{"id":1328,"date":"2022-06-21T10:52:48","date_gmt":"2022-06-21T09:52:48","guid":{"rendered":"https:\/\/sbunker.org\/?p=1328"},"modified":"2023-12-18T15:24:25","modified_gmt":"2023-12-18T14:24:25","slug":"universiteti-i-prishtines-nen-llupe","status":"publish","type":"post","link":"https:\/\/sbunker.org\/sr\/analize\/universiteti-i-prishtines-nen-llupe\/","title":{"rendered":"Universiteti i Prishtin\u00ebs n\u00ebn llup\u00eb"},"content":{"rendered":"

Botimi \u201cUniversiteti i Prishtin\u00ebs n\u00ebn llup\u00eb\u201d p\u00ebrmbledh problemet kryesore q\u00eb organizatat joqeveritare kan\u00eb identifikuar n\u00eb arsimin e lart\u00eb n\u00eb Kosov\u00eb, sidomos n\u00eb Universitetin e Prishtin\u00ebs (UP), si i pari dhe m\u00eb i madhi universitet publik. Ky botim p\u00ebrfshin p\u00ebrmbledhjet e raporteve t\u00eb organizatave joqeveritare\u00a0ORCA<\/a>,\u00a0ADMOVERE<\/a>,\u00a0\u00c7OHU<\/a>,\u00a0CPC<\/a>,\u00a0KEC<\/a>\u00a0dhe\u00a0D4D<\/a>, t\u00eb botuara n\u00eb periudh\u00ebn 2017-2021 n\u00eb kuad\u00ebr t\u00eb Koalicionit p\u00ebr Integritet dhe Transparenc\u00eb n\u00eb Universitet (KITU), me mb\u00ebshtetje t\u00eb Fondacionit t\u00eb Kosov\u00ebs p\u00ebr Shoq\u00ebri t\u00eb Hapur (KFOS). N\u00eb k\u00ebt\u00eb artikull do t\u2019i rendisim disa prej problemeve m\u00eb t\u00eb spikatura me t\u00eb cilat ballafaqohet arsimi i lart\u00eb n\u00eb Kosov\u00eb, e me theks t\u00eb ve\u00e7ant\u00eb, UP-ja.<\/p>\n

\"\"<\/div>\n

P\u00ebrzgjedhja e stafit akademik t\u00eb UP-s\u00eb, pas luft\u00ebs s\u00eb viteve 1998-1999, \u00ebsht\u00eb b\u00ebr\u00eb kryesisht n\u00eb baza partiake, klanore, nepotiste e korruptive. Politizimi i UP-s\u00eb ishte nj\u00ebra prej t\u00eb metave q\u00eb i p\u00ebrs\u00ebrisnin\u00a0Raportet e Progresit t\u00eb BE-s\u00eb p\u00ebr Kosov\u00ebn<\/a>. Gjat\u00eb k\u00ebsaj periudhe, nj\u00eb num\u00ebr i konsideruesh\u00ebm i politikan\u00ebve (deputet\u00eb, ministra, z\u00ebvend\u00ebs-ministra, k\u00ebshilltar\u00eb politik\u00eb, drejtor\u00eb departamentesh, etj.) ose i familjar\u00ebve t\u00eb tyre jan\u00eb b\u00ebr\u00eb staf akademik n\u00eb UP. Politikan\u00ebt ndikuan jo vet\u00ebm n\u00eb rekrutimin e stafit akademik, por edhe n\u00eb zgjedhjen e organeve udh\u00ebheq\u00ebse t\u00eb UP-s\u00eb. Madje, sipas nj\u00eb hulumtimi t\u00eb realizuar nga\u00a0KEC<\/a>-i,\u00a0edhe vet\u00eb p\u00ebrfaq\u00ebsuesit studentor\u00eb, shpesh eksponent\u00eb t\u00eb politik\u00ebs, e kan\u00eb pranuar se gjat\u00eb k\u00ebsaj periudhe UP-ja ishte e politizuar. Kjo ka ndikuar n\u00eb marrjen e vendimeve t\u00eb natyr\u00ebs akademike, e edhe n\u00eb mungesat n\u00eb proces m\u00ebsimor t\u00eb profesor\u00ebve t\u00eb angazhuar politikisht.<\/p>\n

