{"id":1407,"date":"2022-02-18T15:13:52","date_gmt":"2022-02-18T14:13:52","guid":{"rendered":"https:\/\/sbunker.org\/?p=1407"},"modified":"2023-12-11T15:06:53","modified_gmt":"2023-12-11T14:06:53","slug":"shtepia-e-xhafer-deves-mes-te-kaluares-dhe-te-ardhmes","status":"publish","type":"post","link":"https:\/\/sbunker.org\/sr\/analize\/shtepia-e-xhafer-deves-mes-te-kaluares-dhe-te-ardhmes\/","title":{"rendered":"Sht\u00ebpia e Xhafer Dev\u00ebs mes t\u00eb kaluar\u00ebs dhe t\u00eb ardhmes"},"content":{"rendered":"

Sht\u00ebpia e Xhafer Dev\u00ebs, nj\u00eb godin\u00eb me vlera t\u00eb ve\u00e7anta arkitekturale n\u00eb qend\u00ebr t\u00eb qytetit Mitrovic\u00ebs, e projektuar dhe e nd\u00ebrtuar para gati nj\u00eb shekulli nga arkitekt\u00eb e pun\u00ebtor\u00eb austriak\u00eb, ka disa vjet q\u00eb ndodhet pothuajse n\u00eb prag t\u00eb shkat\u00ebrrimit, si pasoj\u00eb e munges\u00ebs s\u00eb p\u00ebrkujdesjes institucionale, por edhe e\u00a0zjarr\u00ebvenies n\u00eb pranver\u00eb t\u00eb vitit 2015.<\/a>\u00a0P\u00ebr fat t\u00eb keq, shum\u00eb objekte t\u00eb r\u00ebnd\u00ebsishme t\u00eb trash\u00ebgimis\u00eb kulturore n\u00eb Kosov\u00eb jan\u00eb djegur q\u00ebllimisht gjat\u00eb k\u00ebtyre dy dekadave, n\u00eb m\u00ebnyr\u00eb q\u00eb n\u00eb vend t\u00eb tyre t\u00eb mund t\u00eb nd\u00ebrtohen objekte afariste. Mir\u00ebpo, p\u00ebr fat t\u00eb mir\u00eb, ka gati nj\u00eb dekad\u00eb q\u00eb \u201cSht\u00ebpia e Xhafer Dev\u00ebs\u201d figuron n\u00eb\u00a0list\u00ebn e trash\u00ebgimis\u00eb kulturore p\u00ebr mbrojtje<\/a>\u00a0(n\u00eb kategorin\u00eb \u2018trash\u00ebgimi arkitekturore\u2019 e n\u00eb n\u00ebnkategorin\u00eb \u2018monument\u2019), t\u00eb p\u00ebrpiluar nga Ministria e Kultur\u00ebs, Rinis\u00eb dhe Sportit. Gjat\u00eb k\u00ebtyre viteve ka pas\u00eb\u00a0disa p\u00ebrpjekje<\/a>\u00a0nga institucione lokale e qendrore p\u00ebr ta renovuar k\u00ebt\u00eb sht\u00ebpi dhe jan\u00eb kryer disa faza t\u00eb restaurimit, kryesisht n\u00eb p\u00ebrforcimin e konstruksionit.<\/p>\n

