{"id":4663,"date":"2015-10-30T12:32:59","date_gmt":"2015-10-30T10:32:59","guid":{"rendered":"https:\/\/sbunker.org\/?p=4663"},"modified":"2025-01-17T12:42:40","modified_gmt":"2025-01-17T10:42:40","slug":"per-anne","status":"publish","type":"post","link":"https:\/\/sbunker.org\/sr\/kritike\/per-anne\/","title":{"rendered":"P\u00ebr Anne"},"content":{"rendered":"
<\/div>\n
\n
\n

Ka koh\u00eb q\u00eb e mendoj. Her\u00eb n\u00eb form\u00eb vargu, her\u00eb gruaje; her\u00eb p\u00ebrtej tyre, her\u00eb p\u00ebrbrenda tyre. Ajo poezin\u00eb ma la n\u00eb fyt, kur lexova t\u00eb saj\u00ebn. N\u00eb raport me t\u00eb nuk mbijeton indiferenca. Ajo t\u00eb b\u00ebn ta adhurosh, n\u00eb t\u00eb kund\u00ebrt\u00ebn t\u00eb nevrikos. Ajo k\u00ebrkon ta \u00e7mosh rr\u00ebnj\u00ebsisht, apo ta flak\u00ebsh tutje me p\u00ebr\u00e7mim. Ajo t\u00eb kap mendjen n\u00eb mrekullim apo mosp\u00eblqim, por nuk ik\u00ebn pa l\u00ebn\u00eb nj\u00eb p\u00ebrshtypje t\u00eb thell\u00eb. Ajo \u00ebsht\u00eb nj\u00eb dikotomi e fuqishme mes t\u00eb p\u00eblqyerit e mosp\u00eblqyerit, por ajo assesi nuk ka p\u00ebrmbajtje p\u00ebr injorim. Ajo \u00ebsht\u00eb nj\u00eb e v\u00ebrtet\u00eb e bukur apo e sh\u00ebmtuar, por v\u00ebrtet\u00ebsin\u00eb s\u2019ka kush q\u00eb ia v\u00eb n\u00eb dyshim. Ajo \u00ebsht\u00eb nj\u00eb produkt i nj\u00eb bote t\u00eb \u00e7mendur, apo nj\u00eb e \u00e7mendur n\u00eb bot\u00eb, por ajo nuk \u00ebsht\u00eb kurr\u00eb dhe askund e r\u00ebndomt\u00eb. Ajo \u00ebsht\u00eb tep\u00ebr lart\u00eb apo tejet posht\u00eb, por asnj\u00ebher\u00eb n\u00eb mes. Ajo \u00ebsht\u00eb gjith\u00e7ka apo asgj\u00eb, por jo pak nga t\u00eb dyja. Ajo \u00ebsht\u00eb e madhe apo hi\u00e7, por kurr\u00eb nj\u00eb mediok\u00ebr.\u00a0 Ajo \u00ebsht\u00eb Anne Sexton \u2013 pak nga gjith\u00e7ka, por pak m\u00eb shum\u00eb poete.<\/p>\n

Poezia e Anne \u00ebsht\u00eb gjith\u00e7ka p\u00ebrpos e zakonshme. Ajo \u00ebsht\u00eb n\u00eb t\u00eb pakt\u00ebn shum\u00eb specifike, nga ato q\u00eb ngjall rezistenc\u00eb tek lexuesi, apo n\u00eb t\u00eb kund\u00ebrt\u00ebn i flen\u00eb n\u00eb shpirt, e kjo p\u00ebr shkak t\u00eb seriozitetit me t\u00eb cilin ajo shp\u00ebrfaq brend\u00ebsit\u00eb e jet\u00ebs personale t\u00eb poetes. N\u00eb p\u00ebrputhje me k\u00ebt\u00eb, n\u00eb rastin e dyt\u00eb kjo poezi krijon nj\u00eb lidhje t\u00eb thell\u00eb, n\u00eb nivel t\u00eb personales, mes poetes dhe lexuesit, kurse n\u00eb t\u00eb rastin e par\u00eb, nj\u00eb distanc\u00eb t\u00eb pakap\u00ebrcyeshme. Anne \u00ebsht\u00eb dhimbje n\u00eb varg. Ajo \u00ebsht\u00eb vet\u00eb vargu. Ajo \u00ebsht\u00eb