Faktor kontribues p\u00ebr\u00a0k\u00ebto mungesa t\u00eb nj\u00eb pjese t\u00eb stafit akademik ishin angazhimet e tyre n\u00eb institucione t\u00eb tjera t\u00eb arsimit t\u00eb lart\u00eb, si publike edhe private.\u00a0N\u00eb nj\u00eb raport t\u00eb publikuar n\u00eb fund t\u00eb vitit 2018,\u00a0ADMOVERE<\/a>\u00a0konstatonte se 1\/3 e pjes\u00ebtar\u00ebve t\u00eb stafit akademik t\u00eb UP-s\u00eb ishin t\u00eb angazhuar\u00a0t\u00eb pakt\u00ebn<\/strong>\u00a0edhe n\u00eb nj\u00eb institucion tjet\u00ebr t\u00eb arsimit t\u00eb lart\u00eb, publik ose privat. Ndon\u00ebse kishte mjaft profesor\u00eb q\u00eb n\u00eb procesin m\u00ebsimor mungonin p\u00ebr shkak t\u00eb angazhimeve t\u00eb tjera, nuk sh\u00ebnohet as edhe nj\u00eb rast q\u00eb ndonj\u00ebri t\u00eb jet\u00eb nd\u00ebshkuar n\u00eb pajtim me Rregulloren p\u00ebr Masat Disiplinore ndaj Personelit Akademik t\u00eb UP-s\u00eb. Si\u00e7 d\u00ebshmojn\u00eb raportet e auditimit, k\u00ebta profesor\u00eb madje jan\u00eb paguar p\u00ebr ligj\u00ebratat q\u00eb nuk i kan\u00eb mbajtur fare.\u00a0Vendimi i KD t\u00eb UP-s\u00eb num\u00ebr 2\/901 obligon stafin akademik t\u00eb UP-s\u00eb t\u00eb jet\u00eb brenda hap\u00ebsirave universitare \u00e7do dit\u00eb pune, prej 8:00 deri n\u00eb 16:00,\u00a0por sipas nj\u00eb monitorimi t\u00eb realizuar nga\u00a0ORCA<\/a>,\u00a0kjo rregull nuk respektohet n\u00eb mas\u00eb t\u00eb gjer\u00eb. P\u00ebr m\u00eb tej, organizata\u00a0\u00c7OHU<\/a>\u00a0konstatonte n\u00eb nj\u00eb publikim se t\u00eb gjitha universitetet publike, p\u00ebrfshir\u00eb UP-n\u00eb, e kan\u00eb gjysm\u00ebn e stafit t\u00eb angazhuar, \u00e7ka e v\u00ebshtir\u00ebson pun\u00ebn, pasi stafi i angazhuar nuk \u00ebsht\u00eb gjith\u00eb koh\u00ebn n\u00eb dispozicion t\u00eb student\u00ebve.<\/p>\n

Sa i takon zgjedhjes dhe avancimit t\u00eb personelit akademik, Statuti i UP-s\u00eb, si dhe Rregullorja p\u00ebr Zgjedhjen dhe Avancimin e Personelit Akademik parashohin kushte mjaft t\u00eb lehta lidhur me kriterin m\u00eb t\u00eb r\u00ebnd\u00ebsish\u00ebm akademik: punime n\u00eb revista shkencore relevante nd\u00ebrkomb\u00ebtare ose rajonale, si autor i par\u00eb ose korrespodent. K\u00ebto kushte p\u00ebrcaktojn\u00eb q\u00eb profesori asistent duhet t\u00eb ket\u00eb t\u00eb pakt\u00ebn nj\u00eb publikim t\u00eb till\u00eb, profesori i asocuar t\u00eb pakt\u00ebn tri, nd\u00ebrsa profesori i rregullt pes\u00eb. Mir\u00ebpo, n\u00eb fillim t\u00eb vitit 2017,\u00a0ORCA<\/a>\u00a0zbuloi se gati