\u201cKosova \u00ebsht\u00eb Serbi, ka konfirmuar edhe nj\u00ebher\u00eb FIFA. Ukraina ngriti alarmin, pasi gjat\u00eb shortit t\u00eb grupeve p\u00ebr kualifikuesit e Bot\u00ebrorit 2026, grafika e publikuar shfaqi Krimen\u00eb si pjes\u00eb t\u00eb Rusis\u00eb, q\u00eb \u00ebsht\u00eb pozicioni i Mosk\u00ebs, por jo i Kievit dhe pothuajse i gjith\u00eb bot\u00ebs\u201d. Aty m\u00eb tej keqinformohet se FIFA i k\u00ebrkoi falje Ukrain\u00ebs p\u00ebr gabimin n\u00eb hart\u00eb, por q\u00eb k\u00ebt\u00eb nuk e b\u00ebri n\u00eb raport me Kosov\u00ebn.<\/p>\n
\u201cDometh\u00ebn\u00eb, askush nuk i p\u00ebrmendi m\u00eb, k\u00ebshtu q\u00eb mund t\u00eb konstatohet fakti q\u00eb Kosova dhe M \u00ebsht\u00eb pjes\u00eb e Serbis\u00eb dhe kjo p\u00ebr FIFA-n nuk \u00ebsht\u00eb gabim, por realitet\u201d, ka shkruar<\/a> mediumi serb.<\/p>\n Faktet mbi hart\u00ebn e FIFA-s<\/strong><\/p>\n Gjat\u00eb shortit p\u00ebr Kup\u00ebn e Bot\u00ebs 2026, FIFA<\/a> publikoi nj\u00eb hart\u00eb q\u00eb tregonte shtetet evropiane t\u00eb cilave nuk u lejohet t\u00eb luajn\u00eb kund\u00ebr nj\u00ebra-tjetr\u00ebs, mes t\u00eb tjerash edhe p\u00ebr shkak t\u00eb raporteve jo t\u00eb mira. Shembuj t\u00eb till\u00eb p\u00ebrshijn\u00eb Ukrain\u00ebn dhe Bjellorusin\u00eb, si dhe Spanj\u00ebn me Gjibraltarin. Kosova, Serbia dhe Bosnj\u00eb-Hercegovina gjithashtu figuronin n\u00eb hart\u00eb si pal\u00eb q\u00eb nuk mund t\u00eb ndesheshin.<\/p>\n Pretendimi i ngritur nga \u201cRepublika.rs<\/a>\u201d nuk reflekton realitetin e situat\u00ebs. Harta nuk kishte asnj\u00eb lidhje me njohjen shtet\u00ebrore t\u00eb vendeve, por thjesht sh\u00ebnonte kufizimet p\u00ebr arsye sigurie dhe gjeopolitike.<\/p>\n M\u00eb tej, FIFA prej vitesh ka p\u00ebrjashtuar pretendimet se Kosova trajtohet si pjes\u00eb e Serbis\u00eb. Organizata ka njohur<\/a> Kosov\u00ebn si an\u00ebtare t\u00eb saj q\u00eb nga viti 2016, duke e trajtuar si nj\u00eb shtet t\u00eb pavarur brenda komunitetit t\u00eb futbollit nd\u00ebrkomb\u00ebtar.<\/p>\n \u201cGazeta Express<\/a>\u201d gjithashtu publikoi nj\u00eb artikull duke pretenduar se \u201cFIFA dhe UEFA shkaktuan skandal t\u00eb madh duke paraqitur Kosov\u00ebn si pjes\u00eb t\u00eb Serbis\u00eb\u201d. N\u00eb k\u00ebt\u00eb artikull u p\u00ebrmend\u00ebn po t\u00eb nj\u00ebjtat argumente se Kosova trajtohet si pjes\u00eb e Serbis\u00eb, pa e sqaruar rrethan\u00ebn se brenda s\u00eb nj\u00ebjt\u00ebs ngjyr\u00eb \u00ebsht\u00eb rrumbullakuar edhe Bosnj\u00eb-Hercegovina, si dhe shtete t\u00eb tjera n\u00eb Europ\u00eb, q\u00eb nuk mund t\u00eb ndeshen mes vete.<\/p>\n FIFA, organi qeveris\u00ebs bot\u00ebror i futbollit, u p\u00ebrball me reagime<\/a> t\u00eb fuqishme nga Ukraina, q\u00eb k\u00ebrkoi sqarime se pse Krimea u trajtua si pjes\u00eb e Rusis\u00eb. M\u00eb pas, FIFA i ka k\u00ebrkuar falje<\/a> Federat\u00ebs s\u00eb Futbollit t\u00eb Ukrain\u00ebs, tek shtoi se ka hequr hart\u00ebn ku Krimea ishte l\u00ebn\u00eb jasht\u00eb Ukrain\u00ebs.<\/p>\n \u201cNe e kuptojm\u00eb plot\u00ebsisht ndjeshm\u00ebrin\u00eb delikate t\u00eb k\u00ebsaj natyre dhe nd\u00ebrkoh\u00eb q\u00eb incidenti ishte i paq\u00ebllimsh\u00ebm, ne sinqerisht shprehim keqardhje p\u00ebr \u00e7do shqet\u00ebsim q\u00eb mund t\u00eb ket\u00eb shkaktuar\u201d, shkruante n\u00eb letr\u00ebn<\/a> e FIFA-s.<\/p>\n Kosova e Ukraina jan\u00eb n\u00eb mesin e 54 p\u00ebrfaq\u00ebsueseve q\u00eb ishin pjes\u00eb e shortit t\u00eb kualifikimeve p\u00ebr Kampionatin Bot\u00ebror 2026, i cili mbahet n\u00eb SHBA, Meksik\u00eb e Kanada.<\/p>\n![\"\"](\"https:\/\/sbunker.org\/wp-content\/uploads\/2024\/12\/111111111111111-300x249.png\")
<\/p>\n