{"id":3258,"date":"2016-08-12T13:50:37","date_gmt":"2016-08-12T11:50:37","guid":{"rendered":"https:\/\/sbunker.org\/?p=3258"},"modified":"2025-01-09T12:05:34","modified_gmt":"2025-01-09T10:05:34","slug":"obsesionimi-me-tituj","status":"publish","type":"post","link":"https:\/\/sbunker.org\/sr\/analize\/obsesionimi-me-tituj\/","title":{"rendered":"Obsesionimi me tituj"},"content":{"rendered":"
\n

Kosova nuk ka nevoj\u00eb p\u00ebr m\u00eb shum\u00eb doktor\u00eb shkencash; Kosova ka nevoj\u00eb p\u00ebr m\u00eb shum\u00eb shkenc\u00ebtar\u00eb. Shkenc\u00ebtar\u00ebt zakonisht mbajn\u00eb titullin doktor shkence, por jo t\u00eb gjith\u00eb doktor\u00ebt e shkencave jan\u00eb shkenc\u00ebtar\u00eb.<\/p>\n<\/div>\n

\n
\n

N\u00eb Kosov\u00eb jemi t\u00eb obsesionuar me tituj shkencor\u00eb. Merrni e shihni vizitkartat q\u00eb ua kan\u00eb dh\u00ebn\u00eb, shihni biografit\u00eb e politikan\u00ebve, d\u00ebgjoni prezantimet e fol\u00ebsve n\u00eb tubime apo media, gjithkah, do t\u00eb shihni tituj t\u00eb shumt\u00eb shkencor\u00eb. Madje jo rrall\u00eb i shohim t\u00eb ken\u00eb sh\u00ebnuar n\u00eb vizitkart\u00eb edhe faktin se qenkan kandidat\u00eb p\u00ebr nj\u00eb titull akademik. Thuajse t\u00eb gjith\u00eb u p\u00ebrkasin shkencave shoq\u00ebrore. Dhe ky obsesionim me tituj akademik\u00eb shpesh na duket apo\u00a0q\u00ebllimisht e p\u00ebrceptojm\u00eb si\u00a0obsesionim me shkenc\u00ebn, gj\u00eb q\u00eb nuk \u00ebsht\u00eb.<\/p>\n

Sa her\u00eb q\u00eb flas me miq e koleg\u00eb, qofshin ata profesionist\u00eb por sidomos njer\u00ebz t\u00eb bot\u00ebs akademike, nj\u00eb prej ankesave m\u00eb t\u00eb shpeshta q\u00eb d\u00ebgjoj \u00ebsht\u00eb \u201cmbeta pa e regjistru doktoratur\u00ebn!” Kjo ankes\u00eb vjen sikur ato ankesat e stilit \u2018mbeta pa u martu\u2019 pra, n\u00eb stilin e t\u00eb arriturit t\u00eb di\u00e7kaje q\u00eb domosdoshm\u00ebrisht duhet arritur, si norm\u00eb shoq\u00ebrore. K\u00ebt\u00eb tashm\u00eb mund ta pag\u00ebzojm\u00eb me emrin \u201cObsesive Compulsive Doctorate Syndrome\u201d sepse v\u00ebrtet\u00eb duket si nj\u00eb instinkt i pakontrolluesh\u00ebm i profesionist\u00ebve i cili mund ta \u00e7orodis\u00eb gjith\u00eb sistemin.<\/p>\n

