![\"Image\"](\"https:\/\/sbunker.net\/uploads\/sbunker.net\/images\/2022\/August\/11\/auto_aaaa1660221995.jpg\")
<\/div>\n\u201cKan\u00eb kapur nj\u00eb serb i cili transportonte ila\u00e7e, q\u00eb nuk ishte fajtor. Do t\u00eb thon\u00eb se ai \u00ebsht\u00eb fajtor se ishte n\u00eb nj\u00eb demonstrat\u00eb af\u00ebr barrikadave. Epo, t\u00eb gjith\u00eb serb\u00ebt jan\u00eb n\u00eb barrikada sepse po luftojn\u00eb, se nuk mendojn\u00eb se Kosova \u00ebsht\u00eb shtet i pavarur dhe pastaj Kurti para QUINT-it thot\u00eb se do t\u00eb luftoj\u00eb kund\u00ebr mafias dhe krimit. T\u00eb gjith\u00eb serb\u00ebt jan\u00eb mafioz\u00eb p\u00ebrve\u00e7 atyre q\u00eb thon\u00eb se Kosova \u00ebsht\u00eb e pavarur\u201d, ka th\u00ebn\u00eb Vu\u00e7iq<\/a>. Kjo deklarat\u00eb \u00ebsht\u00eb shp\u00ebrndar\u00eb edhe nga Kosovo-online<\/a> q\u00eb lexohet n\u00eb veriun e populluar me shumic\u00eb serbe.<\/p>\n Nd\u00ebrkaq, vart\u00ebsi i tij, drejtori i s\u00eb ashtuquajtur\u00ebs Zyr\u00eb p\u00ebr Kosov\u00eb n\u00eb Qeverin\u00eb e Serbis\u00eb Petkoviq, ka shpifur duke th\u00ebn\u00eb<\/a> se shoferi Dejan Spahiq \u00ebsht\u00eb maltretuar p\u00ebr disa or\u00eb nga PK-ja.<\/p>\n \u201cPas m\u00eb shum\u00eb se shtat\u00eb or\u00ebsh keqtrajtimi dhe mbijetese nga @albinkurti, Policia e Kosov\u00ebs dhe nj\u00ebsit\u00eb speciale, pak m\u00eb par\u00eb u lirua shoferi i ambulanc\u00ebs Dejan Spahiq! Sapo mora vesh nga ai se po mbahet mir\u00eb, pavar\u00ebsisht gjith\u00e7kaje q\u00eb ka kaluar. Beogradi ia ka angazhuar nj\u00eb avokat dhe t\u00eb gjith\u00eb mb\u00ebshtetjen e nevojshme, e cila n\u00eb fund, s\u00eb bashku me p\u00ebrpjekjet e presidentit @avucic, rezultoi me lirimin e tij n\u00eb sht\u00ebpi\u201d, ka shkruar Petkoviq, deklarata e t\u00eb cilit po ashtu \u00ebsht\u00eb shp\u00ebrndar\u00eb nga Kosovo-online<\/a>.<\/p>\n K\u00ebto deklarata jan\u00eb demantuar nga PK-ja, e cila ka sqaruar rrethanat e arrestimit t\u00eb shoferit t\u00eb ambulanc\u00ebs. PK-ja ka konfirmuar se arrestimi \u00ebsht\u00eb realizuar n\u00eb p\u00ebrpjekje t\u00eb luftimit t\u00eb kontradand\u00ebs n\u00eb veri, e jo ndonj\u00eb task force tjet\u00ebr p\u00ebr t\u00eb cil\u00ebn spekuloi Vu\u00e7iqi.<\/p>\n \u201cDrejtuesi i automjetit, nuk posedonte dokumente p\u00ebr prejardhjen e produkteve medicinale, andaj ekziston dyshim i bazuar se ato kan\u00eb hyr\u00eb n\u00eb territorin e Republik\u00ebs s\u00eb Kosov\u00ebs n\u00eb m\u00ebnyr\u00eb ilegale, pra jan\u00eb kontrabanduar duke i ikur obligimeve doganore\u201d, thuhet n\u00eb komunikat\u00ebn<\/a> e PK-s\u00eb.<\/p>\n Policia ka njoftuar prokurorin e Prokuroris\u00eb Themelore n\u00eb Mitrovic\u00eb dhe rasti n\u00eb koordinim me t\u00eb \u00ebsht\u00eb duke u trajtuar nga organet e hetuesis\u00eb.<\/p>\n Sipas Policis\u00eb, qarkullimi i informacioneve t\u00eb pav\u00ebrteta ka p\u00ebr q\u00ebllim dezinformimin<\/a> dhe krijimin e pasiguris\u00eb tek qytetar\u00ebt.<\/p>\n \u201cNj\u00ebkoh\u00ebsisht, p\u00ebrmes k\u00ebtij informacioni zyrtar demanton informatat e ndryshme, t\u00eb rreme t\u00eb cilat po qarkullojn\u00eb se kinse Policia e Kosov\u00ebs, n\u00eb veri t\u00eb Mitrovic\u00ebs po ndalon dhe maltreton qytetar\u00ebt, gjat\u00eb ushtrimit t\u00eb detyrave policore. Ftojm\u00eb qytetar\u00ebt q\u00eb t\u00eb mos bien pre e informacioneve t\u00eb tilla t\u00eb pasakta\u201d, thot\u00eb komunikata e PK-s\u00eb.<\/p>\n Serbia nd\u00ebrmori nj\u00eb fushat\u00eb t\u00eb eg\u00ebr dezinformimi n\u00eb prag t\u00eb fillimit t\u00eb zbatimit t\u00eb vendimit p\u00ebr reciprocitet n\u00eb targa dhe let\u00ebrnjoftime. P\u00ebr pasoj\u00eb, m\u00eb 31 korrik p\u00ebr disa or\u00eb dhjet\u00ebra qytetar\u00eb serb\u00eb me makina t\u00eb r\u00ebnda bllokuan<\/a> rrug\u00ebt q\u00eb shpiejn\u00eb drejt pikave kufitare n\u00eb Jarinje dhe B\u00ebrnjak. Pas k\u00ebrkes\u00ebs s\u00eb ambasadorit t\u00eb SHBA-s\u00eb Jeffrey Hovenier, qeveria e shtyu zbatimin e vendimit p\u00ebr 30 dit\u00eb.<\/p>\n Beogradi dezinformoi se sipas vendimit t\u00eb qeveris\u00eb s\u00eb Kosov\u00ebs, let\u00ebrnjoftimet e serb\u00ebve do t\u00eb konfiskoheshin n\u00eb kufi. Por me vendim<\/a> t\u00eb qeveris\u00eb, atyre q\u00eb kan\u00eb dokumente t\u00eb identifikimit t\u00eb Serbis\u00eb ve\u00e7se do t\u2019u shtohet nj\u00eb dokument n\u00eb pik\u00ebkalimet kufitare, praktik\u00eb kjo t\u00eb cil\u00ebn Serbia e aplikon me shtetasit e Kosov\u00ebs p\u00ebr m\u00eb shum\u00eb se nj\u00eb dekad\u00eb.<\/p>\n![\"Image\"](\"https:\/\/sbunker.net\/uploads\/sbunker.net\/images\/2022\/August\/11\/auto_sss1660222008.jpg\")
<\/div>\n