{"id":1012,"date":"2022-05-19T15:45:10","date_gmt":"2022-05-19T14:45:10","guid":{"rendered":"https:\/\/sbunker.org\/?p=1012"},"modified":"2024-10-28T12:33:19","modified_gmt":"2024-10-28T10:33:19","slug":"lufta-ne-ukraine-ka-shtuar-tensionet-ne-mes-kosoves-dhe-serbise","status":"publish","type":"post","link":"https:\/\/sbunker.org\/sr\/disinfo\/lufta-ne-ukraine-ka-shtuar-tensionet-ne-mes-kosoves-dhe-serbise\/","title":{"rendered":"Lufta n\u00eb Ukrain\u00eb ka shtuar tensionet n\u00eb mes Kosov\u00ebs dhe Serbis\u00eb"},"content":{"rendered":"
\n

Shum\u00eb koh\u00eb para se konflikti n\u00eb Ukrain\u00eb t\u00eb p\u00ebrshkall\u00ebzohej n\u00eb nj\u00eb luft\u00eb n\u00eb shkall\u00eb t\u00eb gj\u00ebr\u00eb nga ana e Rusis\u00eb, tensionet n\u00eb Ballkanin Per\u00ebndimor ishin t\u00eb pranishme, ashtu si edhe interesimi i Rusis\u00eb q\u00eb Ballkani Per\u00ebndimor t\u00eb mbetej zon\u00eb e trazuar brenda Evrop\u00ebs dhe t\u00eb p\u00ebrdorej si k\u00ebrc\u00ebnim, kurdo q\u00eb shihej e dobishme p\u00ebr t\u00eb.<\/span><\/p>\n<\/div>\n

\n
\n

Para hi\u00e7 m\u00eb larg se 6 viteve, ishte konfirmuar p\u00ebrfshirja e sh\u00ebrbimit sekret rus<\/a> n\u00eb nj\u00eb grusht-shtet t\u00eb d\u00ebshtuar n\u00eb Malin e Zi. Ishte koha kur Mali i Zi po p\u00ebrmbyllte procedurat p\u00ebr an\u00ebtar\u00ebsimin n\u00eb NATO dhe sigurisht q\u00eb kjo gj\u00eb nuk i konvenont Rusis\u00eb. Marr\u00ebdh\u00ebnie gjithnj\u00eb e m\u00eb t\u00eb af\u00ebrta ishin par\u00eb edhe n\u00eb mes t\u00eb kryeministrit t\u00eb Maqedonis\u00eb s\u00eb Veriut, Nikola Gruevski dhe presidentit Putin- marr\u00ebdh\u00ebnie k\u00ebto q\u00eb qartazi pengonin progresin e shtetit maqedonas drejt an\u00ebtar\u00ebsimit n\u00eb NATO<\/a>. N\u00eb an\u00ebn tjeter, raportet e ngushta q\u00eb p\u00ebrfaq\u00ebsuesi i Republik\u00ebs Serbe n\u00eb Bosnje e Hercegovin\u00eb Milorad Dodik<\/a> kultivoi me Presidentin Putin dhan\u00eb sinjal t\u00eb qart\u00eb p\u00ebr motivet dhe interesat e Rusis\u00eb n\u00eb k\u00ebt\u00eb pjes\u00eb t\u00eb Evrop\u00ebs. Dhe e fundit, mir\u00ebmbajtja e raporteve t\u00eb tensionuara n\u00eb mes Kosov\u00ebs dhe Serbis\u00eb, del t\u00eb jet\u00eb strategji e mir\u00ebmenduar e Federat\u00ebs Ruse p\u00ebr t\u00eb betonuar ndikimin<\/a> e saj n\u00eb rajon.<\/p>\n

Duke qen\u00eb t\u00eb vet\u00ebdijsh\u00ebm p\u00ebr nj\u00eb interesim t\u00eb shtuar rus n\u00eb Ballkan, Kosova ka qen\u00eb e p\u00ebrkushtuar dhe ka nd\u00ebrmarr\u00eb veprimet e duhura q\u00eb t\u00eb pengoj\u00eb \u00e7far\u00ebdo p\u00ebrpjekje destabilizuese n\u00eb vend. N\u00eb k\u00ebt\u00eb kuptim, vitin e kaluar, Qeveria e Kosov\u00ebs ka shpallur non-grata dy diplomat\u00eb rus<\/a> q\u00eb kan\u00eb vepruar n\u00eb Kosov\u00eb, me arsyetimin se kan\u00eb paraqitur k\u00ebrc\u00ebnim p\u00ebr sigurin\u00eb komb\u00ebtare t\u00eb Kosov\u00ebs.<\/p>\n

