![\"\"](\"https:\/\/sbunker.org\/wp-content\/uploads\/2024\/07\/SULMMM-189x300.png\")
<\/p>\nInstitucionet e Kosov\u00ebs jan\u00eb p\u00ebrballur me nj\u00eb sulm kibernetik pas njoftimit q\u00eb dhan\u00eb zyrtar\u00eb qeveritar\u00eb se do t\u2019i ofrohet mb\u00ebshtetje ushtarake Ukrain\u00ebs, e cila q\u00eb nga shkurti i vitit 2022 \u00ebsht\u00eb n\u00eb luft\u00eb me Rusin\u00eb. Sipas asaj q\u00eb deklaruan zyrtar\u00ebt qeveritar\u00eb, sulmi hibrid u krye nga Rusia m\u00eb 7 maj.<\/p>\n
Si pasoj\u00eb e sulmit t\u00eb haker\u00ebve rus\u00eb, faqja zyrtare Presidenc\u00ebs dhe ajo e Kryeministris\u00eb p\u00ebr pak koh\u00eb kan\u00eb qen\u00eb jasht\u00eb funksionit. Duke iu referuar nj\u00eb deklarate t\u00eb ministrit t\u00eb Mbrojtjes, Ejup Maqedonci, haker\u00ebt rus\u00eb vendos\u00ebn mbishkrimin se Kosova duhet t\u00eb mendoj\u00eb mir\u00eb n\u00ebse \u00ebsht\u00eb e gatshme t\u2019i ndihmoj\u00eb Ukrain\u00ebs.<\/p>\n
\u201cKosova \u00ebsht\u00eb e gatshme t\u2019i bashkoj\u00eb p\u00ebrpjekjet kolektive p\u00ebr t\u00eb mb\u00ebshtetur mbrojtjen e Ukrain\u00ebs. Ata duhet t\u00eb mendojn\u00eb m\u00eb shum\u00eb p\u00ebr k\u00ebt\u00eb…\u201d, ishte p\u00ebrshkrimi n\u00eb rusisht, i cili pas nj\u00eb kohe u largua dhe faqet zyrtare t\u00eb institucioneve u kthyen n\u00eb funksion.<\/p>\n
<\/p>\n
Mesazhi i haker\u00ebve rus\u00eb<\/p>\n
Ministri Maqedonci tha se sulmi ka ardhur pas deklaratave q\u00eb i b\u00ebri n\u00eb kuad\u00ebr t\u00eb nj\u00eb konference<\/a> n\u00eb Poloni, \u201cDefense 24\u201d, ku u fol p\u00ebr ndihm\u00ebn q\u00eb mund t\u2019i ofrohet Ukrain\u00ebs n\u00eb p\u00ebrballje me agresionin rus.<\/p>\n \u201cKy grup i haker\u00ebve rus\u00eb ka zhvilluar sulm kibernetik kund\u00ebr Kosov\u00ebs, si hakmarrje ndaj deklarat\u00ebs sime n\u00eb mb\u00ebshtetje t\u00eb Ukrain\u00ebs\u201d, tha Maqedonci.<\/p>\n Megjith\u00ebse nuk ofroi shum\u00eb holl\u00ebsi lidhur me sulmin, ministrja e Jashtme e Kosov\u00ebs, Donika G\u00ebrvalla, shkroi<\/a> n\u00eb Platform\u00ebn \u201cX\u201d se shteti rus shkaktoi sulm hibrid.<\/p>\n \u201cRusia po sulmon Republik\u00ebn e Kosov\u00ebs n\u00eb nj\u00eb sulm hibrid sot, pas njoftimit ton\u00eb p\u00ebr mb\u00ebshtetje n\u00eb pajisje ushtarake p\u00ebr Ukrain\u00ebn, n\u00eb mbrojtjen e saj t\u00eb justifikuar kund\u00ebr agresionit gjenocidal rus. Ne e dim\u00eb nga gjenocidi i Serbis\u00eb kund\u00ebr Republik\u00ebs s\u00eb Kosov\u00ebs se vet\u00ebm mjetet ushtarake e ndalin gjenocidin\u201d, ka shkruar G\u00ebrvalla.<\/p>\n Edhe pse ajo nuk ia njeh shtet\u00ebsin\u00eb, Kosova ishte solidarizuar me Ukrain\u00ebn duke u rreshtuar krah vendeve t\u00eb Per\u00ebndimit n\u00eb vendosjen e sanksioneve Rusis\u00eb. N\u00eb kuad\u00ebr t\u00eb mb\u00ebshtetjes, Kosova strehoi edhe disa gazetar\u00eb nga Ukraina.