{"id":4413,"date":"2015-09-16T11:17:44","date_gmt":"2015-09-16T09:17:44","guid":{"rendered":"https:\/\/sbunker.org\/?p=4413"},"modified":"2024-11-22T11:19:36","modified_gmt":"2024-11-22T09:19:36","slug":"si-e-njoha-shendetesine-permes-fatkeqesise-familjare","status":"publish","type":"post","link":"https:\/\/sbunker.org\/en\/analize\/si-e-njoha-shendetesine-permes-fatkeqesise-familjare\/","title":{"rendered":"Si e njoha sh\u00ebndet\u00ebsin\u00eb p\u00ebrmes fatkeq\u00ebsis\u00eb familjare?"},"content":{"rendered":"
<\/div>\n
\n
\n

Pasditen e 16 qershorit 2015, mora nj\u00eb telefonat\u00eb nga an\u00ebtar\u00ebt e familjes t\u00eb cil\u00ebt m\u00eb thoshin urgjentisht t\u00eb shkoja n\u00eb Qendr\u00ebn Emergjente t\u00eb Spitalit Regjional n\u00eb Gjilan. Aty ishte shtuar babai im, pas nj\u00eb sulmi n\u00eb tru. P\u00ebr her\u00eb t\u00eb par\u00eb po p\u00ebrballeshim me nj\u00eb rast aq t\u00eb r\u00ebnd\u00eb sh\u00ebndet\u00ebsor. Po ashtu, p\u00ebr her\u00eb t\u00eb par\u00eb, familja ime po p\u00ebrballej me sistemin sh\u00ebndet\u00ebsor n\u00eb k\u00ebt\u00eb shkall\u00eb emergjente.<\/p>\n

Problemet filluan q\u00eb n\u00eb \u00e7astet e para t\u00eb pranimit n\u00eb Emergjenc\u00eb. List\u00ebs s\u00eb barnave q\u00eb duhej bler\u00eb, farmacisti i ishte p\u00ebrgjigjur me nj\u00eb list\u00eb krejt tjet\u00ebr t\u00eb barnave. Pasi mjeku kujdestar pa barnat dhe k\u00ebrkoi q\u00eb t’i kthehen, \u201c\u00e7udit\u00ebrisht\u201d farmacisti posedonte edhe barnat e p\u00ebrshkruara nga mjeku, por t\u00eb cilat nuk e kishte par\u00eb t\u00eb arsyeshme t’i shiste her\u00ebn e par\u00eb. P\u00ebr t\u00eb, m\u00eb me r\u00ebnd\u00ebsi ishte profiti q\u00eb do e merrte nga kompania s\u00eb cil\u00ebs i promovonte barnat.<\/p>\n

N\u00eb munges\u00eb t\u00eb nj\u00eb autoambulance, transferimi i prindit nga Emergjenca n\u00eb repartin e Neurologjis\u00eb u shty p\u00ebr or\u00eb t\u00eb t\u00ebra. Insistimit tim se kur do t\u00eb mb\u00ebrrij\u00eb autoambulanca, nj\u00ebri nga stafi mjek\u00ebsor u p\u00ebrgjigj se \u201cautoambulanca vjen q\u2019at\u00ebher\u00eb kur t\u00eb vin\u00eb.\u201d M\u00eb von\u00eb kuptova se Spitali i Gjilanit kishte tri autoambulanca, dy prej t\u00eb cilave ishin n\u00eb sh\u00ebrbim, e nj\u00ebra kishte probleme teknike.<\/p>\n

Zhg\u00ebnjimi yn\u00eb p\u00ebr vones\u00ebn e autoambulanc\u00ebs, u z\u00ebvend\u00ebsua me d\u00ebshp\u00ebrimin kur pam\u00eb ambientet dhe shtret\u00ebrit n\u00eb repartin e Neurologjis\u00eb. Dhomat me nga tre shtret\u00ebr ishin t\u00eb mbushur me pacient\u00eb. Tre apo kat\u00ebr an\u00ebtar t\u00eb familjes s\u00eb pacientit q\u00ebndronin pran\u00eb \u00e7do shtrati. Dritarja tek koka e pacientit nuk mbyllej si pasoj\u00eb e brav\u00ebs s\u00eb prishur, e kund\u00ebrmimi i tualeteve ndihej kudo. Pacient\u00ebt q\u00eb kan\u00eb p\u00ebsuar sulm n\u00eb tru kan\u00eb nevoj\u00eb p\u00ebr qet\u00ebsi. E aty vet\u00ebm qet\u00ebsi nuk kishte.<\/p>\n