gjysma e stafit drejtues t\u00eb UP-s\u00eb (an\u00ebtar\u00ebt e K\u00ebshillit Drejtues, rektori dhe prorektor\u00ebt, an\u00ebtar\u00ebt e Senatit, dekan\u00ebt dhe prodekan\u00ebt) nuk i justifikonin titujt akademik\u00eb, ngaq\u00eb kishin t\u00eb pakt\u00ebn nga nj\u00eb punim n\u00ebp\u00ebr revista t\u00eb listuara si t\u00eb dyshimta, ose n\u00eb publikime q\u00eb nuk i p\u00ebrmbushnin kriteret e revistave t\u00eb mir\u00ebfillta shkencore. M\u00eb pas, hulumtimi q\u00eb\u00a0ORCA<\/a>\u00a0u b\u00ebri CV-ve t\u00eb profesor\u00ebve t\u00eb UP-s\u00eb nxori rezultate edhe m\u00eb t\u00eb k\u00ebqija sesa ato t\u00eb drejtuesve:\u00a0plot 72% e profesore\u0308ve nuk i justifikonin titujt akademik\u00eb sipas kriterit t\u00eb punimeve shkencore n\u00eb revistat me koeficient. Gjat\u00eb vitit 2018, p\u00ebrqindja e profesore\u0308ve q\u00eb nuk i justifikonin titujt akademik\u00eb ra n\u00eb 59%, m\u00eb 2019 n\u00eb 55%, m\u00eb 2020 n\u00eb 45%, e m\u00eb 2021 n\u00eb 31%. Kjo \u00ebsht\u00eb nj\u00ebra prej arritjeve m\u00eb t\u00eb m\u00ebdha t\u00eb KITU-s gjat\u00eb k\u00ebtyre viteve. Vlen t\u00eb theksohet edhe se, sipas ORCA-s, 1\/3 e t\u00eb gjith\u00eb profesor\u00ebve t\u00eb UP-s\u00eb kan\u00eb publikuar t\u00eb pakt\u00ebn 1 her\u00eb n\u00ebp\u00ebr revista t\u00eb dyshimta.<\/p>\n

Tjet\u00ebr \u00e7\u00ebshtje shqet\u00ebsuese, hulumtuar nga\u00a0ORCA<\/a>, \u00ebsht\u00eb se 177 pjes\u00ebtar\u00eb t\u00eb stafit akademik n\u00eb UP kan\u00eb ligj\u00ebruar 544 l\u00ebnd\u00eb, duke ushtruar kompetenca profesoriale, pa kaluar n\u00ebp\u00ebr procedurat e parapara statutare p\u00ebr titull profesorial. Prej k\u00ebtyre, 103 pjes\u00ebtar\u00eb me titullin akademik asistent ligj\u00ebrojn\u00eb 328 l\u00ebnd\u00eb, ndon\u00ebse sipas Statutit t\u00eb UP-s\u00eb asistent\u00ebt nuk lejohen t\u2019i mbajn\u00eb ligj\u00ebratat, por vet\u00ebm pjes\u00ebn e ushtrimeve dhe t\u00eb asistojn\u00eb n\u00eb kryerjen sa m\u00eb t\u00eb efektshme t\u00eb planifikimeve p\u00ebr l\u00ebnd\u00eb t\u00eb caktuara. \u00c7\u00ebshtje mjaft problematike \u00ebsht\u00eb edhe volumi shum\u00eb i madh i mentorimit t\u00eb temave t\u00eb diplom\u00ebs n\u00eb nivelin BA dhe MA nga profesor\u00eb t\u00eb caktuar. Ta z\u00ebm\u00eb, ka pasur raste kur nj\u00eb profesor i vet\u00ebm i UP-s\u00eb, vet\u00ebm p\u00ebr periudh\u00ebn 2015-2017, ka mentoruar 148 tema t\u00eb diplomave (136 n\u00eb nivelin BA dhe 12 n\u00eb nivelin MA).<\/p>\n