Sidoqoft\u00eb, pas sulmit t\u00eb Rusis\u00eb mbi Ukrain\u00ebn \u00ebsht\u00eb ngritur alarmi p\u00ebr mund\u00ebsin\u00eb e p\u00ebrshkall\u00ebzimit t\u00eb shp\u00ebrndarjes s\u00eb konfliktit edhe n\u00eb rajonin e Ballkanit Per\u00ebndimor, p\u00ebr shkak t\u00eb \u00e7\u00ebshtjes s\u00eb pazgjidhur mes Kosov\u00ebs e Serbis\u00eb dhe situat\u00ebs s\u00eb brisht\u00eb politike n\u00eb Bosnj\u00eb e Hercegovin\u00eb. Megjithat\u00eb, pavar\u00ebsisht v\u00ebmendjes s\u00eb shtuar n\u00eb Ukrain\u00eb, SHBA-ja dhe BE-ja rikalibruan fokusin e tyre n\u00eb Ballkanin Per\u00ebndimor. Nj\u00eb delegacion i lart\u00eb amerikan vizitoi rajonin, ku k\u00ebrkes\u00eb kryesore ishte dh\u00ebnia fund \u201cstatuskuos\u00eb\u201d mes Kosov\u00ebs dhe Serbis\u00eb<\/a>. Nd\u00ebrsa n\u00eb an\u00ebn tjet\u00ebr, q\u00eb nga fillimi i luft\u00ebs n\u00eb Ukrain\u00eb, BE-ja ka qen\u00eb m\u00eb e z\u00ebshme n\u00eb k\u00ebrkes\u00ebn q\u00eb Serbia t\u00eb rreshtohet p\u00ebrkrah per\u00ebndimit n\u00eb vendosjen e sanksioneve ndaj Rusis\u00eb.<\/a><\/p>\n

Incidentet n\u00eb veri t\u00eb Kosov\u00ebs<\/strong><\/p>\n

Dy sulme mbi policin\u00eb n\u00eb veriun e Kosov\u00ebs gjat\u00eb prillit t\u00eb cilat nuk \u00ebsht\u00eb e qart\u00eb se nga kush u kryen, por q\u00eb qeveria e Kosov\u00ebs i cil\u00ebsoi si p\u00ebrpjekje p\u00ebr destabilizim nga jasht\u00eb, rikthyen akuzat e nd\u00ebrsjella mes pal\u00ebve. Megjith\u00ebse rasti \u00ebsht\u00eb n\u00eb hetim, qeveria e Kosov\u00ebs e cil\u00ebsoi si sulm terrorist<\/a> duke pretenduar se plumbat q\u00eb q\u00eblluan veturat e policis\u00eb u shtien nga territori i Serbis\u00eb.<\/p>\n

Ministri i Pun\u00ebve t\u00eb Brendshme Xhelal Sve\u00e7la dhe Drejtori i Policis\u00eb Samedin Mehmeti than\u00eb n\u00eb konferenc\u00eb t\u00eb p\u00ebrbashk\u00ebt p\u00ebr media se polic\u00ebt kufitar\u00eb u sulmuan p\u00ebr tre dit\u00eb rresht, gjat\u00eb nd\u00ebrrimeve n\u00eb pik\u00ebn kufitare me Serbin\u00eb-Jarinje. Sipas Sve\u00e7l\u00ebs, tentim sulmi i par\u00eb u krye duke vendosur iriq\u00eb metalik\u00eb n\u00eb rrug\u00ebn nacionale, \u201cme q\u00ebllim q\u00eb t\u00eb pamund\u00ebsojn\u00eb pun\u00ebn e Policis\u00eb s\u00eb Kosov\u00ebs dhe n\u00eb t\u00eb nj\u00ebjt\u00ebn koh\u00eb t\u00eb rrezikojn\u00eb jet\u00ebn e pjes\u00ebtar\u00ebve t\u00eb policis\u00eb\u201d. Kurse n\u00eb sulmin e dyt\u00eb jan\u00eb hedhur gur\u00eb n\u00eb drejtim t\u00eb Policis\u00eb s\u00eb Kosov\u00ebs.<\/p>\n

