{"id":7931,"date":"2024-10-02T14:02:22","date_gmt":"2024-10-02T12:02:22","guid":{"rendered":"https:\/\/sbunker.org\/?p=7931"},"modified":"2025-05-22T13:35:11","modified_gmt":"2025-05-22T11:35:11","slug":"lufta-prej-syve-te-viktimave-civile","status":"publish","type":"post","link":"https:\/\/sbunker.org\/sr\/kritike\/lufta-prej-syve-te-viktimave-civile\/","title":{"rendered":"Lufta prej syve t\u00eb viktimave civile"},"content":{"rendered":"
v\u00ebshtrim mbi librin Masakrat n\u00eb Kosov\u00eb 1998-1999 t\u00eb autorit Shk\u00eblzen Gashi, botim i OJQ-ve Admovere dhe Integra<\/i><\/b><\/h5>\n

Gjakov\u00eb, nata mes 1 dhe 2 prillit 1999: forcat speciale s\u00ebrbe, t\u00eb shoq\u00ebruara nga nj\u00ebsi policie, hyjn\u00eb me forc\u00eb n\u00eb sht\u00ebpin\u00eb e familjes Vejsa, n\u00ebn pretekstin e k\u00ebrkimit t\u00eb pjes\u00ebtar\u00ebve t\u00eb Ushtris\u00eb \u00c7lirimtare t\u00eb Kosov\u00ebs. Por burrat tashm\u00eb kan\u00eb ik\u00eb, duke parashiku pik\u00ebrisht k\u00ebt\u00eb lloj bastisjeje brutale dhe duke l\u00ebn\u00eb mbrapa nj\u00eb burr\u00eb t\u00eb vet\u00ebm me kufizime mendore me 20 gra e f\u00ebmij\u00eb nga kat\u00ebr familje t\u00eb ndryshme, q\u00eb brenda asaj sht\u00ebpie po k\u00ebrkonin streh\u00eb prej tmerreve jasht\u00eb saj.\u00a0<\/span><\/p>\n

Sidoqoft\u00eb, polic\u00ebt s\u00ebrb\u00eb hapin batare zjarri n\u00eb at\u00eb sht\u00ebpi. Trupat bien p\u00ebrtok\u00eb. Nga t\u00eb sht\u00ebnat, nj\u00eb dollap merr flak\u00eb. Vras\u00ebsit largohen, duke l\u00ebn\u00eb zjarrin t\u2019i p\u00ebrpij\u00eb gjurm\u00ebt e krimit. Mes flak\u00ebve e tymit, Dreni, djali n\u00ebnt\u00ebvje\u00e7ar i familjes Vejsa, i plagosur, por i vet\u00ebdijsh\u00ebm, nuk del nga sht\u00ebpia pa u p\u00ebrpjek\u00eb me e marr\u00eb motr\u00ebn e vet foshnj\u00eb, t\u00eb z\u00ebn\u00eb n\u00ebn trupin e pajet\u00eb t\u00eb s\u00eb \u00ebm\u00ebs.<\/span><\/p>\n

\u201cE disha q\u00eb motra ish gjall\u00eb, se e ndijsha tu kajt\u00eb. Nan\u00ebn e kam pas\u00eb mjaft t\u00eb shnosh\u00eb, e un\u00eb vet\u00eb isha f\u00ebmij\u00eb i vog\u00ebl, mandej krahun e djatht\u00eb e kisha \u2013 gati si mos m\u2019e pas\u00eb. Provo e provo, derisa u ba qaq tym sa, t\u00eb kisha provu ma shum\u00eb, kisha me p\u00ebrfundu bashk\u00eb me to\u201d, rr\u00ebfen ai vite m\u00eb von\u00eb, si i mbijetuari i vet\u00ebm i masakr\u00ebs n\u00eb sht\u00ebpin\u00eb e familjes Vejsa t\u00eb Gjakov\u00ebs, n\u00eb gjykimin kund\u00ebr zyrtar\u00ebve t\u00eb lart\u00eb politik\u00eb, ushtarak\u00eb e policor\u00eb s\u00ebrb\u00eb n\u00eb Hag\u00eb.<\/span><\/p>\n