nj\u00eb vrag\u00eb e bot\u00ebs n\u00eb let\u00ebr t\u00eb bardh\u00eb, nj\u00eb shenj\u00eb jete n\u00eb mes t\u00eb agonis\u00eb s\u00eb p\u00ebrditshme s\u00eb saj. E shoq\u00ebruar nga depresioni i thell\u00eb q\u00eb n\u00eb mosh\u00eb t\u00eb re, poezia qe terapia q\u00eb e ndihmonte at\u00eb t\u00eb shtynte edhe nj\u00eb dit\u00eb jet\u00eb, edhe nj\u00eb jav\u00eb, edhe ca muaj, edhe pak vite, deri kur i dha fund jet\u00ebs. Ajo nuk filloi t\u00eb shkruante p\u00ebr gj\u00eb tjet\u00ebr pos p\u00ebr t\u2019iu kund\u00ebrv\u00ebn\u00eb gjendjes s\u00eb r\u00ebnd\u00eb t\u00eb sh\u00ebndetit mendor t\u00eb saj. Poezia e Anne nuk \u00ebsht\u00eb art i t\u00eb varguarit, por i t\u00eb mbijetuarit. Poezia e saj nuk \u00ebsht\u00eb pasion, por medikament. Poezia e saj p\u00ebrfundimisht nuk \u00ebsht\u00eb e saj, por ajo \u00ebsht\u00eb e poezis\u00eb. Poezia e b\u00ebri Anne Sexton-in, jo Anne Sexton-i poezin\u00eb. \u00a0Ajo nuk qe e \u00e7ilt\u00ebr, po brutale n\u00eb \u00e7ilt\u00ebrsin\u00eb e saj. Ajo refuzonte t\u00eb ekzistonte si entitet i ndar\u00eb, si individ. \u201cFlit me poezit\u00eb e mija,\u201d ishte p\u00ebrgjigja e saj e njohur.<\/p>\n

Anne n\u00eb nj\u00eb m\u00ebnyr\u00eb mbaroi s\u00eb jetuari ndaras prej poezis\u00eb kur nisi t\u00eb derdh jet\u00ebn e saj aq vrazhd\u00eb e t\u00eb pamaskuar nd\u00ebr vargje, kur u mbyll t\u00ebr\u00ebsisht aty p\u00ebrbrenda, duke reduktuar ekzistenc\u00ebn prej njeriu n\u00eb ngjyr\u00eb pene n\u00eb let\u00ebr t\u00eb bardh\u00eb. Ajo frymonte p\u00ebrmes pen\u00ebs. Me dashje apo pa, Anne na lejon nj\u00eb dep\u00ebrtim shum\u00eb personal p\u00ebrbrenda vuajtjeve t\u00eb saj, q\u00eb ishin kryesisht \u00e7far\u00eb ajo ishte: nj\u00eb vuajtje e thell\u00eb me nj\u00eb pen\u00eb n\u00eb dor\u00eb. Ekziston megjithat\u00eb nj\u00eb paradoks rreth q\u00ebndrimit t\u00eb saj n\u00eb raport me t\u00eb shkruarit: as motivi e as m\u00ebnyra nuk na japin t\u00eb kuptojm\u00eb q\u00eb Anne i b\u00ebhej von\u00eb se si do pritej poezia e saj nga lexuesi. Kjo as nuk duket t\u00eb ket\u00eb qen\u00eb fare preokupim i poetes. Anipse n\u00eb thelb shkrimi i saj ishte nj\u00eb form\u00eb rebelimi ndaj normave t\u00eb shoq\u00ebris\u00eb s\u00eb asaj kohe, kjo tem\u00eb vinte m\u00eb shum\u00eb si shpalosje e luft\u00ebs q\u00eb zinte vend p\u00ebrbrenda saj, sesa si tentim p\u00ebr thyerje t\u00eb tabuve shoq\u00ebrore. N\u00eb an\u00ebn tjet\u00ebr, ajo kurr\u00eb nuk hezitoi botimin e shkrimeve t\u00eb saj, p\u00ebrkundrazi, ishte nj\u00eb poete e frytshme, zonj\u00eb e dymb\u00ebdhjet\u00eb librave me poezi, nj\u00eb me