Shum\u00eb prej k\u00ebtyre miqve e koleg\u00ebve kan\u00eb studiuar n\u00ebp\u00ebr universitetet m\u00eb t\u00eb mira n\u00eb bot\u00eb dhe me t\u2019u kthyer n\u00eb Kosov\u00eb jan\u00eb angazhuar n\u00eb profesionet e tyre. Disa punojn\u00eb n\u00eb institucione shtet\u00ebrore, kan\u00eb firma t\u00eb tyre private t\u00eb avokatis\u00eb, kan\u00eb filluar t\u00eb ndjekin rrug\u00ebn p\u00ebr t’u b\u00ebr\u00eb gjyqtar\u00eb etj. Por sa her\u00eb vi n\u00eb Kosov\u00eb e shoh q\u00eb po i mundon nj\u00eb gj\u00eb: doktoratura.\u00a0Fakti q\u00eb shum\u00eb prej tyre, p\u00ebr arsye krejt\u00ebsisht t\u00eb gabuara, po ndihen disi gjysmak\u00eb n\u00eb profesionet e tyre sepse ‘mbet\u00ebn vet\u00ebm magjistra’ m\u00eb shtyu t\u00eb shkruaj k\u00ebt\u00eb shkrim q\u00eb\u00a0e thot\u00eb vet\u00ebm nj\u00eb gj\u00eb: doktoratura \u00ebsht\u00eb grada shkencore m\u00eb e keqkuptuar n\u00eb Kosov\u00eb.<\/p>\n

Pik\u00ebnisja e k\u00ebtij keqkuptimi, besoj un\u00eb, q\u00ebndron pik\u00ebrisht n\u00eb faktin se nuk e kemi kuptuar mir\u00eb \u00e7ka do t\u00eb thot\u00eb t\u00eb jesh akademik, t\u00eb jesh doktor shkence e \u00e7ka do t\u00eb\u00a0thot\u00eb t\u00eb jesh profesionist i nj\u00eb fushe. Un\u00eb nuk m\u00ebtoj t\u00eb sqaroj k\u00ebt\u00eb dallim n\u00eb k\u00ebt\u00eb shkrim, por dua q\u00eb ky shkrim t\u00eb sh\u00ebrbej\u00eb t\u00eb pakt\u00ebn p\u00ebr t\u2019i informuar disa q\u00eb k\u00ebto jan\u00eb kategori t\u00eb ndyshme nj\u00ebra nga tjetra.<\/p>\n

K\u00ebt\u00eb influksin e profesionist\u00ebve t\u00eb rinj\u00a0q\u00eb duan t\u00eb doktorojn\u00eb fillova ta v\u00ebrej kryesisht nga k\u00ebrkesat e shpeshta q\u00eb m\u00eb vijn\u00eb mua dhe miqve t\u00eb mi doktorant\u00eb p\u00ebr t\u00eb na k\u00ebrkuar k\u00ebshilla rreth proceseve\u00a0t\u00eb aplikimit. Frekuenca e lart\u00eb e k\u00ebtyre k\u00ebrkesave nuk \u00ebsht\u00eb gj\u00ebja m\u00eb shqet\u00ebsuese n\u00eb k\u00ebt\u00eb mes. Po, do t\u00eb kemi inflacion doktor\u00ebsh n\u00eb shkenca shoq\u00ebrore po nejse, i rehaton tregu, themi. P\u00ebr mua parehatia filloi t\u00eb ndihet kryesisht pas komunikimeve me k\u00ebta aspirues t\u00eb shkenc\u00ebs, kur po mundohesha t\u00eb informohem m\u00eb shum\u00eb rreth asaj q\u00eb duan t\u00eb hulumtojn\u00eb dhe \u00e7far\u00eb po i shtyen ata drejt nj\u00eb dedikimi kaq t\u00eb madh. Fatkeq\u00ebsisht, jan\u00eb t\u00eb rrall\u00eb ata q\u00eb m\u00eb kan\u00eb dh\u00ebn\u00eb p\u00ebrgjigje t\u00eb qart\u00eb se \u00e7far\u00eb duan t\u00eb hulumtojn\u00eb dhe, m\u00eb me r\u00ebnd\u00ebsi, pse duan ta hulumtojn\u00eb at\u00eb. Me sa po e shoh, shumica thjesht\u00eb\u00a0duan t’i\u00a0\u2018kryejn\u00eb\u2019 doktoraturat\u00a0sepse duan t\u00eb d\u00ebshmojn\u00eb se\u00a0jan\u00eb nj\u00eb nivel m\u00eb lart\u00a0se t\u00eb tjer\u00ebt, magjistrat. Folja e p\u00ebrzgjedhur \u00ebsht\u00eb gjithmon\u00eb \u2018kryej\u2019, sepse gjason me nj\u00eb obligim q\u00eb u \u00ebsht\u00eb shtruar atyre\u00a0e q\u00eb k\u00ebta thjesht\u00eb\u00a0duhet ta kryejn\u00eb\u00a0sa s\u2019u b\u00eb von\u00eb.<\/p>\n

