{"id":6134,"date":"2021-10-27T15:41:45","date_gmt":"2021-10-27T13:41:45","guid":{"rendered":"https:\/\/sbunker.org\/?p=6134"},"modified":"2024-10-11T15:47:38","modified_gmt":"2024-10-11T13:47:38","slug":"ndikimi-i-sistemit-politik-ne-sjelljen-e-individit","status":"publish","type":"post","link":"https:\/\/sbunker.org\/sr\/analize\/ndikimi-i-sistemit-politik-ne-sjelljen-e-individit\/","title":{"rendered":"Ndikimi i sistemit politik n\u00eb sjelljen e individit"},"content":{"rendered":"
\n

Ta konsiderojm\u00eb vler\u00ebn e ambientit n\u00eb t\u00eb cilin jetojm\u00eb nuk \u00ebsht\u00eb e mjaftueshme t\u00eb merren parasysh vet\u00ebm kushtet materiale dhe fizike, duke qen\u00eb se n\u00eb qend\u00ebr t\u00eb ndjesis\u00eb s\u00eb siguris\u00eb dhe mir\u00ebqenies ton\u00eb \u00ebsht\u00eb \u201catmosfera psikike\u201d e ambientit n\u00eb t\u00eb cilin jemi. Ju ka rastisur t\u00eb shkoni n\u00eb nj\u00eb kafene t\u00eb thjesht\u00eb dhe jo aq moderne dhe aty t\u00eb gjeni nj\u00eb komoditet t\u00eb ve\u00e7ant\u00eb q\u00eb u p\u00ebrgjigjet sentimenteve tuaja? K\u00ebshtu kemi vet\u00ebm nj\u00eb grimc\u00eb t\u00eb p\u00ebrshtypjes se p\u00ebr \u00e7far\u00eb atmosfere \u00ebsht\u00eb fjala…<\/p>\n

Mbase nuk \u00ebsht\u00eb risi t\u00eb thuhet q\u00eb sistemet politike e kan\u00eb diferencuar ambientin material dhe fizik dhe mbi t\u00eb gjitha at\u00eb psikik t\u00eb zot\u00ebrimeve t\u00eb tyre dhe rrjedhimisht kan\u00eb dep\u00ebrtuar deri te qeliza shoq\u00ebrore \u2013 familja dhe deri te qeliza individuale \u2013 psika e njer\u00ebzve. Por, a jan\u00eb destinuar fillimisht sistemet politike ta zot\u00ebrojn\u00eb k\u00ebt\u00eb ndikim mbi individin, apo \u00ebsht\u00eb e mundur jetesa n\u00eb distancim nga k\u00ebto qasje dhe individi t\u00eb ket\u00eb hap\u00ebsir\u00ebn dhe lirin\u00eb e vet autonome brenda sistemit?<\/p>\n

Shembuj t\u00eb sistemeve totalitare dhe diktatoriale japin nj\u00eb mesazh q\u00eb liria individuale \u00ebsht\u00eb reduktuar deri n\u00eb at\u00eb mas\u00eb sa q\u00eb mund t\u00eb mos ket\u00eb ekzistuar as si form\u00eb e mendimit personal (n\u00eb vetvete), por t\u00eb jet\u00eb adaptuar n\u00eb form\u00eb t\u00eb t\u00eb menduarit kolektiv. P\u00ebrjashto njer\u00ebzit t\u00eb cil\u00ebt kan\u00eb ruajtur nj\u00eb autonomi t\u00eb t\u00eb menduarit n\u00eb heshtje, ose si\u00e7 thuhet n\u00eb diskurset religjioze \u201cn\u00eb zemrat e tyre\u201d, por ka reduktuar \u00e7do form\u00eb t\u00eb shprehjes apo veprimit.<\/p>\n

Megjith\u00ebse, n\u00ebse shohim nga ka lindur ideja e nj\u00eb sistemi t\u00eb till\u00eb \u2013 duke i konsideruar historit\u00eb e zhvillimit t\u00eb shteteve moderne por dhe historin\u00eb pararend\u00ebse t\u00eb formimit dhe shembjes s\u00eb perandorive, si dhe para tyre formave fisnore t\u00eb organizimit t\u00eb \u201cmini-shteteve\u201d \u2013 a kan\u00eb qen\u00eb ato me prirje totalitare qysh n\u00eb fillim?<\/p>\n