proz\u00eb, dhe disa t\u00eb tjer\u00ebve p\u00ebr f\u00ebmij\u00eb. Logjikisht, n\u00eb k\u00ebt\u00eb rast motivi p\u00ebr t\u00eb shkruar dhe qasja ndaj lexuesit q\u00ebndrojn\u00eb n\u00eb mosp\u00ebrputhje me botimin e tyre si mjet p\u00ebr krijimin e raportit me lexuesin. Nj\u00eb nga shpjegimet e mundshme p\u00ebr k\u00ebt\u00eb \u00ebsht\u00eb etja e Anne p\u00ebr v\u00ebmendje, shoq\u00ebri, e fam\u00eb si pasoj\u00eb e vetmis\u00eb t\u00eb pashtershme n\u00eb t\u00eb cil\u00ebn ajo jetonte me s\u00ebmundjen e saj. Gjithsesi, ky mbetet nj\u00eb shpjegim sip\u00ebrfaq\u00ebsor dhe i pamb\u00ebshtetur e p\u00ebr m\u00eb tep\u00ebr, nuk e cil\u00ebsoj t\u00eb denj\u00eb prekjen e temave t\u00eb tilla e nd\u00ebrtimin e argumenteve mbi supozime jo doemos t\u00eb v\u00ebrteta lidhur me detajet e s\u00ebmundjes s\u00eb saj. Paradoksi p\u00ebrmendet k\u00ebtu vet\u00ebm p\u00ebr t\u00eb eliminuar ndonj\u00eb hamend\u00ebsi t\u00eb mundshme rreth origjinalitetit t\u00eb poezis\u00eb n\u00eb fjal\u00eb.<\/p>\n

P\u00ebr nga natyra, poezia e Anne i p\u00ebrkon asaj rr\u00ebfyese. Ajo shquhet sot krahas poet\u00ebve Robert Lowell, John Berryman, Sylvia Plath, e William De Witt Snodgrass. K\u00ebt\u00eb t\u00eb fundit poetja e ve\u00e7onte si nj\u00eb nga influencuesit m\u00eb t\u00eb m\u00ebdhenj t\u00eb poezis\u00eb s\u00eb saj. Poet amerikan i po t\u00eb nj\u00ebjt\u00ebs koh\u00eb (1926 \u2013 2009), W.D. Snodgrass njihet p\u00ebrndryshe edhe si nj\u00eb nga themeluesit e shkoll\u00ebs s\u00eb poezis\u00eb rr\u00ebfyese, poezi kjo n\u00eb tentim t\u00eb shp\u00ebrfaqjes t\u00eb an\u00ebs s\u00eb fshehur, shtypur, e dhunshme t\u00eb jet\u00ebs q\u00eb jo rrall\u00eb fshihet pas t\u00eb fabrikuar\u00ebs paqe q\u00eb i mvishet jet\u00ebs s\u00eb p\u00ebrditshme n\u00eb kuptimin e p\u00ebrgjithsh\u00ebm t\u00eb saj. Megjithat\u00eb, duke vler\u00ebsuar nga historia e jet\u00ebs s\u00eb saj dhe asaj se si nisi t\u00eb shkruaj, duket sikur p\u00ebr Anne kjo lloj poezie ishte m\u00eb shum\u00eb nj\u00eb zgjedhje aksidentale dhe e vet\u00eb-caktuar, sesa e paramenduar dhe e paracaktuar. Ajo n\u00eb poezin\u00eb e saj ishte tejet e drejtp\u00ebrdrejt\u00eb. Tejet personale. Tejet e pamaskuar. Logjikisht, hap\u00ebsira p\u00ebr mosp\u00eblqim, keqlexim, e paragjykim (apo gjykim) q\u00eb lexuesi kishte n\u00eb dispozicion ishte e madhe. Ajo shkruante, nd\u00ebr t\u00eb tjera p\u00ebrvoja shum\u00eb personale dhe p\u00ebr tema q\u00eb n\u00eb at\u00eb koh\u00eb cil\u00ebsoheshin si jo t\u00eb denja p\u00ebr poezi (dhe jo vet\u00ebm), si\u00e7 jan\u00eb aborti, var\u00ebsia nga droga, incesti, e tradhtia bashk\u00ebshortore.<\/p>\n

