{"id":7806,"date":"2022-08-24T11:27:58","date_gmt":"2022-08-24T09:27:58","guid":{"rendered":"https:\/\/sbunker.org\/?p=7806"},"modified":"2024-09-20T11:29:55","modified_gmt":"2024-09-20T09:29:55","slug":"sasha-jeton-letra-iii","status":"publish","type":"post","link":"https:\/\/sbunker.org\/sr\/analize\/sasha-jeton-letra-iii\/","title":{"rendered":"Sasha & Jeton: Letra III"},"content":{"rendered":"

\u2018Takimi\u2019 me Vojislav Sheshelin n\u00eb Kongo<\/span><\/p>\n

I dashur Sasha,<\/span><\/p>\n

Pak pasi ta nisa letr\u00ebn e par\u00eb, u b\u00ebra pishman se pata droj\u00ebn se mos kur shkrova p\u00ebr zhvillimet n\u00eb Kosov\u00eb ting\u00ebllova ca si tep\u00ebr optimist. Por kur jemi n\u00eb ndonj\u00eb vend tjet\u00ebr, gjithmon\u00eb kemi prirje ta shohim Atdheun me nostalgji dhe disi jemi m\u00eb t\u00eb but\u00eb n\u00eb kritika. Un\u00eb isha n\u00eb Shqip\u00ebri kur e shkrova at\u00eb let\u00ebr; jo larg, por megjithat\u00eb kam p\u00ebrshtypjen q\u00eb m\u00eb ka tradhtuar malli p\u00ebr Kosov\u00ebn! E ndoshta edhe ndikimi i krip\u00ebs e ka b\u00ebr\u00eb t\u00eb veten, e pastaj u l\u00ebshova n\u00eb optimiz\u00ebm, e kam b\u00ebr\u00eb komente t\u00eb tipit <\/span>\u201cn\u00eb Kosov\u00eb gj\u00ebrat jan\u00eb pak m\u00eb mir\u00eb se sa n\u00eb Serbi<\/span><\/i>\u201d. Zoti na ruajt! Ja se \u00e7far\u00eb i b\u00ebka njeriut krypa e detit, ia shtremb\u00ebroka krejt\u00ebsisht pamjen mbi realitetin\u2026<\/span><\/p>\n

Nj\u00ebher\u00eb, para rreth 15 vitesh, kur isha n\u00eb Kongo – m\u00eb sakt\u00eb n\u00eb Goma t\u00eb Republik\u00ebs Demokratike t\u00eb Kongos –\u00a0 n\u00eb nj\u00eb klub nate ku mund t\u00eb hynin vet\u00ebm pun\u00ebtor\u00ebt e UN-it dhe nd\u00ebrkomb\u00ebtar\u00ebt tjer\u00eb, takova nj\u00eb serb i cili nuk e di se \u00e7far\u00eb biznesmeni ishte. Ia ktheva pasi e d\u00ebgjova tek fliste serbisht, e ai u emocionua. Kishte disa muaj atje dhe prandaj pyetja e tij e par\u00eb ishte <\/span>\u201ckako je dole\u201d (si \u00ebsht\u00eb atje posht\u00eb)!<\/span><\/i> \u201cNuk \u00ebsht\u00eb keq<\/span><\/i>\u201d, –\u00a0 ia ktheva un\u00eb. N\u00eb t\u00eb v\u00ebrtet\u00eb, <\/span>\u2018k\u00ebtu posht\u00eb\u2019<\/span><\/i> ishte mjaft keq! Paj, gjithmon\u00eb ka qen\u00eb mjaft keq, p\u00ebr t\u2019mos th\u00ebn\u00eb ka qen\u00eb krejt mut q\u00eb 30 vite. Sidoqoft\u00eb, par\u00eb nga atje larg, gj\u00ebrat <\/span>\u201catje posht\u00eb\u201d<\/span><\/i> nuk dukeshin edhe aq keq. Sidomos ngaq\u00eb atje ku ndodhesha, kisha par\u00eb f\u00ebmij\u00eb t\u00eb uritur skajshm\u00ebrisht, rrug\u00eb t\u00eb mbushura me pluhurin e mbetur t\u00eb llav\u00ebs s\u00eb vullkanit, kisha par\u00eb mjerim, shum\u00eb mjerim…<\/span><\/p>\n