Sulmi i tret\u00eb u krye me arm\u00eb zjarri n\u00eb af\u00ebrsi t\u00eb pik\u00ebs s\u00eb kontrollit t\u00eb ngritur me q\u00ebllim t\u00eb pengimit t\u00eb shfryt\u00ebzimit t\u00eb rrug\u00ebve ilegale. N\u00eb automjetin e Policis\u00eb po udh\u00ebtonin polic\u00eb- shqiptar\u00eb dhe serb\u00eb.<\/p>\n

N\u00eb nj\u00eb paraqitje publike, ministri i brendsh\u00ebm Xhelal Sve\u00e7la deklaroi se \u201cAngazhimi serioz i institucioneve t\u00eb Kosov\u00ebs, posa\u00e7\u00ebrisht i Policis\u00eb s\u00eb Kosov\u00ebs, q\u00eb t\u00eb vendos\u00eb rend dhe ligj n\u00eb \u00e7do cep t\u00eb Kosov\u00ebs, \u00ebsht\u00eb b\u00ebr\u00eb penges\u00eb p\u00ebr Serbin\u00eb, p\u00ebr grupe t\u00eb caktuara, t\u00eb cilat mb\u00ebshteten drejtp\u00ebrdrejt nga Serbia dhe realisht ua prish planet t\u00eb gjith\u00eb atyre, t\u00eb cil\u00ebt Kosov\u00ebn e kan\u00eb par\u00eb potencialisht si \u00e7erdhe t\u00eb krimit t\u00eb tyre dhe si vazhdim\u00ebsi t\u00eb krizave tjera\u201d.<\/p>\n

Lidhur me mospublikimin e sulmeve m\u00eb her\u00ebt, ministri \u00ebsht\u00eb arsyetuar se i kan\u00eb l\u00ebn\u00eb koh\u00eb policis\u00eb p\u00ebr t\u2019i zbuluar shkaktar\u00ebt. Por, pas sulmit ku u rrezikua drejt\u00ebp\u00ebrdrejt jeta e zyrtar\u00ebve policor\u00eb, si\u00e7 ka th\u00ebn\u00eb ministri i rendit, ka pasur vler\u00ebsime prej organeve t\u00eb siguris\u00eb se b\u00ebhet fjal\u00eb p\u00ebr sulm terrorist dhe informatat jan\u00eb ndar\u00eb me publikun me q\u00ebllim t\u00eb parandalimit t\u00eb \u00e7far\u00ebdo lloj dezinformate.<\/p>\n

Pavar\u00ebsisht arritjes s\u00eb disa marr\u00ebveshjeve n\u00eb t\u00eb kaluar\u00ebn q\u00eb prekin edhe aspektin e siguris\u00eb n\u00eb veri, ato nuk ka kontribuar n\u00eb mbajtjen e qet\u00ebsis\u00eb. N\u00eb disa raste edhe vet\u00eb zyrtar\u00eb t\u00eb Kosov\u00ebs<\/a> kan\u00eb p\u00ebrs\u00ebritur se Serbia vazhdon t\u2019i mbaj\u00eb gjall\u00eb strukturat paralele n\u00eb veri, q\u00eb kan\u00eb p\u00ebr q\u00ebllim krijimin e tensioneve sa her\u00eb q\u00eb k\u00ebt\u00eb ua k\u00ebrkon Beogradi. Sulmet si k\u00ebto n\u00eb veri shpesh kan\u00eb sh\u00ebrbyer p\u00ebr krijimin e nj\u00eb situate t\u00eb re n\u00eb terren, pas s\u00eb cil\u00ebs kan\u00eb nisur negociatat. Prej pasluft\u00ebs, struktura e ashtuquajtur \u201cMbrojtja Civile\u201d ka operuar n\u00eb veri n\u00ebp\u00ebrmjet frik\u00ebsimeve dhe shantazheve si mjete p\u00ebr ta mir\u00ebmbajtur shtetin e Serbis\u00eb n\u00eb k\u00ebt\u00eb pjes\u00eb t\u00eb territorit. P\u00ebrpjekja e institucioneve t\u00eb Kosov\u00ebs p\u00ebr t\u00eb shtrir\u00eb sovranitetin n\u00eb veri r\u00ebndom ka hasur n\u00eb rezistenc\u00eb t\u00eb serb\u00ebve. Kjo \u00ebsht\u00eb shoq\u00ebruar me bllokim rrug\u00ebsh e sulme ndaj policis\u00eb.<\/p>\n