Temat n\u00eb fjal\u00eb Anne i p\u00ebrdorte p\u00ebr t\u00eb mb\u00ebshtetur subjektin kryesor t\u00eb poezis\u00eb s\u00eb saj: p\u00ebrvojat e t\u00eb qenurit grua n\u00eb shoq\u00ebrin\u00eb e asaj kohe dhe n\u00eb p\u00ebrgjith\u00ebsi n\u00eb k\u00ebt\u00eb bot\u00eb dhe luft\u00ebn e saj me depresionin. Ajo l\u00ebkundej mbi shum\u00eb tema, gjendje, e ndjenja, por gjithnj\u00eb mbetej n\u00eb thelb asgj\u00eb tjet\u00ebr ve\u00e7se nj\u00eb grua, qoft\u00eb ajo n\u00eb cil\u00ebsi vajze, n\u00ebne, t\u00eb \u00e7mendure, poeteje, apo \u00e7far\u00ebdo tjet\u00ebr. Ky tipar i poezis\u00eb s\u00eb saj \u00ebsht\u00eb i duksh\u00ebm n\u00eb pothuajse gjith\u00eb shkrimet e saja. Ajo theu limitet e t\u00eb ekspozuarit t\u00eb jet\u00ebs personale t\u00eb nj\u00eb gruaje q\u00eb ishte vetja e saj, me s\u00ebmundjen e saj t\u00eb thell\u00eb mendore. N\u00eb krijimtarin\u00eb e saj n\u00eb vitet e m\u00ebvonshme v\u00ebrehet edhe nj\u00eb tentim p\u00ebr tu larguar nga vetja e saj si tem\u00eb qendrore n\u00eb poezin\u00eb p\u00ebrkat\u00ebse, por trajtimi q\u00eb ajo iu b\u00ebn temave tjera mbetet poaq personal, ngaq\u00eb ato transformohen t\u00ebr\u00ebsisht nga bot\u00ebkuptimet e saj. Transformime \u00ebsht\u00eb libri i saj q\u00eb ilustron duksh\u00ebm k\u00ebt\u00eb fenomen, ku ajo merr p\u00ebr baz\u00eb tregimet e V\u00ebllez\u00ebrve Grimm dhe i paraqet ato p\u00ebrmes poezis\u00eb n\u00eb nj\u00eb drit\u00eb krejt\u00ebsisht tjet\u00ebr nga ajo origjinalja: si nj\u00eb kund\u00ebrv\u00ebnie ndaj rregullave t\u00eb shoq\u00ebris\u00eb s\u00eb asaj kohe, v\u00ebshtir\u00ebsive t\u00eb t\u00eb qenurit grua, e t\u00eb tjerave referenca nga jeta personale.<\/p>\n

Anne lindi n\u00eb vitin 1928 n\u00eb Massachusetts t\u00eb Shteteve t\u00eb Bashkuara me emrin Anne Gray Harvey. N\u00eb mosh\u00ebn n\u00ebnt\u00ebmb\u00ebdhjet\u00eb vje\u00e7are u martua me Alfred Muller Sexton II, n\u00eb \u00e7\u2019koh\u00eb ajo punonte si modele. Pak pas lindjes s\u00eb vajz\u00ebs s\u00eb par\u00eb n\u00eb vitin 1953, ajo u diagnostikua me depresion dhe pak m\u00eb pas vuajti avarin\u00eb e par\u00eb mendore e cila e qoi n\u00eb spital neuropsikiatrik, vend i cili u b\u00eb lloj sht\u00ebpie e dyt\u00eb p\u00ebr Anne, si rezultat i gjendjes s\u00eb saj psikologjike jostabile n\u00eb vazhdim\u00ebsi. Duket q\u00eb fillet e s\u00ebmundjes s\u00eb saj ishin n\u00eb f\u00ebmij\u00ebrin\u00eb e saj dhe marr\u00ebdh\u00ebniet e \u00e7rregullta me prind\u00ebrit, marr\u00ebdh\u00ebnie k\u00ebto edhe abuzive. Megjithat\u00eb, p\u00ebr hir t\u00eb natyr\u00ebs s\u00eb shkrimit dhe ndjeshm\u00ebris\u00eb s\u00eb tem\u00ebs n\u00eb fjal\u00eb, nuk do l\u00ebshohem n\u00eb detaje rreth gjendjes psikologjike t\u00eb Anne, por vet\u00ebm aq sa nevojitet p\u00ebr t\u00eb shpjeguar krijimtarin\u00eb poetike t\u00eb saj, duke qen\u00eb se kjo e fundit \u00ebsht\u00eb nd\u00ebrlidhur ngusht\u00eb me s\u00ebmundjen.