M\u00eb 15 janar 1999, forcat policore dhe ushtarake serbe sulmuan fshatin Re\u00e7ak n\u00eb komun\u00ebn e Shtimes n\u00eb Kosov\u00eb. Brenda disa or\u00ebve, 45 civil\u00eb shqiptar\u00eb t\u00eb paarmatosur u ekzekutuan n\u00eb m\u00ebnyr\u00eb brutale, duke sh\u00ebnuar nj\u00eb nga mizorit\u00eb m\u00eb trondit\u00ebse t\u00eb luft\u00ebs n\u00eb Kosov\u00eb. Ky akt, i njohur si Masakra e Re\u00e7akut, tronditi opinionin nd\u00ebrkomb\u00ebtar dhe nxiti mb\u00ebshtetjen p\u00ebr nd\u00ebrhyrjen ushtarake t\u00eb NATO-s.<\/p>\n
Por, 26 vjet m\u00eb von\u00eb, Masakra e Re\u00e7akut vazhdon t\u00eb sulmohet, jo p\u00ebr munges\u00eb provash, por nga nj\u00eb fushat\u00eb e pandalshme dezinformimi e ndjekur nga zyrtar\u00ebt dhe mediat serbe. P\u00ebrmes tyre synohet rishkrimi i historis\u00eb, duke e paraqitur masakr\u00ebn si nj\u00eb trillim dhe pretekst p\u00ebr nd\u00ebrhyrjen e NATO-s kund\u00ebr ish-Jugosllavis\u00eb.<\/p>\n
M\u00eb 15 janar 2025, disa media serbe, publikuan artikuj q\u00eb rikthyen narrativat e rreme p\u00ebr Masakr\u00ebn e Re\u00e7akut. P\u00ebrmes k\u00ebtyre artikujve u pretendua se masakra nuk ishte gj\u00eb tjet\u00ebr ve\u00e7se nj\u00eb p\u00ebrplasje midis policis\u00eb serbe dhe pjes\u00ebtar\u00ebve t\u00eb Ushtris\u00eb \u00c7lirimtare t\u00eb Kosov\u00ebs (U\u00c7K).<\/p>\n
Mediumi publik serb \u201cRTS.rs<\/a>\u201d, publikoi artikullin me titull, \u201dRe\u00e7ak, 26 vjet m\u00eb von\u00eb \u2013 William Walker dhe raporti i diskutuesh\u00ebm q\u00eb ndryshoi t\u00eb v\u00ebrtet\u00ebn\u201c.<\/em> Aty pretendohet se n\u00eb fshatin Re\u00e7ak m\u00eb 15 janar 1999, pati nj\u00eb konflikt t\u00eb armatosur n\u00eb mes t\u00eb policis\u00eb serbe dhe pjes\u00ebtar\u00ebve t\u00eb U\u00c7K-s\u00eb. \u201cPas konfliktit mes policis\u00eb serbe dhe ekstremist\u00ebve shqiptar\u00eb, n\u00eb fshatin Ra\u00e7ak jan\u00eb gjetur kufomat e 45 shqiptar\u00ebve. Kjo u pasua nga akuza, p\u00ebr t\u00eb cil\u00ebn k\u00ebmb\u00ebnguli ve\u00e7an\u00ebrisht William Walker, se kishte ndodhur nj\u00eb \u2019masak\u00ebr e civil\u00ebve\u2018,<\/em> shkruan ky medium, tek i mohon faktet dhe fotografit\u00eb e prezantuara nga media si dhe organizata kredibile nd\u00ebrkomb\u00ebtare q\u00eb pat\u00ebn konstatuar se ai ishte nj\u00eb krim mbi popullat\u00ebn civile.