Nata ishte pjesa m\u00eb e v\u00ebshtir\u00eb e q\u00ebndrimit n\u00eb spital, si p\u00ebr pacientin ashtu edhe p\u00ebr an\u00ebtar\u00ebt e familjes. Nat\u00ebn nuk kishte mjek kujdestar. Stafi tjet\u00ebr mjek\u00ebsor, t\u00eb cil\u00ebve u kishte r\u00ebn\u00eb hise q\u00eb t\u00eb kujdestaronin nat\u00ebn, mbylleshin n\u00eb nj\u00ebr\u00ebn nga dhomat e repartit, p\u00ebr t\u00eb fjetur deri n\u00eb m\u00ebngjes. Aty kah mesi i nat\u00ebs, edhe roja fillonte t\u00eb kotej. \u00a0T\u00eb vetmit q\u00eb nuk flinin ishin \u00a0familjar\u00ebt e pacient\u00ebve, t\u00eb cil\u00ebt me nd\u00ebrrime kujdestaronin pran\u00eb pacient\u00ebve dhe kujdeseshin p\u00ebr nevojat e tyre.<\/p>\n

M\u00ebngjesi fillonte duke u nd\u00ebrruar stafi i repartit. Roja z\u00ebvend\u00ebsonte roj\u00ebn. Infermier\u00ebt z\u00ebvend\u00ebsonin infermier\u00ebt. An\u00ebtar\u00ebt e familjes nd\u00ebrroheshin \u00a0me an\u00ebtar t\u00eb tjer\u00eb. Vet\u00ebm mjeku ishte ai q\u00eb nuk z\u00ebvend\u00ebsonte ask\u00ebnd, ngase nuk kishte asnj\u00eb mjek q\u00eb kishte marr mundin t\u00eb q\u00ebndronte nat\u00ebn n\u00eb repart.<\/p>\n

P\u00ebr stafin mjek\u00ebsor, dita e re fillonte n\u00eb kuzhin\u00eb. Era e specave t\u00eb pjekur shp\u00ebrndahej n\u00eb korridoret e dhomat e repartit. Tek pas m\u00ebngjesit, mjeku b\u00ebnte kontrollin e pacient\u00ebve. Vet\u00ebm pas 16 or\u00ebsh nga shtrimi n\u00eb spital, babait tim iu b\u00eb p\u00ebr her\u00eb t\u00eb par\u00eb incizimi i kok\u00ebs p\u00ebr t\u00eb vler\u00ebsuar pasojat, q\u00eb kishte sjell\u00eb sulmi i nj\u00eb dite m\u00eb par\u00eb.<\/p>\n

Bartja e pacient\u00ebve nga dhomat e spitalit deri tek Radiologjia ishte sfid\u00eb n\u00eb vete. P\u00ebrkund\u00ebr asaj se objekti i Neurologjis\u00eb ishte nj\u00eb objekt i ri, projektuesit e objektit nuk kishin arritur ta dizajnonin repartin n\u00eb at\u00eb m\u00ebnyr\u00eb q\u00eb pacient\u00ebt – t\u00eb cil\u00ebt duhej t\u00eb kryenin CT-n\u00eb – t\u00eb mos kishin nevoj\u00eb t\u00eb l\u00ebshonin hap\u00ebsirat e spitalit. N\u00eb vend t\u00eb k\u00ebsaj, pacient\u00ebt duhej t\u00eb dilnin jasht\u00eb objektit dhe t\u00eb silleshin n\u00ebp\u00ebr oborr t\u00eb spitalit p\u00ebr t\u00eb arritur tek Radiologjia, e cila n\u00eb fakt ishte vet\u00ebm nj\u00eb kat m\u00eb posht\u00eb t\u00eb s\u00eb nj\u00ebjt\u00ebs nd\u00ebrtes\u00eb.<\/p>\n