E meq\u00eb ra fjala, kurr\u00eb nuk ia kam dal\u00eb ta kuptoj pse <\/span>\u201catje posht\u00eb\u201d<\/span><\/i> \u00ebsht\u00eb b\u00ebr\u00eb fraz\u00eb e emigrant\u00ebve tan\u00eb p\u00ebr t\u00eb em\u00ebruar vendet e Ballkanit. Kudo ku kam qen\u00eb, n\u00eb Gjermani, Suedi, n\u00eb Amerik\u00eb e kudo tjet\u00ebr, kur takoj njer\u00ebz nga an\u00ebt tona gjithnj\u00eb m\u00eb pyesin <\/span>\u201csi \u00ebsht\u00eb atje posht\u00eb\u201d<\/span><\/i>, apo <\/span>\u201ca do t\u00eb b\u00ebhet mir\u00eb atje posht\u00eb\u201d<\/span><\/i>. P\u00ebr nga lart\u00ebsia mbidetare nuk besoj t\u00eb jemi fort posht\u00eb, n\u00ebse krahasohemi me vendet tjera, ta z\u00ebm\u00eb ato nordike! Pra, nuk besoj q\u00eb kjo <\/span>\u201cposht\u00eb\u201d<\/span><\/i> \u00ebsht\u00eb ndonj\u00eb p\u00ebrkufizim gjeografik. Por ndoshta, ata pavet\u00ebdish\u00ebm, me <\/span>\u201catje posht\u00eb\u201d<\/span><\/i> e mendojn\u00eb mbret\u00ebrin\u00eb e n\u00ebntok\u00ebs, Hadin\u2026 Pra, kur ata pyesin <\/span>\u201csi \u00ebsht\u00eb atje posht\u00eb\u201d<\/span><\/i>, ndoshta duan t\u00eb thon\u00eb\u00a0 <\/span>\u201csi \u00ebsht\u00eb atje n\u00eb Hadin ton\u00eb, n\u00eb mbret\u00ebrin\u00eb e vdekjes…\u201d.<\/span><\/i>\u00a0\u00a0\u00a0<\/span><\/p>\n

Kishte r\u00ebn\u00eb mbr\u00ebmja kur i shtr\u00ebnguam duart me biznesmenin serb n\u00eb klubin e nat\u00ebs n\u00eb Goma t\u00eb Kongos. E kur m\u00eb von\u00eb iu afrua nj\u00eb llampe q\u00eb ndri\u00e7onte zbeht\u00eb, i pash\u00eb maic\u00ebn me fotografin\u00eb e Sheshelit t\u00eb gravuar n\u00eb t\u00eb. I rash\u00eb pishman q\u00eb i kisha folur. Por mandej kam menduar gjat\u00eb p\u00ebr at\u00eb tip t\u00eb s\u00ebmur\u00eb nga budallakia, q\u00eb do t\u00eb ket\u00eb besuar se, ndoshta me at\u00eb maic\u00eb, po e mbronte s\u00ebrbizmin e tij n\u00eb Goma t\u00eb Kongos!!! Ose kushedi, mbase ka menduar q\u00eb Shesheli \u00ebsht\u00eb shenjt q\u00eb e mbron nga t\u00eb ligat. N\u00eb \u00e7do shpjegim e interpretim ai del nj\u00eb budalla i r\u00ebndomt\u00eb, i till\u00eb \u00e7far\u00eb ka pa fund edhe mes k\u00ebtyre bashk\u00ebvendasve t\u00eb mi kosovar\u00eb. Ta z\u00ebm\u00eb, un\u00eb s\u2019ia dal ta kuptoj pse kur disa t\u00eb rinj e t\u00eb reja, kur ngjiten n\u00eb maja mali n\u00ebp\u00ebr bot\u00eb, fotografohen me krenari pran\u00eb flamurit t\u00eb Kosov\u00ebs! E pastaj n\u00eb mediat tona gjen artikuj koti p\u00ebr flamurin e Kosov\u00ebs t\u00eb ngritur edhe n\u00eb maj\u00ebn m\u00eb t\u00eb lart\u00eb n\u00eb… N\u00eb tri p… t\u00eb s\u00ebm\u00ebs! Jam i sigurt q\u00eb plot e plot njer\u00ebzve ato foto ua nxjerrin mornicat patriotike, por mua sall m\u00eb b\u00ebjn\u00eb t\u00eb pyes <\/span>\u201ce \u00e7ka pastaj?\u201d<\/span><\/i>. Por kushedi, ndoshta ata alpinist\u00eb besojn\u00eb q\u00eb Zoti i sheh m\u00eb kollaj flamujt kur jan\u00eb n\u00eb maja mali dhe vendos\u00eb t\u2019u vij\u00eb n\u00eb ndihm\u00eb e t\u2019u b\u00ebhet krah shoq\u00ebrive t\u00eb tyre! Kushedi?!<\/span><\/p>\n