\u00a0 P\u00ebr t\u2019u rikthyer n\u00eb tem\u00eb, Anne lindi vajz\u00ebn e saj t\u00eb dyt\u00eb n\u00eb vitin 1955, vit n\u00eb t\u00eb cilin ajo p\u00ebsoi nj\u00eb avari t\u00eb dyt\u00eb mendore, u shtrua s\u00ebrish n\u00eb spital neuropsikiatrik, dhe dit\u00ebn e dit\u00eblindjes s\u00eb saj e sh\u00ebnoi me tentim vet\u00ebvrasjeje. Mbase k\u00ebto cop\u00ebza t\u00eb p\u00ebrmendura nga jeta e saj mjaftojn\u00eb p\u00ebr ta ilustruar sado sip\u00ebrfaq\u00ebsisht vuajtjet dhe gjendjen mendore e shpirt\u00ebrore t\u00eb poetes.<\/p>\n

Anne nuk kishte pasur ndonj\u00eb interesim p\u00ebr poezin\u00eb, e aq m\u00eb pak p\u00ebr t\u00eb shkruar, deri n\u00eb vitet kur s\u00ebmundja e saj morri nj\u00eb form\u00eb shum\u00eb reale. Ishte n\u00eb vitin 1957 q\u00eb terapeuti tek i cili ajo vizitohej rregullisht si pasoj\u00eb e s\u00ebmundjes s\u00eb saj e rekomandoi seriozisht t\u00eb ndiqte nj\u00eb pun\u00ebtori n\u00eb poezi, ngaq\u00eb ky i fundit e kishte menduar poezin\u00eb, nd\u00ebr t\u00eb tjera, si nj\u00eb terapi q\u00eb edhe mund t\u00eb kishte efekt mbi gjendjen e Anne. Rekomandimi, p\u00ebr fat t\u00eb mir\u00eb t\u00eb lexuesit t\u00eb saj \u2013 por jo doemos edhe t\u00eb sajin \u2013 sh\u00ebnoi i suksessh\u00ebm dhe ajo filloi t\u00eb angazhohej n\u00eb fush\u00ebn e poezis\u00eb. Anne iu bashkua nj\u00eb grupi shkrimtar\u00ebsh, edhe nisi t\u00eb thellohej n\u00eb shkrim m\u00eb shum\u00eb si nj\u00eb tentim p\u00ebr t\u00eb gjetur nj\u00eb fije p\u00ebr t\u00eb cil\u00ebn ajo do mbahej n\u00eb jet\u00eb, sesa si ndonj\u00eb tentim p\u00ebr t\u00eb nxjerr\u00eb ndonj\u00eb gj\u00eb m\u00eb shum\u00eb nga jeta e saj apo p\u00ebr t\u00eb kultivuar ndonj\u00eb talent t\u00eb mundsh\u00ebm. Interesimi i saj i vet\u00ebm asokohe dukej t\u00eb ishte gjetja e nj\u00eb grim\u00eb shp\u00ebtimi nga gjendja e saj, apo nj\u00eb shp\u00ebrqendrim, mbase edhe maskim\u2026 mund t\u00eb ket\u00eb qen\u00eb \u00e7far\u00ebdo, por caku primar ishte leht\u00ebsimi, jo suksesi, si\u00e7 ishte arsyeja primare mbijetesa, jo krijimi.<\/p>\n

