![\"Image\"](\"https:\/\/sbunker.net\/uploads\/sbunker.net\/images\/2023\/January\/09\/auto_sss1673271449.png\")
<\/div>\nRezoluta, s\u00eb cil\u00ebs nd\u00ebr vite i \u00ebsht\u00eb zbehur fuqia pas shpalljes s\u00eb pavar\u00ebsis\u00eb dhe konsolidimit t\u00eb shtetit t\u00eb Kosov\u00ebs, megjithat\u00eb parasheh mund\u00ebsin\u00eb e kthimit t\u00eb nj\u00eb numri t\u00eb caktuar t\u00eb personelit serb. Pika gjasht\u00eb e k\u00ebtij dokumenti p\u00ebrcakton funksionet q\u00eb do t\u00eb mund t\u2019i kryente ky personel e q\u00eb jan\u00eb- \u201cnd\u00ebrlidhja me misionin civil nd\u00ebrkomb\u00ebtar dhe me pranin\u00eb nd\u00ebrkomb\u00ebtare t\u00eb siguris\u00eb; Sh\u00ebnjimi\/pastrimi i fushave t\u00eb minuara; Mbajtja e nj\u00eb pranie pran\u00eb objekteve t\u00eb trash\u00ebgimis\u00eb serbe; Mbajtja e nj\u00eb pranie n\u00eb vendkalimet kryesore kufitare\u201d.<\/p>\n
M\u00eb tej, n\u00eb rezolut\u00eb shkruan se kthimi i personelit p\u00ebr t\u2019i kryer t\u00eb kat\u00ebr funksionet e specifikuara m\u00eb lart\u00eb do t\u00eb b\u00ebhet n\u00ebn mbik\u00ebqyrjen e pranis\u00eb nd\u00ebrkomb\u00ebtare t\u00eb siguris\u00eb dhe numri i tyre do t\u00eb jet\u00eb i kufizuar (qindra, jo mij\u00ebra).<\/p>\n
Kjo \u00ebsht\u00eb hera e dyt\u00eb q\u00eb Serbia sfidon komunitetin nd\u00ebrkomb\u00ebtar duke k\u00ebrkuar kthimin e trupave ushtarake. K\u00ebrkes\u00eb t\u00eb nj\u00ebjt\u00eb kishte b\u00ebr\u00eb edhe ish kryeministri serb, Zoran Gjingjiq n\u00eb vitin 2003, e cila ishte refuzuar. Prej at\u00ebher\u00eb kan\u00eb ndodhur shum\u00eb zhvillime. Kosova shpalli pavar\u00ebsin\u00eb n\u00eb vitin 2008, e dy vite m\u00eb von\u00eb\u00a0Gjykata Nd\u00ebrkomb\u00ebtare e Drejt\u00ebsis\u00eb<\/a>\u00a0(GJND) konstatoi se ligjshm\u00ebria e aktit t\u00eb shpalljes ka qen\u00eb n\u00eb p\u00ebrputhje me ligjin nd\u00ebrkomb\u00ebtar.<\/p>\n Pas dor\u00ebzimit t\u00eb k\u00ebrkes\u00ebs, Misioni i NATO-s n\u00eb Kosov\u00eb,\u00a0announced<\/a>\u00a0se \u00ebsht\u00eb duke shqyrtuar at\u00eb. T\u00eb nj\u00ebjt\u00ebn koh\u00eb, rikonfirmoi se mbeten tejet vigjilent dhe plot\u00ebsisht t\u00eb aft\u00eb p\u00ebr t\u00eb p\u00ebrmbushur mandatin q\u00eb derivon nga Kombet e Bashkuara.<\/p>\n K\u00ebrkesa e Serbis\u00eb pa mb\u00ebshtetje juridike<\/strong><\/p>\n Njoh\u00ebs t\u00eb s\u00eb drejt\u00ebs nd\u00ebrkomb\u00ebtare thon\u00eb se argumentet ligjore jan\u00eb kund\u00ebr Serbis\u00eb.