{"id":4640,"date":"2015-11-02T14:09:12","date_gmt":"2015-11-02T12:09:12","guid":{"rendered":"https:\/\/sbunker.org\/?p=4640"},"modified":"2024-12-23T16:45:57","modified_gmt":"2024-12-23T14:45:57","slug":"0-tvsh","status":"publish","type":"post","link":"https:\/\/sbunker.org\/en\/analize\/0-tvsh\/","title":{"rendered":"0% TVSH"},"content":{"rendered":"

Pa t\u00eb njoft\u00eb, e pa marr\u00eb p\u00eblqimin t\u00ebnd kalimtar\u00ebt e rastit tentojn\u00eb ta p\u00ebrqafojn\u00eb, puthin apo kapin faqen e f\u00ebmijut t\u00ebnd. Kam fituar bindjen q\u00eb kjo ndodh\u00eb vet\u00ebm n\u00eb Kosov\u00eb. N\u00eb Kosov\u00eb nuk \u00ebsht\u00eb se i duam f\u00ebmij\u00ebt, por jemi t\u00eb magjepsur pas tyre! T\u00eb magjepsur pas f\u00ebmij\u00ebve tan\u00eb, t\u00eb motrave e t\u00eb v\u00ebllez\u00ebrve, por edhe t\u00eb t\u00eb huajve n\u00eb rrug\u00eb, n\u00eb autobus e n\u00eb shitore. P\u00ebrkund\u00ebr kushteve t\u00eb r\u00ebnda ekonomike (n\u00eb Kosov\u00eb 29.538 familje marrin ndihma sociale, pra jan\u00eb familje q\u00eb jetojn\u00eb n\u00eb varf\u00ebri, 35.3 % t\u00eb kosovar\u00ebve jan\u00eb t\u00eb papun\u00eb, nd\u00ebrsa ata q\u00eb punojn\u00eb kan\u00eb pag\u00eb mesatare 429 Euro (netto) n\u00eb sektorin publik dhe 349 Euro (netto) n\u00eb sektorin privat), ne vazhdojm\u00eb ta shtojm\u00eb numrin e an\u00ebtar\u00ebve n\u00eb familjet tona, pra nataliteti mbetet m\u00eb i larti n\u00eb rajon dhe Evrop\u00eb. Nj\u00eb familje kosovare, sipas Agjencionit t\u00eb Statistikave t\u00eb Kosov\u00ebs ka mesatarisht 5.85 an\u00ebtar\u00eb. 28% t\u00eb popullsis\u00eb jan\u00eb n\u00ebn mosh\u00ebn 14 vje\u00e7are. Pra, kemi shum\u00eb familje me f\u00ebmij\u00eb t\u00eb vegj\u00ebl.<\/span><\/p>\n

\n
\n

Dhe kur ke f\u00ebmij\u00eb t\u00eb vegj\u00ebl pagjum\u00ebsia kronike nuk \u00ebsht\u00eb halli i vet\u00ebm. Me shtimin e an\u00ebtar\u00ebve t\u00eb familjes, ndryshojn\u00eb dhe rriten nevojat n\u00eb konsum. Nj\u00eb shtrat p\u00ebr bebe kushton 100-300 euro, \u00e7mimi i ul\u00ebseve p\u00ebr vetur\u00eb p\u00ebr f\u00ebmij\u00eb 60-200 euro, \u00e7mimet p\u00ebr karroc\u00eb f\u00ebmij\u00ebsh jan\u00eb sikur p\u00ebr blerjen e nj\u00eb gjysm\u00eb-veture t\u00eb p\u00ebrdorur dhe sillen prej 100-600 euro. F\u00ebmij\u00ebt kur jan\u00eb t\u00eb vegj\u00ebl kan\u00eb nevoj\u00eb p\u00ebr shum\u00eb pelena, nj\u00eb paketim kushton 8-22 euro, pastaj duhet bler\u00eb rroba e k\u00ebpuc\u00eb, \u00e7anta e fletore. Lista \u00ebsht\u00eb pafund\u00ebsisht e gjat\u00eb. Artikujt q\u00eb nevojiten p\u00ebr rritjen e sh\u00ebndosh\u00eb t\u00eb f\u00ebmij\u00ebve paraqesin nj\u00eb barr\u00eb financiare, e cila bie mbi supet e vet prind\u00ebrve. Shumica e prind\u00ebrve nuk jan\u00eb n\u00eb gjendje t\u2019u plot\u00ebsojn\u00eb f\u00ebmij\u00ebve nevojat bazike p\u00ebr jetes\u00eb m\u00eb cil\u00ebsore. Kjo padyshim q\u00eb reflekton n\u00eb cil\u00ebsin\u00eb e zhvillimit t\u00eb f\u00ebmij\u00ebve. Duke marr\u00eb parasysh q\u00eb kemi natalitet t\u00eb lart\u00eb, p\u00ebr t\u00eb cilin edhe me raportin e parashikimit t\u00eb popullsis\u00eb s\u00eb Kosov\u00ebs 2011-2061 t\u00eb ASK-s\u00eb nuk shihet t\u00eb ket\u00eb ndonj\u00eb r\u00ebnie drastike, politikat e mbrojtjes s\u00eb f\u00ebmij\u00ebve dhe familjeve me f\u00ebmij\u00eb t\u00eb vegj\u00ebl duhet t\u00eb ndryshoj\u00eb.<\/span><\/p>\n