Nejse, u xeherlisa pasi ta nisa letr\u00ebn e par\u00eb, dhe, dor\u00ebn n\u00eb zem\u00ebr, prisja q\u00eb do t\u00eb m\u00eb pyesje me qortim: <\/span>\u00e7\u2019t\u00eb ka ndodhur Jeton, p\u00ebrse po i tradh\u00ebton idealet tona, p\u00ebr kritik\u00eb e p\u00ebrbuzje t\u00eb \u00e7do hajvanll\u00ebku n\u00eb k\u00ebto shoq\u00ebrit\u00eb tona?<\/span><\/i>. Megjithat\u00eb, ka shpres\u00eb q\u00eb mund t\u2019i p\u00ebrmir\u00ebsojm\u00eb gabimet q\u00eb mund t\u00eb b\u00ebjm\u00eb her\u00eb pas here. Kur nj\u00ebher\u00eb, n\u00eb shtator t\u00eb vitit 2011, un\u00eb me dy aktor\u00ebt e shfaqjes <\/span>\u201cPatriotic Hypermarket\u201d<\/span><\/i>, Bajrush Mjakun dhe Kushtrim Hoxh\u00ebn po ktheheshim me aeroplan t\u00eb JAT-it nga Beogradi p\u00ebr n\u00eb Shkup, turbulencat at\u00eb nat\u00eb ishin tep\u00ebr t\u00eb fuqishme. Pat\u00ebm frik\u00eb, por edhe qeshnim, e me humor i thonim nj\u00ebri-tjetrit se po vdiq\u00ebm n\u00eb k\u00ebt\u00eb udh\u00ebtim, at\u00ebher\u00eb <\/span>do t\u00eb vdesim si tradh\u00ebtar\u00eb<\/b>. Por, n\u00ebse do t\u00eb ngelnim gjall\u00eb, thonim, at\u00ebher\u00eb do t\u2019kishim koh\u00eb t\u00eb b\u00ebnim edhe ndonj\u00eb vep\u00ebr patriotike dhe ta nxirrnim veten nga kjo tradhti q\u00eb kishim pranuar t\u00eb ndanim sken\u00ebn me artist\u00eb serb\u00eb.<\/span><\/p>\n