P\u00ebr k\u00ebt\u00eb ndjej keqardhje. Andaj, do t\u00eb doja q\u00eb gjith\u00eb k\u00ebta aspirant\u00eb doktoraturash t\u2019i ken\u00eb dy gj\u00ebra t\u00eb qarta: e para, se t\u00eb kesh doktoratur\u00eb nuk do t\u00eb thot\u00eb se do t\u00eb jesh m\u00eb i miri i nj\u00eb fushe profesionale; dhe e dyta, se t\u00eb zgjedh\u00ebsh t\u00eb b\u00ebsh doktoratur\u00eb do t\u00eb thot\u00eb, n\u00eb parim, t\u00eb kesh zgjedhur q\u00eb t’i p\u00ebrkushtohesh akademis\u00eb me mish e me shpirt, p\u00ebr t\u00ebr\u00eb jet\u00ebn t\u00ebnde. Kjo e fundit, n\u00eb fakt, edhe mund t\u00eb bie ndesh me ushtrimin e profesionit.<\/p>\n

Doktoratura nuk t\u00eb b\u00ebn profesionist m\u00eb t\u00eb mir\u00eb t\u00eb nj\u00eb fushe. Th\u00ebn\u00eb thjesht, t\u00eb jesh doktor shkence n\u00eb Drejt\u00ebsi nuk do t\u00eb thot\u00eb se je jurist m\u00eb i mir\u00eb se dikush q\u00eb e ka kryer vet\u00ebm Fakultetin Juridik dhe punon si gjyqtar, avokat a zyrtar ligjor diku. Doktoraturat e mir\u00ebfillta q\u00eb kryhen sot jan\u00eb hulumtime t\u00eb thella e t\u00eb thukta t\u00eb nj\u00eb problemi (kryesisht teorik), t\u00eb nj\u00eb segmenti shum\u00eb t\u00eb ngusht\u00eb, n\u00eb kuad\u00ebr t\u00eb nj\u00eb fushe m\u00eb specifike t\u00eb shkenc\u00ebs q\u00eb ti i p\u00ebrket. Po, TI\u00a0do ta njoh\u00ebsh k\u00ebt\u00eb \u00e7\u00ebshtje specifike kok\u00eb-e-k\u00ebmb\u00eb dhe, n\u00eb rastin ideal, askush n\u00eb bot\u00eb nuk do t\u00eb jet\u00eb m\u00eb kompetent sesa ti n\u00eb k\u00ebt\u00eb problem. Por kjo nuk do t\u00eb thot\u00eb se\u00a0tash e zot\u00ebron gjith\u00eb l\u00ebmin\u00eb profesionale m\u00eb mir\u00eb se t\u00eb tjer\u00ebt q\u00eb kan\u00eb grad\u00eb m\u00eb t\u00eb ul\u00ebt shkencore sesa ti.<\/p>\n

