{"id":5790,"date":"2017-07-03T15:09:28","date_gmt":"2017-07-03T13:09:28","guid":{"rendered":"https:\/\/sbunker.org\/?p=5790"},"modified":"2024-10-18T15:11:29","modified_gmt":"2024-10-18T13:11:29","slug":"bazat-gjinore-per-politikanet-tona","status":"publish","type":"post","link":"https:\/\/sbunker.org\/sr\/analize\/bazat-gjinore-per-politikanet-tona\/","title":{"rendered":"Bazat gjinore p\u00ebr politikanet tona"},"content":{"rendered":"

T\u00eb ftuara n\u00eb debatin televiziv \u201cGrat\u00eb n\u00eb Politik\u00eb<\/a>\u201d, p\u00ebrfaq\u00ebsueset e gati t\u00eb gjitha partive politike n\u00eb gar\u00eb p\u00ebr zgjedhje t\u00eb p\u00ebrgjithshme nuk e shfryt\u00ebzuan hap\u00ebsir\u00ebn e ofruar p\u00ebr t\u00eb diskutuar rreth politikave gjinore, mir\u00ebqenies s\u00eb grave dhe planeve konkrete politike, por p\u00ebr t\u00eb ngritur n\u00eb qiell lider\u00ebt partiak\u00eb, p\u00ebr t\u00eb promovuar partit\u00eb dhe hap\u00ebsir\u00ebn q\u00eb g\u00ebzojn\u00eb brenda tyre, dhe duke e d\u00ebshmuar injoranc\u00ebn e tyre rreth \u00e7\u00ebshtjeve bazike gjinore. Kjo e fundit \u00ebsht\u00eb shtytja kryesore e k\u00ebtij shkrimi. Politikane t\u00eb tilla q\u00eb kan\u00eb vet\u00ebbesimin dhe marrin guximin t\u00eb flasin p\u00ebr barazi dhe drejt\u00ebsi gjinore, \u00ebsht\u00eb esenciale t\u00eb lexojn\u00eb, t\u00eb informohen p\u00ebr c\u00ebshtjet bazike gjinore n\u00eb m\u00ebnyr\u00eb q\u00eb s\u00eb paku t\u00eb mos fyejn\u00eb p\u00ebrpjekjet e v\u00ebshtira q\u00eb sjellin ndryshim, u shp\u00ebtojn\u00eb jet\u00ebn grave, dhe e ngritin cil\u00ebsin\u00eb e jet\u00ebs p\u00ebr t\u00eb gjith\u00eb.<\/p>\n

\n
\n

Am\u00ebsia nuk \u00ebsht\u00eb projekt komb\u00ebtar<\/strong><\/p>\n

\u201cPa nana nuk ka zhvillim sepse nana e lind f\u00ebmijun, e rrit f\u00ebmijun, do t\u00eb thot\u00eb nuk mund t\u00eb zhvillohemi as si komb.<\/em>\u201d \u2013 tha Arb\u00ebrore Riza nga Alternativa derisa e \u00e7monte propozimin p\u00ebr nj\u00eb vit pushim lehonie p\u00ebr n\u00ebnat (asgj\u00eb p\u00ebr baballar\u00ebt), t\u00eb kandidatit p\u00ebr kryeminist\u00ebr nga koalicioni LDK-AKR-Alternativa, Avdullah Hoti. Por Riza dhe koleget e saj duhet ta kuptojn\u00eb q\u00eb madh\u00ebshtimi i am\u00ebsis\u00eb dhe kufizimi i grave n\u00eb figur\u00eb am\u00ebnore i ka kontribuar dhe vazhdon t\u2019i kontribuoj shtypjes s\u00eb grave. Fuqia dhe pushteti i grave nuk q\u00ebndron tek mund\u00ebsia p\u00ebr riprodhim dhe rritjen e f\u00ebmij\u00ebve. Pik\u00ebrisht kjo edhe \u00ebsht\u00eb arsyeja ky\u00e7e pse duhet t\u00eb m\u00ebsoheni ta dalloni konceptin biologjik \u201cfemra\u201d nga ai shoq\u00ebror \u201cgrat\u00eb\u201d. Grat\u00eb, pra n\u00eb shum\u00ebs. Ne jemi t\u00eb ndryshme, kemi pik\u00ebpamje t\u00eb ndryshme, jo t\u00eb gjitha synojn\u00eb am\u00ebsin\u00eb dhe martes\u00ebn, dhe jo t\u00eb gjitha duan t\u00eb identifikohen me role tradicionale gjinore.<\/p>\n

