{"id":2317,"date":"2021-11-09T13:10:23","date_gmt":"2021-11-09T12:10:23","guid":{"rendered":"https:\/\/sbunker.org\/?p=2317"},"modified":"2023-12-15T13:11:44","modified_gmt":"2023-12-15T12:11:44","slug":"petrit-halilaj-rreth-traumes-dhe-shpreses-ne-tate-st-ives","status":"publish","type":"post","link":"https:\/\/sbunker.org\/sr\/kritike\/petrit-halilaj-rreth-traumes-dhe-shpreses-ne-tate-st-ives\/","title":{"rendered":"Petrit Halilaj rreth traum\u00ebs dhe shpres\u00ebs n\u00eb Tate St. Ives"},"content":{"rendered":"

Veprat e Petrit Halilajt hulumtojn\u00eb identitetin kulturor\u00eb, komb\u00ebsin\u00eb dhe trash\u00ebgimin\u00eb, si dhe idet\u00eb e kujtimeve kolektive dhe individuale. Halilaj jeton dhe vepron n\u00eb mes t\u00eb Gjermanis\u00eb, Kosov\u00ebs dhe Italis\u00eb. Veprimtaria e tij p\u00ebrfshin skulptur\u00ebn, videon, vizatimin dhe instalacionin, si dhe pun\u00ebn me materiale dhe tekstile tradicionale.<\/strong><\/p>\n

Halilaj, \u00ebsht\u00eb nj\u00eb artist i cili po arrin suksese t\u00eb nj\u00ebpasnj\u00ebshme n\u00eb sken\u00ebn e artit nd\u00ebrkomb\u00ebtar. D\u00ebshmi e k\u00ebsaj \u00ebsht\u00eb edhe ekspozita e tij e fundit e organizuar n\u00eb Galerin\u00eb prestigjioze Tate, n\u00eb St Ives t\u00eb Anglis\u00eb. N\u00eb k\u00ebt\u00eb Galeri, Halilaj \u00ebsht\u00eb prezantuar me vepra t\u00eb reja t\u00eb krijuara enkas p\u00ebr k\u00ebt\u00eb ekspozit\u00eb. Veprat e realizuara n\u00eb form\u00eb t\u00eb instalacionit shqyrtojn\u00eb 38 vizatime f\u00ebmij\u00ebrore t\u00eb cilat artisti i realizoi derisa ishte n\u00eb Kuk\u00ebs t\u00eb Shqip\u00ebris\u00eb, gjat\u00eb luft\u00ebs n\u00eb Kosov\u00eb n\u00eb vitet 1998-99, kur ai ishte vet\u00ebm tremb\u00ebdhjet\u00eb vje\u00e7ar. Duke shtresuar imazhe t\u00eb varura t\u00eb formatit t\u00eb madh p\u00ebrgjat\u00eb gjith\u00eb galeris\u00eb, Halilaj krijon nj\u00eb mjedis p\u00ebrfshir\u00ebs dhe zhyt\u00ebs i cili shpalos vizatimet e tij, t\u00eb cilat e kan\u00eb shoq\u00ebruar at\u00eb gjat\u00eb periudh\u00ebs s\u00eb luft\u00ebs n\u00eb Kosov\u00eb.<\/p>\n

Lufta dhe konflikti i armatosur zhvendosin familje t\u00eb panum\u00ebrta \u00e7do vit. M\u00eb shum\u00eb se gjysma e 19 milion refugjat\u00ebve n\u00eb bot\u00eb, jan\u00eb f\u00ebmij\u00eb (UNHCR, 2007).\u00a0 Disa f\u00ebmij\u00eb rriten n\u00eb kampe refugjat\u00ebsh. Shumic\u00ebs s\u00eb f\u00ebmij\u00ebve p\u00ebr nj\u00eb koh\u00eb t\u00eb gjat\u00eb sa q\u00ebndrojn\u00eb n\u00eb kampe i mungon shkollimi formal.<\/p>\n