V\u00ebrehet q\u00eb nj\u00eb p\u00ebrsiatje mbi historin\u00eb e sistemeve politike na lidhet ngusht\u00eb m\u00eb pyetjen tjet\u00ebr rreth natyr\u00ebs njer\u00ebzore \u2013 tendenca dominuese, ndryshimi i sjelljes, edukimi dhe manifestimi i ideve inovative si dhe lindja e idealeve. A ka nisur gjith\u00e7ka nga nj\u00eb njeri idealist apo dominues, apo psikodinamika e grupit dhe nevojat ekzistenciale t\u00eb koh\u00ebs i kan\u00eb form\u00ebsuar madje edhe tendencat njer\u00ebzore?<\/p>\n

E di q\u00eb k\u00ebto jan\u00eb disa nga pyetjet e shkencave shoq\u00ebrore, filozofis\u00eb dhe shum\u00eb t\u00eb tjera, por q\u00ebllimi i pyetjeve sokratike nuk \u00ebsht\u00eb patjet\u00ebr dh\u00ebnia e p\u00ebrgjigjes sa \u00ebsht\u00eb nxitja e shqyrtimit dhe ekzaminimit t\u00eb k\u00ebtyre realiteteve, prandaj edhe q\u00ebllimi i k\u00ebtij reflektimi \u00ebsht\u00eb t\u00eb jap\u00eb nj\u00eb perspektiv\u00eb vet\u00ebdijesuese, le t\u00eb themi, mbi ndikimin aktual q\u00eb sistemi juaj politik ka mbi ju.<\/p>\n

\u00cbsht\u00eb nj\u00eb th\u00ebnie e gjetur nga Kerry Washington, mandej e cituar shum\u00eb shpesh nga Aung San Suu Kyi n\u00eb nd\u00ebrmarrjet e veta politike, q\u00eb thot\u00eb se: \u201cJu mund t\u00eb jeni duke mos menduar p\u00ebr politik\u00ebn, por politika mendon p\u00ebr ju<\/em>\u201d. N\u00eb interpretimin e par\u00eb \u00ebsht\u00eb vetevident fakti q\u00eb politikan\u00ebt n\u00eb politik\u00ebb\u00ebrjen e tyre jan\u00eb vet\u00ebm duke i zbatuar \u2018termat e tyre t\u00eb referenc\u00ebs\u2019 dhe po mendojn\u00eb, n\u00ebn obligimin e tyre, p\u00ebr qytetar\u00ebt. Kjo madje ting\u00ebllon pozitive. N\u00eb thellimin e nj\u00eb niveli t\u00eb dyt\u00eb pas k\u00ebsaj, th\u00ebnia i flet edhe qytetarit neglizhent i\/e cili\/a nuk shpreh interesim t\u00eb votoj\u00eb apo t\u00eb nd\u00ebrmarr\u00eb veprime p\u00ebr ndryshime politike \u2013 por megjithat\u00eb ky individ nuk mund ta ruaj\u00eb autonomin\u00eb e tij\/saj t\u00eb ambientit socio-politik sepse do t\u00eb funksionoj\u00eb brenda politikave t\u00eb vendit, q\u00eb nuk i ka zgjedhur.<\/p>\n

Do t\u00eb thot\u00eb q\u00eb sistemet, q\u00ebkur kan\u00eb b\u00ebr\u00eb jehon\u00eb n\u00eb fise, grupe dhe sub-grupe, e kan\u00eb ng\u00ebrthyer pushtetin e tyre social duke i b\u00ebr\u00eb aktor\u00eb t\u00eb nj\u00eb drame t\u00eb shkruar bashk\u00ebrisht sipas veprimit dhe mosveprimit t\u00eb individ\u00ebve. N\u00eb nj\u00eb p\u00ebrsiatje t\u00eb m\u00ebhershme, n\u00eb trajtimin e Interpretimit t\u00eb sistemeve sipas psikologjis\u00eb politike kemi t\u00eb b\u00ebjm\u00eb me individ\u00eb t\u00eb cil\u00ebt motivohen t\u00eb nd\u00ebrmarrin veprime drejt politik\u00ebb\u00ebrjes duke qen\u00eb t\u00eb shtyr\u00eb nga faktor\u00eb t\u00eb ndrysh\u00ebm.<\/p>\n