<\/p>\n Narrativa t\u00eb ngjashme u p\u00ebrforcuan nga politikan\u00eb serb\u00eb. Milovan Dre\u00e7un<\/a>, kryetar i Komisionit Parlamentar p\u00ebr Mbrojtje dhe Pun\u00eb t\u00eb Brendshme t\u00eb Serbis\u00eb, p\u00ebrs\u00ebriti pretendimet se Masakra e Re\u00e7akut ishte nj\u00eb \u201coperacion kund\u00ebr terrorizmit\u201d q\u00eb kishte n\u00eb sh\u00ebnjest\u00ebr nj\u00eb brigad\u00eb t\u00eb U\u00c7K-s\u00eb dhe akuzoi autoritetet kosovare p\u00ebr propagand\u00eb t\u00eb rreme. \u201cIshte e qart\u00eb se nuk kishte krime ndaj civil\u00ebve, por nj\u00eb p\u00ebrballje dhe aksion kund\u00ebrterrorist n\u00eb nj\u00eb fshat ku ndodhej shtabi i brigad\u00ebs terroriste,\u201d <\/em>deklaroi Dre\u00e7un.<\/p>\n Edhe mediume tjera serbe si: Sputnik.rs<\/a>, Euronews.rs<\/a>, Vesti-online.com<\/a>, publikuan artikuj q\u00eb e mohojn\u00eb krimin n\u00eb Re\u00e7ak.<\/p>\n Cila \u00ebsht\u00eb e v\u00ebrteta p\u00ebr Re\u00e7akun? <\/strong><\/p>\n N\u00eb kund\u00ebrshtim me k\u00ebto pretendime, hetime t\u00eb gjera nga organizata nd\u00ebrkomb\u00ebtare kan\u00eb konstatuar se ngjarja n\u00eb Re\u00e7ak p\u00ebrb\u00ebnte nj\u00eb masak\u00ebr ndaj civil\u00ebve t\u00eb paarmatosur.<\/p>\n M\u00eb 15 janar t\u00eb vitit 1999, forcat policore dhe ushtarake serbe ishin futur n\u00eb fshatin Re\u00e7ak, ku brenda pak or\u00ebsh ata vran\u00eb<\/a> 45 civil\u00eb shqiptar\u00eb. At\u00ebkoh\u00eb, \u201cHuman Rights Watch\u201d kishte hedhur posht\u00eb pretendimet e qeveris\u00eb jugosllave se viktimat ishin ushtar\u00eb t\u00eb Ushtris\u00eb \u00c7lirimtare t\u00eb Kosov\u00ebs. \u201c<\/em>Si\u00e7 ka ndodhur n\u00eb shum\u00eb raste n\u00eb konfliktin e Kosov\u00ebs, pasi U\u00c7K-ja u t\u00ebrhoq, forcat policore hyn\u00eb dhe kryen mizori kund\u00ebr banor\u00ebve t\u00eb fshatit. Nd\u00ebrsa \u00ebsht\u00eb e mundur q\u00eb disa banor\u00eb mund t\u00eb ken\u00eb mbrojtur sht\u00ebpit\u00eb e tyre n\u00eb m\u00ebngjes, shumica e tyre nuk ishin t\u00eb p\u00ebrfshir\u00eb n\u00eb ndonj\u00eb rezistenc\u00eb t\u00eb armatosur. S\u00eb paku nj\u00ebzet e tre persona u ekzekutuan pasi u grumbulluan nga policia duke mos b\u00ebr\u00eb asnj\u00eb rezistenc\u00eb \u2013 nj\u00eb shkelje e qart\u00eb e ligjeve t\u00eb luft\u00ebs dhe nj\u00eb krim i d\u00ebnuesh\u00ebm nga Gjykata Penale Nd\u00ebrkomb\u00ebtare p\u00ebr ish-Jugosllavin\u00eb (ICTY) \u201c<\/em>, shkruan n\u00eb raportin e Human Rights Watch<\/a>. Sipas k\u00ebsaj organizate,sulmi ndaj civil\u00ebve n\u00eb Ra\u00e7ak ishte pjes\u00eb e nj\u00eb serie t\u00eb gjat\u00eb t\u00eb krimeve t\u00eb luft\u00ebs t\u00eb kryera nga ushtria dhe policia e ish-Jugosllavis\u00eb.