{"id":1177,"date":"2023-06-02T15:40:04","date_gmt":"2023-06-02T14:40:04","guid":{"rendered":"https:\/\/sbunker.org\/?p=1177"},"modified":"2024-12-16T11:21:04","modified_gmt":"2024-12-16T09:21:04","slug":"qasja-e-shba-se-karshi-dialogut-kosove-serbi-pritshmeri-te-larta-dhe-zhgenjime-te-vazhdueshme","status":"publish","type":"post","link":"https:\/\/sbunker.org\/sr\/analize\/qasja-e-shba-se-karshi-dialogut-kosove-serbi-pritshmeri-te-larta-dhe-zhgenjime-te-vazhdueshme\/","title":{"rendered":"Qasja e ShBA-s\u00eb karshi dialogut Kosov\u00eb-Serbi: pritshm\u00ebri t\u00eb larta dhe zhg\u00ebnjime t\u00eb vazhdueshme"},"content":{"rendered":"
\n

Kur Joe Biden mori presidenc\u00ebn m\u00eb 2021, pati nj\u00eb ndjesi t\u00eb pritshm\u00ebris\u00eb s\u00eb lart\u00eb<\/a> midis z\u00ebrave pro-demokratik\u00eb n\u00eb Ballkanin Per\u00ebndimor. Bideni ka p\u00ebrvoj\u00eb t\u00eb madhe n\u00eb politik\u00ebn e jashtme, pasi ka sh\u00ebrbyer tri mandate n\u00eb Senat. P\u00ebr m\u00eb tep\u00ebr, Bideni sh\u00ebrbeu edhe si z\u00ebvend\u00ebspresident n\u00eb administrat\u00ebn e Obam\u00ebs, gjat\u00eb s\u00eb cil\u00ebs koh\u00eb realizoi shum\u00eb vizita n\u00eb Ballkanin Per\u00ebndimor.<\/p>\n

Kjo p\u00ebrvoj\u00eb e tij kontrastonte shum\u00eb me at\u00eb t\u00eb paraardh\u00ebsit t\u00eb tij, presidentit Donald Trump, diplomacia e t\u00eb cilit ishte disi m\u00eb e ngatht\u00eb dhe i cili u p\u00ebrpoq t\u00eb finalizonte shpejt e shpejt nj\u00eb marr\u00ebveshje mes Kosov\u00ebs dhe Serbis\u00eb. Trumpi em\u00ebroi gjithashtu kontroversin Richard Grenell<\/a> si t\u00eb d\u00ebrguarin e tij presidencial n\u00eb rajon, q\u00eb ndoqi udh\u00ebn e nj\u00eb dialogu t\u00eb ndar\u00eb, duke ecur paralelisht me p\u00ebrpjekjet e vazhdueshme t\u00eb BE-s\u00eb.<\/p>\n

N\u00eb shtator 2020, lider\u00ebt e Kosov\u00ebs dhe Serbis\u00eb u thirr\u00ebn n\u00eb Sht\u00ebpin\u00eb e Bardh\u00eb p\u00ebr t\u00eb n\u00ebnshkruar nj\u00eb marr\u00ebveshje p\u00ebr normalizimin e ekonomis\u00eb, e cila ishte nj\u00eb p\u00ebrzierje e dispozitave t\u00eb ndryshme, duke nisur nga adresimi i \u00e7\u00ebshtjes s\u00eb personave t\u00eb zhdukur e deri tek em\u00ebrtimi i Hezbollahut si organizat\u00eb terroriste. Marr\u00ebveshjes dukej se i mungonte nj\u00eb strategji koherente dhe gjith\u00ebp\u00ebrfshir\u00ebse.<\/p>\n