Teksa lexoja fillimin e letr\u00ebs t\u00ebnde ku po flisje p\u00ebr minjt\u00eb, ma kujtove subjektin e nj\u00eb skice drame t\u00eb dramaturgut e regjisorit t\u00eb njohur kosovar Fadil Hysaj, t\u00eb qujtur <\/span>\u201cPerandoria e minjve\u201d<\/span><\/i>. N\u00eb k\u00ebt\u00eb dram\u00eb t\u00eb pap\u00ebrfunduar, bota e n\u00ebndheshme e minjve fillon t\u00eb pushtohet nga njer\u00ebzit, t\u00eb cil\u00ebt, p\u00ebr shkak t\u00eb pasiguris\u00eb dhe nj\u00eb lufte globale b\u00ebrthamore zbresin posht\u00eb, n\u00eb bot\u00ebn e minjve. Njer\u00ebzit e kan\u00eb dhjer\u00eb pun\u00ebn n\u00eb sip\u00ebrfaqen e tok\u00ebs dhe tani zbresin n\u00eb n\u00ebntok\u00eb p\u00ebr t\u00eb gjetur strehim. Megjithat\u00eb, gjirizet e n\u00ebntoka jan\u00eb perandori e huaj, aty zot\u00eb jan\u00eb minjt\u00eb… Personazhi kryesor i dram\u00ebs s\u00eb Hysajt \u00ebsht\u00eb nj\u00eb profesor i cili, kur ka zbritur n\u00eb bot\u00ebn e n\u00ebntok\u00ebs, ka zbritur bashk\u00eb me bibliotek\u00ebn e tij t\u00eb madhe, t\u00eb cil\u00ebn tani po ia han\u00eb minjt\u00eb. Nuk m\u00eb kujtohen detajet dhe nuk e di n\u00ebse Fadili e ka p\u00ebrfunduar k\u00ebt\u00eb dram\u00eb. N\u00eb fakt, ai rrall\u00eb i p\u00ebrfundon ato. Subjektet i ka fantastike, motivet t\u00eb shk\u00eblqyeshme, por, i l\u00eb skicat e pap\u00ebrfunduara, sepse nd\u00ebrkoh\u00eb ka gjetur dicka m\u00eb fascinuese, \u00ebsht\u00eb magjepsur nga nj\u00eb subjekt a ide tjet\u00ebr… K\u00ebshtu q\u00eb, ngush\u00ebllohu Sash\u00eb, se t\u00eb jesh mi gjirizi nuk \u00ebsht\u00eb edhe aq keq. E madje, sipas k\u00ebtij vizioni apokaliptik t\u00eb Hysajt, vet\u00ebm minjt\u00eb do t\u00eb mbijetojn\u00eb. Q\u00eb ta dish, p\u00ebr shkak t\u00eb vesh\u00ebve llapush, si f\u00ebmij\u00eb mua m\u00eb kan thirrur <\/span>\u2018zec\u2019<\/span><\/i> (lepur). Paj, edhe do t\u2019kisha pranuar t\u00eb kthehesha n\u00eb lepur, por besoj q\u00eb mungesa ime e theksuar e frik\u00ebs do t\u2019m\u00eb sillte telashe t\u00eb m\u00ebdha.<\/span><\/p>\n

Ato dy antologji letrare q\u00eb i botuam, sa na kan sjelle4 k\u00ebnaq\u00ebsi aq edhe kok\u00eb\u00e7arje. Sidomos mua k\u00ebtu n\u00eb Kosov\u00eb. Nj\u00ebher\u00eb mezi mblodha bashk\u00eb krejt ata shkrimtar\u00eb – rreth 20 apo sa qen\u00eb p\u00ebrfshir\u00eb.\u00a0 Kur i ftova dhe kur ua shpjegova iden\u00eb e nj\u00eb antologjie letrare t\u00eb Kosov\u00ebs q\u00eb do t\u00eb botohej n\u00eb Serbi, jo t\u00eb gjith\u00eb m\u00eb besonin dhe jo t\u00eb gjith\u00eb besonin se nuk do t\u2019ua shk\u00ebrdheja karrier\u00ebn e tyre letraro-patriotike. Disa, m\u00eb pyesnin me mir\u00ebsjellje se <\/span>\u201ca \u00ebsht\u00eb gjith\u00e7ka past\u00ebr\u201d<\/span><\/i>. Ata donin t\u00eb dinin se si do t\u00eb prezentoheshin n\u00eb botim, si shkrimtar\u00eb t\u00eb Republik\u00ebs s\u00eb Kosov\u00ebs, apo si shkrimtar\u00eb nga Kosova, a edhe m\u00eb keq, nga \u2018Kosmeti\u2019. Kjo puna e \u201crepublik\u00ebs\u201d akoma dhe tash, por sidomos at\u00ebhere q\u00eb sh\u00ebnd\u00ebrruar si nj\u00eb fjal\u00eb mallkimi! Po s\u2019p\u00ebrdorej shpesh (s\u2019kishte lidhje n\u00eb ishte vend e pa vend), rrezikoje t\u00eb cil\u00ebsoheshe si \u2018anti-shtet\u2019, si dikush q\u00eb i pengon republika etj. etj…. Prandaj, kur doje t\u00eb ishe n\u00eb t\u00eb sigurt\u00ebn, thjesht ia fusje dikund \u201crepublika\u201d secilit dokument, deklarat\u00eb zyrtare, secilit e-mail q\u00eb d\u00ebrgoje, letre a k\u00ebrkese p\u00ebr fonde…<\/span><\/p>\n

