{"id":7455,"date":"2022-04-27T14:43:17","date_gmt":"2022-04-27T12:43:17","guid":{"rendered":"https:\/\/sbunker.org\/?p=7455"},"modified":"2024-09-10T16:16:28","modified_gmt":"2024-09-10T14:16:28","slug":"tmerr-i-propagandes-apo-ringjallje-e-te-vdekurve","status":"publish","type":"post","link":"https:\/\/sbunker.org\/en\/analize\/tmerr-i-propagandes-apo-ringjallje-e-te-vdekurve\/","title":{"rendered":"Tmerr i propagand\u00ebs apo ringjallje e t\u00eb vdekurve"},"content":{"rendered":"

Dezinformatat p\u00ebr pushtimin ushtarak rus t\u00eb Ukrain\u00ebs kan\u00eb \u00e7uar n\u00eb ndarje t\u00eb tilla t\u00eb popullat\u00ebs n\u00eb Maqedoni, ve\u00e7an\u00ebrisht atyre q\u00eb informohen kryesisht nga rrjetet sociale, nga e cila tani po zhvillohet nj\u00eb<\/b> debat online<\/b><\/a> n\u00ebse n\u00eb t\u00eb v\u00ebrtet\u00eb<\/b> ka luft\u00eb atje dhe po vuajn\u00eb civil\u00ebt, apo b\u00ebhet fjal\u00eb p\u00ebr nj\u00eb produksion hollivudian<\/b> me q\u00ebllim t\u00eb shkat\u00ebrrimit<\/b> t\u00eb Rusis\u00eb.<\/b><\/p>\n

N\u00eb koh\u00ebn kur n\u00eb Ukrain\u00eb po shp\u00ebrthen konflikti m\u00eb i madh ushtarak n\u00eb Europ\u00eb pas Luft\u00ebs s\u00eb Dyt\u00eb Bot\u00ebrore, n\u00eb hap\u00ebsir\u00ebn mediatike maqedonase, sidomos n\u00eb rrjetet sociale po p\u00ebrhapet nj\u00eb propagand\u00eb ruse se e gjith\u00eb kjo \u00ebsht\u00eb vet\u00ebm nj\u00eb film i keq.<\/span><\/p>\n

Sipas Komisionerit t\u00eb Lart\u00eb t\u00eb Organizat\u00ebs s\u00eb Kombeve t\u00eb Bashkuara (OKB) p\u00ebr t\u00eb Drejtat e Njeriut, n\u00eb k\u00ebt\u00eb luft\u00eb t\u00eb pakuptimt\u00eb deri m\u00eb tani kan\u00eb humbur jet\u00ebn 1,793 civil\u00eb. Kjo shif\u00ebr nuk p\u00ebrfshin t\u00eb dh\u00ebnat p\u00ebr viktimat e civil\u00ebve n\u00eb Mariupol, Izium, Popsana dhe Borodyanka. Sipas Zyr\u00ebs s\u00eb Prokurorit t\u00eb P\u00ebrgjithsh\u00ebm t\u00eb Ukrain\u00ebs, deri m\u00eb 10 prill, jan\u00eb vrar\u00eb 176 f\u00ebmij\u00eb, kurse 336 t\u00eb tjer\u00eb jan\u00eb plagosur.<\/span><\/p>\n

Kjo nuk \u00ebsht\u00eb nj\u00eb statistik\u00eb e thjesht\u00eb. K\u00ebta jan\u00eb njer\u00ebz t\u00eb v\u00ebrtet\u00eb, burra, gra dhe f\u00ebmij\u00eb, t\u00eb cil\u00ebt kan\u00eb humbur jet\u00ebn.<\/span><\/p>\n

P\u00ebrkund\u00ebr k\u00ebsaj, nj\u00eb nga postimet m\u00eb virale n\u00eb rrjetet sociale n\u00eb 10 dit\u00ebt e fundit, jo vet\u00ebm n\u00eb Maqedoni por duket n\u00eb t\u00eb gjith\u00eb rajonin, jan\u00eb ato n\u00eb t\u00eb cilat thuhet se t\u00eb vdekurit n\u00eb Bu\u00e7a po \u201cringjallen\u201d. Thuhet se \u00ebsht\u00eb nj\u00eb film lufte me regji t\u00eb dob\u00ebt, n\u00eb t\u00eb cilin aktor\u00ebt pun\u00ebsohen p\u00ebr t\u00eb aktruar t\u00eb vdekur n\u00eb periferi t\u00eb Kievit, dhe aktrimi \u00ebsht\u00eb aq i keq sa ata nuk mund t\u00eb presin as t\u00eb kaloj\u00eb kamera, ndaj ngrihen para kohe.<\/span><\/p>\n

Videoja<\/span><\/a>, e cila dyshohet se tregon \u201ct\u00eb vdekurit duke u ngritur\u201d, u postua fillimisht n\u00eb rrjetet sociale m\u00eb 3 prill dhe m\u00eb pas u shp\u00ebrnda, u komentua dhe u shkarkua mij\u00ebra her\u00eb nga disa media n\u00eb Maqedoni. Ky pretendim \u00ebsht\u00eb publikuar n\u00eb disa media serbe, duke p\u00ebrfshir\u00eb edhe proqeveritar rus informer.rs, dhe natyrisht q\u00eb \u00ebsht\u00eb shp\u00ebrndar\u00eb edhe nga makineria e propagand\u00ebs shtet\u00ebrore ruse. N\u00eb Maqedoni, video \u00ebsht\u00eb publikuar nga disa media, por edhe nga t\u00eb ashtuquajturit \u201cinfluencers\u201d n\u00eb rrjetet sociale ku ka marr\u00eb nj\u00eb shikueshm\u00ebri t\u00eb madhe.<\/span><\/p>\n