Ndryshimi n\u00eb administrat\u00eb u manifestua me shpresa t\u00eb larta n\u00eb mesin e demokracive n\u00eb rajon, ve\u00e7an\u00ebrisht n\u00eb Kosov\u00eb. Pasi Bideni u em\u00ebrua m\u00eb 2021, uroi menj\u00ebher\u00eb krer\u00ebt e Kosov\u00ebs dhe t\u00eb Serbis\u00eb n\u00eb p\u00ebrvjetor\u00ebt e tyre t\u00eb pavar\u00ebsis\u00eb n\u00eb shkurt. Letra e Bidenit drejtuar presidentit serb Aleksandar Vu\u00e7iq p\u00ebrfshinte nj\u00eb fokus t\u00eb theksuar n\u00eb \u201cnjohjen reciproke\u201d, duke k\u00ebrkuar hapa t\u00eb nevojsh\u00ebm p\u00ebr arritjen e nj\u00eb marr\u00ebveshjeje gjith\u00ebp\u00ebrfshir\u00ebse p\u00ebr normalizimin e marr\u00ebdh\u00ebnieve me Kosov\u00ebn.<\/p>\n

\u201cNe mbesim t\u00eb pal\u00ebkundur n\u00eb mb\u00ebshtetjen ton\u00eb karshi q\u00ebllimit t\u00eb Serbis\u00eb lidhur me integrimin europian dhe ju inkurajojm\u00eb t\u00eb vazhdoni t\u00eb nd\u00ebrmerrni hapat e v\u00ebshtir\u00eb q\u00eb keni p\u00ebrpara drejt arritjes s\u00eb k\u00ebtij q\u00ebllimi \u2013 p\u00ebrfshir\u00eb nisjen e reformave t\u00eb nevojshme p\u00ebr arritjen e nj\u00eb marr\u00ebveshjeje gjith\u00ebp\u00ebrfshir\u00ebse t\u00eb normalizimit t\u00eb marr\u00ebdh\u00ebnieve me Kosov\u00ebs, p\u00ebrqendruar n\u00eb njohjen reciproke<\/em>\u201d, shkroi Bideni.<\/p>\n

Kjo sinjalizoi nj\u00eb drejtim t\u00eb ri p\u00ebr rajonin dhe fillimisht gjeneroi optimiz\u00ebm n\u00eb Kosov\u00eb. Megjithat\u00eb, veprimet e m\u00ebvonshme t\u00eb administrat\u00ebs amerikane kan\u00eb demonstruar nj\u00eb qasje t\u00eb pabalancuar, me presion t\u00eb shtuar ndaj Kosov\u00ebs dhe nj\u00eb sy mbyllur ndaj regjimit t\u00eb Vu\u00e7iqit, q\u00eb rezultoi n\u00eb nj\u00eb zhg\u00ebnjim n\u00eb procesin e dialogut.<\/p>\n

Marr\u00ebveshja e dyt\u00eb e Brukselit: Vu\u00e7iqi minon Per\u00ebndimin<\/strong><\/p>\n

Nj\u00eb dekad\u00eb pas arritjes s\u00eb Marr\u00ebveshjes s\u00eb par\u00eb t\u00eb Brukselit, BE-ja, me mb\u00ebshtetjen e ShBA-s\u00eb, arriti nj\u00eb marr\u00ebveshje t\u00eb dyt\u00eb p\u00ebr normalizimin e marr\u00ebdh\u00ebnieve<\/a> midis Kosov\u00ebs dhe Serbis\u00eb, n\u00eb shkurt 2023. Kjo erdhi si rezultat i p\u00ebrpjekjeve t\u00eb jasht\u00ebzakonshme nga BE-ja dhe ShBA-ja. Sidoqoft\u00eb, marr\u00ebveshja e re nuk u p\u00ebrqendrua n\u00eb njohjen reciproke.<\/p>\n

Marr\u00ebveshja p\u00ebrmban dispozita t\u00eb ndryshme, p\u00ebrfshir\u00eb promovimin e marr\u00ebdh\u00ebnieve normale dhe t\u00eb mira fqinj\u00ebsore dhe respektimin e parimeve t\u00eb pavar\u00ebsis\u00eb dhe integritetit territorial. P\u00ebr m\u00eb tep\u00ebr, marr\u00ebveshja p\u00ebrfshin nj\u00eb dispozit\u00eb q\u00eb thot\u00eb se \u201cSerbia nuk do ta kund\u00ebrshtoj\u00eb an\u00ebtar\u00ebsimin e Kosov\u00ebs n\u00eb asnj\u00eb organizat\u00eb nd\u00ebrkomb\u00ebtare<\/em>\u201d.<\/p>\n