E-mailat zyrtar fillonin pak a shum\u00eb k\u00ebshtu: <\/span>\u201cI nderuari Minist\u00ebr i Kultur\u00ebs i Republik\u00ebs s\u00eb Kosov\u00ebs…\u201d<\/span><\/i>. E kur i shkruaje mikut, mund ta gjeje veten duke shkruar di\u00e7ka si: <\/span>\u201cI nderuari miku im i mir\u00eb i Republik\u00ebs s\u00eb Kosov\u00ebs\u201d<\/span><\/i>. Apo n\u00ebse po i shkruaje t\u00eb dashur\u00ebs t\u00ebnde, ti mund ta kishe nj\u00eb fjali t\u00eb tipit: \u201cdashuria jon\u00eb \u00ebsht\u00eb si republik\u00eb, e pamposhtur\u201d. Ose n\u00ebse ankoheshe n\u00eb di\u00e7ka, mund t\u00eb shkruaje: <\/span>\u201crepublika jon\u00eb e Kosov\u00ebs \u00ebsht\u00eb mbushur mut deri n\u00eb fyt… N\u00eb toaletet e Teatrit Komb\u00ebtar nuk ka let\u00ebr toaleti…\u201d<\/span><\/i>. Apo, n\u00ebse kishe kryer ndonj\u00eb vjedhje, ti para hetuesit mund t\u00eb p\u00ebrgjigjeshe me di\u00e7ka si: <\/span>\u201cvodha ca blloka t\u00eb kuq nd\u00ebrtimi t\u00eb prodhuara n\u00eb Serbi, e t\u00eb eksportuar n\u00eb Republik\u00ebn ton\u00eb t\u00eb Kosov\u00ebs\u201d<\/span><\/i>. Nga vjedhja edhe mund t\u00eb shp\u00ebtoje, por jo nga pap\u00ebrmendja e \u2018republik\u00ebs\u2019.<\/span><\/p>\n

