{"id":6142,"date":"2021-10-26T15:26:44","date_gmt":"2021-10-26T13:26:44","guid":{"rendered":"https:\/\/sbunker.org\/?p=6142"},"modified":"2024-10-02T15:28:50","modified_gmt":"2024-10-02T13:28:50","slug":"te-perjashtuarit-si-banore-te-kampeve-ii","status":"publish","type":"post","link":"https:\/\/sbunker.org\/en\/analize\/te-perjashtuarit-si-banore-te-kampeve-ii\/","title":{"rendered":"T\u00eb p\u00ebrjashtuarit si banor\u00eb t\u00eb kampeve (II)"},"content":{"rendered":"
\n

Shnd\u00ebrrimi i kampeve n\u00eb element t\u00eb kat\u00ebrt n\u00eb raport me triparitetin e sip\u00ebrp\u00ebrmendur t\u00eb shtetit-komb p\u00ebr t\u2019i mbajtur p\u00ebrkoh\u00ebsisht njer\u00ebzit e pa shtet \u00ebsht\u00eb b\u00ebr\u00eb realitet i p\u00ebrditsh\u00ebm p\u00ebr shkak t\u00eb krisjeve q\u00eb ka p\u00ebrjetuar ky formacion historik dhe politik. Kjo kategori amorfe dhe gjithnj\u00eb e m\u00eb masive madje s\u2019i p\u00ebrket asnj\u00eb \u2018populli\u2019 n\u00eb kuptimin juridik t\u00eb fjal\u00ebs, i cili n\u00eb tradit\u00ebn ton\u00eb t\u00eb mendimit politik, t\u00eb pakt\u00ebn q\u00eb nga koha e \u201cCiceronit, ka n\u00ebnkuptuar, nj\u00eb \u2018consensus iuris\u2019 (marr\u00ebveshje e s\u00eb drejt\u00ebs)\u201d nd\u00ebrmjet an\u00ebtar\u00ebve t\u00eb nj\u00eb komuniteti. Qenie t\u00eb depolitizuara, q\u00eb menaxhohen me akte administrative. E t\u00eb pushtuar nga ankthi i pritjes se ku do t\u2019u caktohet nj\u00eb vend n\u00eb bot\u00ebn e p\u00ebrbashk\u00ebt njer\u00ebzore.<\/p>\n

Jeta paralele e nj\u00eb australianeje dhe nj\u00eb afgani<\/strong><\/p>\n

Fenomene t\u00eb tilla thuajse askush s\u2019i ka prezantuar m\u00eb mir\u00eb sesa filmi \u2018Stateless\u2019. Ky produksion artistik i shfaqur n\u00eb form\u00ebn e serive, \u00ebsht\u00eb krijim i televizionit australian ABC. Ai \u00ebsht\u00eb realizuar n\u00ebn drejtimin e Tony Ayres, Elise McCreddie dhe Cate Blanchett. Dhe \u00ebsht\u00eb transmetuar po ashtu edhe n\u00eb platform\u00ebn digjitale \u201cNetflix\u201d.<\/p>\n

Ngjarja zhvillohet n\u00eb Kampin Barton (Detention Center) n\u00eb Australi, i cili sh\u00ebrben si vend p\u00ebr mbajtjen e imigrant\u00ebve azilk\u00ebrkues n\u00eb tok\u00ebn australiane.<\/p>\n

Ky film n\u00eb pjes\u00ebn m\u00eb t\u00eb madhe \u00ebsht\u00eb i bazuar n\u00eb nj\u00eb ndodhi t\u00eb v\u00ebrtet\u00eb. Ngjarja fillon me Sofie Werner (Yvonne Strahovski), nj\u00eb stjuardese e cila p\u00ebr t\u2019i ikur presionit familjar e k\u00ebrkon shp\u00ebtimin n\u00eb nj\u00eb organizat\u00eb okulte q\u00eb drejtohet nga Pat (Cate Blanchett) dhe Gordon (Domenic West). Kjo shoqat\u00eb mistike bazohet mbi kultin e \u00e7lirimit t\u00eb autenticitetit t\u00eb njer\u00ebzve nga presionet sociale, detyrimet familjare dhe prangat e konformizmit. Por, n\u00eb vend t\u00eb shp\u00ebtimit magjik, ajo n\u00eb k\u00ebt\u00eb sekt t\u00eb dyshimt\u00eb do ta gjej\u00eb ferrin e v\u00ebrtet\u00eb. Do t\u00eb abuzohet dhe dhunohet seksualisht. N\u00eb d\u00ebshp\u00ebrim e sip\u00ebr, pasi prind\u00ebrit e saj ia \u201ckonfiskojn\u00eb\u201d edhe pasaport\u00ebn, Sofie Werner tenton t\u00eb arratiset n\u00eb Gjermani me dokumente t\u00eb falsifikuara. Prezantohet si shtetase gjermane me emrin Eva Hofman. Kapet nga autoritet australiane dhe d\u00ebrgohet n\u00eb Kampin Barton.<\/p>\n