Edhe pse Vu\u00e7iqi u pajtua verbalisht me marr\u00ebveshjen, refuzoi ta n\u00ebnshkruante at\u00eb. Dit\u00eb m\u00eb von\u00eb, Vu\u00e7iqi pohoi n\u00eb nj\u00eb m\u00ebnyr\u00eb sfiduese kund\u00ebrshtimin e tij\u00a0p\u00ebr an\u00ebtar\u00ebsim e Kosov\u00ebs n\u00eb OKB<\/a>\u00a0dhe deklaroi se\u00a0Kosova do t\u00eb mbetet pjes\u00eb e Serbis\u00eb<\/a>\u00a0deri n\u00eb fund t\u00eb mandatit t\u00eb tij. Me k\u00ebt\u00eb deklarat\u00eb jan\u00eb shkelur drejtp\u00ebrs\u00ebdrejti dispozitat kryesore t\u00eb marr\u00ebveshjes. P\u00ebr m\u00eb tep\u00ebr,\u00a0Serbia votoi kund\u00ebr<\/a>\u00a0ofert\u00ebs s\u00eb Kosov\u00ebs p\u00ebr an\u00ebtar\u00ebsim n\u00eb K\u00ebshillin e Europ\u00ebs, p\u00ebrs\u00ebri duke e shkelur drejtp\u00ebrs\u00ebdrejti marr\u00ebveshjen. Pavar\u00ebsisht shkeljeve t\u00eb tilla, BE-ja dhe ShBA-ja q\u00ebndruan t\u00eb heshtura lidhur me k\u00ebt\u00eb \u00e7\u00ebshtje.<\/p>\n

P\u00ebrtej shkeljeve t\u00eb drejtp\u00ebrdrejta t\u00eb marr\u00ebveshjes, Vu\u00e7iqi ka ndjekur nj\u00eb retorik\u00eb luftarake dhe k\u00ebrc\u00ebnuese. N\u00eb dit\u00ebn e zgjedhjeve n\u00eb veri t\u00eb Kosov\u00ebs, Vu\u00e7iqi l\u00ebshoi nj\u00eb\u00a0deklarat\u00eb t\u00eb ashp\u00ebr<\/a>, duke denoncuar Per\u00ebndimin si g\u00ebnjeshtar dhe mashtrues. Ai po ashtu n\u00ebnvizoi se minoriteti serb n\u00eb Kosov\u00eb nuk do t\u00eb toleroj\u00eb m\u00eb pushtimin e huaj.<\/p>\n

P\u00ebrderisa \u00ebsht\u00eb e r\u00ebnd\u00ebsishme t\u00eb pranohet se Kosova po ashtu ka d\u00ebshtuar n\u00eb zbatimin e plot\u00eb t\u00eb detyrimeve t\u00eb saj nga marr\u00ebveshja e m\u00ebparshme, ve\u00e7an\u00ebrisht sa i p\u00ebrket themelimit t\u00eb Asociacionit\/Bashk\u00ebsis\u00eb s\u00eb Komunave me Shumic\u00eb Serbe (AKS), duhet n\u00ebnvizuar se kryeministri Kurti nuk ka shkelur marr\u00ebveshjen e fundit n\u00eb t\u00eb cil\u00ebn Kosova zotohet p\u00ebr nj\u00eb nivel t\u00eb vet\u00ebmenaxhimit t\u00eb komunitetit serb n\u00eb Kosov\u00eb.<\/p>\n

Dyshja Chollet-Escobar: Minimizimi i veprimeve kriminale dhe autoritare t\u00eb Vu\u00e7iqit<\/strong><\/p>\n

M\u00eb 18 maj 2023, k\u00ebshilltari Derek Chollet dhe z\u00ebvend\u00ebsndihm\u00ebs-sekretari Gabriel Escobar\u00a0d\u00ebshmuan<\/a>\u00a0para Komisionit t\u00eb Senatit t\u00eb ShBA-s\u00eb p\u00ebr Marr\u00ebdh\u00ebniet me Jasht\u00eb n\u00eb lidhje me angazhimin e ShBA-s\u00eb n\u00eb Ballkan. Gjat\u00eb seanc\u00ebs, senatori Robert Menendez ngriti shqet\u00ebsimet p\u00ebr lidhjet e Vu\u00e7iqit me rrjetet kriminale, sikund\u00ebr n\u00ebnvizohet n\u00eb nj\u00eb artikull t\u00eb von\u00eb t\u00eb botuar nga\u00a0New York Times<\/a>. Senatori Menendez\u00a0vuri n\u00eb dyshim besueshm\u00ebrin\u00eb e Serbis\u00eb si partner<\/a>\u00a0n\u00eb drit\u00ebn e k\u00ebtyre akuzave t\u00eb r\u00ebnda.<\/p>\n