Edhe pse grat\u00eb i b\u00ebjn\u00eb t\u00eb gjitha, ato nuk ia kan\u00eb borxh kombit e as shtetit riprodhimin dhe as p\u00ebrkujdesjen e pakusht\u00ebzuar t\u00eb familjeve. Prandaj, n\u00eb vend t\u00eb flisni p\u00ebr \u201cfuqin\u00eb e n\u00ebn\u00ebs\u201d n\u00eb t\u00eb nj\u00ebjt\u00ebn fjali me \u201czhvillimin e kombit\u201d, interesohuni p\u00ebr sh\u00ebndetin seksual dhe riprodhues t\u00eb grave. Merreni mundin q\u00eb ndonj\u00ebher\u00eb t\u00eb vizitoni QKUK-n\u00eb dhe spitalet rajonale p\u00ebr t\u00eb par\u00eb se si trajtohen grat\u00eb, si keqtrajtohen nga mjek\u00ebt\/et dhe infermieret, si lindin n\u00eb korridor, dhe vdesin<\/a> si pasoj\u00eb e neglizhenc\u00ebs mjek\u00ebsore. Pra, politikat konkrete p\u00ebr p\u00ebrmir\u00ebsimin e trajtimit dhe sh\u00ebrbimeve n\u00eb QKUK, nd\u00ebshkimin e mjek\u00ebve p\u00ebr pap\u00ebrgjegj\u00ebsi totale, dhe thjesht\u00eb biseda me grat\u00eb p\u00ebr t\u00eb kuptuar m\u00eb shum\u00eb sfidat e tyre. Kjo n\u00ebnkupton angazhim dhe p\u00ebrpjekje p\u00ebr barazi, dhe jo fjal\u00eb boshe se grat\u00eb zhvillojn\u00eb kombin.<\/p>\n

Lart\u00ebsimi i lider\u00ebve partiak\u00eb n\u00ebnkupton n\u00ebnshtrim<\/strong><\/p>\n

\u201cUn\u00eb po e p\u00ebrcjell\u00eb mesazhin q\u00eb lideri i partis\u00eb sime Kadri Veseli \u00ebsht\u00eb duke e bartur der\u00eb m\u00eb der\u00eb dhe vend m\u00eb vend, q\u00eb \u00ebsht\u00eb momenti i fundit q\u00eb gruaja t\u00eb shihet si 50% e popullsis\u00eb, si faktor vendimmarr\u00ebs n\u00eb \u00e7do proces. …\u201d<\/em> \u2013 tha deputetja e PDK-s\u00eb Xhevahire Izmaku n\u00eb debatin n\u00eb fjal\u00eb. E ne e dim\u00eb se kush \u00ebsht\u00eb Kadri Veseli. Kryetari i partis\u00eb m\u00eb t\u00eb korruptuar n\u00eb vend, dhe kryetari i Kuvendit t\u00eb Republik\u00ebs s\u00eb Kosov\u00ebs q\u00eb lejon nxjerrjen zvarr\u00eb nga Kuvendi t\u00eb nj\u00eb deputeteje t\u00eb cil\u00ebn e shan neveritsh\u00ebm<\/a> n\u00eb seanc\u00ebn e cila po transmetohej drejtp\u00ebrdrejt\u00eb n\u00eb t\u00eb gjitha familjet kosovare. \u00cbsht\u00eb tipike n\u00eb Kosov\u00eb q\u00eb nj\u00eb politikane t\u00eb jet\u00eb s\u00eb pari militante e partis\u00eb s\u00eb saj dhe rrall\u00eb her\u00eb feministe q\u00eb u kund\u00ebrvihet edhe an\u00ebtar\u00ebve t\u00eb partis\u00eb apo grupit t\u00eb saj, dhe jo vet\u00ebm kund\u00ebrshtar\u00ebve politik\u00eb.<\/p>\n