\"\"<\/p>\n

Shum\u00eb m\u00eb shum\u00eb sesa statistika<\/b><\/p>\n

Kjo m\u00eb sip\u00ebr \u00ebsht\u00eb vet\u00ebm nj\u00ebra nga shum\u00eb masakra t\u00eb detajuara n\u00eb p\u00ebrmbledhjen trondit\u00ebse t\u00eb Shk\u00eblzen Gashit, <\/span>Masakrat n\u00eb Kosov\u00eb 1998-1999. <\/b>Gashi dokumenton gjithsej 105 masakra q\u00eb kryhen gjat\u00eb luft\u00ebs dhe fill mbas saj n\u00eb mbar\u00eb truallin e Kosov\u00ebs, prej t\u00eb cilave 83 i p\u00ebrshkruan holl\u00ebsisht, me koh\u00ebn, vendndodhjen, rrethanat, numrin e viktimave, p\u00ebrkat\u00ebsin\u00eb e tyre etnike, mosh\u00ebn, gjinin\u00eb dhe, m\u00eb e r\u00ebnd\u00ebsishmja, e sa her\u00eb e mundshme, me autor\u00ebt mbrapa k\u00ebtyre akteve t\u00eb tmerrshme. Kurse, 22 masakrat e mbetura paraqiten n\u00eb form\u00eb tabelare ve\u00e7 me t\u00eb dh\u00ebnat themelore (koha, vendi, numri i vikimave, etnia) n\u00eb Shtojc\u00ebn e dyt\u00eb n\u00eb fund t\u00eb librit, duke reflektu k\u00ebsisoj k\u00ebrkimin e palodhsh\u00ebm t\u00eb autorit p\u00ebr dokumentim t\u00eb plot\u00eb, edhe aty ku nuk u gjet informacion i mjaftuesh\u00ebm mbi rrethanat e sakta t\u00eb masakrave. Sidoqoft\u00eb, edhe k\u00ebto, me t\u00ebr\u00ebsin\u00eb e viktimave t\u00eb tyre (303 shqiptar\u00eb, 12 rom\u00eb, tre egjiptian\u00eb, nj\u00eb boshnjak) jan\u00eb pjes\u00eb po aq thelb\u00ebsore e narrativ\u00ebs historike, duke qen\u00eb se ndri\u00e7ojn\u00eb p\u00ebrmas\u00ebn e v\u00ebrtet\u00eb t\u00eb agresionit kund\u00ebr civil\u00ebve t\u00eb pambrojtur n\u00eb Kosov\u00eb.\u00a0<\/span><\/p>\n

Masakrat prezantohen me renditje kronologjike. E para regjistrohet m\u00eb 28 shkurt 1998, n\u00eb fshatrat Likoshan dhe Qirez, ku forcat s\u00ebrbe, pas p\u00ebrplasjes me pjes\u00ebtar\u00ebt e U\u00c7K-s\u00eb, marrin hak mbi 20 shqiptar\u00eb t\u00eb paarmatosur. Nd\u00ebr viktimat, nj\u00eb \u00ebsht\u00eb 16-vje\u00e7ar dhe nj\u00eb \u00ebsht\u00eb fem\u00ebr, detajon p\u00ebrshkrimi.<\/span><\/p>\n

E fundit regjistrohet masakra e dat\u00ebs 23 korrik 1999, n\u00eb fshatin Grack\u00eb e Vjet\u00ebr, m\u00eb shum\u00eb se nj\u00eb muaj pas p\u00ebrfundimit zyrtar t\u00eb luft\u00ebs, ku 14 meshkuj civil\u00eb s\u00ebrb\u00eb, nj\u00ebri 14-vje\u00e7ar, vriten nga hakmarr\u00ebsit, tashm\u00eb shqiptar\u00eb.<\/span><\/p>\n