K\u00ebshilltari Chollet shprehu gatishm\u00ebrin\u00eb p\u00ebr ta vler\u00ebsuar partneritetin e tyre me Serbin\u00eb, duke mbajtur prore nj\u00eb q\u00ebndrim t\u00eb matur. Ai deklaroi: \u201cZoti kryetar, na duhet ta testojm\u00eb\u2026 dhe k\u00ebt\u00eb po e b\u00ebjm\u00eb me syt\u00eb kat\u00ebr<\/em>\u201d.<\/p>\n

P\u00ebr m\u00eb tep\u00ebr, kur senatori Menendez pyeti p\u00ebr shkeljen e Marr\u00ebveshjes s\u00eb Brukselit nga ana e Serbis\u00eb,\u00a0Chollet u p\u00ebrgjigj<\/a>: \u201cNe e konsiderojm\u00eb at\u00eb marr\u00ebveshje ligj\u00ebrisht t\u00eb detyrueshme dhe k\u00ebt\u00eb ia kemi th\u00ebn\u00eb edhe presidentit Vu\u00e7iq, q\u00eb kurr\u00eb s\u2019e mohoi k\u00ebt\u00eb. BE-ja gjithashtu ka th\u00ebn\u00eb q\u00eb marr\u00ebveshja \u00ebsht\u00eb ligj\u00ebrisht e detyrueshme…<\/em>\u201d<\/p>\n

Senatori Menendez nd\u00ebrhyn gjat\u00eb koh\u00ebs kur Chollet flet, duke th\u00ebn\u00eb: \u201cAi mund t\u00eb mos e mohoj\u00eb k\u00ebt\u00eb, por nuk b\u00ebn gj\u00ebrat q\u00eb duhet p\u00ebr ta zbatuar marr\u00ebveshjen… dhe \u00ebsht\u00eb e nj\u00ebjta gj\u00eb<\/em>\u201d. Sidoqoft\u00eb, n\u00eb vend se t\u00eb fokusohej vet\u00ebm te Serbia, Chollet vendosi t\u2019u atribuoj\u00eb munges\u00ebn e p\u00ebrparimit t\u00eb dyja pal\u00ebve.<\/p>\n

Administrata e Bidenit ka pasur mund\u00ebsin\u00eb t\u2019i vler\u00ebsoj\u00eb marr\u00ebdh\u00ebniet e saj me regjimin e presidentit Vu\u00e7iq gjat\u00eb tre vjet\u00ebve t\u00eb fundit. Tregues dhe indekse t\u00eb shumta thon\u00eb q\u00eb respekti i Serbis\u00eb p\u00ebr lirit\u00eb dhe t\u00eb drejtat themelore ka r\u00ebn\u00eb ndjesh\u00ebm<\/a>, duke e b\u00ebr\u00eb at\u00eb vendin m\u00eb autoritar n\u00eb rajon.<\/p>\n

P\u00ebr m\u00eb tep\u00ebr, Serbia shquhet si i vetmi vend n\u00eb rajon q\u00eb nuk rreshtohet krah politik\u00ebs s\u00eb jashtme t\u00eb BE-s\u00eb karshi Rusis\u00eb. Q\u00ebndrimi i Serbis\u00eb lidhur me k\u00ebt\u00eb \u00e7\u00ebshtje u konfirmua s\u00eb fundmi<\/a> nga ministri i saj i Jasht\u00ebm, Ivica Da\u00e7iq, dhe shefi i Agjencis\u00eb s\u00eb Siguris\u00eb Informative, Aleksandar Vulin, me pjes\u00ebmarrjen n\u00eb seanc\u00ebn plenare t\u00eb Konferenc\u00ebs s\u00eb 11-t\u00eb Nd\u00ebrkomb\u00ebtare t\u00eb Siguris\u00eb n\u00eb Mosk\u00eb.<\/p>\n