Kosov\u00ebs i nevojiten politika t\u00eb reja t\u00eb qasjes ndaj familjeve me f\u00ebmij\u00eb t\u00eb vegj\u00ebl, q\u00eb do t\u00eb rezultonte me p\u00ebrmir\u00ebsimin e mir\u00ebqenies s\u00eb f\u00ebmij\u00ebve. M\u00ebnyra m\u00eb e leht\u00eb e p\u00ebrkrahjes do t\u00eb ishte zvog\u00eblimi apo heqja e TVSH-s\u00eb p\u00ebr artikujt e foshnjeve dhe f\u00ebmij\u00ebve. Me k\u00ebt\u00eb prind\u00ebrve do t\u2019u mund\u00ebsohej nj\u00eb qasje m\u00eb e leht\u00eb n\u00eb artikuj, q\u00eb n\u00eb nj\u00ebr\u00ebn an\u00eb do t\u00eb ndikonin n\u00eb p\u00ebrmir\u00ebsimin e cil\u00ebsis\u00eb s\u00eb rritjes, higjien\u00ebs, ushqyeshm\u00ebris\u00eb s\u00eb f\u00ebmij\u00ebve dhe n\u00eb an\u00ebn tjet\u00ebr do t\u00eb jepej nj\u00eb kontribut n\u00eb luftimin e varf\u00ebris\u00eb s\u00eb f\u00ebmij\u00ebve dhe deprivimit nga t\u00eb drejtat e tyre bazike p\u00ebr zhvillim dhe jet\u00eb t\u00eb dinjitetshme.<\/span><\/p>\n

Mb\u00ebshtetja e familjeve p\u00ebrmes shkall\u00ebs s\u00eb reduktuar apo shkall\u00ebs zero t\u00eb TVSH-s\u00eb n\u00eb vendet an\u00ebtare t\u00eb BE-s\u00eb\u00a0<\/strong><\/span><\/p>\n

Konceptin e p\u00ebrkrahjes s\u00eb familjeve me f\u00ebmij\u00eb t\u00eb vegj\u00ebl p\u00ebrmes shkall\u00ebs s\u00eb reduktuar apo shkall\u00ebs zero t\u00eb TVSH-s\u00eb p\u00ebr artikuj dhe sh\u00ebrbime p\u00ebr f\u00ebmij\u00eb e kan\u00eb negociuar disa shtete an\u00ebtare t\u00eb BE-s\u00eb. Edhe me aprovimin e direktiv\u00ebs 2009\/47\/EG nga K\u00ebshilli Evropian vazhdon t\u2019u lejohet shteteve an\u00ebtar\u00eb q\u00eb t\u00eb aplikojn\u00eb deri n\u00eb dy shkall\u00eb t\u00eb reduktuara t\u00eb TVSH-s\u00eb jo m\u00eb t\u00eb ul\u00ebta se 5%. Me k\u00ebt\u00eb direktiv\u00eb p\u00ebr shtete t\u00eb caktuara an\u00ebtare vazhdojn\u00eb t\u00eb vlejn\u00eb edhe m\u00eb tutje p\u00ebrjashtimet p\u00ebr shkall\u00ebn e reduktuar t\u00eb TVSH-s\u00eb p\u00ebr veshmbathje p\u00ebr f\u00ebmij\u00eb.<\/span><\/p>\n