Traumat e f\u00ebmij\u00ebve jan\u00eb v\u00ebshtir\u00eb t\u00eb zbulohen, sepse ata nuk jan\u00eb n\u00eb gjendje t\u00eb komunikojn\u00eb verbalisht ndjenjat e tyre. Vizatimet jan\u00eb p\u00ebrdorur p\u00ebr shum\u00eb vite, p\u00ebr t\u2019u ndihmuar f\u00ebmij\u00ebve q\u00eb t\u00eb hapen apo si form\u00eb e shp\u00ebrfaqjes s\u00eb traumave f\u00ebminore t\u00eb luft\u00ebs.<\/p>\n

Sipas psikolog\u00ebve t\u00eb luft\u00ebs, kur f\u00ebmij\u00ebve i k\u00ebrkohet t\u00eb vizatojn\u00eb me ngjyra ata nuk munden sepse bota e tyre \u00ebsht\u00eb \u201caq e tmerrshme\u201d prandaj \u201ce zeza \u00ebsht\u00eb e vetmja ngjyr\u00eb q\u00eb mund t\u00eb p\u00ebrdorin\u201d.<\/p>\n

Vizatimet e f\u00ebmij\u00ebve t\u00eb luft\u00ebs p\u00ebr her\u00eb t\u00eb par\u00eb t\u00ebrhoq\u00ebn v\u00ebmendjen e kritik\u00ebve ndaj vlerave t\u00eb posa\u00e7me estetike t\u00eb tyre n\u00eb rastin e Luft\u00ebs Civile Spanjolle (1936-1939). Asociacioni Spanjoll i Luft\u00ebs n\u00eb Nju Jork p\u00ebrmblodhi rreth n\u00ebnt\u00ebqind vepra t\u00eb tilla artistike dhe publikoi librin: \u201cAta akoma vizatojn\u00eb\u201d (They Still Draw Pictures – Spanish Welfare Association, 1939). Aldous Huxley shkroi parath\u00ebnien e k\u00ebtij botimi duke pohuar: \u201dKy \u00ebsht\u00eb nj\u00eb koleksion i vizatimeve t\u00eb f\u00ebmij\u00ebve; ai \u00ebsht\u00eb nj\u00ebkoh\u00ebsisht nj\u00eb koleksion i vizatimeve t\u00eb b\u00ebra nga djelmoshat dhe vajzat e vogla t\u00eb cil\u00ebt kan\u00eb p\u00ebrjetuar nj\u00eb luft\u00eb moderne.\u201d<\/p>\n

Traumat vazhdojn\u00eb t\u00eb p\u00ebrjetohen nga f\u00ebmij\u00ebt n\u00eb gjith\u00eb bot\u00ebn. Traumat q\u00eb f\u00ebmij\u00ebt sirian\u00eb kan\u00eb p\u00ebrjetuar nga fillimi i luft\u00ebs m\u00eb 2011 jan\u00eb t\u00eb ngjashme me traumat e f\u00ebmij\u00ebve n\u00eb Kosov\u00eb n\u00eb luft\u00ebn e vitit 1999. F\u00ebmij\u00ebt sirian\u00eb zakonisht e kan\u00eb t\u00eb v\u00ebshtir\u00eb t\u00eb flasin p\u00ebr p\u00ebrjetimet e tyre. Kjo \u00ebsht\u00eb p\u00ebrse metodat alternative t\u00eb sh\u00ebrimit, si terapia me an\u00eb t\u00eb artit, p\u00ebrdoren n\u00eb gjith\u00eb bot\u00ebn p\u00ebr t\u2019i ndihmuar f\u00ebmij\u00ebve n\u00eb rrug\u00ebn e tyre t\u00eb sh\u00ebrimit mendor.<\/p>\n