Gashi nuk bie n\u00eb grack\u00ebn e prezantimit t\u00eb nj\u00ebansh\u00ebm t\u00eb realitetit t\u00eb dhun\u00ebs, jo n\u00eb p\u00ebrpjekje p\u00ebr ta balancu peshoren \u2013 masakra t\u00eb regjistruara me viktima s\u00ebrbe jan\u00eb gjithsej tri \u2013 por p\u00ebr t\u00eb dh\u00ebn\u00eb nj\u00eb rr\u00ebfim t\u00eb ndersh\u00ebm t\u00eb dhun\u00ebs ndaj t\u00eb pambrojturve n\u00eb Kosov\u00ebn e viteve 1998-\u201899.\u00a0<\/span><\/p>\n

Spikat nd\u00ebr masakrat kund\u00ebr s\u00ebrb\u00ebve ajo q\u00eb kryhet m\u00eb 14 dhjetor 1998, n\u00eb kafenen\u00eb \u201cPanda\u201d t\u00eb Pej\u00ebs, ku gjasht\u00eb djem adoleshent\u00eb vriten nga dy sulmues t\u00eb maskuar. Gashi e kontekstualizon sulmin kundrejt rrethanave politike dhe manovrave diplomatike t\u00eb koh\u00ebs: vet\u00ebm nj\u00eb dit\u00eb m\u00eb von\u00eb, Slobodan Milo\u0161evi\u0107, arkitekti fam\u00ebkeq i agresionit nacionalist t\u00eb S\u00ebrbis\u00eb, takon n\u00eb zyr\u00ebn e vet t\u00eb d\u00ebrguarin e ShBA-s\u00eb, Richard Holbrooke, t\u00eb ngarkuar me p\u00ebrpjekjen p\u00ebr ta nd\u00ebrmjet\u00ebsu nj\u00eb arm\u00ebpushim midis forcave s\u00ebrbe dhe U\u00c7K-s\u00eb. N\u00eb takim, Milo\u0161evi\u0107 raportohet \u201ci trim\u00ebruar nga ndodhit\u00eb n\u00eb Pej\u00eb\u201d. P\u00ebrkimi i ngjarjeve b\u00ebhet edhe m\u00eb i friksh\u00ebm n\u00eb vitin 2013, kur Aleksandar Vu\u010di\u0107, at\u00ebbot\u00eb shef i Byros\u00eb p\u00ebr Bashk\u00ebrendimin e Pun\u00ebve t\u00eb Sh\u00ebrbimeve t\u00eb Siguris\u00eb, sot president i S\u00ebrbis\u00eb, pohon se krimi \u201cnuk ishte kry nga shqiptar\u00ebt, si\u00e7 kemi besuar deri m\u00eb tani\u201d dhe se \u201cpubiku do t\u00eb tmerrohet kur t\u00eb zbulohet e v\u00ebrteta\u201d.\u00a0<\/span><\/p>\n

E v\u00ebrteta, e cila zbardhet vite m\u00eb von\u00eb, zbulon nj\u00eb operacion t\u00eb kreut t\u00eb <\/span>Sigurimit Shtet\u00ebror<\/span><\/a> t\u00eb S\u00ebrbis\u00eb, q\u00eb p\u00ebrdor gjakun e rinis\u00eb s\u00ebrbe si veg\u00ebl politike.<\/span><\/p>\n

Gashi ofron shum\u00eb m\u00eb shum\u00eb sesa numra e data; ai sjell narrativat rr\u00ebnqeth\u00ebse t\u00eb t\u00eb mbijetuarve, duke u siguru q\u00eb masakrat t\u00eb shihen si tragjedi thell\u00ebsisht njer\u00ebzore q\u00eb pllakos\u00ebn gjith\u00eb ato familje e bashk\u00ebsi. Vepra e tij \u00ebsht\u00eb nga nj\u00ebra an\u00eb pasqyr\u00eb e fytyr\u00ebs m\u00eb t\u00eb eg\u00ebr t\u00eb njer\u00ebzimit, por edhe nj\u00eb hap vendimtar drejt zotimit q\u00eb k\u00ebto krime t\u00eb mos harrohen dhe t\u00eb mos p\u00ebrs\u00ebriten.<\/span><\/p>\n