\u00c7ekia, ku shkalla standarde e TVSH-s\u00eb \u00ebsht\u00eb 21% aplikon shkall\u00ebn e reduktuar prej 10% n\u00eb t\u00eb gjitha atikujt bazik\u00eb ushqimor\u00eb p\u00ebr f\u00ebmij\u00eb. Kroacia, q\u00eb ka shkall\u00eb t\u00eb TVSH-s\u00eb prej 25%, ngarkon me shkall\u00ebn e reduktuar prej 5% t\u00eb gjitha llojet e qum\u00ebshtrave dhe t\u00eb brum\u00ebrave duke p\u00ebrfshir\u00eb edhe qum\u00ebshtin formul\u00eb, q\u00eb p\u00ebrdoret si z\u00ebvend\u00ebsim p\u00ebr qum\u00ebshtin e gjirit. Luksemburgu, p\u00ebrkund\u00ebr rritjes s\u00eb TVSH-s\u00eb nga 15% n\u00eb 17% me 1 janar 2015, vazhdon t\u00eb aplikoj\u00eb shkall\u00ebn e TVSH-s\u00eb super t\u00eb reduktuar p\u00ebr veshmbathje p\u00ebr f\u00ebmij\u00eb prej 3%. Nd\u00ebrsa Mbret\u00ebria e Bashkuar, ku TVSH-ja standarde \u00ebsht\u00eb 20% dhe Irlanda me TVSH prej 23% zbatojn\u00eb shkall\u00ebn zero p\u00ebr veshmbathje p\u00ebr f\u00ebmij\u00eb. Me shkall\u00eb t\u00eb\u00a0 reduktuar t\u00eb TVSH-s\u00eb ngarkohen ul\u00ebset e veturave p\u00ebr f\u00ebmij\u00eb n\u00eb Qipro, Poloni dhe Mbret\u00ebri t\u00eb Bashkuar me 5%, nd\u00ebrsa n\u00eb Portugali me 6%.<\/span><\/p>\n

Fushata p\u00ebr heqjen e TVSH-s\u00eb nga ul\u00ebset e f\u00ebmij\u00ebve n\u00eb Mbret\u00ebrin\u00eb e Bashkuar\u00a0<\/strong><\/span><\/p>\n

Edhepse n\u00eb Mbret\u00ebrin\u00eb e Bashkuar tanim\u00eb aplikohen shkall\u00eb t\u00eb reduktuara t\u00eb TVSH-s\u00eb, u organizua nj\u00eb peticion i drejtuar BE-s\u00eb p\u00ebr heqjen e TVSH-s\u00eb nga ul\u00ebset e f\u00ebmij\u00ebve p\u00ebr vetur\u00eb. Kjo iniciativ\u00eb, q\u00eb filloi n\u00eb vitin 2014 ishte udh\u00ebhequr nga nd\u00ebrmarrja Halfords dhe modelja britaneze Jodie Kidd. Iniciator\u00ebt e fushat\u00ebs argumentonin q\u00eb edhe n\u00eb ul\u00ebse t\u00eb f\u00ebmij\u00ebve duhet t\u00eb aplikohet shkalla prej 0%, sikurse p\u00ebr veshmbathje, sepse secili f\u00ebmij\u00eb duhet ta ket\u00eb t\u00eb drejt\u00ebn t\u00eb udh\u00ebtoj\u00eb sigurt\u00eb. Pajisjet q\u00eb sh\u00ebrbejn\u00eb p\u00ebr sigurin\u00eb e f\u00ebmijut gjat\u00eb udh\u00ebtimit me vetur\u00eb nuk duhet t\u00eb ngarkoheshin fare me TVSH, por do t\u00eb duhet t\u00eb kishin \u00e7mime t\u00eb arritshme p\u00ebr secilin prind.\u00a0Me gjith\u00eb presionin medial dhe lobimim q\u00eb e shoq\u00ebroi peticionin, fushata p\u00ebr heqjen e TVSH-s\u00eb nga ul\u00ebset e vetur\u00ebs, nuk pati sukses. Arsyeja p\u00ebr k\u00ebt\u00eb jan\u00eb proceset tejet komplekse brenda BE-s\u00eb. Shtetet, si Mbret\u00ebria e Bashkuar, kishin negociuar p\u00ebr ta mbajtur shkall\u00ebn zero n\u00eb veshmbathje p\u00ebr f\u00ebmij\u00eb, kur u an\u00ebtar\u00ebsuan. Ministri i Thesarit David Gauke kishte deklaruar q\u00eb rregulloret e BE-s\u00eb nuk e mund\u00ebsojn\u00eb zgjerimin e aplikimit t\u00eb shkall\u00ebs n\u00eb artikuj tjer\u00eb. P\u00ebr t\u00eb sjellur ndryshime do t\u00eb duhej mb\u00ebshtetje dhe aprovim unanim nga t\u00eb gjitha shtetet an\u00ebtare t\u00eb BE-s\u00eb.<\/span>
\n
\nFushata\u00a0 \u201c7% f\u00fcr Kinder\u201d p\u00ebr zbatimin e shkall\u00ebs s\u00eb reduktuar t\u00eb TVSH n\u00eb Gjermani\u00a0<\/strong><\/span><\/p>\n