<\/p>\n N\u00eb m\u00ebngjesin e 16 janarit, n\u00eb Re\u00e7ak kishte shkuar William Walker<\/a>, asokohe shef i Misionit Verifikues t\u00eb OSBE-s\u00eb n\u00eb Kosov\u00eb. \u201cFatkeq\u00ebsisht nuk kam fjal\u00eb p\u00ebr t\u00eb p\u00ebrshkruar indinjat\u00ebn time personale dhe t\u00eb gjith\u00eb atyre q\u00eb ishin me mua n\u00eb vendin e asaj q\u00eb mund t\u00eb quhet nj\u00eb mizori e pap\u00ebrshkrueshme\u201d,<\/em> \u2013 kishte th\u00ebn\u00eb Walker pasi pa trupat e t\u00eb vrar\u00ebve. Walker edhe k\u00ebt\u00eb her\u00eb ishte cak i akuzave<\/a> dhe sulmeve nga Serbia.<\/p>\n Mohimi<\/a> i Masakr\u00ebs s\u00eb Re\u00e7akut nuk \u00ebsht\u00eb i ri. Zyrtar\u00ebt dhe mediat serbe kan\u00eb ndjekur prej koh\u00ebsh nj\u00eb strategji p\u00ebr t\u00eb minuar besueshm\u00ebrin\u00eb e provave dhe d\u00ebshmive, duke e portretizuar masakr\u00ebn si nj\u00eb trillim per\u00ebndimor.<\/p>\n Duke e paraqitur masakr\u00ebn si nj\u00eb trillim, udh\u00ebheq\u00ebsit serb\u00eb n\u00eb vazhdim\u00ebsi kan\u00eb shmangur p\u00ebrgjegj\u00ebsin\u00eb p\u00ebr krimet e luft\u00ebs t\u00eb kryera n\u00ebn regjimin e Sllobodan Millosheviqit.<\/p>\n Narrativat e mohimit p\u00ebrdoren gjithashtu si nj\u00eb mjet p\u00ebr t\u00eb delegjitimuar shtet\u00ebsin\u00eb e Kosov\u00ebs dhe nd\u00ebrhyrjet nd\u00ebrkomb\u00ebtare q\u00eb e mb\u00ebshtet\u00ebn at\u00eb.<\/p>\n P\u00ebrpjekjet e koordinuara n\u00eb rrjetet sociale, t\u00eb amplifikuara nga mediat e lidhura me pushtetin n\u00eb Serbi e Rusi, synojn\u00eb t\u00eb dezinformojn\u00eb si opinionin vendor ashtu edhe at\u00eb nd\u00ebrkomb\u00ebtar\u00eb.<\/p>\n Kjo b\u00ebhet me q\u00ebllimin p\u00ebr ta kund\u00ebrshtuar dhe paraqitur si \u201cagresion\u201d ndaj Serbis\u00eb edhe intervenimin<\/a> e NATO-s n\u00eb vitin 1999, pa e p\u00ebrmendur faktin se Serbia u bombardua p\u00ebr shkak t\u00eb krimeve t\u00eb Millosheviqit mbi civil\u00ebt e pafajsh\u00ebm, jo vet\u00ebm n\u00eb Re\u00e7ak por edhe pjes\u00eb t\u00eb tjera t\u00eb Kosov\u00ebs<\/p>\n P\u00ebr familjet e viktimave n\u00eb Kosov\u00eb k\u00ebto narrativa p\u00ebrb\u00ebjn\u00eb sfid\u00eb t\u00eb vazhdueshme p\u00ebr t\u00eb siguruar drejt\u00ebsi p\u00ebr krimet e luft\u00ebs.<\/p>\n Shtremb\u00ebrimi i t\u00eb v\u00ebrtetave historike n\u00eb shoq\u00ebrit\u00eb e pas luft\u00ebs p\u00ebrmes dezinformimit dhe narrativave sikur kjo p\u00ebr Re\u00e7akun, rrezikojn\u00eb t\u00eb minojn\u00eb edhe p\u00ebrpjekjet p\u00ebr pajtim.<\/p>\n