Vlen t\u00eb theksohet se Kosova dhe Serbia kan\u00eb n\u00ebnshkruar nj\u00eb marr\u00ebvshje<\/a> q\u00eb t\u00eb shuaj\u00eb \u201cMbrojtjen Civile\u201d dhe ish pjes\u00ebtar\u00ebt e k\u00ebsaj strukture- 483 jan\u00eb integruar n\u00eb institucionet qendrore t\u00eb Kosov\u00ebs.<\/p>\n

Diplomat\u00ebt k\u00ebrkojn\u00eb shmangien e tensioneve<\/strong><\/p>\n

Duke qen\u00eb t\u00eb vet\u00ebdijsh\u00ebm p\u00ebr situat\u00ebn e brisht\u00eb n\u00eb veri t\u00eb vendit, ambasadat per\u00ebndimore n\u00eb Kosov\u00eb dhe Zyra e Bashkimit Evropian kan\u00eb d\u00ebnuar sulmet mbi policin\u00eb, por n\u00eb t\u00eb nj\u00ebjt\u00ebn koh\u00eb k\u00ebrkuan t\u00eb shmangen spekulimet q\u00eb mund t\u00eb nxisin tensione n\u00eb k\u00ebt\u00eb pjes\u00eb t\u00eb Kosov\u00ebs. K\u00ebshtu, Ambasadori amerikan n\u00eb Prishtin\u00eb, Jeff Hovenier, <\/a>u shpreh i shqet\u00ebsuar nga raportimet p\u00ebr t\u00eb sht\u00ebna me arm\u00eb zjarri dhe hedhje gur\u00ebsh ndaj zyrtar\u00ebve policor\u00eb pran\u00eb Zubin Potokut. Nd\u00ebrkaq Zyra e BE-s\u00eb<\/a> ka d\u00ebnuar ashp\u00ebr at\u00eb q\u00eb e ka cil\u00ebsuar \u201csulm t\u00eb dhunsh\u00ebm ndaj nj\u00eb patrulle t\u00eb Policis\u00eb s\u00eb Kosov\u00ebs\u201d. N\u00eb t\u00eb nj\u00ebjt\u00ebn linj\u00eb t\u00eb d\u00ebnimit ishte edhe Misioni i NATO-s n\u00eb Kosov\u00eb<\/a>, ku p\u00ebrve\u00e7se d\u00ebnoi sulmet kund\u00ebr Policis\u00eb, ofroi gatishm\u00ebrin\u00eb p\u00ebr ta mb\u00ebshtetur Policin\u00eb e Kosov\u00ebs n\u00ebse kjo iu k\u00ebrkohet.<\/p>\n

Lista serbe d\u00ebnoi sulmet<\/strong><\/p>\n

Si rrall\u00ebher\u00eb, ndaj k\u00ebtyre sulmeve reagoi edhe Lista Serbe dhe zyrtar\u00eb tjer\u00eb nga Beogradi. Ndon\u00ebse nuk jan\u00eb kuptuar motivet e as autor\u00ebt e sulmeve, subjekti q\u00eb p\u00ebrfaq\u00ebson serb\u00ebt e Kosov\u00ebs e cil\u00ebsoi si tendenc\u00eb t\u00eb Prishtin\u00ebs zyrtare p\u00ebr t\u2019i njollosur serb\u00ebt.<\/p>\n

\u201cKy incident ka p\u00ebr q\u00ebllim destabilizimin e situat\u00ebs, por \u00ebsht\u00eb edhe tentim p\u00ebr t\u2019i paraqitur serb\u00ebt si bandit\u00eb, gj\u00eb q\u00eb nuk \u00ebsht\u00eb e v\u00ebrtet\u00eb\u201d, thuhet n\u00eb komunikat\u00ebn e List\u00ebs Serbe<\/a>.<\/p>\n