Kjo situat\u00eb paraqet nj\u00eb kontradikt\u00eb n\u00eb vetvete, pasi administrata Biden n\u00eb p\u00ebrgjith\u00ebsi i klasifikon vendet si demokraci ose autokraci<\/a>, shpesh duke adaptuar nj\u00eb qasje m\u00eb pak akomoduese ndaj regjimeve autoritare. Sidoqoft\u00eb, minimizimi i veprimeve kriminale dhe autoritare t\u00eb regjimit t\u00eb presidentit Vu\u00e7iq ngre pyetje dhe shqet\u00ebsime n\u00eb lidhje me q\u00ebndrimin e ShBA-s\u00eb sa i p\u00ebrket promovimit t\u00eb demokracis\u00eb dhe t\u00eb drejtave t\u00eb njeriut n\u00eb Ballkanin Per\u00ebndimor.<\/p>\n

Ambasada e ShBA-s\u00eb n\u00eb Kosov\u00eb: D\u00ebnim selektiv<\/strong><\/p>\n

Nj\u00eb vendim i Qeveris\u00eb s\u00eb Kosov\u00ebs n\u00eb lidhje me targat e automjeteve \u00e7oi n\u00eb dor\u00ebheqjen kolektive t\u00eb kryetar\u00ebve serb\u00eb t\u00eb komunave n\u00eb veri t\u00eb Mitrovic\u00ebs, Leposaviq, Zubin Potok dhe Zev\u00e7an.<\/p>\n

Kjo \u00e7oi n\u00eb zgjedhje t\u00eb parakohshme, q\u00eb fillimisht ishin planifikuar p\u00ebr 18 dhjetor 2022. Sidoqoft\u00eb, p\u00ebr shkak t\u00eb presionit nd\u00ebrkomb\u00ebtar p\u00ebr ta shmangur p\u00ebrshkall\u00ebzimin e tensioneve, zgjedhjet u shtyn\u00eb p\u00ebr 23 prill 2023, vendim ky q\u00eb u mb\u00ebshtet<\/a> nga vendet e Quint-it (Franc\u00eb, Gjermani, Itali, Mbret\u00ebri e Bashkuar dhe ShBA). Kur erdhi dita e zgjedhjeve, serb\u00ebt e Kosov\u00ebs bojkotuan votimin, gj\u00eb q\u00eb rezultoi me zgjedhjen e kat\u00ebr kryetar\u00ebve t\u00eb komunave nga partit\u00eb shqiptare, me nj\u00eb pjes\u00ebmarrje votuesish prej m\u00eb pak se 4%<\/a>.<\/p>\n

Pavar\u00ebsisht numrit jasht\u00ebzakonisht t\u00eb ul\u00ebt t\u00eb votuesve, Ambasada e ShBA-s\u00eb n\u00eb Kosov\u00eb<\/a> l\u00ebshoi nj\u00eb deklarat\u00eb pas zgjedhjeve, q\u00eb sqaroi se ishin \u201cn\u00eb p\u00ebrputhje me k\u00ebrkesat kushtetuese dhe ligjore t\u00eb Kosov\u00ebs<\/em>\u201d.<\/p>\n

M\u00eb 29 maj, kur kryetar\u00ebt e zgjedhur t\u00eb komunave tentuan t\u00eb shkonin n\u00eb pun\u00eb, serb\u00ebt vendas i penguan t\u00eb hynin n\u00eb nd\u00ebrtesat komunale, duke bllokuar hyrjet kryesore. Autoritetet e Kosov\u00ebs u p\u00ebrgjigj\u00ebn duke vendosur nj\u00ebsi speciale t\u00eb policis\u00eb p\u00ebr t\u2019i shp\u00ebrndar\u00eb turmat. Nj\u00ebkoh\u00ebsisht, presidenti Vu\u00e7iq vendosi ushtrin\u00eb e tij n\u00eb gatishm\u00ebri lufte<\/a> dhe e pozicionoi m\u00eb af\u00ebr kufirit t\u00eb Kosov\u00ebs.<\/p>\n