Ngjash\u00ebm \u00ebsht\u00eb nxjerr\u00eb zvarr\u00eb edhe kryetarja e deg\u00ebs s\u00eb LDK-s\u00eb n\u00eb Gjermani, Donika G\u00ebrvalla-Schwarz nga mbledhja e LDK-s\u00eb n\u00eb Prishtin\u00eb, t\u00eb cil\u00ebs si kund\u00ebrshtare e liderit Isa Mustafa, iu mohua edhe hyrja n\u00eb sall\u00eb. P\u00ebrve\u00e7 Vjosa Osmani q\u00eb doli ta mbronte, asnj\u00eb grua tjet\u00ebr e partis\u00eb nuk e b\u00ebri t\u00eb nj\u00ebjt\u00ebn. \u201cHien\u00eb q\u00eb kultivon kurv\u00ebri politik\u00eb!\u201d e ka p\u00ebrshkruar ish-Avokati i popullit ministren e drejt\u00ebsis\u00eb Dhurata Hoxh\u00ebn. Shpresoj t\u00eb ket\u00eb pasur, por nuk kam d\u00ebgjuar politikane apo aktiviste t\u00eb LVV t\u00eb ken\u00eb kund\u00ebrshtuar haptas kolegun e tyre p\u00ebr shprehjen mizogjene. Dhe as ndonj\u00eb p\u00ebrgjigje p\u00ebr reagimet e shumta ndaj simbolik\u00ebs qesharake patriarkale p\u00ebr t\u00eb \u201cdy duart e shtetit<\/a>\u201d nga kandidati p\u00ebr kryeminist\u00ebr Albin Kurti.<\/p>\n

Nj\u00eb q\u00ebndrim i till\u00eb n\u00ebnshtrues ndaj burrave udh\u00ebheq\u00ebs, ky admirim dhe respekt i pakusht\u00ebzuar p\u00ebr figur\u00ebn mashkullore, apo thjesht\u00eb mbrojtja e tyre p\u00ebr hir t\u00eb partis\u00eb, \u00ebsht\u00eb nd\u00ebr q\u00ebndrimet m\u00eb anti-feministe.<\/p>\n

Grat\u00eb e privilegjuara nuk jan\u00eb heroinat tona<\/strong><\/p>\n

P\u00ebrfaq\u00ebsimi i barabart\u00eb (apo i p\u00ebraf\u00ebrt) jo domosdo n\u00ebnkupton barazi dhe drejt\u00ebsi. Politikanet n\u00eb debat lavd\u00ebronin vazhdimisht Mimoza Kusarin dhe Dhurata Hoxh\u00ebn si shembull t\u00eb grave t\u00eb forta. Por as nj\u00ebra dhe as tjera jo domosdo duhet konsideruar model inspirimi p\u00ebr tejkalimin e pengesave patriarkale n\u00eb jet\u00ebn publike dhe politike n\u00eb Kosov\u00eb. Mimoza Kusari ka qen\u00eb nj\u00eb grua e re me mund\u00ebsi studimi, pun\u00ebsimi dhe avancimi n\u00eb karrier\u00eb e politik\u00eb. Nuk ia mohoj shkatht\u00ebsit\u00eb, mundin dhe zellin, por k\u00ebto mund\u00ebsi dhe privilegje nuk i kan\u00eb shum\u00eb gra t\u00eb tjera n\u00eb Kosov\u00eb. E nj\u00ebjta vlen edhe p\u00ebr Dhurata Hoxh\u00ebn e cila pavar\u00ebsisht p\u00ebrgatitjes profesionale q\u00eb mund ta ket\u00eb, e g\u00ebzon privilegjin e t\u00eb qenit pjes\u00eb e PDK-s\u00eb, tanim\u00eb sa vjet n\u00eb pushtet, qoft\u00eb vet\u00ebm apo n\u00eb koalicione.<\/p>\n

Ju duhet ta pranoni se jeni grup i privilegjuar i grave, dhe porosin\u00eb arrogante \u201cN\u00ebse un\u00eb mundem, t\u00eb gjitha mundeni<\/em>.\u201d, duhet ta largoni nga fjalori juaj politik nj\u00ebher\u00eb e p\u00ebrgjithmon\u00eb.<\/p>\n