N\u00eb nd\u00ebrmarrjen p\u00ebr t\u00eb gjetur nj\u00eb krahasim q\u00eb p\u00ebrb\u00ebn nj\u00eb kuptim logjik mes k\u00ebrkimit t\u00eb individ\u00ebve p\u00ebr pushtet, nj\u00eb artikull tejet interesant p\u00ebr tem\u00ebn ka qen\u00eb i bujsh\u00ebm n\u00eb vitin 2004, kur Macoby e b\u00ebn nj\u00eb krahasim mes individit me tendenc\u00eb narcizoide produktive dhe individit me tendenc\u00eb destruktive, duke aluduar n\u00eb faktin se personat q\u00eb k\u00ebrkojn\u00eb lidership dhe prijshm\u00ebri kan\u00eb n\u00eb vetvete nj\u00eb besim q\u00eb i zot\u00ebrojn\u00eb kapacitetet intelektuale dhe emocionale t\u00eb p\u00ebrballen me k\u00ebrkesat e grupeve dhe madje t\u00eb nj\u00eb populli.<\/p>\n

N\u00eb nj\u00eb shembull t\u00eb tij thot\u00eb: \u201cLider\u00ebt si Jack Welsh dhe George Soros jan\u00eb shembuj t\u00eb narciz\u00ebve produktiv\u00eb. Ata jan\u00eb t\u00eb talentuar dhe strateg\u00eb kreativ\u00eb, t\u00eb cil\u00ebt e shohin piktur\u00ebn e madhe dhe gjejn\u00eb kuptim n\u00eb sfidat e rrezikshme t\u00eb ndryshimit t\u00eb bot\u00ebs dhe l\u00ebnies prapa t\u00eb nj\u00eb trash\u00ebgimie. Nj\u00eb arsye q\u00eb ne presim prej narciz\u00ebve produktiv\u00eb n\u00eb koh\u00eb tranzicionale \u00ebsht\u00eb se ata e kan\u00eb guximin t\u00eb shtyjn\u00eb p\u00ebrpara proceset e transformimit masiv, t\u00eb cil\u00ebt n\u00eb kushte normale shoq\u00ebrit\u00eb i kalojn\u00eb p\u00ebrmes nj\u00eb procesi gradual. Narciz\u00ebt produktiv\u00eb nuk jan\u00eb vet\u00ebm nd\u00ebrmarr\u00ebs t\u00eb rrezikut t\u00eb gatsh\u00ebm t\u00eb kryejn\u00eb pun\u00ebn, por jan\u00eb dhe figura karizmatike t\u00eb cil\u00ebt ushtrojn\u00eb ndikim mbi mas\u00ebn dhe i \u201ckonvertojn\u00eb\u201d q\u00ebndrimet e tyre p\u00ebrmes retorik\u00ebs. Rreziku q\u00ebndron n\u00eb faktin se ky tip i narcizmit mund t\u00eb kaloj\u00eb n\u00eb destruktiv at\u00ebher\u00eb kur personit i mundon dija, ka pak vet\u00ebreflektim dhe ushtron pak vet\u00ebp\u00ebrmbajte; at\u00ebher\u00eb b\u00ebhen \u00ebnd\u00ebrrues joracional\u00eb. K\u00ebtu fillon ideja e ushqyerjes s\u00eb skemave madhore iluzive kur beson q\u00eb rrethanat specifike dhe armiqt\u00eb po ia pengojn\u00eb suksesin. Tendenca p\u00ebr grandiozitet dhe mosbesim b\u00ebhet p\u00ebr \u2018ta thembra e Akilit.\u201d<\/em><\/p>\n