Ambasadori i ShBA-s\u00eb, Jeff Hovenier<\/a>, d\u00ebnoi veprimet e Qeveris\u00eb s\u00eb Kosov\u00ebs n\u00eb k\u00ebt\u00eb situat\u00eb, duke e akuzuar p\u00ebr p\u00ebrshkall\u00ebzim tensionesh, dhe i b\u00ebri thirrje kryeministrit Kurti q\u00eb \u201ct\u00eb ndaloj\u00eb menj\u00ebher\u00eb k\u00ebto masa t\u00eb dhunshme<\/em>\u201d. Menj\u00ebher\u00eb pas k\u00ebsaj, edhe Sekretari amerikan i Shtetit, Antony Blinken<\/a>, d\u00ebnoi veprimet e Kosov\u00ebs.<\/p>\n

Sidoqoft\u00eb, nuk pati asnj\u00eb p\u00ebrgjigje t\u00eb menj\u00ebhershme ndaj protestuesve t\u00eb dhunsh\u00ebm q\u00eb tentuan t\u2019i sulmonin nd\u00ebrtesat komunale dhe u angazhuan n\u00eb aktivitete agresive si djegia e makinave<\/a>, sulmi ndaj gazetar\u00ebve<\/a> dhe brohoritjet e sloganet shoviniste. Ngjash\u00ebm, ShBA-ja nuk e komentoi vendimin e Serbis\u00eb p\u00ebr t\u2019i l\u00ebvizur trupat m\u00eb af\u00ebr kufirit t\u00eb Kosov\u00ebs dhe ngritjen e nivelit m\u00eb t\u00eb lart\u00eb t\u00eb gatishm\u00ebris\u00eb p\u00ebr luft\u00eb.<\/p>\n

T\u00eb nes\u00ebrmen, turma t\u00eb dhunshme sulmuan ushtar\u00ebt e KFOR-it<\/a> me gur\u00eb, eksploziv\u00eb, koktej molotovi<\/a> e arm\u00eb zjarri<\/a>, me \u00e7\u2019rast u l\u00ebnduan 30 ushtar\u00eb, tre nga ta n\u00eb gjendje kritike<\/a>. Vet\u00ebm at\u00ebher\u00eb ambasadori Hovenier reagoi duke e d\u00ebnuar dhun\u00ebn e protestuesve. P\u00ebrgjigjja e ashp\u00ebr ndaj Kosov\u00ebs \u00ebsht\u00eb e pabalancuar, duke pasur parasysh q\u00eb Serbia vazhdimisht nuk i ka respektuar standardet demokratike dhe ka ngjallur agresion p\u00ebr ta shtyr\u00eb agjend\u00ebn e saj.<\/p>\n

Edhe pse kryetar\u00ebt e porsazgjedhur t\u00eb komunave mund t\u00eb mos jen\u00eb p\u00ebrfaq\u00ebsuesit ideal\u00eb t\u00eb komuniteteve s\u00eb cilave u sh\u00ebrbejn\u00eb dhe \u00ebsht\u00eb e drejt\u00eb e qytetar\u00ebve serb\u00eb t\u00eb Kosov\u00ebs t\u00eb protestojn\u00eb, Kosova nuk mund t\u2019i detyroj\u00eb qytetar\u00ebt e saj serb\u00eb t\u00eb marrin pjes\u00eb n\u00eb jet\u00ebn qytetare, t\u00eb kandidojn\u00eb p\u00ebr poste publike ose t\u00eb votojn\u00eb. Qeveria e Kosov\u00ebs \u00ebsht\u00eb p\u00ebrgjegj\u00ebse p\u00ebr ruajtjen e rendit publik, garantimin e siguris\u00eb dhe aft\u00ebsimin e zyrtar\u00ebve t\u00eb zgjedhur q\u00eb t\u2019i kryejn\u00eb detyrat e tyre pa pengesa.<\/p>\n

Kosova po p\u00ebrballet me nj\u00eb val\u00eb t\u00eb re presioni nga Per\u00ebndimi. ShBA-ja tashm\u00eb ka penalizuar<\/a> Kosov\u00ebn pas trazirave duke e p\u00ebrjashtuar nga Defender Europe 23, nj\u00eb st\u00ebrvitje ushtarake e udh\u00ebhequr nga ShBA-ja. Ambasadori Hovenier shkoi aq larg duke deklaruar se ShBA-ja po shqyrton edhe pasoja t\u00eb tjera dhe aktualisht s\u2019\u00ebsht\u00eb entuziaste ta ndihmoj\u00eb Kosov\u00ebn p\u00ebr t\u00eb fituar njohje t\u00eb reja dhe an\u00ebtar\u00ebsim n\u00eb organizata nd\u00ebrkomb\u00ebtare. K\u00ebto veprime jan\u00eb duksh\u00ebm m\u00eb t\u00eb ashpra n\u00eb krahasim me \u00e7do presion t\u00eb m\u00ebparsh\u00ebm ndaj Vu\u00e7iqit.<\/p>\n

