https:\/\/sbunker.org\/en\/wp-json\/wp\/v2\/comments?post=3488"}],"version-history":[{"count":3,"href":"https:\/\/sbunker.org\/en\/wp-json\/wp\/v2\/posts\/3488\/revisions"}],"predecessor-version":[{"id":11052,"href":"https:\/\/sbunker.org\/en\/wp-json\/wp\/v2\/posts\/3488\/revisions\/11052"}],"wp:featuredmedia":[{"embeddable":true,"href":"https:\/\/sbunker.org\/en\/wp-json\/wp\/v2\/media\/11051"}],"wp:attachment":[{"href":"https:\/\/sbunker.org\/en\/wp-json\/wp\/v2\/media?parent=3488"}],"wp:term":[{"taxonomy":"category","embeddable":true,"href":"https:\/\/sbunker.org\/en\/wp-json\/wp\/v2\/categories?post=3488"},{"taxonomy":"post_tag","embeddable":true,"href":"https:\/\/sbunker.org\/en\/wp-json\/wp\/v2\/tags?post=3488"},{"taxonomy":"author","embeddable":true,"href":"https:\/\/sbunker.org\/en\/wp-json\/wp\/v2\/ppma_author?post=3488"}],"curies":[{"name":"wp","href":"https:\/\/api.w.org\/{rel}","templated":true}]}}