Duhet sqaruar k\u00ebtu q\u00eb kjo tez\u00eb e imja mund t\u00eb mos vlej\u00eb p\u00ebr ata q\u00eb doktorojn\u00eb n\u00eb shkencat ekzakte, ku shpesh doktoraturat financohen jo vet\u00ebm nga universiteti por kryesisht nga kompanit\u00eb m\u00eb t\u00eb fuqishme n\u00eb treg, dhe detyra e doktorantit \u00ebsht\u00eb ta\u00a0zgjedh\u00eb\u00a0nj\u00eb problem praktik, t\u00eb zbuloj\u00eb di\u00e7ka a t\u00eb v\u00ebrtetoj\u00eb di\u00e7ka sipas udh\u00ebzimeve. Meq\u00eb jam juriste, po e analizoj k\u00ebt\u00eb problematik\u00eb n\u00eb kuad\u00ebr t\u00eb profesionit tim. Tek jurist\u00ebt, ky influksi i aspirat\u00ebs p\u00ebr t\u00eb doktoruar \u00ebsht\u00eb cytur kryesisht nga zbatimi i sistemit t\u00eb Bolonj\u00ebs n\u00eb Kosov\u00eb. Gjenerata ime, p\u00ebr shembull, kreu Fakultetin Juridik p\u00ebr 3 vjet dhe dol\u00ebm t\u00eb diplomuar si “Bachelor t\u00eb drejt\u00ebsis\u00eb”. Diploma jon\u00eb nuk vlen\u00a0gj\u00eb n\u00eb treg pa e kryer t\u00eb famshmin master, p\u00ebr ta gjetur nj\u00eb pun\u00eb t\u00eb hajrit. Prandaj, normalja e re tash \u00ebsht\u00eb t\u00eb jesh magjist\u00ebr shkencash dhe, diku n\u00eb k\u00ebt\u00eb mes, dikush na e dha iden\u00eb se p\u00ebr t\u2019u dalluar nga t\u00eb tjer\u00ebt p\u00ebr kah kompetenca profesionale u deshka q\u00eb t\u00eb kemi nj\u00eb grad\u00eb tjet\u00ebr shkencore. Problemi q\u00ebndron n\u00eb faktin se shum\u00eb mendojn\u00eb se doktoratura tash do t\u2019ua jap\u00eb atyre nj\u00eb ep\u00ebrsi profesionale, e nj\u00eb avantazh n\u00eb treg t\u00eb pun\u00ebs. Duke p\u00ebrjashtuar doktoraturat n\u00eb shkenca ekzakte, ku tregu e ka b\u00ebr\u00eb thuajse t\u00eb domosdoshme k\u00ebt\u00eb grad\u00eb shkencore, kjo rrall\u00ebher\u00eb ndodh\u00eb n\u00eb fushat tjera.<\/p>\n

N\u00eb vend se t\u00eb zgjedhin t\u00eb q\u00ebndrojn\u00eb n\u00eb k\u00ebt\u00eb treg t\u00eb pun\u00ebs, t\u00eb profesionalizohen m\u00eb shum\u00eb n\u00eb praktik\u00eb n\u00eb fush\u00ebn q\u00eb kan\u00eb zgjedhur, shum\u00eb t\u00eb rinj\u00a0n\u00eb fakt shp\u00ebrqendrohen dhe e rivendosin v\u00ebmendjen e tyre n\u00eb di\u00e7ka krejt\u00ebsisht tjet\u00ebr, e cila n\u00eb rastin m\u00eb ideal do t\u2019i zhvendos\u00eb ata nga Kosova p\u00ebr nj\u00eb koh\u00eb, duke i t\u00ebrhequr edhe nga tregu i pun\u00ebs. Nj\u00eb trajektore e till\u00eb e karrier\u00ebs do t\u00eb\u00a0ishte krejt\u00ebsisht n\u00eb rregull sikur ata t\u00eb\u00a0kishin q\u00ebllim t\u2019i p\u00ebrkushtohen akademis\u00eb si zgjedhja e tyre e vetme n\u00eb karrier\u00eb. Megjithat\u00eb, shum\u00eb prej tyre, n\u00eb fakt, nuk e shohin t\u00eb k\u00ebtill\u00eb, por thjesht\u00a0duan ta ken\u00eb k\u00ebt\u00eb grad\u00eb \u2018p\u00ebr \u00e7do rast\u2019.<\/p>\n