M\u00ebnyra e administrimit t\u00eb k\u00ebtij kampi dhe statusi q\u00eb ai g\u00ebzon n\u00eb kuad\u00ebr t\u00eb rendit politik dhe juridik t\u00eb k\u00ebtij shteti ndodhen n\u00eb epiqend\u00ebr t\u00eb k\u00ebtij narracioni artistik. Q\u00eb n\u00eb fillim t\u00eb k\u00ebsaj mini-serie b\u00ebhet e qart\u00eb se qendrat e imigrimit jan\u00eb qendra administrative. Ato nuk jan\u00eb burgje p\u00ebr t\u00eb vuajtur d\u00ebnimin. Sepse, si\u00e7 dihet, n\u00eb parim t\u00eb burgosurit izolohen dhe mbahen n\u00eb baz\u00eb t\u00eb nj\u00eb kontrate t\u00eb p\u00ebrbashk\u00ebt legale, politike dhe morale, t\u00eb cil\u00ebn p\u00ebr arsye t\u00eb ndryshme ata nd\u00ebrkoh\u00eb e kan\u00eb shkelur.<\/p>\n

Nd\u00ebrkaq refugjat\u00ebt, imigrant\u00ebt ekonomik\u00eb, thjesht njer\u00ebzit e pa shtet, s\u2019i kan\u00eb asnj\u00ebr\u00ebn prej k\u00ebtyre atributeve. Kjo edhe \u00ebsht\u00eb arsyeja q\u00eb nj\u00ebsi t\u00eb tilla quhen thjesht qendra administrative. Kurse banor\u00ebt e tyre kualifikohen si UNCs (Unlawful Non-Citiziens), njer\u00ebz q\u00eb \u201cs\u2019jan\u00eb as qytetar\u00eb dhe as t\u00eb ligjsh\u00ebm\u201d. Ata jan\u00eb nj\u00eb lloj i komuniteteve kulturore dhe gjuh\u00ebsore, por t\u00eb cil\u00ebt jan\u00eb t\u00eb privuar dhe izoluar nga jeta politike dhe publike. Jetojn\u00eb t\u00eb pushtuar nga err\u00ebsira e sfer\u00ebs \u201cprivate\u201d.<\/p>\n

Menaxhimi i k\u00ebtij realiteti bizar pasqyrohet n\u00ebp\u00ebrmjet rolit t\u00eb Claire Kowtiz (Asher Keddie). Ajo em\u00ebrohet si administratore e re n\u00eb kampin Berton. Dhe gjat\u00eb gjith\u00eb koh\u00ebs ndodhet nd\u00ebrmjet presionit q\u00eb t\u00eb mir\u00ebmbahet n\u00eb maksimum ekuilibri nd\u00ebrmjet \u201cpresionit t\u00eb azilk\u00ebrkuesve si dhe siguris\u00eb nacionale dhe rendit shtet\u00ebror\u201d, raport ky q\u00eb n\u00eb mas\u00eb t\u00eb madhe ndodhet n\u00eb nj\u00eb tension t\u00eb vazhduesh\u00ebm dhe t\u00eb papajtuesh\u00ebm. Madje ky \u00e7rregullim \u00ebsht\u00eb b\u00ebr\u00eb burim i ushqimit doktrinar dhe ideologjik, p\u00ebr shum\u00eb nga l\u00ebvizjet populiste dhe nativiste, t\u00eb cilat e kan\u00eb destabilizuar sken\u00ebn politike tradicionale n\u00eb disa vende demokratike. Sepse ato e kan\u00eb kanalizuar frustrimin publik ndaj imigrant\u00ebve, si shkaktar\u00eb t\u00eb vjedhjes s\u00eb identitetit t\u00eb tyre kulturor dhe mir\u00ebqenies sociale. (Mir\u00ebpo trajtimi i k\u00ebsaj krize i tejkalon caqet e k\u00ebtij shkrimi).<\/p>\n