P\u00ebr fat t\u00eb keq, UP-ja i ka shp\u00ebrfillur v\u00ebrejtjet e raporteve t\u00eb Zyr\u00ebs Komb\u00ebtare t\u00eb Auditorit (ZKA) lidhur me\u00a0shkeljet sistematike t\u00eb natyrave t\u00eb ndryshme n\u00eb shpenzimet p\u00ebr paga dhe m\u00ebditjet, si: pagesa p\u00ebr personelin pa d\u00ebshmi t\u00eb mbajtjes s\u00eb or\u00ebve baz\u00eb, tejkalim i or\u00ebve mbi norm\u00eb, marrje e or\u00ebve mbi norm\u00eb nga stafi me angazhim t\u00eb dyfisht\u00eb n\u00eb UP, pagesa p\u00ebr or\u00eb mbi norm\u00eb pa d\u00ebshmi t\u00eb mbajtjes s\u00eb or\u00ebve. V\u00ebrejtje kishte edhe p\u00ebr emrat q\u00eb figuronin n\u00eb list\u00eb t\u00eb pagave pa qen\u00eb fare n\u00eb marr\u00ebdh\u00ebnie pune, p\u00ebr pagesa q\u00eb realizoheshin n\u00eb shp\u00ebrputhje me periudh\u00ebn e kontraktuar, p\u00ebr kontrata t\u00eb dyfishta, lidhje kontratash mbi vep\u00ebr pa afat t\u00eb caktuar,\u00a0rekrutime t\u00eb stafit pa kualifikim adekuat,\u00a0pagesa t\u00eb pabaza p\u00ebr komisione t\u00eb ndryshme dhe pun\u00eb t\u00eb tjera. Lidhur me mbinormat dhe angazhimet n\u00eb UP,\u00a0ORCA<\/a>\u00a0ka gjetur\u00a0 se gjat\u00eb vitit akademik 2017-2018, UP-ja ka harxhuar rreth 2.3 milion\u00eb euro p\u00ebr t\u00eb paguar stafin akademik ekzistues p\u00ebr or\u00eb shtes\u00eb, t\u00eb cilat do t\u00eb mund t\u00eb mbaheshin nga t\u00eb pun\u00ebsuarit e rregullt, si dhe 1 milion euro p\u00ebr angazhimin e bashk\u00ebpun\u00ebtor\u00ebve t\u00eb jasht\u00ebm, t\u00eb cil\u00ebve u ka dh\u00ebn\u00eb edhe kompetenca profesoriale, pa i kaluar n\u00ebp\u00ebr filtrat statutar\u00eb. Pra, p\u00ebr pagesa t\u00eb mbinormave t\u00eb stafit akademik dhe t\u00eb bashk\u00ebpun\u00ebtor\u00ebve t\u00eb jasht\u00ebm, n\u00eb vitin 2017-2018, UP-ja harxhoi rreth \u20ac3.3 milion\u00eb ose rreth 12% t\u00eb buxhetit total.<\/p>\n

Nj\u00eb tjet\u00ebr \u00e7\u00ebshtje e r\u00ebnd\u00eb \u00ebsht\u00eb plagjiatura n\u00eb punimet e temave MA dhe PhD prej stafit akdemik dhe prej t\u00eb diplomuarve t\u00eb UP-s\u00eb. \u00c7\u00ebshtja \u00ebsht\u00eb trajtuar sip\u00ebrfaq\u00ebsisht dhe p\u00ebr t\u00eb nuk ka ndonj\u00eb hulumtim serioz gjith\u00ebp\u00ebrfshir\u00ebs, por indikacionet jan\u00eb q\u00eb plagjiatura \u00ebsht\u00eb duksh\u00ebm e p\u00ebrhapur mes stafit akademik e t\u00eb diplomuarve prej UP-s\u00eb.\u00a0Shum\u00eb shpesh, punimet e diplomave jan\u00eb plagjiatura punimesh t\u00eb m\u00ebparshme, e ka edhe raste kur hartohen kundrejt nj\u00eb pagese t\u00eb caktuar nga individ\u00eb q\u00eb k\u00ebso sh\u00ebrbimesh ofrojn\u00eb p\u00ebrmes rrjeteve sociale dhe shpalljeve t\u00eb afishuara madje edhe brenda hap\u00ebsirave t\u00eb UP-s\u00eb. N\u00eb vitin 2018\u00a0ADMOVERE<\/a>\u00a0p\u00ebrmblodhi nj\u00eb