Ndoshta pjes\u00eb e madhe e k\u00ebtij problemi \u00ebsht\u00eb se nuk kemi mjaft doktor\u00eb shkencash t\u00eb cil\u00ebt kan\u00eb doktoruar k\u00ebshtu mir\u00ebfilli dhe prandaj s\u2019\u00ebsht\u00eb se kemi par\u00eb me t\u00eb v\u00ebrtet\u00eb \u00e7far\u00eb do t\u00eb thot\u00eb t\u00eb b\u00ebsh\u00a0shkenc\u00eb. Duke p\u00ebrjashtuar akademik\u00ebt q\u00eb tek m\u00eb von\u00eb vendos\u00ebn t\u2019i p\u00ebrkushtohen politik\u00ebs, ne kemi par\u00eb rreth nesh politikan\u00eb e fytyra t\u00eb tjera publike t\u00eb cil\u00ebt i shohim \u00e7do dit\u00eb duke kryer nj\u00eb funksion publik e nd\u00ebrkoh\u00eb marrim vesh se doktoruan. Dhe n\u00eb logjik\u00ebn banale q\u00eb \u00ebsht\u00eb krijuar, n\u00eb mendjen e \u00e7do profesionisti t\u00eb ri lakohet mendimi se kur munden ata t\u00eb kryejn\u00eb doktoratura, pse s\u2019mundem edhe un\u00eb? E p\u00ebrderisa s\u2019kam as iden\u00eb m\u00eb t\u00eb vog\u00ebl se si ta sh\u00ebrojm\u00eb k\u00ebt\u00eb obsesionin e politikan\u00ebve tan\u00eb me doktoratura, ndoshta zgjidhja mund t\u00eb gjindet tek grupi tjet\u00ebr- tek shkenc\u00ebtar\u00ebt. Sikur t\u2019u japim m\u00eb shum\u00eb hap\u00ebsir\u00eb publike shkenc\u00ebtar\u00ebve t\u00eb mir\u00ebfillt\u00eb t\u00eb flasin m\u00eb n\u00eb thelb p\u00ebr procesin e t\u00eb b\u00ebrit shkenc\u00eb, ndoshta edhe t\u00eb rinjt\u00eb do t\u00eb kuptojn\u00eb m\u00eb mir\u00eb \u00e7far\u00eb p\u00ebrmban ky proces n\u00eb t\u00eb v\u00ebrtet\u00eb dhe k\u00ebshtu t\u00eb shohin a e duan at\u00eb v\u00ebrtet\u00eb apo jo.<\/p>\n

Lidhur ngusht\u00eb me k\u00ebt\u00eb t\u00eb par\u00ebn, duhet sqaruar se n\u00ebse zgjedhni t\u2019i p\u00ebrkushtoheni doktoratur\u00ebs n\u00eb m\u00ebnyr\u00eb t\u00eb mir\u00ebfillt\u00eb do t\u00eb thot\u00eb, n\u00eb parim, t\u00eb kesh zgjedhur q\u00eb t’i p\u00ebrkushtohesh kryesisht akademis\u00eb me mish e me shpirt, p\u00ebr t\u00ebr\u00eb jet\u00ebn t\u00ebnde. Eh, kjo pik\u00eb \u00ebsht\u00eb m\u00eb thell\u00eb e prekur nga konteksti\/diskursi kosovar i akademis\u00eb dhe prandaj k\u00ebtij keqkuptimi i dihen rr\u00ebnj\u00ebt m\u00eb leht\u00eb. Ne jemi m\u00ebsuar t’i shohim profesor\u00ebt tan\u00eb universitar\u00eb duke dh\u00ebn\u00eb m\u00ebsim e edhe duke kryer pun\u00eb t\u00eb tjera n\u00eb fush\u00ebn praktike. Kjo sigurisht ngeli si tradit\u00eb q\u00eb nisi nga vitet e 90-ta e sidomos nga periudha e pasluft\u00ebs kur profesor\u00ebt paguheshin shum\u00eb pak dhe prandaj ju duhej pun\u00eb shtes\u00eb p\u00ebr t\u00eb plot\u00ebsuar t\u00eb ardhurat sa p\u00ebr t\u00eb mundur t\u00eb ken\u00eb nj\u00eb jet\u00eb normale q\u00eb mund ta arrinin madje edhe t\u00eb rinjt\u00eb e pashkolluar q\u00eb punin p\u00ebr institucione jo-publike. Si rezultat i k\u00ebsaj, akademia n\u00eb syt\u00eb tan\u00eb u kuptua thjesht\u00a0si m\u00ebsimdh\u00ebnie, por n\u00eb nivel universitar. N\u00eb munges\u00eb t\u00eb revistave t\u00eb mir\u00ebfillta shkencore q\u00eb edhe sot s’i kemi ngase s’i kemi themeluar vet, p\u00ebrcjell\u00eb me faktin se nuk i zbatojm\u00eb kriteret p\u00ebr zgjedhje e rizgjedhje n\u00eb m\u00ebnyr\u00eb rigoroze, p\u00ebr shum\u00eb prej akademik\u00ebve sot akademia vazhdon t\u00eb shihet kryesisht si m\u00ebsimdh\u00ebnie. N\u00eb fakt, shpesh edhe ky perceptim i m\u00ebsimdh\u00ebnies nuk \u00ebsht\u00eb ai bashk\u00ebkohor, por m\u00eb shum\u00eb ai klasik, pra m\u00ebsimdh\u00ebnia n\u00eb stilin ku profesori e transmeton njohurin\u00eb tek studiuesi, thuajse mekanikisht. E duke qen\u00eb kryesisht popull me komplekse inferioriteti, cili prej nesh nuk ka qef t\u2019i jap\u00eb m\u00ebsim dikujt tjet\u00ebr? Por, kjo \u00ebsht\u00eb \u00e7\u00ebshtje q\u00eb\u00a0duhet studiuar [lexo: doktoruar] nga sociolog\u00ebt.<\/p>\n