Mir\u00ebpo, edhe shkalla e reduktuar e TVSH-s\u00eb, e cila lejohet me direktivat e BE-s\u00eb nuk shfryt\u00ebzohet nga disa shtete an\u00ebtare. Nj\u00eb pak\u00ebnaq\u00ebsi, lidhur me k\u00ebt\u00eb moszbatim, mbret\u00ebron n\u00eb Gjermani. Shkalla standarde e TVSH-s\u00eb n\u00eb Gjermani \u00ebsht\u00eb 19%, mir\u00ebpo Gjermania e ka edhe nj\u00eb shkall\u00eb t\u00eb reduktuar prej 7%, e cila aplikohet nd\u00ebr tjerash p\u00ebr gazeta, lule dhe kuaj t\u00eb garave.<\/span><\/p>\n

Me 17 maj 2011 koalicioni i organizatave familjare, OJQ-ve dhe shoqatave si dhe disa nd\u00ebrmarr\u00ebs e soll\u00ebn n\u00eb jet\u00eb fushat\u00ebn \u201c7 % f\u00fcr Kinder (n\u00eb shqip: 7% p\u00ebr f\u00ebmij\u00eb)\u201d p\u00ebr uljen e TVSH-s\u00eb n\u00eb 7% p\u00ebr t\u00eb gjitha artikujt e f\u00ebmij\u00ebve, duke p\u00ebrfshir\u00eb k\u00ebtu edhe artikujt shkollor\u00eb. Ata vazhdojn\u00eb edhe m\u00eb tutje t\u00eb lobojn\u00eb n\u00eb nivelin politik p\u00ebr reformimin e sistemit t\u00eb TVSH-s\u00eb n\u00eb Gjermani. N\u00eb videon e fushat\u00ebs \u201c7% p\u00ebr f\u00ebmij\u00eb\u201d p\u00ebrkrah\u00ebsit pyesin, pse kuajt e garave, buqetat me lule, fjetjet n\u00eb hotel dhe \u00e7okollatat ngarkohet me 7% TVSH, nd\u00ebrsa veshmbathja p\u00ebr f\u00ebmij\u00eb, ngjyrat e drurit dhe ul\u00ebset e f\u00ebmij\u00ebve p\u00ebr vetur\u00eb me 19%. Organizator\u00ebt e fushat\u00ebs sqarojn\u00eb, se bizneset kan\u00eb fuqi lobuese p\u00ebr ta siguruar mbajtjen e TVSH-s\u00eb s\u00eb reduktuar p\u00ebr produktet e tyre, p\u00ebrderisa f\u00ebmij\u00ebt nuk kan\u00eb as t\u00eb drejt\u00eb vote e as rrjete lobimi. Me an\u00eb t\u00eb k\u00ebsaj fushate, e cila p\u00ebrfshin peticion, pun\u00eb lobuese n\u00eb parlamentin gjerman dhe aksione t\u00eb ndryshme p\u00ebr vet\u00ebdijesimin e opinionit t\u00eb gj\u00ebr\u00eb, aktivist\u00ebt k\u00ebrkojn\u00eb q\u00eb p\u00ebr veshmbathje p\u00ebr f\u00ebmij\u00eb, ul\u00ebset e f\u00ebmij\u00ebve, produktet higjienike p\u00ebr foshnje dhe f\u00ebmij\u00eb, pelenat, ushqimi i f\u00ebmij\u00ebve, mjetet shkollore: fletore, lapsa me ngjyr\u00eb e shum\u00eb artikuj tjer\u00eb t\u00eb ngarkohen me shkall\u00ebn e reduktuar prej 7% t\u00eb TVSH-s\u00eb. Sipas tyre politika gjermane vite me radh\u00eb ka anashkaluar q\u00eb t\u00eb merret seriozisht me nevojate f\u00ebmij\u00ebve. Fushata ende vazhdon, deri n\u00eb ndryshimin e ligjit t\u00eb TVSH n\u00eb Gjermani.<\/span><\/p>\n