N\u00eb nj\u00eb ekspozit\u00eb me titull \u201cDrita kundrejt Err\u00ebsir\u00ebs\u201d (Light Against Darkness) t\u00eb mbajtur n\u00eb nj\u00eb pjes\u00eb t\u00eb qytetit t\u00eb Beirutit, dyzetetre f\u00ebmij\u00eb krijuan rreth 166 vepra n\u00eb form\u00eb vizatimesh dhe skulpturash nga argjila. Disa vepra ishin realizuar n\u00eb ngjyra intensive me tone t\u00eb nj\u00eb lumturie artificiale. T\u00eb tjerat nuk ishin aq arg\u00ebtuese. Suha Wanos, nj\u00eb vajz\u00eb e re nga Latakia, vizatoi nj\u00eb vajz\u00eb duke mbajtur dor\u00ebn e n\u00ebn\u00ebs s\u00eb saj derisa nj\u00eb revole \u00ebsht\u00eb e drejtuar n\u00eb kok\u00ebn e saj. N\u00eb prapavij\u00eb t\u00eb punimit, \u00ebsht\u00eb duke r\u00ebn\u00eb shi dhe helikopter\u00ebt jan\u00eb duke sht\u00ebn\u00eb zjarr mbi sht\u00ebpit\u00eb, derisa f\u00ebmij\u00ebt e vegj\u00ebl q\u00ebndrojn\u00eb t\u00eb shtrir\u00eb mbi bar t\u00eb p\u00ebrgjakur, t\u00eb paraqitur si t\u00eb vdekur. Suha, p\u00ebr t\u00eb shkuar n\u00eb shkoll\u00ebn e saj, n\u00eb baza ditore kishte kaluar nj\u00eb punkt ushtarak n\u00eb Siri. Ajo kishte zakon t\u2019i p\u00ebrsh\u00ebndeste ushtar\u00ebt n\u00eb gjuh\u00ebn arabe me th\u00ebnien \u201cPaqja qoft\u00eb mbi ju\u201d. (Adam Rasmi)<\/p>\n

Edhe kampi i refugjat\u00ebve palestinez\u00eb n\u00eb Beirut \u00ebsht\u00eb gjithnj\u00eb e m\u00eb shum\u00eb duke u b\u00ebr\u00eb streh\u00eb p\u00ebr sirian\u00ebt e ikur nga lufta. P\u00ebr f\u00ebmij\u00eb, shprehja e z\u00ebrit n\u00eb let\u00ebr nuk \u00ebsht\u00eb nj\u00eb gj\u00eb e leht\u00eb. Duke q\u00ebndruar s\u00eb bashku n\u00eb qend\u00ebr, f\u00ebmij\u00ebt tregojn\u00eb nj\u00eb varg skicash q\u00eb ishin pikturuar p\u00ebrmbi me t\u00eb zez\u00eb nga zem\u00ebrimi. \u201cN\u00eb fillim, ata ishin shum\u00eb t\u00eb stresuar. F\u00ebmij\u00ebt kishin shum\u00eb dhembje t\u00eb p\u00ebrjetuara n\u00eb Siri, dhe nuk besonin se do t\u00eb mund t\u00eb shihnin ndonj\u00ebher\u00eb me ngjyra,\u201d pohonte zyrtari i kampit n\u00eb Beirut (Adam Rasmi, \u201cHow Syrian Children Are Drawing…\u201d).<\/p>\n

N\u00eb an\u00ebn tjet\u00ebr, n\u00eb nj\u00eb lib\u00ebr me titull\u00a0\u201c D\u00e9flagrations, dessins d\u2019enfants, guerre d\u2019adultes<\/em>\u201d, i botuar nga Anamosa, jan\u00eb ilustruar trupa t\u00eb pajet\u00eb t\u00eb pikturuar me t\u00eb hirt\u00eb, turma t\u00eb njer\u00ebzve n\u00ebn zjarr, kolona t\u00eb refugjat\u00ebve, bombardime, frik\u00eb dhe zem\u00ebrim. 150 vizatimet e b\u00ebra bashk\u00eb nga Z\u00e9rane Girardeau tregojn\u00eb p\u00ebr luft\u00ebn n\u00eb syt\u00eb e f\u00ebmij\u00ebve. Libri riprodhon nj\u00eb shekull t\u00eb vizatimeve t\u00eb d\u00ebshmitar\u00ebve t\u00eb vegj\u00ebl q\u00eb nga Lufta e Par\u00eb Bot\u00ebrore deri tek konflikti n\u00eb Siri. \u201cK\u00ebto vizatime na mund\u00ebsojn\u00eb t\u00eb vendosim veten p\u00ebr nj\u00eb moment jasht\u00eb lumit t\u00eb imazheve indiferente p\u00ebrreth nesh<\/em>,\u201d shkruan koordinatorja e projektit Z\u00e9rane Girardeau. \u201c\u00cbsht\u00eb si nj\u00eb antihelm ndaj indiferenc\u00ebs s\u00eb shprehis\u00eb, e cila transformon tmerret n\u00eb nj\u00eb zhurm\u00eb t\u00eb fuqishme vizuale. Ato na ndihmojn\u00eb p\u00ebr t\u00eb mbajtur syt\u00eb \u00e7el\u00eb, p\u00ebr t\u00eb mos harruar, p\u00ebr t\u00eb qen\u00eb vazhdimisht t\u00eb vet\u00ebdijsh\u00ebm q\u00eb t\u00eb mos topisim emocionin njer\u00ebzor.\u201d(St\u00e9phanie Maupas, korrespondent nga Haga)<\/p>\n