Ministria e Kultur\u00ebs, Rinis\u00eb dhe Sportit (MKRS), n\u00eb bashk\u00ebpunim me UNDP-n\u00eb dhe Zyr\u00ebn e BE-s\u00eb n\u00eb Kosov\u00eb, vendosi sivjet q\u00eb ta renovoj\u00eb k\u00ebt\u00eb sht\u00ebpi. Mir\u00ebpo, menj\u00ebher\u00eb pas publikimit t\u00eb vendimit p\u00ebr renovimin e saj, reaguan\u00a0mediat n\u00eb S\u00ebrbi<\/a>, dhe m\u00eb e r\u00ebnd\u00ebsishmja, m\u00eb pas\u00a0reagoi edhe ambasadori<\/a>\u00a0i Gjermanis\u00eb n\u00eb Kosov\u00eb, J\u00f6rn Rohde, i cili tha se \u00ebsht\u00eb: \u201cShum\u00eb i shqet\u00ebsuar p\u00ebr planet e restaurimit t\u00eb sht\u00ebpis\u00eb s\u00eb Xhafer Dev\u00ebs, nj\u00eb bashk\u00ebpun\u00ebtor\/protagonist i njohur nazist i divizionit fam\u00ebkeq SS Skanderbeg\u201d P\u00ebr t\u00eb shtuar se \u201cMos e shtremb\u00ebroni t\u00eb v\u00ebrtet\u00ebn n\u00eb lidhje me Holokaustin ose krimet e luft\u00ebs t\u00eb kryera nga nazist\u00ebt dhe bashk\u00ebpun\u00ebtor\u00ebt vendas. Mbrojini Faktet\u201d. Kjo b\u00ebri q\u00eb UNDP-ja n\u00eb Kosov\u00eb dhe Zyra e BE-s\u00eb n\u00eb Kosov\u00eb\u00a0t\u00eb t\u00ebrhiqen nga ky projekt<\/a>\u00a0(por, p\u00ebr fat t\u00eb mir\u00eb, jo edhe MKRS-ja), si dhe t\u00eb ndezet nj\u00eb debat i fort\u00eb p\u00ebr figur\u00ebn e Xhafer Dev\u00ebs.<\/p>\n

Cilat jan\u00eb planet p\u00ebr restaurimin e \u201cSht\u00ebpis\u00eb s\u00eb Xhafer Dev\u00ebs\u201d q\u00eb e shqet\u00ebsuan aq shum\u00eb ambasadorin e Gjermanis\u00eb n\u00eb Kosov\u00eb? N\u00ebse plani i Qeveris\u00eb s\u00eb Kosov\u00ebs parasheh q\u00eb pas renovimit, nj\u00eb pjes\u00eb e k\u00ebsaj sht\u00ebpie t\u00eb sh\u00ebrbej\u00eb si hap\u00ebsir\u00eb p\u00ebr Qendr\u00ebn Regjionale t\u00eb Trash\u00ebgimis\u00eb Kulturore n\u00eb Mitrovic\u00eb, kurse pjesa tjet\u00ebr si hap\u00ebsir\u00eb p\u00ebr ngjarje kulturore e komunitare, at\u00ebher\u00eb p\u00ebrse ambasadori i Gjermanis\u00eb n\u00eb Kosov\u00eb duhet t\u00eb shqet\u00ebsohet? Madje, edhe n\u00ebse plani i Qeveris\u00eb s\u00eb Kosov\u00ebs do t\u00eb ishte q\u00eb nj\u00eb pjes\u00eb e hap\u00ebsir\u00ebs s\u00eb k\u00ebsaj sht\u00ebpie t\u00eb b\u00ebhej Muze p\u00ebr Xhafer Dev\u00ebn, p\u00ebrse do t\u00eb duhej t\u00eb shqet\u00ebsohej ambasadori? Sepse Xhafer Deva ishte bashk\u00ebpun\u00ebtor a protagonist i njohur nazist i divizionit fam\u00ebkeq SS Skanderbeg?<\/p>\n

\u00cbsht\u00eb e v\u00ebrtet\u00eb se Xhafer Deva kishte bashk\u00ebpunuar me trupat gjermane t\u00eb stacionuara n\u00eb hap\u00ebsirat e banuara kryesisht me shqiptar\u00eb. Noel Malcolm n\u00eb \u201cKosovo \u2013 a short history\u201d (faqe 293-295) tregon se n\u00eb prill t\u00eb vitit 1941, bashk\u00eb me udh\u00ebheq\u00ebsit lokal\u00eb n\u00eb Mitrovic\u00eb Deva ishte takuar me komandantin e divizionit gjerman, gjeneralin Friedrich-Georg Eberhardt dhe kishte arrit\u00eb nj\u00eb marr\u00ebveshje p\u00ebr kat\u00ebr fusha: arsim, administrat\u00eb, polici dhe gjyq\u00ebsi. Sipas k\u00ebsaj marr\u00ebveshjeje, parashihej q\u00eb shqiptar\u00ebt t\u00eb kishin t\u00eb drejt\u00eb t\u00eb organizonin\u00a0arsimin<\/strong>\u00a0sipas vullnetit te vet dhe p\u00ebr dy vjet vet\u00ebm n\u00eb Mitrovic\u00eb qen\u00eb hap\u00eb 40 shkolla shqipe.<\/p>\n