Padyshim q\u00eb rolin qendror n\u00eb k\u00ebt\u00eb mini-seri, q\u00eb vizualizon dram\u00ebn, vuajtjet dhe dhimbjet e k\u00ebsaj pjese t\u00eb njer\u00ebzimit, e pasqyron Ameer (Fyssal Bazzi). Ky i fundit e luan rolin e nj\u00eb qytetari t\u00eb Afganistanit q\u00eb s\u00eb bashku me familjen e tij e kan\u00eb braktisur vendin e tij t\u00eb origjin\u00ebs n\u00eb k\u00ebrkim t\u00eb \u201ctok\u00ebs s\u00eb premtuar\u201d. Shp\u00ebtimin p\u00ebr vete, dy vajzat dhe gruan e tij ai e imagjinon n\u00eb Australi. Mir\u00ebpo, k\u00ebto bredhje, n\u00eb fillim t\u00eb nxitura nga shpresat, \u00ebndrrat, iluzionet dhe entuziazmi p\u00ebr nj\u00eb fillim t\u00eb ri, rezultojn\u00eb n\u00eb nj\u00eb fund tragjik dhe makth trishtues.<\/p>\n

Burimi i k\u00ebtij fundi t\u00eb kobsh\u00ebm fillon qysh n\u00eb Indonezi. Aty, ai s\u00eb bashku me familjen e tij bien pre e grupeve t\u00eb trafikant\u00ebve. Zhvishen nga \u00e7do gj\u00eb q\u00eb kan\u00eb. Madje edhe nga identiteti i tyre. I dor\u00ebzojn\u00eb dokumentet identifikuese n\u00eb duart e k\u00ebsaj rrjete kriminale. Sepse, si\u00e7 u premton nj\u00eb trafikant, \u201cju tashm\u00eb po b\u00ebheni gati t\u00eb filloni nj\u00eb jet\u00eb t\u00eb re. Dhe nuk mund t\u00eb jeni peng i kujtimeve t\u00eb s\u00eb shkuar\u00ebs\u201d. K\u00ebtu \u00e7do gj\u00eb merr nj\u00eb kthes\u00eb t\u00eb mbrapsht\u00eb. Pasi p\u00ebrfundon ky episod tragjik, ai m\u00eb fund arrin n\u00eb brigjet e tok\u00ebs s\u00eb \u00ebnd\u00ebrruar. Me t\u00eb zbritur aty p\u00ebrkulet dhe puth at\u00eb si shenj\u00eb e triumfit dhe shp\u00ebtimit p\u00ebrfundimtar. Dhe n\u00eb fund d\u00ebrgohet n\u00eb kampin Barton. Aty ku ndodhet edhe vajza e tij e madhe Mina (Soraya Heidari). Sepse bashk\u00ebshortja dhe vajza e vog\u00ebl e kishin humbur jet\u00ebn gjat\u00eb udh\u00ebtimit n\u00eb oqean. N\u00eb k\u00ebt\u00eb kamp ndodhet edhe australiania Sofie Warner. Mir\u00ebpo, derisa t\u00eb tjer\u00ebt aspirojn\u00eb t\u00eb mbesin me \u00e7do kusht n\u00eb shtetin e Australis\u00eb, ajo ndodhet aty me identitet t\u00eb konvertuar, sepse d\u00ebshiron ta braktis\u00eb me \u00e7do kusht vendlindjen e saj.<\/p>\n

Aq paradoksale \u00ebsht\u00eb kjo situat\u00eb, saq\u00eb nj\u00eb imigrant me origjin\u00eb nga Iraku, (k\u00ebtu \u00ebsht\u00eb fjala p\u00ebr koh\u00ebn e regjimit t\u00eb Sadam Hysen-it) e sprovon me nj\u00eb konstatim interesant. Ai i thot\u00eb se n\u00eb vendin e tij \u00ebsht\u00eb normale q\u00eb t\u00eb mashtrohen autoritetet shtet\u00ebrore. Sepse atje dominon diktatura. Por \u00ebsht\u00eb befasuese se si p\u00ebr nj\u00eb australiane m\u00eb i sigurt \u00ebsht\u00eb burgu sesa zbulimi i s\u00eb v\u00ebrtet\u00ebs p\u00ebr t\u00eb.<\/p>\n