N\u00eb at\u00eb pun\u00ebtori poezie n\u00eb Massachusetts, Anne u njoftua, nd\u00ebr t\u00eb tjer\u00eb, me poet\u00ebt\/et Plath, Lowell, Maxine Kumin dhe George Starbuck, me t\u00eb cil\u00ebt edhe u shoq\u00ebrua shum\u00eb (p\u00ebr aq sa e lejonte gjendja e saj), edhepse n\u00eb nivele t\u00eb ndryshme me secilin. Me Plath, miq\u00ebsia morri nj\u00eb kahje t\u00eb \u00e7uditshme, sidomos kur marrim parasysh paralelet mes jet\u00ebve t\u00eb tyre, e posa\u00e7\u00ebrisht vdekjeve (kjo tem\u00eb do trajtohet n\u00eb nj\u00eb shkrim t\u00eb ve\u00e7ant\u00eb). Ishte pra pik\u00ebrisht kjo shtytje nga terapeuti i saj, i njoftuar mir\u00eb me gjendjen e saj mendore, q\u00eb krijoi lidhjen mes Anne dhe poezis\u00eb, e kjo e fundit u shnd\u00ebrrua n\u00eb arm\u00ebn m\u00eb t\u00eb fort\u00eb t\u00eb saj p\u00ebr t\u00eb luftuar p\u00ebr jet\u00ebn, gjer n\u00eb dit\u00ebn kur i erdhi koha t\u00eb shuante veten. N\u00eb iu tret\u00ebn fjal\u00ebt p\u00ebr vargje, apo d\u00ebshira p\u00ebr fjal\u00eb, at\u00eb mbase edhe nuk \u00ebsht\u00eb jona ta diskutojm\u00eb nga respekti p\u00ebr zgjedhjen e saj p\u00ebrfundimtare dhe t\u00eb pakthyeshme. Duket q\u00eb p\u00ebr Anne, kishte koh\u00eb q\u00eb terroret e jet\u00ebs ia kishin marr\u00eb an\u00ebn terrorit t\u00eb vdekjes, ndaj edhe iu l\u00ebshua k\u00ebsaj t\u00eb fundit n\u00eb duar n\u00eb vitin 1974 n\u00eb mosh\u00ebn 46 vje\u00e7are. Ajo para se t\u00eb ikte nga kjo jet\u00eb, shkroi p\u00ebr gjith\u00eb p\u00ebrvoj\u00ebn e saj t\u00eb para vdekjes, dhe p\u00ebr aktin e vet\u00ebvrasjes poashtu. Ato u botuan n\u00eb librin e fundit t\u00eb saj, t\u00eb titulluar Fletoret e Vdekjes. Tri vepra t\u00eb tjera u botuan pas vdekjes s\u00eb saj.\u00a0 Anne gjat\u00eb jet\u00ebs s\u00eb saj u shp\u00ebrblye me \u00e7mimin Pulitzer p\u00ebr poezi (1967), p\u00ebr librin e saj Jeto apo Vdis.<\/p>\n

Anne Sexton n\u00eb nj\u00eb fjal\u00eb na dhuroi poezin\u00eb e s\u00ebmundjes mendore. Poezia e saj q\u00eb vet\u00eb s\u00ebmundja. \u201cDhe un\u00eb. Un\u00eb poashtu.\/Mjaft e p\u00ebrmbledhur n\u00eb ndeja kokteji,\/nd\u00ebrkoh\u00eb q\u00eb n\u00eb kok\u00ebn time\/po ndodh nj\u00eb operacion n\u00eb zem\u00ebr t\u00eb hapur.\u201d K\u00ebto vargje, anipse k\u00ebtu jasht\u00eb kontekstit, ma sjellin Anne p\u00ebrher\u00eb t\u00eb gjall\u00eb, ashtu si\u00e7 ishte. Me k\u00ebto vargje p\u00ebr her\u00eb u njoftova me t\u00eb. P\u00ebrmes tyre u futa m\u00eb thell\u00eb n\u00eb kok\u00ebn e saj, n\u00eb jet\u00ebn e saj, ku gjeta shum\u00eb e shum\u00eb t\u00eb tjera t\u00eb ngjashme. Vija mes Anne si grua dhe poezis\u00eb s\u00eb saj nuk ekziston. Ajo \u00ebsht\u00eb nj\u00eb t\u00ebr\u00ebsi e pandashme. Ajo t\u00eb lidh ngusht\u00eb p\u00ebr veten e saj, p\u00ebr gjith \u00e7far\u00eb ajo