N\u00eb sensin e psikologjis\u00eb klinike narcizmi ka gjetur dhe nj\u00eb term mb\u00ebshtet\u00ebs pozitiv, i em\u00ebruar \u201cnarcizmi i sh\u00ebndosh\u00eb\u201d, q\u00eb i referohet nj\u00eb sensi pozitiv t\u00eb vetes, q\u00eb \u00ebsht\u00eb i lidhur me iden\u00eb e harmonizimit me t\u00eb mir\u00ebn e p\u00ebrbashk\u00ebt (1970). Madje, n\u00eb nj\u00eb artikull tjet\u00ebr t\u00eb ngjash\u00ebm mbi tentimin p\u00ebr t\u00eb analizuar profilet dhe sjelljen e lider\u00ebve politik\u00eb, gjat\u00eb udh\u00ebheqjes s\u00eb Barack Obama\u2019s n\u00eb ShBA, dallimi mes tij dhe shembujve t\u00eb tjer\u00eb t\u00eb historis\u00eb moderne t\u00eb Amerik\u00ebs ishte n\u00eb at\u00eb q\u00eb u cil\u00ebsua si \u201cnarcisizmi konstrukitv\u201d, q\u00eb n\u00ebnkuptonte arritjen e p\u00ebrmbushjes vetjake dhe p\u00eblqimit t\u00eb vetes pas nj\u00eb kontributi kolektiv, n\u00eb kund\u00ebrshtim me \u201cnarcizmin destruktiv\u201d, kur nj\u00eb lider arrin ndjesin\u00eb e p\u00ebrmbushjes vetjake dhe vet\u00ebp\u00eblqimit apriori pa qen\u00eb patjet\u00ebr n\u00eb ekuacion dh\u00ebnia e kontributit ose realizimit t\u00eb objektivave t\u00eb popullit.<\/p>\n

Ky shembull ndoshta m\u00eb s\u00eb miri ilustrohet nga personazhet e mbret\u00ebrve n\u00eb koh\u00ebn e monarkive, kur brohoritja e turm\u00ebs ka ngjallur sentimete t\u00eb caktuara te perandori apo mbreti, por masa ka qen\u00eb e lumtur nga \u201cndihma\u201d q\u00eb i \u00ebsht\u00eb dh\u00ebn\u00eb (p.sh., ulja e taksave p\u00ebr produktet e detit q\u00eb hynin n\u00eb nj\u00eb shtet) apo nga droja se po t\u00eb mos brohorisnin do t\u00eb identifikoheshin si \u2018antikushtetues\u2019, e disa motive t\u00eb tjera t\u00eb mundshme.<\/p>\n

Megjithat\u00eb, antikiteti po ashtu ka njohur sisteme t\u00eb jasht\u00ebzakonshme politike dhe shtetorganizime impresive t\u00eb cilat e kund\u00ebrshtojn\u00eb iden\u00eb e \u2018primitivizmit\u2019 por shtojn\u00eb pesh\u00eb n\u00eb nivelin e p\u00ebrjetimeve edhe n\u00eb dit\u00ebt tona \u2013 se a kan\u00eb gjetur ata formul\u00ebn e nj\u00eb jetese kolektive t\u00eb p\u00ebrshtatshme? Dhe cili \u00ebsht\u00eb ideali social apo shoq\u00ebror i tyre (sipas Aristotelit, Platonit etj.).<\/p>\n

