P\u00ebr nj\u00eb dekad\u00eb me radh\u00eb, duke p\u00ebrdorur qasjen \u201ceskalo p\u00ebr t\u00eb deeskaluar,\u201d Beogradi zyrtar ka arritur t\u00eb nxjerr\u00eb koncesione nga Kosova n\u00eb dialogun e nd\u00ebrmjet\u00ebsuar nga Brukseli.<\/p>\n
Serbia zakonisht eskalon duke p\u00ebrdorur strukturat kriminale n\u00eb veri, duke vendosur barrikada p\u00ebr t\u2019i intimiduar qytetar\u00ebt n\u00eb veri, si dhe duke sulmuar Policin\u00eb e Kosov\u00ebs, EULEX-in, KFOR-in, mediat dhe akter\u00eb t\u00eb tjer\u00eb.<\/p>\n
N\u00eb an\u00ebn tjet\u00ebr t\u00eb kufirit, Serbia e p\u00ebrdor taktik\u00ebn e k\u00ebrc\u00ebnimit, duke vendosur pajisje ushtarake dhe duke patrulluar me helikopter\u00eb dhe aeroplan\u00eb ushtarak\u00eb af\u00ebr kufirit me Kosov\u00ebn.<\/p>\n
Edhe n\u00eb kriz\u00ebn m\u00eb t\u00eb fundit t\u00eb barrikadave (dhjetor 2022), Serbia mori at\u00eb q\u00eb deshi dhe taktika e eskalimit funksionoi. Kriza u tejkalua vet\u00ebm at\u00ebher\u00eb kur Serbia mori garanci nga Per\u00ebndimi se do t\u00eb formohet Asociacioni\/Bashk\u00ebsia e Komunave me Shumic\u00eb Serbe (ASK).<\/p>\n
Serbia eskaloi duke detyruar serb\u00ebt n\u00eb veri t\u00eb japin dor\u00ebheqje kolektive dhe duke krijuar nj\u00eb kriz\u00eb institucionale n\u00eb Kosov\u00eb, pastaj deeskaloi duke marr\u00eb garanci p\u00ebr formimin e ASK-s\u00eb.<\/p>\n
Megjithat\u00eb, Per\u00ebndimi nuk \u00ebsht\u00eb se ka reaguar ndaj k\u00ebsaj qasjeje destruktive t\u00eb Serbis\u00eb. Ne fakt, Serbia \u00ebsht\u00eb paraqitur p\u00ebr vite me radh\u00eb si\u00a0faktor stabiliteti<\/a>\u00a0n\u00eb Ballkanin Per\u00ebndimor.<\/p>\n Qasja akomoduese ndaj Serbis\u00eb<\/strong><\/p>\n Politika akomoduese ndaj Serbis\u00eb, me shpres\u00eb se Serbia merr qasje pro-per\u00ebndimore, ka d\u00ebshtuar. Jostabiliteti q\u00eb mbizot\u00ebron n\u00eb rajon prodhohet kryesisht nga vet\u00eb presidenti serb, Aleksandar Vu\u00e7iq.<\/p>\n Presidenti serb i shfryt\u00ebzon mediat q\u00eb kontrollon si dhe minoritetet serbe n\u00eb rajon p\u00ebr ta zgjeruar influenc\u00ebn e tij destabilizuese.<\/p>\n Ekziston nj\u00eb ngjashm\u00ebri mes Vu\u00e7iqit dhe Sllobodan Millosheviqit. Tri dekada m\u00eb her\u00ebt, Millosheviq u pa si\u00a0faktor stabiliteti<\/a>\u00a0duke n\u00ebnshkruar marr\u00ebveshjen e Dejtonit. Por, kjo qasje shum\u00eb shpejt u v\u00ebrtetua si e gabuar. Pas gjenocidit n\u00eb Bosnj\u00eb-Hercegovin\u00eb, Millosheviq nisi nj\u00eb mision tjet\u00ebr t\u00eb spastrimit etnik n\u00eb Kosov\u00eb.<\/p>\n N\u00eb periudh\u00ebn e pasluft\u00ebs, Serbia ka p\u00ebrdorur metod\u00ebn \u201ceskalo p\u00ebr t\u00eb deeskaluar\u201d me q\u00ebllim t\u00eb nxjerrjes s\u00eb koncesioneve nga Kosova.