P\u00ebr gjendjen e pacient\u00ebve mjek\u00ebt nuk merrnin mundin t\u00eb informonin familjar\u00ebt. N\u00eb munges\u00eb t\u00eb komunikimit, familjar\u00ebt e pacient\u00ebve krijonin tollovi dhe k\u00ebrkonin informata p\u00ebr sh\u00ebndetin e an\u00ebtar\u00ebve t\u00eb tyre t\u00eb familjes. Mungesa e informimit n\u00eb fakt ishte gj\u00ebja m\u00eb frustuese.<\/p>\n

Pas shum\u00eb koh\u00ebsh, arrita ta takoja mjekun q\u00eb po trajtonte baban\u00eb tim. Atij ia shpreha zhg\u00ebnjimin me menaxhimin e spitalit, sjelljen e stafit mjek\u00ebsor dhe kaosin n\u00eb at\u00eb repart. Un\u00eb jam p\u00ebrgjegj\u00ebs vet\u00ebm p\u00ebr trajtimin profesional t\u00eb pacient\u00ebve dhe dh\u00ebnien e diagnoz\u00ebs, ishte p\u00ebrgjigja e tij. Menaxhimi i qendr\u00ebs dhe sjellja e motrave nuk ishte n\u00eb interes t\u00eb tij. Madje, ai m\u2019u kthye me akuza edhe mua. \u201cNuk po b\u00ebni mjaft presion atje ‘nalt’ p\u00ebr t\u00eb mos lejuar q\u00eb gj\u00ebra t\u00eb tilla t\u00eb ndodhin, atje ku politika pun\u00ebson njer\u00ebz q\u00eb nuk i japin p\u00ebrgjegj\u00ebsi askujt.\u201d Nga zyra e mjekut dola me faj m\u00eb shum\u00eb un\u00eb se ai.<\/p>\n

P\u00ebr shkak t\u00eb gjendjes s\u00eb r\u00ebnd\u00eb t\u00eb babait, bartja e tij n\u00eb nj\u00eb qend\u00ebr tjet\u00ebr sh\u00ebndet\u00ebsore ishte e v\u00ebshtir\u00eb. Duhej t\u00eb bartej me autoambulanc\u00eb dhe n\u00ebn mbik\u00ebqyrje t\u00eb personelit sh\u00ebndet\u00ebsor. Por edhe nuk ekzistonin alternativa m\u00eb t\u00eb mira brenda Kosov\u00ebs ku mund t\u00eb merrte trajtim m\u00eb dinjitoz e m\u00eb profesional. QKUK \u00ebsht\u00eb n\u00eb t\u00eb nj\u00ebjt\u00ebn gjendje, kurse p\u00ebr nj\u00eb spital tjet\u00ebr privat q\u00eb ofronte sh\u00ebrbimet e neurologjis\u00eb, askush nuk na garantonte se do ofronin trajtim m\u00eb profesional.<\/p>\n

Pas insistimeve, Qendra Spitalore pranoi q\u00eb t\u00eb bartte prindin tim deri n\u00eb Shkup me autoambulanc\u00eb, por s\u00eb pari duhej t\u00eb prisja deri sa t\u00eb servisohej teknikisht autoambulanca e vetme, e cila posedonte sigurim p\u00ebr t\u00eb l\u00ebvizur n\u00eb Maqedoni. Spitali nuk mund t\u00eb siguronte dik\u00eb nga personeli mjek\u00ebsor q\u00eb ta shoq\u00ebronte pacientin. Bartjen pa mbik\u00ebqyrje duhej ta merrnim p\u00ebrsip\u00ebr vet\u00eb. \u00c7far\u00eb edhe b\u00ebm\u00eb.<\/p>\n