E kuptoj etjen ende t\u00eb pashterrshme p\u00ebr t\u00eb d\u00ebshmuar q\u00eb \u201cedhe vajzat e grat\u00eb munden\u201d, por suksesi i nj\u00eb gruaje (shpesh t\u00eb privilegjuar) nuk e p\u00ebrmir\u00ebson gjendjen e tjetr\u00ebs. Nuk \u00ebsht\u00eb detyr\u00eb e juaja t\u00eb promovoni suksesin e Rita Or\u00ebs, Dua Lip\u00ebs, Majlinda Kelmendit e Uta Ibrahimit duke e barazuar suksesin e tyre me konceptin e barazis\u00eb. Detyr\u00eb e juaja \u00ebsht\u00eb t\u00eb njiheni me grat\u00eb m\u00eb pak t\u00eb privilegjuara, t\u00eb p\u00ebrjashtuara nga jeta publike dhe shoq\u00ebrore, atyre q\u00eb u shkelen t\u00eb drejtat bazike, nuk mbrohen nga sistemi i drejt\u00ebsis\u00eb sikurse Diana Kastrati dhe Zejnepe Bytyqi, dhe ofendohen nga debatet e juaja n\u00eb televizione. \u201cNeve nuk na shkelen t\u00eb drejtat aq sa thuhet n\u00eb media. Shpesh ndoshta organizatat joqeveritare p\u00ebr t\u00eb fitu ndonj\u00eb fond fillojn\u00eb dhe projektojn\u00eb ndonj\u00eb projekt q\u00eb \u00ebsht\u00eb shum\u00eb i ndijsh\u00ebm p\u00ebr aspektin nd\u00ebrkomb\u00ebtar, … ka raste individuale por gjendje nuk \u00ebsht\u00eb alarmante. …<\/em>\u201d \u2013 tha Izmaku p\u00ebrderisa t\u00eb tjerat pohonin me kok\u00eb n\u00eb shenj\u00eb afirmimi.<\/p>\n

Pushteti juaj politik<\/strong><\/p>\n

Pushteti juaj politik nuk q\u00ebndron n\u00eb faktin se jeni gra me poste politike. Pushteti juaj q\u00ebndron tek hap\u00ebsira q\u00eb g\u00ebzoni p\u00ebr t\u00eb propozuar ligje, hartuar politika nga t\u00eb cilat p\u00ebrfitojn\u00eb vajzat e grat\u00eb nj\u00ebjt\u00eb sikurse djemt\u00eb e burrat. Pushteti juaj q\u00ebndron tek mund\u00ebsia p\u00ebr t\u00eb ndikuar n\u00eb m\u00ebnyr\u00eb t\u00eb drejtp\u00ebrdrejt\u00eb p\u00ebr p\u00ebrmir\u00ebsimin e jet\u00ebs s\u00eb grave, p\u00ebr t\u2019i mbrojtur nga dhuna, p\u00ebr t\u2019i trajtuar denj\u00ebsisht si qytetare t\u00eb k\u00ebtij vendi, dhe p\u00ebr t\u2019i p\u00ebrfaq\u00ebsuar nevojat dhe sfidat e tyre n\u00eb Kuvend. Dhe k\u00ebt\u00eb nuk e keni b\u00ebr\u00eb. Mosp\u00ebrkrahja dhe mosp\u00ebrfaq\u00ebsimi i viktimave t\u00eb tortur\u00ebs dhe dhun\u00ebs seksuale gjat\u00eb luft\u00ebs \u00ebsht\u00eb shembulli m\u00eb konkret p\u00ebr t\u00eb cilin do t\u00eb duhej t\u00eb skuqeni.<\/p>\n