Shembull nga nj\u00eb situat\u00eb interesante e antikitetit \u00ebsht\u00eb edhe gjurma e pergamen\u00ebs s\u00eb par\u00eb s\u00eb t\u00eb drejtave t\u00eb njeriut, e regjistruar nga historia t\u00eb baz\u00eb t\u00eb artefaktit t\u00eb saj t\u00eb gjetur, t\u00eb njohur si Cilindri i Kirit, nga Babilonia e lasht\u00eb, e dh\u00ebn\u00eb nga \u201cCyrus the Great\u201d, q\u00eb si duket ka arritur t\u00eb administroj\u00eb disa regjione t\u00eb cilat sot jan\u00eb shtete t\u00eb lindjes dhe i jan\u00eb p\u00ebrgjigjur thirrjes s\u00eb mbretit p\u00ebr bashkim trupash ushtarak\u00eb n\u00eb koh\u00eb luft\u00ebrash, por n\u00eb koh\u00eb paqeje kan\u00eb g\u00ebzuar t\u00eb drejt\u00ebn p\u00ebr ruajtjen e kultur\u00ebs dhe religjionit t\u00eb tyre si dhe grat\u00eb dhe burrat kan\u00eb pasur zot\u00ebrime personale t\u00eb lejueshme me ligjet e trash\u00ebgimis\u00eb p\u00ebr koh\u00ebn. Ky udh\u00ebheq\u00ebs mund t\u00eb supozojm\u00eb deri diku q\u00eb ka qen\u00eb i dashur p\u00ebr vart\u00ebsit e tij sepse ka harmonizuar nevojat e mas\u00ebs. M\u00eb tutje, n\u00eb shek. XX, lloji njer\u00ebzor ka pasur sfid\u00ebn e regjimeve totalitare dhe komuniste, por a ishin k\u00ebto nj\u00eb tentim implementimi i Manifestit t\u00eb Komunizmit nga Karls dhe Engels, apo nj\u00eb riinterpretim me terma personal\u00eb t\u00eb k\u00ebsaj doktrine politike…<\/p>\n

Kthehemi pak nga sistemi te fuqia e individualitetit. Karls dhe Engels pat\u00ebn sjell\u00eb nj\u00eb ide t\u00eb re p\u00ebr organizmin shtet\u00ebror dhe le t\u00eb themi nj\u00eb ideal t\u00eb ri \u2013 nj\u00eb kombinim p\u00ebrvojash, njohurish dhe aspiratash t\u00eb tyre. \u00a0Ngjash\u00ebm ka pasur individ\u00eb n\u00eb historin\u00eb njer\u00ebzore t\u00eb cil\u00ebt disi ia kan\u00eb dal\u00eb t\u00eb distancohen nga kushtet e jetes\u00ebs s\u00eb tyre politike, pra sistemeve, dhe kan\u00eb krijuar ide t\u00eb reja t\u00eb \u201cs\u00eb drejt\u00ebs\u201d dhe t\u00eb s\u00eb \u201cdobishmes kolektive\u201d. Por, \u00e7ka p\u00ebrfaq\u00ebson individi i till\u00eb n\u00eb \u00e7far\u00ebdo sistemi? Si quhen ata njer\u00ebz t\u00eb cil\u00ebt i tejkalojn\u00eb sistemet aktuale n\u00eb tentimin p\u00ebr t\u00eb krijuar nj\u00eb sistem t\u00eb ri m\u00eb t\u00eb p\u00ebrshtatsh\u00ebm? \u00c7far\u00eb faktor\u00eb personal\u00eb ndikojn\u00eb n\u00eb distancimin nga sistemi dhe si kuptohet kjo nga t\u00eb tjer\u00ebt t\u00eb cil\u00ebt jan\u00eb besnik\u00eb apo indiferent\u00eb ndaj sistemit n\u00eb t\u00eb cilin jetojn\u00eb.<\/p>\n

Gjetja m\u00eb madh\u00ebshtore p\u00ebr t\u00eb diktuar konceptin e krijimit t\u00eb di\u00e7kaje q\u00eb e determinon sjelljen e individit n\u00eb sisteme politike m\u00eb ka r\u00ebn\u00eb n\u00eb sy nga Simone de Bouvouir, ku sistemin e b\u00ebn p\u00ebrgjegj\u00ebs p\u00ebr krijimin e vlerave. K\u00ebto vlera b\u00ebhen busulla orientuese t\u00eb sjelljes s\u00eb njer\u00ebzve n\u00eb at\u00eb sistem. N\u00ebse p\u00ebr shembull n\u00eb koh\u00ebn e sistemit hitlerian situata \u00ebsht\u00eb tep\u00ebr rigide, ka ndodhur nj\u00eb kthes\u00eb n\u00eb perceptimin e vlerave kur t\u00eb b\u00ebsh nj\u00eb persekutim apo vrasje t\u00eb caktuar \u00ebsht\u00eb konsideruar arritje, mburrje p\u00ebr p\u00ebrmbushje t\u00eb misionit. Ose n\u00eb jet\u00ebn e koh\u00ebs s\u00eb sotme ku ndoshta sipas hulumtimeve t\u00eb fundit n\u00eb k\u00ebt\u00eb aspekt Finlanda konsiderohet si nj\u00eb prej vendeve m\u00eb t\u00eb favorshme p\u00ebr jetes\u00eb, vlerat e k\u00ebtij vendi \u2013 se \u00e7ka pranohet si sjellje dhe konsiderohet e d\u00ebshirohet e favorshme dhe e \u00e7muar \u2013 mund t\u00eb dallojn\u00eb n\u00eb disa aspekte ndoshta edhe thelb\u00ebsore prej vendit ton\u00eb, Kosov\u00ebs.<\/p>\n