raport me rastet e pjes\u00ebtar\u00ebve t\u00eb stafit akademik t\u00eb UP-s\u00eb, t\u00eb cil\u00ebve u jan\u00eb ekspozuar plagjiaturat n\u00ebp\u00ebr media p\u00ebrgjat\u00eb viteve, q\u00eb nga vet\u00eb themelimi i UP-s\u00eb. Prej gjithsej 16 rasteve t\u00eb gjetura nga ky raport, vet\u00ebm tre pjes\u00ebtar\u00eb t\u00eb stafit akademik u suspenduan nga procesi m\u00ebsimor, mir\u00ebpo q\u00eb t\u00eb tre m\u00eb pas u kthyen n\u00eb vendin e pun\u00ebs. Vet\u00ebm nj\u00ebrit \u2013 q\u00eb ishte m\u00ebsimdh\u00ebn\u00ebs i angazhuar, jo i rregullt \u2013 i \u00ebsht\u00eb nd\u00ebrprer\u00eb kontrata e pun\u00ebs.\u00a0Pra, as kur plagjiaturat e pjes\u00ebtar\u00ebve t\u00eb stafit akademik u publikuan n\u00ebp\u00ebr media,\u00a0plagjiator\u00ebt jo ve\u00e7 q\u00eb nuk dhan\u00eb dor\u00ebheqje,\u00a0por n\u00eb shumic\u00ebn d\u00ebrrmuese t\u00eb rasteve, as nuk iu n\u00ebnshtruan masave fare. N\u00eb ato pak raste kur ndonj\u00eb mas\u00eb \u00ebsht\u00eb nd\u00ebrmarr\u00eb, ajo m\u00eb von\u00eb \u00ebsht\u00eb shfuqizuar. Madje, shum\u00eb prej plagjiator\u00ebve edhe jan\u00eb avancuar.<\/p>\n

Tutje, bibliotekat e fakulteteve t\u00eb UP-s\u00eb nuk jan\u00eb t\u00eb furnizuara me literatur\u00eb bashk\u00ebkohore dhe nuk kan\u00eb qasje n\u00eb databaza nd\u00ebrkomb\u00ebtare shkencore. Nj\u00eb hulumtim nga\u00a0ADMOVERE<\/a>\u00a0gjen se bibliotekat e fakulteteve t\u00eb UP-s\u00eb kan\u00eb s\u00eb bashku afro 122 mij\u00eb tituj, e sipas t\u00eb dh\u00ebnave t\u00eb Rektoratit, UP-ja aktualisht ka gjithsejt 30.734 student\u00eb, q\u00eb i bie se bibliotekat e fakulteteve t\u00eb UP-s\u00eb kan\u00eb 4 libra p\u00ebr student. T\u00eb gjitha sallat e fakulteteve t\u00eb UP-s\u00eb kan\u00eb s\u00eb bashku afro 1.200 ul\u00ebse, q\u00eb do t\u00eb thot\u00eb se kan\u00eb af\u00ebrsisht 1 ul\u00ebse p\u00ebr 25 student\u00eb. P\u00ebr m\u00eb shum\u00eb, asnj\u00ebra nga bibliotekat e fakulteteve t\u00eb UP-s\u00eb nuk ka kompjuter\u00eb, printer\u00eb, skaner\u00eb e as fotokopjues, madje disa as qasje n\u00eb internet. Bibliotekat nuk kan\u00eb resurse t\u00eb mjaftueshme njer\u00ebzore, disa as bibliotekist\u00eb, e p\u00ebr rrjedhoj\u00eb rrin\u00eb t\u00eb mbyllura. Bibliotekat e nuk kan\u00eb program kompjuterik p\u00ebr regjistrimin e librave, i cili do t\u2019ua leht\u00ebsonte pun\u00ebn jo ve\u00e7 bibliotekist\u00ebve, por edhe student\u00ebve, duke u mund\u00ebsuar t\u00eb rezervojn\u00eb libra online ose ta zgjasin koh\u00ebn e lejuar t\u00eb huazimit. Asnj\u00eb nga bibliotekat e fakulteteve t\u00eb UP-s\u00eb nuk zot\u00ebron libra online.<\/p>\n