<\/p>\n Nj\u00eb nga metodat e preferuara jan\u00eb barrikadat e nxitura nga Beogradi. P\u00ebr vite me radh\u00eb, barrikadimi i rrug\u00ebve ka qen\u00eb nj\u00eb taktik\u00eb e Beogradit p\u00ebr t\u00eb arritur q\u00ebllime politike.<\/p>\n Madje, barrikadat ishin p\u00ebrdorur edhe n\u00eb zona jasht\u00eb veriut, ku barrikadat e rrug\u00ebve n\u00eb Gra\u00e7anic\u00eb kan\u00eb qen\u00eb nj\u00eb nga faktor\u00ebt paraprir\u00ebs t\u00eb trazirave t\u00eb\u00a0marsit m\u00eb 2004<\/a>.<\/p>\n K\u00ebto trazira rezultuan n\u00eb segmentet e pakos s\u00eb Ahtisaarit, q\u00eb \u00e7imentuan ndarjen etnike me komuna t\u00eb reja me shumic\u00eb serbe, mes t\u00eb tjerash.<\/p>\n Ngjash\u00ebm, tensionet e viteve 2011-2012, rezultuan n\u00eb nj\u00eb nga koncesionet m\u00eb kontraverse ka qen\u00eb stipulimi q\u00eb komandanti policor i regjionit t\u00eb veriut duhet t\u00eb jet\u00eb serb, pra nj\u00eb p\u00ebrcaktim nj\u00eb etnik, q\u00eb bie ndesh me vlerat demokratike.<\/p>\n Gjithashtu, p\u00ebrcaktimi monoetnik \u00ebsht\u00eb n\u00eb kund\u00ebrshtim me ligjet e Kosov\u00ebs dhe me Konvent\u00ebn Europiane t\u00eb t\u00eb Drejtave t\u00eb Njeriut (shih rastin\u00a0Sejdic\/Finci<\/a>\u00a0t\u00eb Gjykat\u00ebs Europiane t\u00eb t\u00eb Drejtave t\u00eb Njeriut).<\/p>\n Edhe n\u00eb dhjetor 2022, barrikadat e vendosura nga grupe t\u00eb maskuara n\u00eb rrug\u00ebt drejt pikave kufitare n\u00eb veri d\u00ebshmojn\u00eb p\u00ebr politik\u00ebn e eskalimit q\u00eb p\u00ebrdoret nga Beogradi p\u00ebr t\u00eb arritur q\u00ebllimin final, at\u00eb t\u00eb themelimit t\u00eb ASK-s\u00eb.<\/p>\n Nd\u00ebrmjet\u00ebsimi joadekuat i BE-s\u00eb n\u00eb dialog<\/strong><\/p>\n Serbia nuk ka treguar p\u00ebrkushtim serioz se do t\u00eb angazhohet p\u00ebr nj\u00eb marr\u00ebveshje p\u00ebrfundimtare. P\u00ebrgjat\u00eb vitesh, Vu\u00e7iq nuk \u00ebsht\u00eb kursyer n\u00eb deklaratat e tij, duke k\u00ebrc\u00ebnuar se do ta d\u00ebrgoj\u00eb ushtrin\u00eb serbe n\u00eb Kosov\u00eb, p\u00ebr t\u2019i mbrojtur serb\u00ebt.<\/p>\n Gjithashtu, pajisjet ushtarake si tankset, helikopter\u00ebt, avion\u00ebt, e t\u00eb tjera, kan\u00eb patrulluar n\u00eb disa raste shum\u00eb af\u00ebr\u00a0kufirit me Kosov\u00ebn<\/a>, duke rrezikuar direkt stabilitetin n\u00eb rajon.<\/p>\n Mir\u00ebpo, kjo qasje destruktive nga Serbia asnj\u00ebher\u00eb nuk ka marr\u00eb p\u00ebrgjigjen e merituar nga Per\u00ebndimi. Pra, kemi t\u00eb b\u00ebjm\u00eb me nd\u00ebrmjet\u00ebsim joadekuat, ku \u00ebsht\u00eb injoruar eskalimi gradual i Serbis\u00eb dhe \u00ebsht\u00eb qortuar Kosova p\u00ebr \u00e7far\u00ebdo rezistence.<\/p>\n