Shum\u00eb pak profesionist\u00eb, madje fatkeq\u00ebsisht edhe nga ata q\u00eb jan\u00eb t\u00eb futur me t\u00eb dyja k\u00ebmb\u00ebt ne akademi, e kuptojn\u00eb se akademia \u00ebsht\u00eb shum\u00eb m\u00eb tep\u00ebr se kaq. Shum\u00eb pak prej tyre e kuptojn\u00eb se akademia k\u00ebrkon hulumtime dhe publikime t\u00eb vazhdueshme. Se akademia \u00ebsht\u00eb nj\u00ebra nga ato drejtimet kur librat nuk duhet t\u00eb t\u00eb\u00a0hiqen kurr\u00eb nga duart- as ata q\u00eb i lexon e as ata q\u00eb duhet t\u2019i shkruash. Thjesht\u00eb, akademia do t\u00eb thot\u00eb t\u00eb prodhosh dije ne m\u00ebnyr\u00eb t\u00eb vazhdueshme, e jo vet\u00ebm ta akumulosh at\u00eb. E m\u00eb e r\u00ebnd\u00ebsishmja, duhet kuptuar q\u00eb dija s\u2019\u00ebsht\u00eb nj\u00eb gj\u00eb q\u00eb fitohet nj\u00eb her\u00eb, kur ti e more \u00e7far\u00ebdo grade shkencore, por \u00ebsht\u00eb di\u00e7ka evolutive, q\u00eb ndryshon dita dit\u00ebs dhe\u00a0q\u00eb duhet t\u2019i vraposh pas gjat\u00eb gjith\u00eb koh\u00ebs.<\/p>\n

P\u00ebr ta p\u00ebrmbyllur: Kosova nuk ka nevoj\u00eb p\u00ebr doktor\u00eb shkencash. Sidomos jo t\u00eb till\u00eb q\u00eb po i\u00a0prodhojm\u00eb n\u00eb Kosov\u00eb. Kosova ka nevoj\u00eb p\u00ebr shkenc\u00ebtar\u00eb. Shkenc\u00ebtar\u00ebt zakonisht mbajn\u00eb titullin doktor shkence, por jo t\u00eb gjith\u00eb doktor\u00ebt e shkencave jan\u00eb shkenc\u00ebtar\u00eb. Dhe k\u00ebt\u00eb nuk po e them me q\u00ebllim q\u00eb t\u2019i dekurajoj t\u00eb rinjt\u00eb t\u00eb ndjekin tituj akademik\u00eb, po e them p\u00ebr t\u2019i inkurajuar ata q\u00eb ta kuptojn\u00eb mir\u00eb dhe ta din\u00eb pik\u00eb s\u00eb pari se pse po e b\u00ebjn\u00eb nj\u00eb gj\u00eb t\u00eb till\u00eb.<\/p>\n