N\u00eb shum\u00eb departamente t\u00eb UP-s\u00eb student\u00ebt shpeshher\u00eb jan\u00eb t\u00eb shtr\u00ebnguar q\u00eb si literatur\u00eb t\u00eb p\u00ebrdorin skripta dhe p\u00ebrmbledhje t\u00eb ligj\u00ebratave, e ndonj\u00ebher\u00eb edhe teste t\u00eb provimeve. Kjo lloj literature t\u00eb shumt\u00ebn e rasteve \u00ebsht\u00eb pa ndonj\u00eb cil\u00ebsi akademike. P\u00ebr m\u00eb keq, ka raste edhe kur profesor\u00ebt i detyrojn\u00eb student\u00ebt t\u2019ua blejn\u00eb librat, edhe pse cil\u00ebsia e tyre akademike l\u00eb mjaft p\u00ebr t\u00eb d\u00ebshiruar.\u00a0KEC<\/a>-i ka gjetur se shpeshher\u00eb profesor\u00ebt rekomandojn\u00eb vet\u00ebm literatur\u00eb n\u00eb shqip dhe se materialet alternative si burime t\u00eb vetme t\u00eb literatur\u00ebs, si\u00e7 jan\u00eb sllajdet dhe dispensat, vazhdojn\u00eb t\u00eb p\u00ebrdoren nga nj\u00eb num\u00ebr i konsideruesh\u00ebm i profesor\u00ebve. Po ashtu, ndon\u00ebse Statuti i UP-s\u00eb obligon profesor\u00ebt q\u00eb t\u00eb vler\u00ebsojn\u00eb student\u00ebt p\u00ebrgjat\u00eb semestrit dhe me an\u00eb t\u00eb nj\u00eb morie metodash, \u00c7OHU konstaton se shumica e profesor\u00ebve ende p\u00ebrdorin vet\u00ebm provimin final si mjet vler\u00ebsimi. Pastaj, sipas\u00a0KEC<\/a>-it, puna praktike vazhdon t\u00eb jet\u00eb pik\u00eb e dob\u00ebt e programeve studimore n\u00eb UP, e arsyeja kryesore p\u00ebr munges\u00ebn e pun\u00ebs praktike, p\u00ebrve\u00e7 munges\u00ebs s\u00eb interesimit tek stafi akademik, \u00ebsht\u00eb shp\u00ebrputhja e madhe n\u00eb mes t\u00eb numrit t\u00eb student\u00ebve dhe t\u00eb stafit akademik, e cila e b\u00ebn te\u0308 pamundur organizimin efektiv t\u00eb pun\u00ebs praktike.<\/p>\n

N\u00eb t\u00eb kaluar\u00ebn jan\u00eb botuar 14 revista n\u00ebp\u00ebr fakultete t\u00eb ndryshme t\u00eb UP-s\u00eb, kurse aktualisht botohen vet\u00ebm 4 revista n\u00eb 4 nga 13 fakultete, me gjithsejt 41 departamente. Sipas nj\u00eb hulumtimi t\u00eb realizuar nga\u00a0ADMOVERE<\/a>, prej k\u00ebtyre 4 revistave, vet\u00ebm 2 kan\u00eb ISSN (kodi i njohur nd\u00ebrkomb\u00ebtarisht p\u00ebr publikimet serike) dhe i ofrojn\u00eb t\u00eb gjith\u00eb numrat online p\u00ebr publikun, kritere teknike k\u00ebto p\u00ebr revista. P\u00ebrgjegj\u00ebsit e t\u00eb gjitha revistave t\u00eb fakulteteve t\u00eb UP-s\u00eb q\u00eb publikohen aktualisht, thon\u00eb se artikujt e tyre marrin \u2018peer review\u2019 (recensione profesioninale), por n\u00eb asnj\u00ebrin artikull t\u00eb k\u00ebtyre revistave nuk figuron emri i recensentit q\u00eb ka p\u00ebrcjell\u00eb procesin e vler\u00ebsimit. Asnj\u00ebra