Me ndihm\u00ebn q\u00eb u ofrohet, f\u00ebmij\u00ebt eventualisht arrijn\u00eb t\u00eb pikturojn\u00eb me ngjyra vizatimet e tyre p\u00ebr t\u00eb p\u00ebrcjell\u00eb me an\u00eb t\u00eb brush\u00ebs kujtesat e tyre t\u00eb vizioneve zem\u00ebrthyera t\u00eb shpres\u00ebs.<\/p>\n

\u201cP\u00ebrgjat\u00eb dekadave, f\u00ebmij\u00ebt kan\u00eb shprehur traumat e dhun\u00ebs n\u00eb forma shum\u00eb t\u00eb ngjashme,\u201d pohon Sarah Smith, drejtoresh\u00eb e edukimit n\u00eb organizat\u00ebn humanitare IRC.<\/p>\n

Petrit Halilaj si nj\u00eb f\u00ebmij\u00eb i luft\u00ebs, poashtu kishte kaluar nj\u00eb periudh\u00eb n\u00eb nj\u00eb kamp, dhe pasi nuk kishte mund\u00ebsi p\u00ebr t\u00eb vijuar nj\u00eb edukim formal, ai kishte d\u00ebgjuar se ekzistonte nj\u00eb program p\u00ebr f\u00ebmij\u00eb t\u00eb zhvilluar nga psikologu italian Giacomo \u2018Angelo\u2019 Poli. Zot\u00ebri Giacomo kishte ardhur p\u00ebrmes nj\u00eb organizate humanitare p\u00ebr t\u2019i ndihmuar f\u00ebmij\u00ebt refugjat\u00eb. Artisti pohon se kjo ishte nj\u00ebra nga dhuratat m\u00eb t\u00eb mira q\u00eb kishte marr\u00eb n\u00eb jet\u00eb. Pun\u00ebtorit\u00eb e zhvilluara n\u00eb kamp ishin terapeutike, q\u00eb ishte nj\u00ebfar\u00eb zbutje e v\u00ebshtir\u00ebsive t\u00eb jetes\u00ebs n\u00eb kamp. \u201cNe vizatonim p\u00eb luft\u00ebn, dhe ishte hera e par\u00eb q\u00eb nj\u00eb i rritur na jepte hap\u00ebsir\u00ebn p\u00ebr t\u00eb th\u00ebn\u00eb di\u00e7ka rreth p\u00ebrvojave tona\u201d thot\u00eb Halilaj. \u201cKjo nuk ishte vet\u00ebm nj\u00eb nevoj\u00eb personale e t\u00eb shprehurit. Ne po p\u00ebrpiqeshim t\u00eb shprehnim ngjarjet q\u00eb lam\u00eb pas, dhe at\u00eb \u00e7far\u00eb kishim par\u00eb, dhe koh\u00ebrave jasht\u00ebzakonisht t\u00eb v\u00ebshtira n\u00ebp\u00ebr t\u00eb cilat po kalonte Kosova<\/em>\u201d thot\u00eb Petrit Halilaj.<\/p>\n