N\u00eb fush\u00ebn e\u00a0administrat\u00ebs<\/strong>, Xhafer Deva ishte em\u00ebruar Kryetar i Mitrovic\u00ebs (pozit\u00eb kjo q\u00eb m\u00eb par\u00eb e mbante babai i tij Ibrahim Deva), me t\u00eb drejt\u00ebn q\u00eb me dekret t\u00eb em\u00ebronte n\u00ebpun\u00ebsit, duke p\u00ebrfshir\u00eb edhe n\u00ebpun\u00ebsit s\u00ebrb\u00eb n\u00eb baz\u00eb t\u00eb p\u00ebrqindjes q\u00eb s\u00ebrb\u00ebt kishin n\u00eb regjionin e Mitrovic\u00ebs. Nd\u00ebrkaq, n\u00eb fush\u00ebn e\u00a0gjyq\u00ebsis\u00eb,<\/strong>\u00a0gjerman\u00ebt kishin lejuar themelimin e k\u00ebshillave t\u00eb pleqve ose t\u00eb bajraktar\u00ebve, t\u00eb cil\u00ebt n\u00eb p\u00ebrputhje me traditat shqiptare kishin vendosur rregulla t\u00eb bazuara n\u00eb sheriat dhe n\u00eb kanun, p\u00ebr t\u2019i zgjidhur problemet e gjakmarrjes – vet\u00ebm n\u00eb ver\u00eb t\u00eb vitit 1944 u zgjidh\u00ebn 652 ngat\u00ebrresa. Nj\u00eb tjet\u00ebr element i k\u00ebsaj marr\u00ebveshjeje qe themelimi i nj\u00eb\u00a0force policore shqiptare<\/strong>, e cila kishte 1000 pjes\u00ebtar\u00eb, n\u00ebn komand\u00ebn e Pajazit Boletinit, t\u00eb birit t\u00eb Isa Boletinit.<\/p>\n

Tem\u00eb tjet\u00ebr diskutimi gjat\u00eb takimit Deva-Eberhardt ishte edhe d\u00ebbimi i kolonist\u00ebve s\u00ebrb\u00eb e malazez\u00eb nga Kosova dhe konfiskimi i tok\u00ebs q\u00eb u ishte dh\u00ebn\u00eb atyre n\u00eb periudh\u00ebn n\u00eb mes t\u00eb dy luft\u00ebrave bot\u00ebrore, p\u00ebrmes t\u00eb t\u00eb ashtuquajtur\u00ebs \u2018reform\u00eb agrare\u2019, me \u00e7\u2019rast Eberhardt kishte premtuar se do t\u00eb ndihmonte largimin e tyre, por kjo duhej b\u00ebr\u00eb \u2018n\u00eb m\u00ebnyr\u00eb paq\u00ebsore e t\u00eb arsyeshme\u2019. Forcat gjermane jo vet\u00ebm q\u00eb e kishin lejuar k\u00ebt\u00eb, por edhe kishin urdh\u00ebruar kolonist\u00ebt q\u00eb t\u00eb largoheshin nga Kosova brenda 24 or\u00ebve. Madje, kur Kryetari i Qeveris\u00eb s\u00eb S\u00ebrbis\u00eb, Milan Nedi\u0107, dha dor\u00ebheqje n\u00eb shkurt 1944, nj\u00eb prej arsyeve t\u00eb dor\u00ebheqjes permendi d\u00ebshtimin e trupave gjermane p\u00ebr ta ndal\u00eb d\u00ebbimin e kolonist\u00ebve s\u00ebrb\u00eb e malazez\u00eb nga Kosova.<\/p>\n