personifikon. Ky \u00ebsht\u00eb efekti q\u00eb e ve\u00e7on at\u00eb prej t\u00eb tjer\u00ebve. Rilindja e saj si poete ishte nj\u00eb akt aksidental, si\u00e7 ishin risit\u00eb q\u00eb ajo solli n\u00eb bot\u00ebn e poezis\u00eb. Un\u00eb e dua. E lexoj. E \u00e7moj. Un\u00eb e quaj thjesht Anne. M\u00eb b\u00ebhet q\u00eb e njoh. Anne poezia, Anne e rebeluara, Anne e s\u00ebmura, Anne e bukura, Anne e vet\u00ebvrara, Anne heroina. Anne Sexton-i. Anne q\u00eb hipi poezin\u00eb n\u00eb piedestalin e terrorit personal t\u00eb brendsh\u00ebm, t\u00eb t\u00eb v\u00ebrtet\u00ebs s\u00eb dhimbshme t\u00eb saj.<\/p>\n

 <\/p>\n<\/div>\n<\/div>","protected":false},"excerpt":{"rendered":"

Ka koh\u00eb q\u00eb e mendoj. Her\u00eb n\u00eb form\u00eb vargu, her\u00eb gruaje; her\u00eb p\u00ebrtej tyre, her\u00eb p\u00ebrbrenda tyre. Ajo poezin\u00eb ma la n\u00eb fyt, kur lexova t\u00eb saj\u00ebn. N\u00eb raport me t\u00eb nuk mbijeton indiferenca. Ajo t\u00eb b\u00ebn ta adhurosh, n\u00eb t\u00eb kund\u00ebrt\u00ebn t\u00eb nevrikos. Ajo k\u00ebrkon ta \u00e7mosh rr\u00ebnj\u00ebsisht, apo ta flak\u00ebsh tutje me p\u00ebr\u00e7mim. […]<\/p>","protected":false},"author":3,"featured_media":12254,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[14],"tags":[2410],"ppma_author":[283],"class_list":["post-4663","post","type-post","status-publish","format-standard","has-post-thumbnail","hentry","category-kritike","tag-anne-sexton"],"authors":[{"term_id":283,"user_id":0,"is_guest":1,"slug":"hana-limani","display_name":"Hana Limani","avatar_url":{"url":"https:\/\/sbunker.org\/wp-content\/uploads\/2023\/10\/hana.jpeg","url2x":"https:\/\/sbunker.org\/wp-content\/uploads\/2023\/10\/hana.jpeg"},"user_url":"","last_name":"","first_name":"","description":"Hana \u00ebsht\u00eb e angazhuar me studime ne rrafshin socio-kulturor e letrar."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/4663","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/3"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=4663"}],"version-history":[{"count":3,"href":"https:\/\/sbunker.org\/sr\/wp-json\/wp\/v2\/posts\/4663\/revisions"}],"predecessor-version":[{"id":12255,"href":"https:\/\/sbunker.org\/sr\/wp-json\/wp\/v2\/posts\/4663\/revisions\/12255"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/12254"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=4663"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=4663"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=4663"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=4663"}],"curies":[{"name":"wp","href":"https:\/\/api.w.org\/{rel}","templated":true}]}}