revist\u00eb nuk figuron n\u00eb databazat serioze ku indeksohen ato me \u2018peer review\u2019 dhe n\u00eb asnj\u00ebr\u00ebn nuk ka t\u00eb dh\u00ebna p\u00ebr dat\u00ebn e d\u00ebrgimit t\u00eb punimit nga autor\u00ebt dhe dat\u00ebn e pranimit nga redaktori i revist\u00ebs. Nga intervistat e zhvilluara me dekan\u00eb, botues t\u00eb revistave dhe profesor\u00eb, del se arsyet kryesore p\u00ebr nd\u00ebrprerjen e revistave\u00a0jan\u00eb mungesa e fondeve dhe e honorareve, e jostimulimi i profesor\u00ebve p\u00ebr t\u00eb publikuar n\u00eb to, meq\u00eb nuk u sh\u00ebrbejn\u00eb p\u00ebr avancime.<\/p>\n

Nj\u00eb tjet\u00ebr aspekt i r\u00ebnd\u00ebsish\u00ebm te revistat akademike \u00ebsht\u00eb parapagimi i UP-s\u00eb n\u00eb revistat akademike nd\u00ebrkomb\u00ebtare. Gjat\u00eb viteve 1970-80, UP-ja parapaguhej n\u00eb nj\u00eb mori revistash akademike bot\u00ebrore. Ky parapagim, p\u00ebr shkak t\u00eb rrethanave tashm\u00eb t\u00eb njohura, u nd\u00ebrpre gjat\u00eb viteve \u201990. Mir\u00ebpo, p\u00ebr fat t\u00eb keq, nuk u p\u00ebrt\u00ebri as pas luft\u00ebs n\u00eb Kosov\u00eb, madje as pas shpalljes s\u00eb pavar\u00ebsis\u00eb m\u00eb 2008. P\u00ebr disa vjet, UP-ja kishte qasje vet\u00ebm n\u00eb\u00a014 burime t\u00eb ndryshme t\u00eb informacioneve akademike dhe shkencore p\u00ebrmes platform\u00ebs elektronike EBSCO. N\u00eb fund t\u00eb vitit 2015,\u00a0ai siguroi qasje nj\u00ebvje\u00e7are n\u00eb mbi 3.700 revista dhe mbi 28.000 publikime t\u00eb platform\u00ebs prestigjioze Science Direct t\u00eb Elsevier Publishing, por kjo marr\u00ebveshje nuk u vazhdua q\u00eb prej vitit 2017.<\/p>\n

Duke u nisur nga k\u00ebto gjetje alarmante, Qeveria e Kosov\u00ebs, me theks t\u00eb ve\u00e7ant\u00eb MASHT, duhet t\u2019i marr\u00eb fort seriozisht v\u00ebrejtjet, k\u00ebshillat e rekomandimet e p\u00ebrmbledhura nga k\u00ebto raporte, n\u00eb m\u00ebnyr\u00eb q\u00eb ta ket\u00eb nj\u00eb pasqyr\u00eb sa m\u00eb t\u00eb qart\u00eb mbi problemet e shumta q\u00eb r\u00ebndojn\u00eb arsimin e lart\u00eb n\u00eb Kosov\u00eb, e ve\u00e7mas mbi UP-n\u00eb, si dhe t\u00eb gjej\u00eb m\u00ebnyra p\u00ebr t\u2019i zgjidhur ato.<\/p>","protected":false},"excerpt":{"rendered":"

Botimi \u201cUniversiteti i Prishtin\u00ebs n\u00ebn llup\u00eb\u201d p\u00ebrmbledh problemet kryesore q\u00eb organizatat joqeveritare kan\u00eb identifikuar n\u00eb arsimin e lart\u00eb n\u00eb Kosov\u00eb, sidomos n\u00eb Universitetin e Prishtin\u00ebs (UP), si i pari dhe m\u00eb i madhi universitet publik. Ky botim p\u00ebrfshin p\u00ebrmbledhjet e raporteve t\u00eb organizatave