Ky subjekt u b\u00ebri thirrje \u201ct\u00eb gjith\u00eb qytetar\u00ebve q\u00eb t\u00eb p\u00ebrmbahen, t\u00eb mos bien pre e provokimeve dhe t\u00eb mos lejojn\u00eb incidente t\u00eb tilla q\u00eb rrezikojn\u00eb paqen shum\u00eb t\u00eb nevojshme n\u00eb k\u00ebt\u00eb zon\u00eb\u201d.<\/p>\n

Me q\u00ebllimin q\u00eb t\u00eb ndalet kontrabanda, policia e Kosov\u00ebs n\u00eb fillim t\u00eb k\u00ebtij viti pati mbyllur disa rrug\u00eb ilegale n\u00eb zon\u00ebn kufitare me Serbin\u00eb. Por n\u00eb periudh\u00ebn 26-28 prill, KFOR-i njoftoi<\/a> se n\u00eb koordinim me Policin\u00eb e Kosov\u00ebs dhe MPB-n\u00eb ka nd\u00ebrmarr\u00eb veprime p\u00ebr hapjen e rrug\u00ebs n\u00eb af\u00ebrsi t\u00eb vij\u00ebs kufitare administrative.<\/p>\n

Sipas tyre, \u00e7do mas\u00eb sigurie q\u00eb synon p\u00ebrmir\u00ebsimin e policis\u00eb dhe ruajtjen e nj\u00eb mjedisi t\u00eb sigurt dhe t\u00eb qet\u00eb duhet t\u00eb peshohet proporcionalisht kundrejt nevojave t\u00eb komuniteteve lokale dhe liris\u00eb s\u00eb l\u00ebvizjes p\u00ebr vendasit.<\/p>\n

\u00a0\u201cStatuskuoja\u201d e paq\u00ebndrueshme \u00a0<\/strong><\/p>\n

Ndihm\u00ebs sekretarja amerikane p\u00ebr \u00e7\u00ebshtje t\u00eb Evrop\u00ebs dhe Azis\u00eb, Karen Donfried tha se<\/a> kjo situat\u00eb i shkon p\u00ebr shtati vet\u00ebm Rusis\u00eb q\u00eb \u00ebsht\u00eb e interesuar ta shp\u00ebrndaj\u00eb konfliktin. K\u00ebsisoj, u k\u00ebrkuan hapa konkret\u00eb n\u00eb arritjen e nj\u00eb marr\u00ebveshjeje p\u00ebrfundimtare brenda s\u00eb cil\u00ebs do t\u00eb p\u00ebrfshiheshin t\u00eb gjitha \u00e7\u00ebshtjet e pazgjidhura mes dy pal\u00ebve.<\/p>\n

Gati 10 muaj pas takimit t\u00eb fundit Kurti-Vu\u00e7iq ata u ftuan n\u00eb nj\u00eb dark\u00eb joformale<\/a> n\u00eb Berlin, e cila u shtrua nga i d\u00ebrguari i posa\u00e7\u00ebm i BE-s\u00eb p\u00ebr dialogun, Miroslav Laj\u00e7ak. Paraprakisht Vu\u00e7iqin e Kurtin ndaras i takoi kancelari i Gjermanis\u00eb Olaf Scholz, i cili k\u00ebrkoi angazhimin e t\u00eb dyve p\u00ebr arritjen e nj\u00eb zgjidhjeje p\u00ebrfundimtare.<\/p>\n

Por pal\u00ebt nuk kan\u00eb dh\u00ebn\u00eb sinjale t\u00eb qarta se do t\u00eb ndryshojn\u00eb q\u00ebndrimet e tyre. Derisa Kurti insiston<\/a> q\u00eb n\u00eb qend\u00ebr t\u00eb marr\u00ebveshjes t\u00eb jet\u00eb njohja e nd\u00ebrsjell\u00eb, Vu\u00e7iqi<\/a> e ka p\u00ebrjashtuar k\u00ebt\u00eb duke k\u00ebrkuar q\u00eb Kosova ta p\u00ebrmbush\u00eb obligimin p\u00ebr themelimin e Asociacioni t\u00eb Komunave me Shumic\u00eb Serbe.<\/p>\n