K\u00ebto vepra t\u00eb reja t\u00eb r\u00ebnd\u00ebsishme t\u00eb Petritit jan\u00eb ndoshta nj\u00ebra nga reflektimet m\u00eb personale mbi traumat e luft\u00ebs n\u00eb Kosov\u00eb, t\u00eb form\u00ebsuara p\u00ebrmes perspektiv\u00ebs s\u00eb koh\u00ebs t\u00eb cilat poashtu sjellin n\u00eb drit\u00eb traumat e f\u00ebmij\u00ebve n\u00eb gjith\u00eb bot\u00ebn. \u201cAto t\u00ebrheqin mbi p\u00ebrvojat e tij me luft\u00ebn, por poashtu veprojn\u00eb si pika referente p\u00ebr kujtes\u00ebn dhe p\u00ebrvoj\u00ebn e t\u00eb tjer\u00ebve, dhe k\u00ebshtu hapin diskurse t\u00eb r\u00ebnd\u00ebsishme p\u00ebr t\u00eb gjith\u00eb rreth perspektivave unike q\u00eb arti mund t\u00eb sjell\u00eb p\u00ebr \u00e7\u00ebshtjet si konflikti, zhvendosja dhe shtypja<\/em>\u201d(Anne Barlow, kuratore e ekspozit\u00ebs)<\/p>\n

Petrit Halilaj p\u00ebrmes shpalosjes s\u00eb vizatimeve t\u00eb luft\u00ebs, p\u00ebrve\u00e7 q\u00eb tregon p\u00ebrjetimet e tij t\u00eb luft\u00ebs ai poashtu shp\u00ebrfaq\u00eb nj\u00eb pjes\u00eb t\u00eb s\u00eb kaluar\u00ebs kolektive t\u00eb shum\u00eb f\u00ebmij\u00ebve shqiptar\u00eb. Ai shpesh eksploron karakteristikat q\u00eb p\u00ebrcaktojn\u00eb identitetin ton\u00eb personal dhe kolektiv apo social. Halilaj dhe artist\u00eb tjer\u00eb t\u00eb gjeneratave t\u00eb reja po konstruktojn\u00eb sensin se kush ne jemi si individ\u00eb, si shoq\u00ebri, dhe si komb. Ata po shqyrtojn\u00eb stereotipat dhe konventat derisa eksplorojn\u00eb koncepte t\u00eb ndryshme si gjinia, seksualiteti, komb\u00ebsia dhe trash\u00ebgimia. Kultura jon\u00eb \u00ebsht\u00eb e krijuar nga forma t\u00eb ndryshme t\u00eb p\u00ebrpjekjeve artistike dhe sociale, si kolektive ashtu dhe individuale.<\/p>\n

Tanim\u00eb e kaluara jon\u00eb e hidhur, \u00ebsht\u00eb pjes\u00eb e identitetit ton\u00eb komb\u00ebtar, trash\u00ebgimis\u00eb ton\u00eb kolektive e cila nd\u00ebrton kultur\u00ebn ton\u00eb. Petrit Halilaj gjithmon\u00eb i kthehet trash\u00ebgimis\u00eb ton\u00eb t\u00eb af\u00ebrt apo t\u00eb larg\u00ebt p\u00ebrmes s\u00eb cil\u00ebs ndihmon n\u00eb procesin e krijimit t\u00eb identitetit ton\u00eb t\u00eb sot\u00ebm.<\/p>\n

Halilaj p\u00ebrdor\u00eb trash\u00ebgimin\u00eb ton\u00eb p\u00ebr t\u00eb konstruktuar, rekonstruktuar dhe negociuar nj\u00eb varg identitetesh si dhe vlerash sociale dhe kulturore t\u00eb s\u00eb \u00a0tashmes. M\u00eb e r\u00ebnd\u00ebsishmja, p\u00ebrmes k\u00ebtyre proceseve t\u00eb rekonstruktimit artistik t\u00eb identiteteve tona nd\u00ebrtohen procese sociopolitike q\u00eb reflektojn\u00eb bot\u00ebrisht p\u00ebr nivelin kulturor t\u00eb shoq\u00ebris\u00eb ton\u00eb.<\/p>\n