N\u00eb k\u00ebt\u00eb vend, ku n\u00eb m\u00ebnyr\u00eb t\u00eb \u00e7uditshme nd\u00ebrthuren fatet njer\u00ebzore, Ameer do t\u00eb ballafaqohet me shp\u00ebrputhjen nd\u00ebrmjet \u00ebndrrave t\u00eb tij dhe realitetit brutal. Ai informohet nga vajza e tij Mina se tashm\u00eb gjysma e familjes s\u2019jan\u00eb n\u00eb mesin e t\u00eb gjall\u00ebve. Pasi e kupton k\u00ebt\u00eb t\u00eb v\u00ebrtet\u00eb, ai rr\u00ebnohet psikologjikisht, moralisht dhe shpirt\u00ebrisht.<\/p>\n

Fjalori si amanet<\/strong><\/p>\n

Drama e v\u00ebrtet\u00eb e tij fillon kur ai ballafaqohet me ingranazhin burokratik, pasi i duhet q\u00eb t\u00eb argumentoj\u00eb pretendimet t\u00eb tij p\u00ebr ta fituar t\u00eb drejt\u00ebn e leje-q\u00ebndrimit n\u00eb Australi. Dhe kjo koklavitje e fatit t\u00eb tij jet\u00ebsor \u00ebsht\u00eb vet\u00ebm nj\u00ebra nga rastet e shumta t\u00eb k\u00ebtij kontingjenti t\u00eb ardhacak\u00ebve t\u00eb dyshimt\u00eb anek\u00ebnd bot\u00ebs. Madje vet\u00ebm n\u00eb Kampin Barton, si\u00e7 ceket n\u00eb film, t\u00eb izoluarit mbahen edhe mbi dhjet\u00eb vjet n\u00eb k\u00ebt\u00eb gjendje pezull.<\/p>\n

Gjat\u00eb k\u00ebtij procesi zbulohen deklarata kontradiktore nd\u00ebrmjet tij dhe atyre q\u00eb ka pohuar m\u00eb her\u00ebt Mina, vajza e tij. E t\u00ebr\u00eb kjo sepse atij i duhet t\u2019i mbaj\u00eb t\u00eb fshehura rrethanat se si nga d\u00ebshp\u00ebrimi p\u00ebr ekzistenc\u00eb ishte p\u00ebrshir\u00eb pa dashje n\u00eb nj\u00eb vrasje kund\u00ebr nj\u00eb trafikanti, n\u00eb p\u00ebrpjekje e sip\u00ebr p\u00ebr t\u2019ua rimarr\u00eb atyre mjetet e veta financiare, pasi ishin mashtruar nga k\u00ebta t\u00eb fundit. Situat\u00eb tipike kjo q\u00eb mund t\u00eb shpjegohet me at\u00eb th\u00ebnien e njohur se \u201cdomosdoshm\u00ebria s\u2019njeh ligj\u201d(Necessity knows no law). Ngjarje kjo q\u00eb ndikoi q\u00eb ai t\u00eb udh\u00ebtoj\u00eb ndaras nga pjesa tjet\u00ebr e familjes.<\/p>\n

K\u00ebshtu, duke tentuar ta arsyetoj\u00eb veten se pse ai s\u2019kishte ardhur s\u00eb bashku me familjen e tij, di\u00e7ka e pazakont\u00eb kjo, si dhe i pushtuar nga pasiguria dhe dyshimet p\u00ebr shkak t\u00eb presionit q\u00eb e ndien ai vazhdimisht, b\u00ebn pohime q\u00eb bien n\u00eb kund\u00ebrshtim me nj\u00ebra-tjetr\u00ebn. Akuzohet se ka bashk\u00ebpunuar me trafikant\u00ebt n\u00eb baz\u00eb t\u00eb nj\u00eb incizimi q\u00eb ua d\u00ebrgon pronari i hotelit n\u00eb Indonezi, ku kishte q\u00ebndruar s\u00eb bashku me familjen e tij. Mir\u00ebpo e v\u00ebrteta \u00ebsht\u00eb se n\u00eb at\u00eb bashk\u00ebbisedim ai vet\u00ebm sh\u00ebrben si p\u00ebrkthyes vullnetar. Fatkeq\u00ebsisht, ai s\u2019mundet t\u2019i demantoj\u00eb k\u00ebto pretendime. Akuz\u00eb kjo q\u00eb \u00ebsht\u00eb shum\u00eb e r\u00ebnd\u00eb sipas legjislacionit n\u00eb Australi.<\/p>\n