Prandaj, n\u00ebse ke pasion q\u00eb ta studiosh nj\u00eb tem\u00eb shum\u00eb specifike, t\u00eb ngusht\u00eb, t\u00eb caktuar mir\u00eb, t\u00eb gjesh p\u00ebrgjigjen p\u00ebr nj\u00eb pyetje q\u00eb s’i \u00ebsht\u00eb p\u00ebrgjigjur dikush m\u00eb par\u00eb, duke ia p\u00ebrkushtuar koh\u00ebn dhe mundin t\u00ebnd t\u00eb plot\u00eb p\u00ebr kat\u00ebr a m\u00eb shum\u00eb vitet e ardhshme, b\u00ebje. S\u2019ka ndjenj\u00eb m\u00eb t\u00eb mir\u00eb sesa t\u00eb sfidosh veten n\u00eb zanatin m\u00eb t\u00eb vjet\u00ebr t\u00eb shkenc\u00ebs, at\u00eb t\u00eb krijimit t\u00eb njohurive. Por ky zanat t\u00eb b\u00ebn ve\u00e7 argat t\u00eb shkenc\u00ebs, jo m\u00eb t\u00eb mir\u00eb n\u00eb profesionin e ushtruar.<\/p>\n<\/div>\n

\n
\n

\n<\/div>\n<\/div>\n<\/div>","protected":false},"excerpt":{"rendered":"

Kosova nuk ka nevoj\u00eb p\u00ebr m\u00eb shum\u00eb doktor\u00eb shkencash; Kosova ka nevoj\u00eb p\u00ebr m\u00eb shum\u00eb shkenc\u00ebtar\u00eb. Shkenc\u00ebtar\u00ebt zakonisht mbajn\u00eb titullin doktor shkence, por jo t\u00eb gjith\u00eb doktor\u00ebt e shkencave jan\u00eb shkenc\u00ebtar\u00eb. N\u00eb Kosov\u00eb jemi t\u00eb obsesionuar me tituj shkencor\u00eb. Merrni e shihni vizitkartat q\u00eb ua kan\u00eb dh\u00ebn\u00eb, shihni biografit\u00eb e politikan\u00ebve, d\u00ebgjoni prezantimet e fol\u00ebsve […]<\/p>","protected":false},"author":255,"featured_media":11774,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[2234],"ppma_author":[2214],"class_list":["post-3258","post","type-post","status-publish","format-standard","has-post-thumbnail","hentry","category-analize","tag-titujt-shkencor"],"authors":[{"term_id":2214,"user_id":255,"is_guest":0,"slug":"donike-qerimi","display_name":"Donik\u00eb Qerimi","avatar_url":"https:\/\/secure.gravatar.com\/avatar\/84182b18e82722bf07a87c2e7d123439866b5ef08cefd4cc56433175d34a5792?s=96&d=mm&r=g","user_url":"","last_name":"Qerimi","first_name":"Donik\u00eb","description":""}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/3258","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/255"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=3258"}],"version-history":[{"count":3,"href":"https:\/\/sbunker.org\/sr\/wp-json\/wp\/v2\/posts\/3258\/revisions"}],"predecessor-version":[{"id":11775,"href":"https:\/\/sbunker.org\/sr\/wp-json\/wp\/v2\/posts\/3258\/revisions\/11775"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/11774"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=3258"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=3258"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=3258"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=3258"}],"curies":[{"name":"wp","href":"https:\/\/api.w.org\/{rel}","templated":true}]}}