Fushata \u201cVotoni p\u00ebr bebet\u201d n\u00eb Serbi\u00a0\u00a0<\/strong><\/span><\/p>\n

Var\u00ebsisht prej procedurave p\u00ebr ndryshimin e ligjeve n\u00eb fuqi, n\u00eb disa shtete iniciativat qytetare mund t\u00eb jen\u00eb shum\u00eb t\u00eb fuqishme dhe m\u00eb t\u00eb suksesshme. Nj\u00eb iniciativ\u00eb e till\u00eb, q\u00eb solli ndryshime dhe leht\u00ebsime p\u00ebr prind\u00ebrit \u00ebsht\u00eb nd\u00ebrmarr\u00eb n\u00eb shtetin ton\u00eb fqinj, Serbin\u00eb. N\u00eb vjesht\u00eb t\u00eb vitit 2011 fondi i B92 filloi fushat\u00ebn m\u00eb t\u00eb madhe dhe m\u00eb t\u00eb njohur filantropike t\u00eb quajtur \u201eBitka za Bebe (n\u00eb shqip: Beteja p\u00ebr bebet)\u201c. Q\u00ebllimi i fushat\u00ebs ishte mbledhja e donacioneve\u00a0 p\u00ebr blerjen e 100 inkubator\u00ebve p\u00ebr f\u00ebmij\u00ebt e lindur para kohe. N\u00eb kuad\u00ebr t\u00eb k\u00ebsaj fushate qytetar\u00ebt mblodh\u00ebn aq t\u00eb holla, saq\u00eb u sigurua blerja e 210 inkubator\u00ebve p\u00ebr m\u00eb shum\u00eb se 60 institucione sh\u00ebndet\u00ebsore n\u00eb t\u00ebr\u00eb Serbin\u00eb. Kjo betej\u00eb nuk u shua me arritjen e q\u00ebllimit, p\u00ebrkundrazi entuziazmi i angazhimit qytetar p\u00ebr p\u00ebrmir\u00ebsimin e sh\u00ebndetit t\u00eb f\u00ebmij\u00ebve b\u00ebri q\u00eb t\u00eb inicohet peticioni \u201cVotoni p\u00ebr bebet\u201d. Ky peticion i vitit 2012 u koordinua nga nj\u00eb koalicion i organizatave joqveritare dhe vullnetar\u00ebve n\u00eb mbar\u00eb vendin dhe synonte ndryshimin e ligjit t\u00eb TVSH-s\u00eb, m\u00eb konkretisht heqjen e TVSH-s\u00eb nga artikujt p\u00ebr f\u00ebmij\u00eb. M\u00eb shum\u00eb se 180 mij\u00eb qytetar\u00eb e n\u00ebnshkruan peticionin. Rrjedhimisht ligji p\u00ebr TVSH u ndryshua dhe q\u00eb nga viti 2013 prind\u00ebrit n\u00eb Serbi mund t\u00eb rimbursojn\u00eb TVSH p\u00ebr produktet e blera p\u00ebr f\u00ebmij\u00eb dhe p\u00ebr veshmbathje p\u00ebr f\u00ebmij\u00eb.<\/span><\/p>\n