<\/p>\n Sipas ish kryetarit t\u00eb Gjykat\u00ebs Kushtetuese, Enver Hasani, Serbia mund ta rikthej\u00eb ushtrin\u00eb vet\u00ebm n\u00ebse lidh\u00eb nj\u00eb marr\u00ebveshje me Kosov\u00ebn p\u00ebr prani ushtarake, gj\u00eb p\u00ebr t\u00eb cil\u00ebn duhet t\u00eb parashtroj\u00eb k\u00ebrkes\u00eb por q\u00eb kurr\u00eb s\u2019e ka b\u00ebr\u00eb.<\/p>\n \u201cE para, prezenca ushtarake n\u00eb Kosov\u00eb, e cil\u00ebsdo fuqi t\u00eb huaj, mund t\u00eb jet\u00eb vet\u00ebm n\u00eb baz\u00eb t\u00eb p\u00eblqimit t\u00eb autoriteteve t\u00eb Kosov\u00ebs n\u00eb baza bilaterale p\u00ebrmes nj\u00eb Marr\u00ebveshje mbi Statusin e Forcave- SOFA t\u00eb re; e dyta, prezenca ushtarake n\u00eb Kosov\u00eb n\u00eb baz\u00eb t\u00eb kapitullit VII t\u00eb Kart\u00ebs s\u00eb Organizat\u00ebs s\u00eb Kombeve t\u00eb Bashkuara mund t\u00eb b\u00ebhet vet\u00ebm n\u00eb rast t\u00eb prishjes s\u00eb paqes dhe siguris\u00eb nd\u00ebrkomb\u00ebtare ose k\u00ebrc\u00ebnimit p\u00ebr nj\u00eb gj\u00eb t\u00eb till\u00eb, gj\u00eb q\u00eb nuk \u00ebsht\u00eb rasti, sepse Kosova deri m\u00eb sot ka treguar p\u00ebrgjegj\u00ebsi t\u00eb lart\u00eb p\u00ebr sigurin\u00eb dhe paqen nd\u00ebrkomb\u00ebtare\u201d, thot\u00eb Hasani. Edhe sikur t\u00eb kishte prishje t\u00eb paqes dhe siguris\u00eb nd\u00ebrkomb\u00ebtare, sipas ish-kryetarit t\u00eb Gjykat\u00ebs Kushtetuese, prap\u00ebseprap\u00eb do t\u00eb duhej nj\u00eb rezolut\u00eb tjet\u00ebr e K\u00ebshillit t\u00eb Sigurimit.<\/p>\n \u201cN\u00eb baz\u00eb t\u00eb Rezolut\u00ebs 1244 t\u00eb KS vet\u00ebm KFOR-i mund t\u00eb q\u00ebndroj\u00eb n\u00eb Kosov\u00eb dhe madje mbi baz\u00ebn e nj\u00eb p\u00eblqimi t\u00eb dh\u00ebn\u00eb nga ana e Kosov\u00ebs m\u00eb dat\u00ebn 17 shkurt 2008. Vendet e tjera q\u00eb kan\u00eb prani ushtarake jasht\u00eb KFOR-it at\u00eb e kan\u00eb, sepse Kosova ka lidhur SOFA me to. Serbia n\u00eb k\u00ebt\u00eb drejtim, deri m\u00eb sot, nuk ka paraqitur nj\u00eb k\u00ebrkes\u00eb p\u00ebr nj\u00eb marr\u00ebveshje t\u00eb till\u00eb. \u00c7do rikthim i tyre, duke u bazuar gjoja n\u00eb dispozitat e tejkaluara t\u00eb Rezolut\u00ebs 1244, do t\u00eb thot\u00eb shkelje e sovranitetit dhe integritetit territorial t\u00eb Kosov\u00ebs, komprometim i pavar\u00ebsis\u00eb s\u00eb saj nd\u00ebrkomb\u00ebtare dhe ftes\u00eb p\u00ebr nj\u00eb konflikt t\u00eb ri mes dy vendeve\u201d, ka argumentuar Hasani.