Shanset p\u00ebr ta fituar t\u00eb drejt\u00ebn e q\u00ebndrimit i b\u00ebhen gjithnj\u00eb e m\u00eb t\u00eb vagullta. Edhe pse rasti i tij ishte shprehje tipike e persekutimit politik. Sepse bashk\u00ebshortja e Ameer i takonte nj\u00eb fisi afgan ku grat\u00eb, p\u00ebr shkak t\u00eb besimit, persekutoheshin, torturoheshin dhe \u00e7nderoheshin nga regjimi i taleban\u00ebve. Sidoqoft\u00eb, nga viktim\u00eb reale e nj\u00eb regjimi fundamentalist (k\u00ebtu \u00ebsht\u00eb fjala p\u00ebr sundimin q\u00eb e ushtronte ky grup n\u00eb vitet \u201990), si dhe viktim\u00eb e n\u00eb rrjete kriminale trafikuesish t\u00eb qenieve njer\u00ebzore, ai p\u00ebrfundon si dyshuar kryesor i k\u00ebsaj t\u00eb fundit.<\/p>\n

N\u00eb k\u00ebt\u00eb rreth vicioz, e ardhmja i b\u00ebhet e qart\u00eb. Pasi t\u00eb p\u00ebrfundojn\u00eb procedurat, ai s\u00eb bashku me vajz\u00ebn e tij do t\u00eb d\u00ebbohen p\u00ebrs\u00ebri n\u00eb Afganistan. P\u00ebr t\u2019i ikur k\u00ebtij skenari fatal, sidomos p\u00ebr vajz\u00ebn e tij, Ameer, me ndihm\u00ebn e avokatit t\u00eb tij e sajon nj\u00eb rr\u00ebfim \u201cideal\u201d. Pohon se Mina s\u2019\u00ebsht\u00eb vajza e tij. Se ai s\u2019kishte familje. Dhe se nj\u00eb grua me dy vajza i kishte takuar rast\u00ebsisht n\u00eb Indonezi. Ishte prezantuar si prind i tyre, sepse n\u00eb k\u00ebt\u00eb m\u00ebnyr\u00eb kishte shpresuar s\u00eb do ta kishte m\u00eb t\u00eb leht\u00eb ta fitonte t\u00eb drejt\u00ebn e azilit n\u00eb Australi.<\/p>\n

Duke e mohuar at\u00ebsin\u00eb, Ameer shpreson q\u00eb t\u00eb pakt\u00ebn Mina, si nj\u00eb vajz\u00eb pa prind, ta fitoj\u00eb t\u00eb drejt\u00ebn e q\u00ebndrimit. Dhe ashtu ndodh. Asaj i mund\u00ebsohet q\u00eb ta dal\u00eb nga kampi dhe ta filloj\u00eb jet\u00ebn e re n\u00eb shoq\u00ebrin\u00eb australiane. Kurse Ameerit s\u2019i mbetet tjet\u00ebr pos ta vazhdoj\u00eb betej\u00ebn e tij rraskapit\u00ebse, t\u00eb pafundme dhe nervasiflit\u00ebse.<\/p>\n

Kjo seri p\u00ebrfundon n\u00eb m\u00ebnyr\u00eb dramatike. Sepse prodhon pasoja t\u00eb pad\u00ebshiruara dhe n\u00eb kund\u00ebrshtim me vullnetin dhe intenc\u00ebn fillestare t\u00eb protagonist\u00ebve kryesor\u00eb t\u00eb ngjarjes. Familjar\u00ebt e Sofie Werner pas shum\u00eb k\u00ebrkimeve ia dalin ta zbulojn\u00eb vendndodhjen e saj. Ata nga t\u00eb cil\u00ebt ajo kishte b\u00ebr\u00eb t\u00eb pamundur\u00ebn p\u00ebr t\u00eb ikur prej tyre. Nd\u00ebrkoh\u00eb kjo ngjarje shkakton nj\u00eb skandal publik n\u00eb Australi, se si nj\u00eb qytetare me \u201cgjak australian\u201d ishte mbajtur ilegalisht e izoluar. Kurse Ameer detyrohet t\u00eb distancohet nga ajo q\u00eb ishte kuptimi dhe misioni i tij jet\u00ebsor, vlera m\u00eb e dashur dhe m\u00eb shtrenjt\u00eb p\u00ebr jet\u00ebn e tij, se si ta mbante familjen t\u00eb bashkuar.<\/p>\n