Shumica d\u00ebrrmuese e shqiptar\u00ebve nuk kishin qen\u00eb lojal ndaj regjimit jugosllav gjat\u00eb periudh\u00ebs mes dy luft\u00ebrave bot\u00ebrore p\u00ebr shkak t\u00eb shkeljes drastike deri edhe t\u00eb t\u00eb drejtave themelore t\u00eb njeriut, prandaj ata e kishin par\u00eb pushtimin e Fuqive t\u00eb Boshtit si \u00e7lirim. Si\u00e7 thot\u00eb edhe Noel Malcolm n\u00eb librin e tij \u201cKosovo \u2013 a short history\u201d,<\/a>\u00a0kolaboracionizmi kishte ekzistuar n\u00eb disa nivele, por motivi nuk kishte qen\u00eb simpatia ideologjike p\u00ebr fashizmin ose nazismin, as ndonj\u00eb interes p\u00ebr q\u00ebllimet e luft\u00ebs s\u00eb Fuqive t\u00eb Boshtit, por d\u00ebshira p\u00ebr ta shfryt\u00ebzuar rastin e shp\u00ebrb\u00ebrjes s\u00eb Jugosllavis\u00eb e p\u00ebr t\u00eb marr\u00eb pushtetin n\u00eb Kosov\u00eb dhe p\u00ebr t\u2019i p\u00ebrmbys\u00eb politikat sllavizuese e kolonizuese t\u00eb dy dekadave paraprake.<\/p>\n

Ambasadori i Gjermanis\u00eb n\u00eb Kosov\u00eb e implikon Xhafer Dev\u00ebn n\u00eb krimet kund\u00ebr hebrenjve kur thot\u00eb se ai \u2018ishte bashk\u00ebpun\u00ebtor p\u00ebrkat\u00ebsisht protagonist i njohur nazist i divizionit fam\u00ebkeq SS Skanderbeg\u2019 dhe k\u00ebrkon nga ne q\u00eb \u2018t\u00eb mos e shtremb\u00ebrojm\u00eb t\u00eb v\u00ebrtet\u00ebn n\u00eb lidhje me Holokaustin ose krimet e luft\u00ebs t\u00eb kryera nga nazist\u00ebt dhe bashk\u00ebpun\u00ebtor\u00ebt vendas\u2019. Fillimisht duhet th\u00ebn\u00eb se themelimin e Divizionit SS Skanderbeg e kishte shpall\u00eb Adolf Hitler n\u00eb fillim t\u00eb vitit 1944, kurse\u00a0divizionin e kishte komanduar August Schmidhuber.<\/a>\u00a0Ky divizion q\u00eb kishte operuar kryesisht n\u00eb territorin e Kosov\u00ebs s\u00eb sotme, p\u00ebrb\u00ebhej\u00a0edhe<\/strong>\u00a0nga rekrut\u00eb prej popullat\u00ebs civile, t\u00eb burgosurve t\u00eb luft\u00ebs, si dhe ushtar\u00ebve shqiptar\u00eb q\u00eb kishin sh\u00ebrbyer m\u00eb par\u00eb n\u00eb divizionin Hand\u017ear n\u00eb Bosnj\u00eb. Lista e civil\u00ebve shqiptar\u00eb n\u00eb k\u00ebt\u00eb divizion ishte organizuar n\u00eb bashk\u00ebpunim t\u00eb ngusht\u00eb me institucionet kukull t\u00eb shtetit shqiptar, kryesisht me Ministrin\u00eb e Mbrojtjes.<\/p>\n

Ky divizion, ndon\u00ebse kishte veprim t\u00eb kufizuar edhe p\u00ebr arsye se paria shqiptare e kishte penguar rekrutimin n\u00eb t\u00eb, si\u00e7 e thot\u00eb n\u00eb raportin e tij komandanti August Schmidhuber, ishte i zhytur n\u00eb krime, p\u00ebrfshi ndaj hebrenjve. Noel Malcolm thot\u00eb se n\u00eb mesin e majit 1944, disa prej trupave t\u00eb SS Skanderbeg marrin pjes\u00eb n\u00eb episodin m\u00eb t\u00eb turpsh\u00ebm t\u00eb historis\u00eb s\u00eb koh\u00ebs s\u00eb luft\u00ebs n\u00eb Kosov\u00eb: n\u00eb grumbullimin dhe d\u00ebbimin e 281 hebrenjve (faqe 310), megjith\u00ebse p\u00ebr k\u00ebto krime ai nuk i akuzon askund shqiptar\u00ebt e as Xhafer Dev\u00ebn, meq\u00eb k\u00ebto akuza nuk mund t\u00eb b\u00ebhen kaq t\u00eb r\u00ebnda pa pas\u00eb d\u00ebshmi, t\u00eb forta madje.<\/p>\n