<\/p>\n 23 vjet pas luft\u00ebs, KFOR-i mbetet prania m\u00eb e besueshme nd\u00ebrkomb\u00ebtare n\u00eb Kosov\u00eb q\u00eb nuk kontestohet as nga shqiptar\u00ebt, as nga serb\u00ebt. Krahasuar me vitet e para t\u00eb pasluft\u00ebs, numri i pjes\u00ebtar\u00ebve t\u00eb k\u00ebsaj force \u00ebsht\u00eb reduktuar duksh\u00ebm. Por obligimet e misionit vijojn\u00eb t\u00eb konsistojn\u00eb n\u00eb disa drejtime.<\/p>\n Afro\u00a04 mij\u00eb<\/a>\u00a0trupa nga 28 shtete t\u00eb udh\u00ebhequr nga NATO-ja, vazhdojn\u00eb t\u00eb angazhohen p\u00ebr sigurin\u00eb e t\u00eb gjith\u00eb qytetar\u00ebve. Prin\u00eb Italia me 715 trupa, e pasuar nga ShBA-ja me 561 trupa. Pik\u00ebrisht ShBA-t\u00eb ishin t\u00eb parat q\u00eb mohuan kategorikisht mund\u00ebsin\u00eb e rikthimit t\u00eb ushtris\u00eb serbe. Emisari p\u00ebr Ballkanin Per\u00ebndimor, Gabriel Escobar\u00a0rikonfirmoi<\/a>\u00a0se Kosova ka garanci shum\u00eb t\u00eb forta sigurie nga Shtetet e Bashkuara.<\/p>\n Pengesat e Serbis\u00eb<\/strong><\/p>\n Pavar\u00ebsisht munges\u00ebs s\u00eb pranis\u00eb me trupa n\u00eb Kosov\u00eb, Serbia asnj\u00ebher\u00eb nuk i ka ndalur obstruksionet ndaj shtetit t\u00eb Kosov\u00ebs, duke i v\u00ebn\u00eb n\u00eb sh\u00ebrbim e saj strukturat paralele n\u00eb veri. Prej 10 dhjetorit, serb\u00ebt i bllokuan rrug\u00ebt me mjete t\u00eb r\u00ebnda pas arrestimit t\u00eb ish-pjes\u00ebtarit t\u00eb Policis\u00eb s\u00eb Kosov\u00ebs, Dejan Pantiq. Rreth 13 barrikada u vendos\u00ebn n\u00eb rrug\u00ebt e veriut duke bllokuar edhe arteriet kryesore. Tri pika kufitare mes Kosov\u00ebs dhe Serbis\u00eb u mbyll\u00ebn p\u00ebr qarkullim. E, n\u00eb disa raste cak i sulmeve nga persona t\u00eb paidentifikuar ishin polic\u00ebt dhe ekipet e gazetar\u00ebve n\u00eb veri.<\/p>\n Pengesat u hoq\u00ebn m\u00eb 29 dhjetor vet\u00ebm pasi organet e drejt\u00ebsis\u00eb s\u00eb Kosov\u00ebs i shqiptuan mas\u00ebn e\u00a0arrestit sht\u00ebpiak<\/a>\u00a0policit t\u00eb arrestuar, edhe pse dyshohet p\u00ebr sulm terrorist ndaj institucioneve t\u00eb vendit.