\u00c7asti i lamtumir\u00ebs s\u00eb tij me t\u00eb bij\u00ebn \u00ebsht\u00eb v\u00ebrtet rr\u00ebqeth\u00ebs. P\u00ebr Ameerin, \u201cata q\u00eb q\u00ebndrojn\u00eb brenda shohin vet\u00ebm t\u00eb kaluar\u00ebn, kurse ata q\u00eb jan\u00eb p\u00ebrtej rrethojave shohin t\u00eb ardhmen dhe \u00ebndrrat p\u00ebr plot\u00ebsimin e saj\u201d. Prandaj, kjo ndarje nd\u00ebrmjet tyre s\u2019\u00ebsht\u00eb nj\u00eb ndarje e zakonshme. Ajo shnd\u00ebrrohet edhe n\u00eb ndarje t\u00eb koh\u00ebs, \u201cnd\u00ebrmjet s\u00eb shkuar\u00ebs dhe s\u00eb ardhmes\u201d, ku dy qenie nga i nj\u00ebjti \u201ctrung\u201d i n\u00ebnshtrohen presionit t\u00eb dy forcave t\u00eb ndryshme. Kjo edhe \u00ebsht\u00eb arsyeja q\u00eb dhurata e fundit e tij p\u00ebr t\u00eb bij\u00ebn \u00ebsht\u00eb vet\u00ebm nj\u00eb fjalor. Sepse me an\u00eb t\u00eb tij mund t\u00eb sajohet kuptimi i k\u00ebsaj situate paradoksale. Aty i thot\u00eb, \u201cdo t\u2019i kesh t\u00eb gjitha fjal\u00ebt q\u00eb t\u00eb nevojiten. Me an\u00eb t\u00eb tyre mund t\u00eb m\u00eb shkruash p\u00ebr magjin\u00eb e jet\u00ebs q\u00eb t\u00eb pret\u201d.<\/p>\n

Kuptimi i k\u00ebtij mesazhi \u00ebsht\u00eb i qart\u00eb. Krejt \u00e7ka mbetet n\u00eb fund \u00ebsht\u00eb rr\u00ebfimi p\u00ebr veten, jet\u00ebn q\u00eb kemi b\u00ebr\u00eb dhe bot\u00ebn ku kemi jetuar. Dhe at\u00eb mund ta pasqyrojm\u00eb me an\u00eb t\u00eb fjal\u00ebve dhe nj\u00eb fjalori. Kjo \u00ebsht\u00eb arsyeja q\u00eb ky \u00ebsht\u00eb testamenti i fundit q\u00eb nj\u00eb prind ia ofron s\u00eb bij\u00ebs s\u00eb tij, p\u00ebr cil\u00ebn kishte b\u00ebr\u00eb gjith\u00e7ka. P\u00ebr t\u00eb treguar dhe rr\u00ebfyer. Mbase ky narracion mund t\u00eb shnd\u00ebrrohet n\u00eb p\u00ebrfaq\u00ebsim t\u00eb fatit t\u00eb miliona njer\u00ebzve t\u00eb tjer\u00eb t\u00eb ngjash\u00ebm anek\u00ebnd rruzullit tok\u00ebsor.<\/p>\n

Nd\u00ebrkaq k\u00ebto kategori sot nuk jan\u00eb pak. Madje, koh\u00ebn e fundit numri i tyre ka ardhur vet\u00ebm duke u shtuar. Sipas t\u00eb dh\u00ebnave t\u00eb fundit, sot n\u00eb bot\u00eb ndodhen mbi 80 milion\u00eb qenie njer\u00ebzore t\u00eb zhvendosura nga vatrat e tyre, qoft\u00eb p\u00ebr shkaqe ekonomike, p\u00ebr t\u2019i ikur persekutimit politik apo luft\u00ebrave civile. Gjysma e tyre jan\u00eb f\u00ebmij\u00eb. Ata kan\u00eb nevoj\u00eb p\u00ebr nj\u00eb z\u00eb. Dhe k\u00ebt\u00eb z\u00eb na e ofron filmi \u2018Stateless\u2019.<\/p>\n<\/div>\n