Sido q\u00eb t\u00eb jet\u00eb, Xhafer Deva nuk kishte jetuar n\u00eb sht\u00ebpin\u00eb q\u00eb do t\u00eb renovohet, e q\u00eb qysh pas Luft\u00ebs s\u00eb Dyt\u00eb Bot\u00ebrore \u00ebsht\u00eb pron\u00eb shtet\u00ebrore , dhe nuk ka asnj\u00eb d\u00ebshmi se n\u00eb t\u00eb jan\u00eb kryer krime: por edhe sikur t\u00eb kishte jetuar n\u00eb t\u00eb dhe edhe sikur t\u00eb ishin kryer krime n\u00eb t\u00eb, kjo nuk do t\u00eb thot\u00eb se sht\u00ebpia s\u2019do t\u00eb duhej t\u00eb renovohet dhe se nj\u00eb pjes\u00eb e saj s\u2019do t\u00eb duhej t\u00eb ishte muze kushtuar jet\u00ebs e vepr\u00ebs s\u00eb Xhafer Dev\u00ebs. Na duhen hulumtime n\u00ebp\u00ebr arkivat shqiptare, s\u00ebrbe, turke, gjermane, angleze, amerikane, e me radh\u00eb, si dhe publikime shkencore e muze p\u00ebr ta m\u00ebsuar historin\u00eb e k\u00ebsaj periudhe:\u00a0A ishin pjes\u00ebtar\u00ebt shqiptar\u00eb t\u00eb Divizionit SS Skanderbeg t\u00eb p\u00ebrfshir\u00eb n\u00eb krime ndaj hebrenjve?<\/strong>\u00a0A kishte ndonj\u00eb rol Xhafer Deva n\u00eb k\u00ebto krime dhe n\u00ebse po, \u00e7far\u00eb ishte? Po ashtu, duhet ta dim\u00eb: a u d\u00ebbuan kolon\u00ebt s\u00ebrb\u00eb e malazez\u00eb nga Kosova n\u00eb m\u00ebnyr\u00eb paq\u00ebsore? A u d\u00ebbuan edhe s\u00ebrb\u00ebt dhe malazez\u00ebt q\u00eb ishin autokton\u00eb n\u00eb Kosov\u00eb? Si u trajtuan p\u00ebrgjith\u00ebsisht pakicat etnike, fetare e gjuh\u00ebsore n\u00eb Kosov\u00eb gjat\u00eb k\u00ebsaj periudhe? Si u trajtuan kund\u00ebrshtar\u00ebt politik\u00eb: komunist\u00ebt shqiptar\u00eb e s\u00ebrb\u00eb, \u00e7etnik\u00ebt s\u00ebrb\u00eb, pjes\u00ebtar\u00ebt e organizatave komb\u00ebtariste pro-angleze \u2018Balli Komb\u00ebtar\u2019 dhe \u2018Legaliteti\u2019, e k\u00ebshtu me radh\u00eb.<\/p>\n

P\u00ebr fund, si\u00e7 e kishte th\u00ebn\u00eb diku edhe Ambasadori J\u00f6rn Rohde,\u00a0kultura e kujtes\u00ebs<\/a>\u00a0dhe ruajtja e trash\u00ebgimis\u00eb kulturore duhet t\u00eb shfryt\u00ebzohen si mund\u00ebsi p\u00ebr t\u2019u marr\u00eb me t\u00eb kaluar\u00ebn n\u00eb m\u00ebnyr\u00eb t\u00eb hapur dhe t\u00eb v\u00ebrtet\u00eb. N\u00ebse Ambasada e Gjermanis\u00eb n\u00eb Kosov\u00eb \u00ebsht\u00eb e gatshme t\u00eb mb\u00ebshtes\u00eb qasje t\u00eb arsyeshme ndaj kultur\u00ebs s\u00eb kujtes\u00ebs n\u00eb Kosov\u00eb, at\u00ebher\u00eb ambasadori Rohde duhet t\u00eb tregoj\u00eb me shembullin e vet se \u00ebsht\u00eb i interesuar p\u00ebr ta zbardh\u00eb historin\u00eb, p\u00ebr t\u00eb mos e shtremb\u00ebruar t\u00eb v\u00ebrtet\u00ebn dhe p\u00ebr t\u2019i mbrojt\u00eb faktet.<\/p>","protected":false},"excerpt":{"rendered":"