Sh\u00ebrbimet p\u00ebr <\/span>verifikimin<\/span><\/a> e <\/span>fakteve<\/span><\/a>, duke p\u00ebrfshir\u00eb edhe n\u00ebnshkruesin e vet\u00ebm t\u00eb Kodit t\u00eb Parimeve t\u00eb Rrjetit Nd\u00ebrkomb\u00ebtar p\u00ebr Verifikimin e Fakteve n\u00eb Maqedoni, <\/span>V\u00ebrtetmat\u00ebsi<\/span><\/a>, e hodh\u00ebn posht\u00eb k\u00ebt\u00eb pretendim, ashtu si\u00e7 e hodhi posht\u00eb edhe <\/span>Deutsche Welle<\/span><\/a> dhe disa <\/span>organizata t\u00eb tjera mediatike nd\u00ebrkomb\u00ebtare<\/span><\/a>. Por g\u00ebnjeshtra e madhe ishte tashm\u00eb e p\u00ebrhapur dhe shum\u00eb e besuan at\u00eb. Madje ende vazhdojn\u00eb ta besojn\u00eb.<\/span><\/p>\n

Gjenocidi n\u00eb Ukrain\u00eb<\/b><\/p>\n

Moska zyrtare, si shum\u00eb her\u00eb m\u00eb par\u00eb, i hodhi posht\u00eb akuzat p\u00ebr krime lufte si t\u00eb inskenuara dhe i quajti ato nj\u00eb <\/span>histeri<\/span><\/a> e <\/span>Per\u00ebndimit<\/span><\/a>. Por, akuza t\u00eb tilla t\u00eb ngjashme p\u00ebr histerin\u00eb e Per\u00ebndimit ka pasur edhe m\u00eb par\u00eb. Natyrisht, ato kishin rezultuar plot\u00ebsisht t\u00eb pabaza. K\u00ebshtu, shum\u00eb koh\u00eb p\u00ebrpara se t\u00eb ndodhte pushtimi, paralajm\u00ebrimet se Rusia do t\u00eb pushtonte Ukrain\u00ebn u quajt\u00ebn gjithashtu histeri nga Per\u00ebndimi. Por rezultoi nj\u00eb histeri e sakt\u00eb.<\/span><\/p>\n

N\u00eb fakt, pothuajse gjithmon\u00eb, e v\u00ebrteta \u00ebsht\u00eb pik\u00ebrisht e kund\u00ebrta e asaj q\u00eb pretendon Moska zyrtare.<\/span><\/p>\n

K\u00ebshtu, para pushtimit, Moska, p\u00ebrfshir\u00eb Presidentin e Federat\u00ebs Ruse, Vladimir Putin, pretendonte se n\u00eb rajonin e Donbasit po ndodhte gjenocid mbi popullsin\u00eb ruse. Ky gjenocid i supozuar ishte nj\u00eb nga arsyet kryesore p\u00ebr sulmin ndaj Ukrain\u00ebs. Edhe pse \u00ebsht\u00eb e pamohueshme q\u00eb ka viktima nga t\u00eb dyja pal\u00ebt n\u00eb luft\u00ebn e Donbasit, si nga pala ukrainase ashtu edhe nga pala ruse, madje edhe indikacione p\u00ebr krime lufte, asnj\u00eb prov\u00eb e gjenocidit nuk ishte publikuar.<\/span><\/p>\n

Zbulimi i masakr\u00ebs s\u00eb Bu\u00e7\u00ebs tregoi se megjithat\u00eb \u00ebsht\u00eb ende e mundur q\u00eb n\u00eb Ukrain\u00eb t\u00eb ndodh\u00eb gjenocid, por ndaj ukrainasve.<\/span><\/p>\n

\u00c7far\u00eb do t\u00eb thot\u00eb gjenocid? Kjo \u00ebsht\u00eb forma m\u00eb e r\u00ebnd\u00eb e krimit kund\u00ebr njer\u00ebzimit. P\u00ebrkufizohet si shfarosja masive e nj\u00eb grupi t\u00eb caktuar njer\u00ebzish – p\u00ebr shembull, vrasja e gjasht\u00eb milion\u00eb hebrenjve n\u00eb Holokaustin e Luft\u00ebs s\u00eb Dyt\u00eb Bot\u00ebrore.<\/span><\/p>\n

Konventa e OKB-s\u00eb<\/span><\/a> p\u00ebr Gjenocidin e p\u00ebrkufizon at\u00eb si \u201cshkat\u00ebrrim i q\u00ebllimsh\u00ebm, t\u00ebr\u00ebsisht ose pjes\u00ebrisht, i nj\u00eb grupi t\u00eb caktuar komb\u00ebtar, etnik, racor ose fetar\u201d:<\/span><\/p>\n