<\/p>\n Gjat\u00eb dy viteve t\u00eb fundit, Kosova ishte cak i sulmeve kibernetike dhe k\u00ebrc\u00ebnimeve me bomba, q\u00eb kishin p\u00ebr q\u00ebllim destabilizimin e vendit dhe krijimin e panikut mes popullat\u00ebs.<\/p>\n Sipas hulumtimit<\/a> t\u00eb Sbunkerit, shumica e sulmeve ndodh\u00ebn n\u00eb periudh\u00ebn e pranver\u00ebs 2022, ku u targetuan disa nga vendet m\u00eb t\u00eb frekuentuara publike, si shkollat publike, Universiteti i Prishtin\u00ebs dhe Aeroporti Nd\u00ebrkomb\u00ebtar i Prishtin\u00ebs. K\u00ebrc\u00ebnimet ndodh\u00ebn n\u00eb nj\u00eb momentum t\u00eb v\u00ebshtir\u00eb p\u00ebr vendin, n\u00eb koh\u00ebn kur tensionet n\u00eb veri ishin t\u00eb larta.<\/p>\n Sistemet qeveritare u ballafaquan me sulme kibernetike t\u00eb llojit \u201cDdoS<\/a>\u201d, duke shkaktuar pengesa t\u00eb her\u00ebpashershme n\u00eb sh\u00ebrbimin e internetit brenda institucioneve dhe munges\u00eb t\u00eb qasjes n\u00eb disa sh\u00ebrbime qeveritare. Faqja e Kryeministris\u00eb, ato t\u00eb disa ministrive, ajo e Policis\u00eb s\u00eb Kosov\u00ebs, Platforma e-Kosova dhe disa media, kan\u00eb qen\u00eb n\u00eb sh\u00ebnjest\u00ebr t\u00eb sulmeve kibernetike.<\/p>\n Ve\u00e7 sulmeve kibernetike, zyrtar\u00ebt rus\u00eb n\u00eb disa raste e kan\u00eb p\u00ebrmendur Kosov\u00ebn n\u00eb kontekst negativ, duke pretenduar<\/a> se mercenar\u00eb shqiptar\u00eb po luftojn\u00eb krah ukrainasve. Po ashtu, n\u00eb p\u00ebrpjekjen p\u00ebr t\u00eb justifikuar<\/a> aneksimin e rajoneve n\u00eb Ukrain\u00ebn Lindore, rus\u00ebt kan\u00eb p\u00ebrmendur rastin e Kosov\u00ebs, duke akuzuar NATO-n p\u00ebr shk\u00ebputje t\u00eb dhunshme t\u00eb Kosov\u00ebs nga Serbia.<\/p>\n P\u00ebrpjekjet<\/a> e Rusis\u00eb p\u00ebr ta shp\u00ebrndar\u00eb konfliktin n\u00eb rajonin e Ballkanit Per\u00ebndimor jan\u00eb denoncuar n\u00eb disa raste. Vitin e kaluar, kryeministri Albin Kurti akuzoi<\/a> \u201caleat\u00ebt e Rusis\u00eb\u201d se, p\u00ebrmes dezinformimit dhe sjelljeve t\u00eb tjera dashakeqe n\u00eb fush\u00ebn kibernetike, po ndikojn\u00eb n\u00eb procesin e normalizimit t\u00eb raporteve mes Kosov\u00ebs dhe Serbis\u00eb.<\/p>\n \u201cGjat\u00eb koh\u00ebs s\u00eb ndjeshme, kur shteti yn\u00eb \u00ebsht\u00eb i p\u00ebrkushtuar n\u00eb procesin e nd\u00ebrmjet\u00ebsuar nga Bashkimi Evropian dhe Shtetet e Bashkuara p\u00ebr t\u00eb normalizuar raportet me fqinjin ton\u00eb verior, Serbin\u00eb, por edhe p\u00ebr p\u00ebrfshirjen e plot\u00eb t\u00eb minoriteteve n\u00eb proceset demokratike t\u00eb shtetit, pa ndikim nga jasht\u00eb, k\u00ebto k\u00ebrc\u00ebnime kibernetike, sikurse dezinformimi, bullizimi kibernetik dhe forma t\u00eb tjera jan\u00eb ve\u00e7mas p\u00ebrcaktuese\u201d, kishte deklaruar Kurti.<\/p>\n