Kancelari Olaf Scholz, tha se p\u00ebrparimi n\u00eb dialogun Kosov\u00eb-Serbi<\/a> \u00ebsht\u00eb i nj\u00eb r\u00ebnd\u00ebsie t\u00eb madhe p\u00ebr paqen dhe stabilitetin n\u00eb Evrop\u00ebn Juglindore, ashtu si edhe p\u00ebr integrimin evropian t\u00eb t\u00eb dyja vendeve. Sipas kancelarit gjerman, marr\u00ebveshja e ardhshme Kosov\u00eb-Serbi do t\u00eb ket\u00eb shum\u00eb detaje, dhe m\u00eb kryesorja- ajo p\u00ebr \u00e7ka insiston Kosova- do ta p\u00ebrfshij\u00eb edhe njohjen reciproke. Por nj\u00eb qart\u00ebsi t\u00eb till\u00eb sa i p\u00ebrket epilogut t\u00eb marr\u00ebveshjes nuk e ka shprehur Miroslav Laj\u00e7ak. Kjo p\u00ebr faktin se pes\u00eb vende nuk e njohin shtetin e Kosov\u00ebs, rrjedhimisht BE-ja ka q\u00ebndrim neutral karshi statusit. Premtimi i vet\u00ebm p\u00ebr Kosov\u00ebn kur vjen puna tek dialogu \u00ebsht\u00eb konfirmimi i s\u00eb ardhmes europiane p\u00ebr Kosov\u00ebn dhe Ballkanin Per\u00ebndimor<\/a>. N\u00eb munges\u00eb t\u00eb qart\u00ebsis\u00eb e cila do t\u2019i jepte fund ng\u00ebr\u00e7it n\u00eb dialog, BE-ja koh\u00eb pas kohe i rikthehet k\u00ebrkes\u00ebs p\u00ebr implementimin e marr\u00ebveshjeve nga dialogu i kaluar, p\u00ebrfshir\u00eb at\u00eb p\u00ebr themelimin e Asociacionit t\u00eb Komunave me Shumic\u00eb Serbe. BE-ja \u00ebsht\u00eb kritikuar edhe nga zyrtar\u00eb t\u00eb Kosov\u00ebs p\u00ebr qasje t\u00eb nj\u00ebanshme<\/a>, duke mos i trajtuar pal\u00ebt si t\u00eb barabarta n\u00eb dialog.<\/p>\n

Putini krahason Kosov\u00ebn me rajonet n\u00eb Ukrain\u00eb e Kaukaz<\/strong><\/p>\n

Rasti i Kosov\u00ebs ka vazhduar t\u00eb p\u00ebrmendet nga zyrtar\u00ebt e Kremlinit p\u00ebr t\u2019i p\u00ebrligjur aneksimet e territoreve n\u00eb Ukrain\u00eb. Pas takimit me sekretarin e p\u00ebrgjithsh\u00ebm t\u00eb OKB-s\u00eb, Antonio Guterres, Vladimir Putin tha se ka lexuar personalisht vendimin e GJND<\/a>-s\u00eb p\u00ebr Kosov\u00ebn, sipas t\u00eb cilit zbatimi i t\u00eb drejt\u00ebs p\u00ebr vet\u00ebvendosje p\u00ebr territorin e nj\u00eb pjese t\u00eb caktuar nuk obligon k\u00ebrkimin e lejes p\u00ebr ta deklaruar sovranitetin nga vendi prej t\u00eb cilit ai shk\u00ebputet.<\/p>\n

\u201cKjo \u00ebsht\u00eb e shkruar n\u00eb relacion me Kosov\u00ebn dhe ky vendim \u00ebsht\u00eb p\u00ebrkrahur nga t\u00eb gjith\u00eb. N\u00ebse \u00ebsht\u00eb k\u00ebshtu, at\u00ebher\u00eb Republika e Donbasit dhe ajo e Doneskut kan\u00eb t\u00eb nj\u00ebjtat t\u00eb drejta duke mos zbatuar autoritetin qendror n\u00eb Kiev p\u00ebr ta deklaruar sovranitetin, pasi q\u00eb precedenti ekziston\u201d, u shpreh Putin<\/a>.<\/p>\n