joqeveritare\u00a0ORCA,\u00a0ADMOVERE,\u00a0\u00c7OHU,\u00a0CPC,\u00a0KEC\u00a0dhe\u00a0D4D, t\u00eb botuara n\u00eb periudh\u00ebn 2017-2021 n\u00eb kuad\u00ebr t\u00eb Koalicionit p\u00ebr Integritet […]<\/p>","protected":false},"author":401,"featured_media":1330,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[680,679,673],"ppma_author":[685],"class_list":["post-1328","post","type-post","status-publish","format-standard","has-post-thumbnail","hentry","category-analize","tag-education","tag-university-of-prishtina","tag-western-balkans"],"authors":[{"term_id":685,"user_id":401,"is_guest":0,"slug":"shkelzen-gashi","display_name":"Shk\u00eblzen Gashi","avatar_url":{"url":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png","url2x":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png"},"user_url":"","last_name":"Gashi","first_name":"Shk\u00eblzen","description":"Shk\u00eblzen Gashi ka studiu Shkencat Politike n\u00eb Universitetin e Prishtin\u00ebs, kurse magjistratur\u00ebn p\u00ebr Demokraci dhe t\u00eb Drejta t\u00eb Njeriut n\u00eb programin e p\u00ebrbashk\u00ebt studimor t\u00eb Universiteteve t\u00eb Bolonj\u00ebs dhe t\u00eb Sarajev\u00ebs. \u00cbsht\u00eb autor i shum\u00eb botimeve (librave dhe artikujve). N\u00eb vitin 2010 ka botuar biografin\u00eb e paautorizuar t\u00eb Adem Dema\u00e7it, i cili ka kaluar 28 vjet n\u00ebp\u00ebr burgjet jugosllave. Koh\u00ebt e fundit, ka botu shum\u00eb artikuj brenda e jasht\u00eb vendit rreth historis\u00eb s\u00eb Kosov\u00ebs n\u00eb tekstet m\u00ebsimore t\u00eb historis\u00eb n\u00eb Kosov\u00eb dhe n\u00eb vendet p\u00ebrreth Kosov\u00ebs \u2013 Shqip\u00ebri, S\u00ebrbi, Mal t\u00eb Zi dhe Maqedoni. Po ashtu, tani \u00ebsht\u00eb duke shkruar biografin\u00eb e Ibrahim Rugov\u00ebs, udh\u00ebheq\u00ebsit t\u00eb shqiptar\u00ebve t\u00eb Kosov\u00ebs 1989-2006."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/1328","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/401"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=1328"}],"version-history":[{"count":2,"href":"https:\/\/sbunker.org\/sr\/wp-json\/wp\/v2\/posts\/1328\/revisions"}],"predecessor-version":[{"id":1332,"href":"https:\/\/sbunker.org\/sr\/wp-json\/wp\/v2\/posts\/1328\/revisions\/1332"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/1330"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=1328"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=1328"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=1328"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=1328"}],"curies":[{"name":"wp","href":"https:\/\/api.w.org\/{rel}","templated":true}]}}