Sht\u00ebpia e Xhafer Dev\u00ebs, nj\u00eb godin\u00eb me vlera t\u00eb ve\u00e7anta arkitekturale n\u00eb qend\u00ebr t\u00eb qytetit Mitrovic\u00ebs, e projektuar dhe e nd\u00ebrtuar para gati nj\u00eb shekulli nga arkitekt\u00eb e pun\u00ebtor\u00eb austriak\u00eb, ka disa vjet q\u00eb ndodhet pothuajse n\u00eb prag t\u00eb shkat\u00ebrrimit, si pasoj\u00eb e munges\u00ebs s\u00eb p\u00ebrkujdesjes institucionale, por edhe e\u00a0zjarr\u00ebvenies n\u00eb pranver\u00eb t\u00eb vitit 2015.\u00a0P\u00ebr […]<\/p>","protected":false},"author":401,"featured_media":1408,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[13],"tags":[712,664,726],"ppma_author":[685],"class_list":["post-1407","post","type-post","status-publish","format-standard","has-post-thumbnail","hentry","category-analize","tag-history","tag-kosovo","tag-xhafer-deva"],"authors":[{"term_id":685,"user_id":401,"is_guest":0,"slug":"shkelzen-gashi","display_name":"Shk\u00eblzen Gashi","avatar_url":{"url":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png","url2x":"https:\/\/sbunker.org\/wp-content\/uploads\/2024\/10\/Shkelzen-Gashi-1-1024x641-1-150x150-1.png"},"user_url":"","last_name":"Gashi","first_name":"Shk\u00eblzen","description":"Shk\u00eblzen Gashi ka studiu Shkencat Politike n\u00eb Universitetin e Prishtin\u00ebs, kurse magjistratur\u00ebn p\u00ebr Demokraci dhe t\u00eb Drejta t\u00eb Njeriut n\u00eb programin e p\u00ebrbashk\u00ebt studimor t\u00eb Universiteteve t\u00eb Bolonj\u00ebs dhe t\u00eb Sarajev\u00ebs. \u00cbsht\u00eb autor i shum\u00eb botimeve (librave dhe artikujve). N\u00eb vitin 2010 ka botuar biografin\u00eb e paautorizuar t\u00eb Adem Dema\u00e7it, i cili ka kaluar 28 vjet n\u00ebp\u00ebr burgjet jugosllave. Koh\u00ebt e fundit, ka botu shum\u00eb artikuj brenda e jasht\u00eb vendit rreth historis\u00eb s\u00eb Kosov\u00ebs n\u00eb tekstet m\u00ebsimore t\u00eb historis\u00eb n\u00eb Kosov\u00eb dhe n\u00eb vendet p\u00ebrreth Kosov\u00ebs \u2013 Shqip\u00ebri, S\u00ebrbi, Mal t\u00eb Zi dhe Maqedoni. Po ashtu, tani \u00ebsht\u00eb duke shkruar biografin\u00eb e Ibrahim Rugov\u00ebs, udh\u00ebheq\u00ebsit t\u00eb shqiptar\u00ebve t\u00eb Kosov\u00ebs 1989-2006."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/1407","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/401"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=1407"}],"version-history":[{"count":1,"href":"https:\/\/sbunker.org\/sr\/wp-json\/wp\/v2\/posts\/1407\/revisions"}],"predecessor-version":[{"id":1409,"href":"https:\/\/sbunker.org\/sr\/wp-json\/wp\/v2\/posts\/1407\/revisions\/1409"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/1408"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=1407"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=1407"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=1407"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=1407"}],"curies":[{"name":"wp","href":"https:\/\/api.w.org\/{rel}","templated":true}]}}