Por, q\u00eb t\u00eb kthehem tek ato dy \u2018libra sherri\u2019 q\u00eb u botuan n\u00eb Serbi e Kosov\u00eb. Kur n\u00eb Kosov\u00eb e botuam <\/span>\u201cNga Beogradi me dashuri\u201d<\/span><\/i>, ishte sikur t\u00eb kishim b\u00ebr\u00eb nj\u00eb sakrilegj. Megjithat\u00eb, ajo antologji e proz\u00ebs s\u00eb re serbe e botuar n\u00eb Kosov\u00eb, p\u00ebr gardian\u00ebt e moralit patriotik, nuk ishte shkas i mjaftuesh\u00ebm q\u00eb t\u2019mund t\u2019i ngrisnin shpatat p\u00ebr sulm. Atyre, n\u00eb fakt, m\u00eb tep\u00ebr u interesonte formacioni i antologjis\u00eb me let\u00ebrsi t\u00eb re nga Kosova q\u00eb ishte botuar n\u00eb Beograd. P\u00ebrpiqeshin t\u00eb gjenin lidhjet e mundshme dhe njollat (anti-komb\u00ebtare) mes atyre shum\u00eb autor\u00ebve q\u00eb ishin p\u00ebrfshir\u00eb. Disa nga autor\u00ebt n\u00eb at\u00eb botim ishin: Halil Matoshi, Arben Idrizi, Shpetim Selmani, Xhevdet Bajraj, Kujtim Pacaku, Tringa Gojani, Bekim Lumi, Anton Berishaj, Shkelzen Maliqi, Ilir Gjocaj e plot t\u00eb tjer\u00eb. Prandaj, nj\u00eb front kund\u00ebr t\u00eb gjith\u00eb k\u00ebtyre nuk do t\u00eb ishte i leht\u00eb. Por fronti kund\u00ebr u hap shpejt, me nj\u00eb rast tjet\u00ebr, kur Teatri Atelje 212 nga Beogradi e ftoi shfaqjen <\/span>\u201c\u00c7ifti Martin\u201d<\/span><\/i> t\u00eb Bekim Lumit, q\u00eb t\u00eb merrte pjes\u00eb n\u00eb festivalin \u201cDit\u00ebt e Mucit\u201d, q\u00eb po mbahej n\u00ebn sigl\u00ebn \u201cNEXT YU\u201d. Asokohe isha drejtor Artistik i Teatrit Komb\u00ebtar t\u00eb Kosov\u00ebs dhe ftes\u00ebn nga Beogradi natyrisht e pranova. Por shpejt u nis nj\u00eb <\/span>fatva<\/span><\/i> mediale kund\u00ebr prezentimit t\u00eb shfaqjes n\u00eb Beograd, e t\u00eb cil\u00ebs i prinin shkrimtar\u00eb e gazetar\u00eb t\u00eb ndrysh\u00ebm. U ndez nj\u00eb debat i jasht\u00ebzakonsh\u00ebm edhe n\u00eb publik. Nga ana jon\u00eb, fronin e mbante Bekim Lumi i ndjer\u00eb, Halil Matoshi, Shkelzen Maliqi dhe un\u00eb, p\u00ebr aq sa mundeshim. Megjithat\u00eb, ata ishin shumica dhe ata ishin n\u00eb an\u00ebn e \u2018republik\u00ebs\u2019, t\u00eb cil\u00ebn ne \u2018po e c\u00ebnonim\u2019 me p\u00ebrpjekjen p\u00ebr ta \u00e7uar shfaqjen n\u00eb Beograd. Dhe si rezultat, ajo shfaqje nuk u dha atje. P\u00ebr mua, ky ishte nj\u00eb rast historik i humbur.<\/span><\/p>\n

Dimri e ha kasht\u00ebn, themi ne k\u00ebtej. Edhe vitet e han\u00eb turpin. Shum\u00eb nga ata artist\u00eb q\u00eb ishin kund\u00ebr shk\u00ebmbimeve kulturore, edhe t\u00eb let\u00ebrsis\u00eb edhe kund\u00ebr Festivalit <\/span>polip<\/span><\/i>, vite m\u00eb pas u p\u00ebrfshin\u00eb vet n\u00eb projekte bashk\u00ebpunimi me artist\u00eb nga Serbia. Ajo \u00e7far\u00eb dikur p\u00ebr ta ishte nj\u00eb \u201cakt tradhtie\u201d u b\u00eb m\u00eb von\u00eb nj\u00eb \u201cakt normalizimi i raporteve\u201d \u2013 q\u00eb ta p\u00ebrdorim k\u00ebt\u00eb terminologjin\u00eb politike q\u00eb ka dominuar raportet Kosov\u00eb-Serbi k\u00ebto vitet e fundit. N\u00eb fakt, k\u00ebta q\u00eb dikur refuzonin \u00e7do lloj bashk\u00ebpunimi me artist\u00ebt serb\u00eb, tani kur u p\u00ebrfshin\u00eb vet\u00eb, thonin se po shkonin t\u2019u tregonin atyre n\u00eb Beograd q\u00eb <\/span>\u201cedhe ne kemi art e kultur\u00eb\u201d<\/span><\/i>. K\u00ebta artist\u00eb, me siguri do ta ken\u00eb ngush\u00eblluar veten, se n\u00ebse Tha\u00e7i – idoli i tyre – , komunikon e bashk\u00ebpunon me Vu\u00e7iqin, at\u00ebher\u00eb duhet t\u00eb jet\u00eb n\u00eb rregull q\u00eb edhe ata t\u00eb prezentojn\u00eb pun\u00ebn e tyre artistike n\u00eb Beograd.<\/span><\/p>\n