N\u00eb Shkup, babai im q\u00ebndroi vet\u00ebm nj\u00eb jav\u00eb dhe pastaj u lirua p\u00ebr t\u2019u trajtuar n\u00eb sht\u00ebpi. Terapia profesionale q\u00eb mori n\u00eb Shkup nuk dallonte nga ajo q\u00eb na dha mjeku n\u00eb Gjilan. Por trajtimi ishte dinjitoz.<\/p>\n

Ajo nga \u00e7far\u00eb l\u00ebngon sistemi sh\u00ebndet\u00ebsor n\u00eb Kosov\u00eb nuk \u00ebsht\u00eb profesionalizmi i mjek\u00ebve, e as mungesa e buxhetit. Madje, buxheti p\u00ebr sh\u00ebndet\u00ebsin\u00eb \u00ebsht\u00eb rritur me 124 % n\u00eb shtat\u00eb vitet e fundit. Pagat e mjek\u00ebve jan\u00eb rritur mbi 100% dhe kujdestaria e nat\u00ebs paguhet m\u00eb mir\u00eb e m\u00eb me rregull. Problemi q\u00ebndron te keqmenaxhimi, korrupsioni, mungesa e etik\u00ebs profesionale e nepotizmi.<\/p>\n

Qendrat spitalore e repartet n\u00eb Kosov\u00eb duken si institucione pa zot sht\u00ebpie. N\u00eb to mbizot\u00ebron kaosi. Tender\u00ebt dhe korrupsioni b\u00ebjn\u00eb q\u00eb objektet spitalore t\u00eb mos plot\u00ebsojn\u00eb kushtet minimale p\u00ebr pun\u00eb. Nepotizmi e ndikimi partiak b\u00ebn q\u00eb si personel sh\u00ebndet\u00ebsor t\u00eb pun\u00ebsohen persona t\u00eb paaft\u00eb, t\u00eb cil\u00ebt nuk i japin llogari askujt. E ndikimi i bizneseve farmaceutike b\u00ebn q\u00eb farmacit\u00eb t\u00eb shesin barnat e tyre, madje edhe kur nuk p\u00ebrshkruhen nga mjeku.<\/p>\n

P\u00ebr reformim thelb\u00ebsor t\u00eb sistemit sh\u00ebndet\u00ebsor nuk mjafton vet\u00ebm rritja e buxhetit. Sistemi sh\u00ebndet\u00ebsor ka nevoj\u00eb p\u00ebr menaxhim m\u00eb t\u00eb mir\u00eb. Qendrat spitalore jan\u00eb shum\u00eb t\u00eb r\u00ebnd\u00ebsishme p\u00ebr t’u l\u00ebn\u00eb n\u00eb dor\u00eb t\u00eb \u201cDaj\u00ebs Curr\u201d e njer\u00ebzve q\u00eb duhet t’i rehatoj\u00eb politika. Sh\u00ebndet\u00ebsis\u00eb n\u00eb Kosov\u00ebs nuk i duhen investime kapitale p\u00ebr t’i bler\u00eb xhip drejtorit \u00a0n\u00eb vler\u00eb prej 70 mij\u00eb eurove.<\/p>\n

P\u00ebr t\u00eb qen\u00eb konkurrues me spitalet n\u00eb rajon dhe spitalet private n\u00eb Kosov\u00eb, sistemi publik sh\u00ebndet\u00ebsor duhet t\u00eb aplikoj\u00eb edhe pagesa shtes\u00eb p\u00ebr sh\u00ebrbimet q\u00eb ofrojn\u00eb spitalet publike. Po ashtu, p\u00ebr t\u00eb motivuar mjek\u00ebt dhe personelin sh\u00ebndet\u00ebsor n\u00eb p\u00ebrgjith\u00ebsi, nevojitet q\u00eb t\u00eb aplikohen pagesat n\u00eb baz\u00eb t\u00eb pun\u00ebs dhe t\u00eb meritave. Tani, me nj\u00eb pages\u00eb t\u00eb nj\u00ebjt\u00eb p\u00ebr pun\u00eb jo t\u00eb nj\u00ebjt\u00eb, sistemi sh\u00ebndet\u00ebsor dekurajon profesionist\u00ebt dhe ata t\u00eb cil\u00ebt jan\u00eb m\u00eb t\u00eb angazhuar.<\/p>\n