\n
\n

\n<\/div>\n<\/div>","protected":false},"excerpt":{"rendered":"

Shnd\u00ebrrimi i kampeve n\u00eb element t\u00eb kat\u00ebrt n\u00eb raport me triparitetin e sip\u00ebrp\u00ebrmendur t\u00eb shtetit-komb p\u00ebr t\u2019i mbajtur p\u00ebrkoh\u00ebsisht njer\u00ebzit e pa shtet \u00ebsht\u00eb b\u00ebr\u00eb realitet i p\u00ebrditsh\u00ebm p\u00ebr shkak t\u00eb krisjeve q\u00eb ka p\u00ebrjetuar ky formacion historik dhe politik. Kjo kategori amorfe dhe gjithnj\u00eb e m\u00eb masive madje s\u2019i p\u00ebrket asnj\u00eb \u2018populli\u2019 n\u00eb kuptimin […]<\/p>","protected":false},"author":377,"featured_media":7940,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[954,1220,1009],"ppma_author":[371],"class_list":["post-6142","post","type-post","status-publish","format-standard","has-post-thumbnail","hentry","category-analize","tag-filozofi","tag-kampe","tag-te-drejtat-e-njeriut"],"authors":[{"term_id":371,"user_id":377,"is_guest":0,"slug":"afrim-kasolli","display_name":"Afrim Kasolli","avatar_url":{"url":"https:\/\/sbunker.org\/wp-content\/uploads\/2023\/11\/download-e1699361476685.jpg","url2x":"https:\/\/sbunker.org\/wp-content\/uploads\/2023\/11\/download-e1699361476685.jpg"},"user_url":"","last_name":"Kasolli","first_name":"Afrim","description":"Afrim Kasolli ka studiuar Filozofi-Sociologji. Nj\u00eb koh\u00eb ka ligj\u00ebruar l\u00ebnd\u00ebn \u201cHyrje n\u00eb Shkencat Politike n\u00eb Kolegjin Victory\u201d. Ka qen\u00eb deputet i Kuvendit t\u00eb Republik\u00ebs s\u00eb Kosov\u00ebs. Merret me shkrime dhe ese filozofike. Sfer\u00eb e ve\u00e7ant\u00eb e interesit t\u00eb tij \u00ebsht\u00eb filozofia politike."}],"_links":{"self":[{"href":"https:\/\/sbunker.org\/en\/wp-json\/wp\/v2\/posts\/6142","targetHints":{"allow":["GET"]}}],"collection":[{"href":"https:\/\/sbunker.org\/en\/wp-json\/wp\/v2\/posts"}],"about":[{"href":"https:\/\/sbunker.org\/en\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/en\/wp-json\/wp\/v2\/users\/377"}],"replies":[{"embeddable":true,"href":"https:\/\/sbunker.org\/en\/wp-json\/wp\/v2\/comments?post=6142"}],"version-history":[{"count":2,"href":"https:\/\/sbunker.org\/en\/wp-json\/wp\/v2\/posts\/6142\/revisions"}],"predecessor-version":[{"id":7942,"href":"https:\/\/sbunker.org\/en\/wp-json\/wp\/v2\/posts\/6142\/revisions\/7942"}],"wp:featuredmedia":[{"embeddable":true,"href":"https:\/\/sbunker.org\/en\/wp-json\/wp\/v2\/media\/7940"}],"wp:attachment":[{"href":"https:\/\/sbunker.org\/en\/wp-json\/wp\/v2\/media?parent=6142"}],"wp:term":[{"taxonomy":"category","embeddable":true,"href":"https:\/\/sbunker.org\/en\/wp-json\/wp\/v2\/categories?post=6142"},{"taxonomy":"post_tag","embeddable":true,"href":"https:\/\/sbunker.org\/en\/wp-json\/wp\/v2\/tags?post=6142"},{"taxonomy":"author","embeddable":true,"href":"https:\/\/sbunker.org\/en\/wp-json\/wp\/v2\/ppma_author?post=6142"}],"curies":[{"name":"wp","href":"https:\/\/api.w.org\/{rel}","templated":true}]}}