<\/p>\n N\u00eb sinkron me vendosjen e barrikadave, presidenti serb Aleksand\u00ebr Vu\u00e7iq, e vuri n\u00eb gatishm\u00ebri t\u00eb lart\u00eb luftarake edhe ushtrin\u00eb p\u00ebrreth kufirit me Kosov\u00ebn. Vendimmarrja u shoq\u00ebrua m\u00eb nj\u00eb fushat\u00eb t\u00eb eg\u00ebr dezinformuese nga mediat serbe, t\u00eb cilat ngrit\u00ebn alarmin p\u00ebr kinse\u00a0rrezikun<\/a>\u00a0e vrasjes dhe d\u00ebbimit t\u00eb serb\u00ebve nga Kosova. Kjo analogji \u00ebsht\u00eb e ngjashme me at\u00eb t\u00eb presidentit t\u00eb Rusis\u00eb, Vladimir Putin, i cili pushtimin e Ukrain\u00ebs e nisi me pretekstin e mbrojtjes s\u00eb rus\u00ebve n\u00eb k\u00ebt\u00eb shtet. Aksionet e tij n\u00eb Ukrain\u00eb, Putini tentoi t\u2019i arsyetoj\u00eb p\u00ebrmes propagand\u00ebs. Ai \u00ebsht\u00eb thell\u00ebsisht i p\u00ebrfshir\u00eb n\u00eb p\u00ebrhapjen e narrativave t\u00eb rreme rreth luft\u00ebs, duke k\u00ebrkuar t\u00eb portretizoj\u00eb \u201coperacionin ushtarak special\u201d t\u00eb Rusis\u00eb si nj\u00eb mision pan-sllav p\u00ebr t\u00eb bashkuar ukrainasit me Rusin\u00eb. N\u00eb Serbi ka forca gjithnj\u00eb e m\u00eb t\u00eb rrezikshme q\u00eb mb\u00ebshtesin Putinin, i cili \u00ebsht\u00eb i interesuar ta shp\u00ebrndaj\u00eb konfliktin edhe n\u00eb rajonin e Ballkanit. P\u00ebrve\u00e7 refuzimit q\u00eb ta njoh\u00eb Kosov\u00ebn, Putini ishte pas nj\u00eb p\u00ebrpjekjeje p\u00ebr\u00a0grusht shtet<\/a>\u00a0n\u00eb Malin e Zi n\u00eb vitin 2016, si dhe ka mb\u00ebshtetur element\u00eb separatist\u00eb n\u00eb Bosnje dhe Hercegovin\u00eb. Politikan\u00ebt serb jan\u00eb duke imituar ata rus edhe n\u00eb deklaratat publike rreth Kosov\u00ebs.<\/p>\n K\u00ebsisoj, shefi i s\u00eb ashtuquajtur\u00ebs Zyr\u00eb p\u00ebr Kosov\u00eb n\u00eb Qeverin\u00eb serbe, Petar Petkoviq, deklaroi se Kosova ka rritur n\u00eb nivelin m\u00eb t\u00eb lart\u00eb gatishm\u00ebrin\u00eb luftarake t\u00eb forcave t\u00eb siguris\u00eb, dhe se \u201cp\u00ebrgatiten p\u00ebr t\u00eb sulmuar popullin serb n\u00eb barrikada\u201d. Por kjo u mohua nga Ministri i Pun\u00ebve t\u00eb Brendshme, Xhelal Sve\u00e7la sipas t\u00eb cilit kjo \u00ebsht\u00eb pjes\u00eb e\u00a0propagand\u00ebs<\/a>\u00a0s\u00eb dyshes Serbi- Rusi. Rikthimi i tensioneve pamund\u00ebsoi edhe dialogun e proklamuar p\u00ebr marr\u00ebveshjen finale Kosov\u00eb-Serbi, mbi baz\u00ebn e\u00a0propozimit<\/a>\u00a0franko-gjerman. Pas largimit t\u00eb barrikadave mund t\u00eb pritet intensifikim i p\u00ebrpjekjeve p\u00ebr t\u2019i \u00e7uar pal\u00ebt drejt normalizimit t\u00eb plot\u00eb t\u00eb marr\u00ebdh\u00ebnieve.<\/p>\n Por referuar q\u00ebndrimeve tashm\u00eb t\u00eb betonuara rreth temave q\u00eb duhet trajtuar, nj\u00eb marr\u00ebveshje e shpejt\u00eb nuk duket n\u00eb horizont.<\/p>\n