Jo q\u00eb ky tekst nuk vlen p\u00ebr koleg\u00ebt tuaj burra, por ata jan\u00eb klas\u00eb e privilegjuar e k\u00ebsaj shoq\u00ebrie, qofshin n\u00eb ekzekutiv apo legjislativ. V\u00ebshtir\u00eb t\u00eb marrin mundin t\u00eb l\u00ebvizin nga ky k\u00ebnd i rehatsh\u00ebm n\u00eb m\u00ebnyr\u00eb q\u00eb klasa e diskriminuar t\u00eb pushoj s\u00eb qeni e till\u00eb. Dhe mos harroni q\u00eb edhe ju jeni pjes\u00eb e k\u00ebtij grupi t\u00eb t\u00eb diskriminuarave, t\u00eb n\u00ebnshtruarave kur \u00ebsht\u00eb fjala p\u00ebr pushtet t\u00eb barabart\u00eb gjinor dhe autonomi. Syt\u00eb e koleg\u00ebve dhe lider\u00ebve tuaj jan\u00eb n\u00eb gjinjt\u00eb tuaj p\u00ebrderisa ju flisni dhe n\u00eb prapanicat tuaja sapo t\u2019ua ktheni shpin\u00ebn. Si t\u00eb bijt\u00eb e k\u00ebsaj kulture patriarkale, ata s\u2019ju shohin t\u00eb barabarta n\u00eb politik\u00eb dhe as n\u00eb vendimmarrje. P\u00ebr ta, roli juaj par\u00ebsor mbetet n\u00eb kuzhin\u00eb dhe n\u00eb sht\u00ebpi duke e dh\u00ebn\u00eb kontributin q\u00eb edhe ju vet po e madh\u00ebshtoni, rritjen dhe ushqimin e kombit.<\/p>\n<\/div>\n<\/div>","protected":false},"excerpt":{"rendered":"

T\u00eb ftuara n\u00eb debatin televiziv \u201cGrat\u00eb n\u00eb Politik\u00eb\u201d, p\u00ebrfaq\u00ebsueset e gati t\u00eb gjitha partive politike n\u00eb gar\u00eb p\u00ebr zgjedhje t\u00eb p\u00ebrgjithshme nuk e shfryt\u00ebzuan hap\u00ebsir\u00ebn e ofruar p\u00ebr t\u00eb diskutuar rreth politikave gjinore, mir\u00ebqenies s\u00eb grave dhe planeve konkrete politike, por p\u00ebr t\u00eb ngritur n\u00eb qiell lider\u00ebt partiak\u00eb, p\u00ebr t\u00eb promovuar partit\u00eb dhe hap\u00ebsir\u00ebn q\u00eb […]<\/p>","protected":false},"author":480,"featured_media":8776,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[998,1355,1007],"ppma_author":[1281],"class_list":["post-5790","post","type-post","status-publish","format-standard","has-post-thumbnail","hentry","category-analize","tag-politike","tag-pushteti","tag-te-drejtat-e-grave"],"authors":[{"term_id":1281,"user_id":480,"is_guest":0,"slug":"shqipe-gjocaj","display_name":"Shqipe Gjocaj","avatar_url":{"url":"https:\/\/sbunker.org\/wp-content\/uploads\/2024\/10\/Shqipe-Gjocaj.jpg","url2x":"https:\/\/sbunker.org\/wp-content\/uploads\/2024\/10\/Shqipe-Gjocaj.jpg"},"user_url":"","last_name":"Gjocaj","first_name":"Shqipe","description":"Shqipe Gjocaj \u00ebsht\u00eb aktiviste feministe, njoh\u00ebse e \u00e7\u00ebshtjeve gjinore, dhe gazetare e pavarur. Pun\u00ebn e saj e zhvillon n\u00eb organizata joqeveritare dhe medie p\u00ebrmes hulumtimit, hartimit t\u00eb politikave gjinore, dhe shkrimit rreth \u00e7\u00ebshtjeve gjinore dhe t\u00eb drejtave t\u00eb njeriut. Ajo \u00ebsht\u00eb kolumniste n\u00eb Prishtina Insight\/BIRN. Shkrimet e saj jan\u00eb botuar po ashtu n\u00eb Kosovo2.0, sbunker, Balkan Insight, dhe Reuters. Ne vitin 2017 ajo ka qen\u00eb bursiste n\u00eb Burs\u00ebn Ballkanike p\u00ebr Ekselenc\u00eb n\u00eb Gazetari. Ajo \u00ebsht\u00eb p\u00ebrfituese e programit t\u00eb K2.0, Bursa n\u00eb Gazetari p\u00ebr t\u00eb Drejta t\u00eb Njeriut (cikli 2019)."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/5790","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/480"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=5790"}],"version-history":[{"count":4,"href":"https:\/\/sbunker.org\/sr\/wp-json\/wp\/v2\/posts\/5790\/revisions"}],"predecessor-version":[{"id":8778,"href":"https:\/\/sbunker.org\/sr\/wp-json\/wp\/v2\/posts\/5790\/revisions\/8778"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/8776"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=5790"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=5790"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=5790"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=5790"}],"curies":[{"name":"wp","href":"https:\/\/api.w.org\/{rel}","templated":true}]}}