Po n\u00eb vendin ton\u00eb aktualisht \u00e7far\u00eb sistemi vlerash dominon dhe si jan\u00eb krijuar ato vlera? Kosova megjithat\u00eb mund t\u00eb jet\u00eb nj\u00eb koktej ndikimesh por s\u2019mund ta mohojm\u00eb dhe ndikimin e sistemeve politike t\u00eb k\u00ebtyre 23 vjet\u00ebve t\u00eb pasluft\u00ebs, kur le t\u00eb themi sistemi na ka shp\u00ebrblyer dhe m\u00ebsuar se shkolla nuk kryen pun\u00eb mjaftuesh\u00ebm, e prandaj duhet t\u00eb jesh i\/e gjindsh\u00ebm\/me. T\u00eb jesh i\/e gjindsh\u00ebm\/me, \u00e7far\u00eb n\u00ebnkupton at\u00ebher\u00eb?<\/p>\n

N\u00eb esenc\u00eb, aludimi \u00ebsht\u00eb q\u00eb sistemet politike moderne jan\u00eb nj\u00eb form\u00eb e riedukimit, prezantimit apo imponimit t\u00eb vlerave t\u00eb caktuara, t\u00eb cilat n\u00eb fund i sh\u00ebrbejn\u00eb vet\u00eb sistemit dhe jo popullit. Dallimi ndoshta nga koh\u00ebt e shek. XX \u00ebsht\u00eb se ky imponim m\u00eb nuk mund t\u00eb jet\u00eb direkt, por b\u00ebhet n\u00eb m\u00ebnyra m\u00eb subtile, duke prezantuar mund\u00ebsi dhe kushte t\u00eb cilat n\u00eb dukje jan\u00eb t\u00eb favorshme por n\u00eb t\u00eb v\u00ebrtet\u00eb m\u00eb tep\u00ebr kontribuojn\u00eb n\u00eb zbehjen e individualitetit dhe fuqis\u00eb personale t\u00eb veprimit, nj\u00eb shtremb\u00ebrim i dh\u00ebn\u00eb i m\u00ebnyr\u00ebs s\u00eb t\u00eb menduarit dhe sjelljes.<\/p>\n

N\u00eb k\u00ebt\u00eb m\u00ebnyr\u00eb, nga ajo q\u00eb u tha m\u00eb lart, ndodh nj\u00eb \u201ctransformim masiv\u201d, por dhe nj\u00eb linj\u00eb direkte e ndikimit t\u00eb psikologjis\u00eb s\u00eb politik\u00ebs n\u00eb sh\u00ebndetin mendor t\u00eb individit. Shembujt k\u00ebtu jan\u00eb t\u00eb pafundm\u00eb pothuajse, por q\u00eb ndoshta p\u00ebr nj\u00eb lexues q\u00eb jeton n\u00eb k\u00ebt\u00eb realitet politik n\u00eb 23 vjet\u00ebt e fundit do t\u00eb ishin nj\u00eb ngarkes\u00eb emocionale t\u00eb rikujtoheshin n\u00eb k\u00ebt\u00eb moment radhazi.<\/p>\n