ShBA-ja kishte p\u00ebrgjegj\u00ebsin\u00eb t\u00eb d\u00ebnonte veprimet e regjimit t\u00eb Vu\u00e7iqit, i cili \u00ebsht\u00eb b\u00ebr\u00eb duksh\u00ebm m\u00eb joliberal viteve t\u00eb fundit. Megjithat\u00eb, n\u00eb p\u00ebrpjekjen p\u00ebr t\u00eb nd\u00ebrtuar nj\u00eb marr\u00ebdh\u00ebnie m\u00eb pozitive me Serbin\u00eb, me shpres\u00ebn se ajo do t\u00eb miratonte nj\u00eb q\u00ebndrim m\u00eb t\u00eb favorsh\u00ebm per\u00ebndimor, Kosova \u00ebsht\u00eb b\u00ebr\u00eb objekt i presionit dhe kritikave t\u00eb padrejta. Kjo ka rezultuar n\u00eb zhg\u00ebnjim t\u00eb madh me politik\u00ebn e ShBA-s\u00eb n\u00eb rajon dhe ka d\u00ebshmuar se taktika e tyre e qet\u00ebsimit vet\u00ebm sa ka ushqyer regjimin e rreziksh\u00ebm t\u00eb Vu\u00e7iqit.<\/p>\n<\/div>","protected":false},"excerpt":{"rendered":"

Kur Joe Biden mori presidenc\u00ebn m\u00eb 2021, pati nj\u00eb ndjesi t\u00eb\u00a0pritshm\u00ebris\u00eb s\u00eb lart\u00eb\u00a0midis z\u00ebrave pro-demokratik\u00eb n\u00eb Ballkanin Per\u00ebndimor. Bideni ka p\u00ebrvoj\u00eb t\u00eb madhe n\u00eb politik\u00ebn e jashtme, pasi ka sh\u00ebrbyer tri mandate n\u00eb Senat. P\u00ebr m\u00eb tep\u00ebr, Bideni sh\u00ebrbeu edhe si z\u00ebvend\u00ebspresident n\u00eb administrat\u00ebn e Obam\u00ebs, gjat\u00eb s\u00eb cil\u00ebs koh\u00eb realizoi shum\u00eb vizita n\u00eb Ballkanin […]<\/p>","protected":false},"author":4,"featured_media":1175,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[677,676,664,12],"ppma_author":[20],"class_list":["post-1177","post","type-post","status-publish","format-standard","has-post-thumbnail","hentry","category-analize","tag-albin-kurti","tag-aleksandar-vucic","tag-kosovo","tag-serbia"],"authors":[{"term_id":20,"user_id":4,"is_guest":0,"slug":"visar","display_name":"Visar Xhambazi","avatar_url":{"url":"https:\/\/sbunker.org\/wp-content\/uploads\/2023\/10\/Visar-Xhambazi_Headshot-scaled-1-e1778848717235.jpg","url2x":"https:\/\/sbunker.org\/wp-content\/uploads\/2023\/10\/Visar-Xhambazi_Headshot-scaled-1-e1778848717235.jpg"},"user_url":"","last_name":"Xhambazi","first_name":"Visar","description":""}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/1177","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/4"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=1177"}],"version-history":[{"count":2,"href":"https:\/\/sbunker.org\/sr\/wp-json\/wp\/v2\/posts\/1177\/revisions"}],"predecessor-version":[{"id":11148,"href":"https:\/\/sbunker.org\/sr\/wp-json\/wp\/v2\/posts\/1177\/revisions\/11148"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/1175"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=1177"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=1177"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=1177"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=1177"}],"curies":[{"name":"wp","href":"https:\/\/api.w.org\/{rel}","templated":true}]}}