Megjithat\u00eb, k\u00ebt\u00eb \u201crepublik\u00ebn\u201d ton\u00eb, q\u00eb shumica e p\u00ebrdornin sall si mburoj\u00eb p\u00ebr pisll\u00ebqet e tyre, e kemi mbajtur larg <\/span>polip<\/span><\/i>it, i cili ka qen\u00eb nj\u00eb republik\u00eb m\u00eb vete. Madje, nj\u00ebrin prej edicioneve ne kemi pas\u00eb titualluar, \u201c<\/span>Republika Letrare\u201d<\/span><\/i>. M\u00eb kujtohet q\u00eb n\u00eb lexime pat\u00ebn ardhur njer\u00ebz t\u00eb ndrysh\u00ebm, ambasador\u00eb e politikan\u00eb \u2013 Albin Kurti ka qen\u00eb nj\u00ebher\u00eb a dy, Hashim Tha\u00e7i nj\u00ebher\u00eb e pat paralajm\u00ebruar ardhjen, por nuk erdhi. Jo nuk i kemi th\u00ebn\u00eb askujt. P\u00ebrse do t\u2019i kishim th\u00ebn\u00eb jo Tha\u00e7it apo Kurtit? Por i p\u00ebrmenda ambasador\u00ebt. N\u00eb fillim ata i ftonim dhe g\u00ebzoheshim kur e paralajm\u00ebronin ardhjen. Se kur ata vinin, t\u00eb them t\u00eb drejt\u00ebn, ndiheshim m\u00eb t\u00eb sigurt. Bashk\u00eb me ta, andej kah Qendra Multimedia e dikurshme sillej edhe policia e Kosov\u00ebs. Tani, nga kjo distanc\u00eb, kjo gj\u00eb mund t\u00eb duket absurd, por prania policore ka qen\u00eb e domosdoshme n\u00eb at\u00eb fillim t\u00eb <\/span>polip<\/span><\/i>it, p\u00ebr shkak t\u00eb prezenc\u00ebs s\u00eb autor\u00ebve nga Serbia, natyrisht. Me kalimin e viteve, as nuk e lajm\u00ebronim policin\u00eb, e as ata nuk vinin, se as ambasador\u00ebt nuk na vinin \u2013 ose, vinin ambasador\u00eb q\u00eb nuk kishin nevoj\u00eb p\u00ebr spektakle e p\u00ebr polici p\u00ebrreth…<\/span><\/p>\n