Prandaj, duke u mb\u00ebshtetur gjithmon\u00eb n\u00eb mund\u00ebsin\u00eb e revanshit intelektual q\u00eb individi mund t\u2019ia b\u00ebj\u00eb nj\u00eb sistemi jofavorizues, mjeti m\u00eb efikas \u00ebsht\u00eb t\u00eb kuptohet ndoshta fakti q\u00eb \u201cata q\u00eb nuk l\u00ebvizin nuk i shohin zinxhir\u00ebt e tyre\u201d. Ata q\u00eb kan\u00eb zot\u00ebruar artet e njohjes duhet t\u00eb bashkohen n\u00eb q\u00ebndrimet e p\u00ebrcaktimit t\u00eb realitetit politik kurdo q\u00eb jetojn\u00eb apo do t\u00eb jetojn\u00eb, sepse paradoksi i qenies njer\u00ebzore me gjith\u00eb shembujt e sistemeve n\u00ebp\u00ebr histori \u00ebsht\u00eb q\u00eb mund t\u00eb arrij\u00eb t\u00eb tejkaloj\u00eb psikologjin\u00eb e mas\u00ebs dhe t\u00eb kthehet n\u00eb streh\u00ebn e q\u00ebndrimeve t\u00eb tija personale rreth bot\u00ebs dhe asaj q\u00eb e mendon si sjelljen e duhur me baz\u00ebn e zgjedhjes s\u00eb saj\/tij.<\/p>\n

Ky mund t\u00eb jet\u00eb fillimi i ekzaminimit t\u00eb fakteve n\u00eb vjesht\u00ebn e nj\u00eb\u00a0viti t\u00eb brisht\u00eb<\/em>, si\u00e7 ka th\u00ebn\u00eb Kadareja.<\/p>\n<\/div>\n

\n
\n

\n<\/div>\n<\/div>","protected":false},"excerpt":{"rendered":"

Ta konsiderojm\u00eb vler\u00ebn e ambientit n\u00eb t\u00eb cilin jetojm\u00eb nuk \u00ebsht\u00eb e mjaftueshme t\u00eb merren parasysh vet\u00ebm kushtet materiale dhe fizike, duke qen\u00eb se n\u00eb qend\u00ebr t\u00eb ndjesis\u00eb s\u00eb siguris\u00eb dhe mir\u00ebqenies ton\u00eb \u00ebsht\u00eb \u201catmosfera psikike\u201d e ambientit n\u00eb t\u00eb cilin jemi. Ju ka rastisur t\u00eb shkoni n\u00eb nj\u00eb kafene t\u00eb thjesht\u00eb dhe jo aq […]<\/p>","protected":false},"author":93,"featured_media":8250,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[998,991,1270],"ppma_author":[105],"class_list":["post-6134","post","type-post","status-publish","format-standard","has-post-thumbnail","hentry","category-analize","tag-politike","tag-shoqeria","tag-sistemi-politik"],"authors":[{"term_id":105,"user_id":93,"is_guest":0,"slug":"qendresa-prapashtica","display_name":"Q\u00ebndresa Prapashtica","avatar_url":{"url":"https:\/\/sbunker.org\/wp-content\/uploads\/2023\/10\/download-18.jpg","url2x":"https:\/\/sbunker.org\/wp-content\/uploads\/2023\/10\/download-18.jpg"},"user_url":"","last_name":"Prapashtica","first_name":"Q\u00ebndresa","description":"Q\u00ebndresa \u00ebsht\u00eb nj\u00eb psikologe klinike me p\u00ebrvoj\u00eb t\u00eb pun\u00ebs n\u00eb industrin\u00eb e burimeve njer\u00ebzore. Ajo merret me publicistik\u00eb dhe shkrime letrare dhe u diplomua n\u00eb ZPTN - Qendra p\u00ebr Traumatologji dhe Traumaterapi - Niedersachen, Gjermani."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/6134","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/93"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=6134"}],"version-history":[{"count":2,"href":"https:\/\/sbunker.org\/sr\/wp-json\/wp\/v2\/posts\/6134\/revisions"}],"predecessor-version":[{"id":8251,"href":"https:\/\/sbunker.org\/sr\/wp-json\/wp\/v2\/posts\/6134\/revisions\/8251"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/8250"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=6134"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=6134"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=6134"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=6134"}],"curies":[{"name":"wp","href":"https:\/\/api.w.org\/{rel}","templated":true}]}}