E ata q\u00eb duhet t\u00eb kujdesen p\u00ebr nj\u00eb sistem m\u00eb t\u00eb mir\u00eb sh\u00ebndet\u00ebsor nuk jan\u00eb pacient\u00eb t\u00eb k\u00ebtij sistemi. Politikan\u00ebt dhe familjar\u00ebt e tyre trajtohen jasht\u00eb vendit, madje me para t\u00eb shtetit. K\u00ebshtu b\u00ebri ish kryetari i Komun\u00ebs s\u00eb Ferizajt. Pas aksidentit q\u00eb ai shkaktoi, viktima e tij u la t\u00eb trajtohej n\u00eb spitalet vendore, kurse Bajrush Xhemajli u bart p\u00ebr sh\u00ebrim jasht\u00eb vendit dhe p\u00ebr k\u00ebt\u00eb Qeveria ndau buxhet.<\/p>\n

Menj\u00ebher\u00eb pas r\u00ebnies s\u00eb komunizmit, regjisori m\u00eb i famsh\u00ebm polak Krzysztof Kieslowski, p\u00ebrkund\u00ebr mund\u00ebsive financiare q\u00eb t\u00eb kurohej jasht\u00eb vendit, preferoi q\u00eb t\u00eb operohej n\u00eb spitalet polake, duke arsyetuar se nuk do ishte e drejt\u00eb q\u00eb ai t\u00eb ket\u00eb trajtim, p\u00ebr t\u00eb cilin nuk mund ta marrin pjesa m\u00eb e madhe e polak\u00ebve. Operimi n\u00eb spitalet polake i kushtoi me jet\u00eb. Por, shembulli i tij b\u00ebri q\u00eb sh\u00ebndet\u00ebsis\u00eb n\u00eb Poloni t’i kushtohej m\u00eb shum\u00eb kujdes.<\/p>\n

N\u00eb Kosov\u00eb, jo vet\u00ebm qeveritar\u00ebt, por as vet\u00eb menaxher\u00ebt e sh\u00ebndet\u00ebsis\u00eb nuk i besojn\u00eb sh\u00ebndet\u00ebsis\u00eb q\u00eb ata e menaxhojn\u00eb. Ish drejtori i Qendr\u00ebs Klinike Universitare n\u00eb Kosov\u00eb kishte zgjedhur nj\u00eb spital privat q\u00eb t\u00eb kryente operimin n\u00eb zem\u00ebr. Para disa jav\u00ebsh, vet\u00eb Ministri i Sh\u00ebndet\u00ebsis\u00eb intervenoi q\u00eb nj\u00eb basketbollist i Kosov\u00ebs t\u00eb trajtohej n\u00eb Shkup e jo n\u00eb Prishtin\u00eb.<\/p>\n

P\u00ebrkund\u00ebr avancimeve t\u00eb fush\u00ebn e sh\u00ebndet\u00ebsis\u00eb, s\u00ebmundja e vdekja nuk mund t\u00eb shmangen. Por mjek\u00ebt dhe sistemi sh\u00ebndet\u00ebsor n\u00eb p\u00ebrgjith\u00ebsi duhet t\u00eb sigurojn\u00eb q\u00eb \u00e7do pacient t\u00eb trajtohet me dinjitet. Trajtimi dhe vdekja dinjitoze duhet t\u00eb jen\u00eb fokus i pun\u00ebs s\u00eb mjek\u00ebve dhe qendrave spitalore,\u201d shkruan Atul Gawande n\u00eb librin e tij Being Mortal. \u00a0<\/a><\/p>\n

 <\/p>\n<\/div>\n

\n
\n

\n<\/div>\n<\/div>\n<\/div>","protected":false},"excerpt":{"rendered":"