Duke marr\u00eb parasysh familjet e shumta me f\u00ebmij\u00eb t\u00eb vegj\u00ebl n\u00eb Kosov\u00eb, nj\u00eb iniciativ\u00eb e till\u00eb p\u00ebr heqjen e TVSH-s\u00eb nga artikujt e f\u00ebmij\u00ebve do t\u00eb ishte m\u00eb se e nevojshme, jo vet\u00ebm p\u00ebr ta leht\u00ebsuar barr\u00ebn financiare t\u00eb prind\u00ebve, por edhe p\u00ebr t\u00eb ndikuar n\u00eb cil\u00ebsin\u00eb e zhvillimit m\u00eb t\u00eb mir\u00eb e m\u00eb t\u00eb sh\u00ebndosh\u00eb t\u00eb f\u00ebmij\u00ebve dhe planifikimin familiar.<\/span><\/p>\n<\/div>\n<\/div>","protected":false},"excerpt":{"rendered":"

Pa t\u00eb njoft\u00eb, e pa marr\u00eb p\u00eblqimin t\u00ebnd kalimtar\u00ebt e rastit tentojn\u00eb ta p\u00ebrqafojn\u00eb, puthin apo kapin faqen e f\u00ebmijut t\u00ebnd. Kam fituar bindjen q\u00eb kjo ndodh\u00eb vet\u00ebm n\u00eb Kosov\u00eb. N\u00eb Kosov\u00eb nuk \u00ebsht\u00eb se i duam f\u00ebmij\u00ebt, por jemi t\u00eb magjepsur pas tyre! T\u00eb magjepsur pas f\u00ebmij\u00ebve tan\u00eb, t\u00eb motrave e t\u00eb v\u00ebllez\u00ebrve, por […]<\/p>","protected":false},"author":543,"featured_media":11599,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[2184,2185],"ppma_author":[2027],"class_list":["post-4640","post","type-post","status-publish","format-standard","has-post-thumbnail","hentry","category-analize","tag-kids","tag-tvsh"],"authors":[{"term_id":2027,"user_id":543,"is_guest":0,"slug":"nora-hasani","display_name":"Nora Hasani Llapashtica","avatar_url":{"url":"https:\/\/sbunker.org\/wp-content\/uploads\/2024\/12\/462555188_936747311221714_20195046760660311_n.png","url2x":"https:\/\/sbunker.org\/wp-content\/uploads\/2024\/12\/462555188_936747311221714_20195046760660311_n.png"},"user_url":"","last_name":"Hasani Llapashtica","first_name":"Nora","description":""}],"_links":{"self":[{"href":"https:\/\/sbunker.org\/en\/wp-json\/wp\/v2\/posts\/4640","targetHints":{"allow":["GET"]}}],"collection":[{"href":"https:\/\/sbunker.org\/en\/wp-json\/wp\/v2\/posts"}],"about":[{"href":"https:\/\/sbunker.org\/en\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/en\/wp-json\/wp\/v2\/users\/543"}],"replies":[{"embeddable":true,"href":"https:\/\/sbunker.org\/en\/wp-json\/wp\/v2\/comments?post=4640"}],"version-history":[{"count":3,"href":"https:\/\/sbunker.org\/en\/wp-json\/wp\/v2\/posts\/4640\/revisions"}],"predecessor-version":[{"id":11600,"href":"https:\/\/sbunker.org\/en\/wp-json\/wp\/v2\/posts\/4640\/revisions\/11600"}],"wp:featuredmedia":[{"embeddable":true,"href":"https:\/\/sbunker.org\/en\/wp-json\/wp\/v2\/media\/11599"}],"wp:attachment":[{"href":"https:\/\/sbunker.org\/en\/wp-json\/wp\/v2\/media?parent=4640"}],"wp:term":[{"taxonomy":"category","embeddable":true,"href":"https:\/\/sbunker.org\/en\/wp-json\/wp\/v2\/categories?post=4640"},{"taxonomy":"post_tag","embeddable":true,"href":"https:\/\/sbunker.org\/en\/wp-json\/wp\/v2\/tags?post=4640"},{"taxonomy":"author","embeddable":true,"href":"https:\/\/sbunker.org\/en\/wp-json\/wp\/v2\/ppma_author?post=4640"}],"curies":[{"name":"wp","href":"https:\/\/api.w.org\/{rel}","templated":true}]}}