Dhe normalisht, n\u00eb k\u00ebt\u00eb aspekt si\u00e7 kishte pohuar Claire Stasiewicz: \u201cArti \u00ebsht\u00eb mediumi m\u00eb i fuqish\u00ebm q\u00eb shp\u00ebton kultur\u00ebn p\u00ebrmes p\u00ebrcjelljes s\u00eb kujtes\u00ebs individuale dhe kolektive n\u00eb form\u00eb unike dhe personale\u201d. Trash\u00ebgimia jon\u00eb kulturore \u00ebsht\u00eb e shprehur p\u00ebrmes objekteve materiale q\u00eb mund t\u00eb preken dhe shikohen nga e kaluara jon\u00eb jo shum\u00eb e larg\u00ebt. Por, ajo p\u00ebrb\u00ebhet edhe nga elementet shpirt\u00ebrore si historit\u00eb orale t\u00eb transmetuara nga nj\u00ebra gjenerat\u00eb n\u00eb tjetr\u00ebn. Petrit Halilaj ka vendosur t\u2019i p\u00ebrdor\u00eb vizatimet personale, tani pjes\u00eb t\u00eb trash\u00ebgimis\u00eb kulturore materiale t\u00eb luft\u00ebs, p\u00ebr t\u00eb shpalosur tregimin e tij individual shpirt\u00ebror t\u00eb nj\u00eb fragmenti t\u00eb r\u00ebnd\u00ebsish\u00ebm t\u00eb s\u00eb kaluar\u00ebs ton\u00eb t\u00eb err\u00ebt.<\/p>","protected":false},"excerpt":{"rendered":"

Veprat e Petrit Halilajt hulumtojn\u00eb identitetin kulturor\u00eb, komb\u00ebsin\u00eb dhe trash\u00ebgimin\u00eb, si dhe idet\u00eb e kujtimeve kolektive dhe individuale. Halilaj jeton dhe vepron n\u00eb mes t\u00eb Gjermanis\u00eb, Kosov\u00ebs dhe Italis\u00eb. Veprimtaria e tij p\u00ebrfshin skulptur\u00ebn, videon, vizatimin dhe instalacionin, si dhe pun\u00ebn me materiale dhe tekstile tradicionale. Halilaj, \u00ebsht\u00eb nj\u00eb artist i cili po arrin suksese […]<\/p>","protected":false},"author":313,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[14],"tags":[913,693,714],"ppma_author":[325],"class_list":["post-2317","post","type-post","status-publish","format-standard","hentry","category-kritike","tag-cultural-identity","tag-literature","tag-war"],"authors":[{"term_id":325,"user_id":313,"is_guest":0,"slug":"milot-gusia","display_name":"Milot Gusia","avatar_url":{"url":"https:\/\/sbunker.org\/wp-content\/uploads\/2023\/10\/IMG_0046-min-scaled-1.jpg","url2x":"https:\/\/sbunker.org\/wp-content\/uploads\/2023\/10\/IMG_0046-min-scaled-1.jpg"},"user_url":"","last_name":"Gusia","first_name":"Milot","description":"Milot Gusia punon si profesor dhe redaktor, si dhe aktivist dhe komentues n\u00eb sken\u00ebn e artit vendor dhe nd\u00ebrkomb\u00ebtar. Gusia ka punuar n\u00eb nj\u00eb num\u00ebr programesh n\u00eb fush\u00ebn e artit dhe kultur\u00ebs. Gusia ka p\u00ebrfunduar studimet master p\u00ebr Dizajn Grafik n\u00eb Universitetin e Prishtin\u00ebs, si dhe ka p\u00ebrfunduar studimet MBA n\u00eb Universitetin Staffordhire n\u00eb Britani t\u00eb Madhe."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/2317","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/313"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=2317"}],"version-history":[{"count":1,"href":"https:\/\/sbunker.org\/sr\/wp-json\/wp\/v2\/posts\/2317\/revisions"}],"predecessor-version":[{"id":2318,"href":"https:\/\/sbunker.org\/sr\/wp-json\/wp\/v2\/posts\/2317\/revisions\/2318"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=2317"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=2317"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=2317"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=2317"}],"curies":[{"name":"wp","href":"https:\/\/api.w.org\/{rel}","templated":true}]}}