Pasditen e 16 qershorit 2015, mora nj\u00eb telefonat\u00eb nga an\u00ebtar\u00ebt e familjes t\u00eb cil\u00ebt m\u00eb thoshin urgjentisht t\u00eb shkoja n\u00eb Qendr\u00ebn Emergjente t\u00eb Spitalit Regjional n\u00eb Gjilan. Aty ishte shtuar babai im, pas nj\u00eb sulmi n\u00eb tru. P\u00ebr her\u00eb t\u00eb par\u00eb po p\u00ebrballeshim me nj\u00eb rast aq t\u00eb r\u00ebnd\u00eb sh\u00ebndet\u00ebsor. Po ashtu, p\u00ebr her\u00eb t\u00eb […]<\/p>","protected":false},"author":384,"featured_media":10631,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[972,1951],"ppma_author":[378],"class_list":["post-4413","post","type-post","status-publish","format-standard","has-post-thumbnail","hentry","category-analize","tag-kosove","tag-shendetesia"],"authors":[{"term_id":378,"user_id":384,"is_guest":0,"slug":"agron-demi","display_name":"Agron Demi","avatar_url":{"url":"https:\/\/sbunker.org\/wp-content\/uploads\/2023\/11\/1665768189196.jpg","url2x":"https:\/\/sbunker.org\/wp-content\/uploads\/2023\/11\/1665768189196.jpg"},"user_url":"","last_name":"Demi","first_name":"Agron","description":"Agron Demi \u00ebsht\u00eb hulumtues i politikave publike, drejtor ekzekutiv i Institutit GAP dhe nj\u00ebri nd\u00ebr analist\u00ebt politik m\u00eb t\u00eb shquar n\u00eb vend. M\u00eb par\u00eb ka punuar me NDI, n\u00eb projekte ndihm\u00ebse p\u00ebr komisionet parlamentare t\u00eb Kuvendit t\u00eb Kosov\u00ebs. Agroni ka mbaruar studimet p\u00ebr Administrat\u00eb Publike dhe p\u00ebr Pun\u00eb Sociale n\u00eb Universitetin e Prishtin\u00ebs. Ka qen\u00eb kolumnist i rregullt n\u00eb disa gazeta vendore. Si aktivist i shoq\u00ebris\u00eb civile, ai \u00ebsht\u00eb an\u00ebtar bordi i organizat\u00ebs jo-qeveritare Sbunker."}],"_links":{"self":[{"href":"https:\/\/sbunker.org\/en\/wp-json\/wp\/v2\/posts\/4413","targetHints":{"allow":["GET"]}}],"collection":[{"href":"https:\/\/sbunker.org\/en\/wp-json\/wp\/v2\/posts"}],"about":[{"href":"https:\/\/sbunker.org\/en\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/en\/wp-json\/wp\/v2\/users\/384"}],"replies":[{"embeddable":true,"href":"https:\/\/sbunker.org\/en\/wp-json\/wp\/v2\/comments?post=4413"}],"version-history":[{"count":3,"href":"https:\/\/sbunker.org\/en\/wp-json\/wp\/v2\/posts\/4413\/revisions"}],"predecessor-version":[{"id":10632,"href":"https:\/\/sbunker.org\/en\/wp-json\/wp\/v2\/posts\/4413\/revisions\/10632"}],"wp:featuredmedia":[{"embeddable":true,"href":"https:\/\/sbunker.org\/en\/wp-json\/wp\/v2\/media\/10631"}],"wp:attachment":[{"href":"https:\/\/sbunker.org\/en\/wp-json\/wp\/v2\/media?parent=4413"}],"wp:term":[{"taxonomy":"category","embeddable":true,"href":"https:\/\/sbunker.org\/en\/wp-json\/wp\/v2\/categories?post=4413"},{"taxonomy":"post_tag","embeddable":true,"href":"https:\/\/sbunker.org\/en\/wp-json\/wp\/v2\/tags?post=4413"},{"taxonomy":"author","embeddable":true,"href":"https:\/\/sbunker.org\/en\/wp-json\/wp\/v2\/ppma_author?post=4413"}],"curies":[{"name":"wp","href":"https:\/\/api.w.org\/{rel}","templated":true}]}}