Interesimi i Rusis\u00eb q\u00eb veprimet politike dhe aksionet ushtarake t\u2019i nd\u00ebrlidh\u00eb me Ballkanin \u00ebsht\u00eb i kahersh\u00ebm, por q\u00eb u intensifikua pas sulmit mbi Ukrain\u00ebn.<\/p>\n

\u00cbsht\u00eb pik\u00ebrisht kjo orvatje e Rusis\u00eb p\u00ebr t\u00eb krahasuar Kosov\u00ebn m\u00eb rajonet n\u00eb Ukrain\u00eb dhe Kaukaz q\u00eb ka nxitur strukturat per\u00ebndimore- BE-n\u00eb dhe NATO-n – dhe nj\u00eb pjes\u00eb t\u00eb lider\u00ebve politik\u00eb q\u00eb t\u00eb p\u00ebrshpejtojn\u00eb arritjen e nj\u00eb marr\u00ebveshjeje p\u00ebrfundimtare n\u00eb mes Kosov\u00ebs dhe Serbis\u00eb. Kjo do t\u00eb ishte m\u00ebnyra e vetme q\u00eb statuskoja t\u00eb mos i sh\u00ebrbente Rusis\u00eb dhe rajoni t\u00eb konsolidonte rrug\u00ebn e integrimit euro-atlantik.<\/p>\n

*Kjo analiz\u00eb u p\u00ebrgatit nga Fitim Gashi dhe Petrit Zogaj<\/em><\/p>\n

* Ky artikull publikohet n\u00eb kuad\u00ebr t\u00eb Iniciativ\u00ebs Rajonale t\u00eb Ballkanit Per\u00ebndimor kund\u00ebr dezinformimit. <\/em>\u201cQendra kund\u00ebr dezinformatave n\u00eb Ballkanin Per\u00ebndimor: ekspozimi i ndikimeve keqdash\u00ebse p\u00ebrmes gazetaris\u00eb mbik\u00ebqyr\u00ebse.\u201d<\/a><\/p>\n<\/div>\n<\/div>","protected":false},"excerpt":{"rendered":"

Shum\u00eb koh\u00eb para se konflikti n\u00eb Ukrain\u00eb t\u00eb p\u00ebrshkall\u00ebzohej n\u00eb nj\u00eb luft\u00eb n\u00eb shkall\u00eb t\u00eb gj\u00ebr\u00eb nga ana e Rusis\u00eb, tensionet n\u00eb Ballkanin Per\u00ebndimor ishin t\u00eb pranishme, ashtu si edhe interesimi i Rusis\u00eb q\u00eb Ballkani Per\u00ebndimor t\u00eb mbetej zon\u00eb e trazuar brenda Evrop\u00ebs dhe t\u00eb p\u00ebrdorej si k\u00ebrc\u00ebnim, kurdo q\u00eb shihej e dobishme p\u00ebr t\u00eb. […]<\/p>","protected":false},"author":18,"featured_media":2220,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[363,1242],"tags":[11,12,632],"ppma_author":[28],"class_list":["post-1012","post","type-post","status-publish","format-standard","has-post-thumbnail","hentry","category-disinfo","category-in-depth-story","tag-kosova","tag-serbia","tag-ukraine-war"],"authors":[{"term_id":28,"user_id":18,"is_guest":0,"slug":"disinfo","display_name":"Disinfo","avatar_url":{"url":"https:\/\/sbunker.org\/wp-content\/uploads\/2023\/10\/Sbunker_FAKE_NEWS_001-min1647858578.jpg","url2x":"https:\/\/sbunker.org\/wp-content\/uploads\/2023\/10\/Sbunker_FAKE_NEWS_001-min1647858578.jpg"},"user_url":"","last_name":"","first_name":"Disinfo","description":""}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/1012","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/18"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=1012"}],"version-history":[{"count":3,"href":"https:\/\/sbunker.org\/sr\/wp-json\/wp\/v2\/posts\/1012\/revisions"}],"predecessor-version":[{"id":2221,"href":"https:\/\/sbunker.org\/sr\/wp-json\/wp\/v2\/posts\/1012\/revisions\/2221"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/2220"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=1012"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=1012"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=1012"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=1012"}],"curies":[{"name":"wp","href":"https:\/\/api.w.org\/{rel}","templated":true}]}}