Deri n\u00eb letr\u00ebn e radh\u00ebs.<\/span><\/p>\n

Mir\u00ebmbetsh.<\/span><\/p>\n

\u00a0<\/span>Jetoni<\/span><\/i><\/p>\n

Prishtin\u00eb, 18 gusht, 2022<\/span><\/p>\n

\u00a0<\/span><\/p>\n

p.s.<\/span><\/p>\n

kur dy letrat tona t\u00eb para u botuan, pati nj\u00eb ngat\u00ebrres\u00eb t\u00eb \u00e7uditshme, n\u00ebse letrat ishin shkruar n\u00eb qershor apo korrik! D\u00ebshmit\u00eb n\u00eb letra, edhe n\u00eb fund t\u00eb letr\u00ebs time, por edhe n\u00eb fund t\u00eb letr\u00ebs t\u00ebnde, ishte v\u00ebn\u00eb muaji qershor, megjithat\u00eb, n\u00eb realitet ato jan\u00eb shkruar n\u00eb korrik. Por po, u desh t\u00eb gjurmoja n\u00eb mejlat q\u00eb kemi shk\u00ebmbyer, p\u00ebr t\u2019u siguruar q\u00eb po, b\u00ebhet fjal\u00eb p\u00ebr muajin korrik dhe se sh\u00ebnimet n\u00eb fund t\u00eb letrave tona ishin gabim. Kaq p\u00ebr kujtes\u00ebn ton\u00eb dhe kaq p\u00ebr besimin e verb\u00ebr n\u00eb fjal\u00ebn e shkruar. Prandaj, ndoshta, m\u00eb mir\u00eb duhet t\u2019ua l\u00ebshojm\u00eb vendin atyre maqinave tua t\u00eb Lamda-s dhe chatbot-it \u2013 e \u00e7udirave t\u00eb ngjajshme teknologjike….<\/span><\/p>","protected":false},"excerpt":{"rendered":"

\u2018Takimi\u2019 me Vojislav Sheshelin n\u00eb Kongo I dashur Sasha, Pak pasi ta nisa letr\u00ebn e par\u00eb, u b\u00ebra pishman se pata droj\u00ebn se mos kur shkrova p\u00ebr zhvillimet n\u00eb Kosov\u00eb ting\u00ebllova ca si tep\u00ebr optimist. Por kur jemi n\u00eb ndonj\u00eb vend tjet\u00ebr, gjithmon\u00eb kemi prirje ta shohim Atdheun me nostalgji dhe disi jemi m\u00eb t\u00eb […]<\/p>","protected":false},"author":10,"featured_media":7789,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[1198],"ppma_author":[21],"class_list":["post-7806","post","type-post","status-publish","format-standard","has-post-thumbnail","hentry","category-analize","tag-sasha-jeton"],"authors":[{"term_id":21,"user_id":10,"is_guest":0,"slug":"jeton-neziraj","display_name":"Jeton Neziraj","avatar_url":{"url":"https:\/\/sbunker.org\/wp-content\/uploads\/2023\/10\/ooll.png","url2x":"https:\/\/sbunker.org\/wp-content\/uploads\/2023\/10\/ooll.png"},"user_url":"","last_name":"Neziraj","first_name":"Jeton","description":"Jeton Neziraj, dramaturg, ka qen\u00eb Drejtor Artistik i Teatrit Komb\u00ebtar t\u00eb Kosov\u00ebs, kurse aktualisht \u00ebsht\u00eb drejtor i Qendr\u00ebs Multimedia n\u00eb Prishtin\u00eb, nj\u00eb asociacion q\u00eb merret me let\u00ebrsin\u00eb dhe teatrin. Ai ka shkruar mbi 20 drama, t\u00eb cilat jan\u00eb v\u00ebn\u00eb n\u00eb sken\u00eb n\u00eb Kosov\u00eb dhe jasht\u00eb saj, n\u00eb Evrop\u00eb e n\u00eb Amerik\u00eb, e po ashtu jan\u00eb p\u00ebrkthyer dhe botuar edhe n\u00eb mbi 15 gjuh\u00eb t\u00eb tjera."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/7806","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/10"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=7806"}],"version-history":[{"count":1,"href":"https:\/\/sbunker.org\/sr\/wp-json\/wp\/v2\/posts\/7806\/revisions"}],"predecessor-version":[{"id":7807,"href":"https:\/\/sbunker.org\/sr\/wp-json\/wp\/v2\/posts\/7806\/revisions\/7807"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/7789"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=7806"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=7806"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=7806"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=7806"}],"curies":[{"name":"wp","href":"https:\/\/api.w.org\/{rel}","templated":true}]}}