Masakrat n\u00eb dy fazat e luft\u00ebs<\/b><\/p>\n

N\u00ebp\u00ebrmjet vargimit t\u00eb masakrave individuale, p\u00ebrmbledhja sjell rr\u00ebfimin q\u00eb shpalos t\u00ebr\u00ebsia e saj \u2013 vij\u00ebn ndar\u00ebse midis eg\u00ebrsis\u00eb s\u00eb shtetit s\u00ebrb kund\u00ebr popullat\u00ebs shqiptare para nd\u00ebrhyrjes ajrore t\u00eb NATO-s, si dhe transformimit apokaliptik q\u00eb ajo pati me nisjen e fushat\u00ebs s\u00eb bombardimeve.\u00a0<\/span><\/p>\n

Faza e par\u00eb, q\u00eb zgjat deri m\u00eb 24 mars 1999 \u2013 kur NATO nis fushat\u00ebn \u2013 zbulon nj\u00eb strategji sulmesh t\u00eb kalkuluara, ku makineria s\u00ebrbe kryesisht p\u00ebrdor p\u00ebrplasjet me Ushtrin\u00eb \u00c7lirimtare t\u00eb Kosov\u00ebs si pretekst p\u00ebr vrasjen masive t\u00eb civil\u00ebve. Gjat\u00eb k\u00ebsaj faze regjistrohen 16 masakra, dhe nd\u00ebrsa shumica ndjekin t\u00eb nj\u00ebjtin skenar tragjik t\u00eb vrasjeve dhe t\u00eb shkat\u00ebrrimit hakmarr\u00ebs, jan\u00eb tri q\u00eb nuk p\u00ebrkasin n\u00eb k\u00ebt\u00eb skem\u00eb.\u00a0<\/span><\/p>\n

N\u00eb fshatin Senik, m\u00eb 27 gusht 1998, forcat s\u00ebrbe nisin nj\u00eb ofensiv\u00eb t\u00eb ashp\u00ebr, me mortaja e artileri drejtp\u00ebrdrejt kund\u00ebr popullat\u00ebs civile. Ofensiva p\u00ebrs\u00ebritet p\u00ebr disa dit\u00eb. T\u00eb sh\u00ebnjestruarit e saj jan\u00eb t\u00eb zhvendosurit q\u00eb po largohen. Nd\u00ebr 13 t\u00eb vdekurit, regjistrohen nj\u00eb foshnje tet\u00ebmuajshe dhe nj\u00eb plak\u00eb 90-vje\u00e7are. Ngjash\u00ebm, m\u00eb 25 shtator 1998, fshati Gollubovc bie pre e nj\u00eb sulmi t\u00eb pam\u00ebshirsh\u00ebm, meq\u00eb \u00ebsht\u00eb kthy n\u00eb vendstrehim t\u00eb t\u00eb zhvendosurve nga t\u00eb pakt\u00ebn pes\u00eb fshatra p\u00ebrreth. Prap\u00eb, t\u00eb gjitha viktimat, 13 burra t\u00eb ve\u00e7uar moshash 25-54 vje\u00e7are, jan\u00eb civil\u00eb. Masakra e tret\u00eb jasht\u00eb skem\u00ebs s\u00eb k\u00ebsaj faze \u00ebsht\u00eb ajo e shp\u00ebrthimit n\u00eb Tregun e Gjelb\u00ebr t\u00eb Mitrovic\u00ebs n\u00eb dit\u00eb pazari, t\u00eb shtun\u00ebn m\u00eb 13 mars 1999. Sh\u00ebnjestrimi i drejtp\u00ebrdrejt\u00eb i civil\u00ebve n\u00eb k\u00ebto raste gjat\u00eb k\u00ebsaj faze t\u00eb par\u00eb, paralajm\u00ebron at\u00eb q\u00eb do t\u00eb b\u00ebhet normative pas nd\u00ebrhyrjes s\u00eb NATO-s.<\/span><\/p>\n

Faza e dyt\u00eb sh\u00ebnon nj\u00eb p\u00ebrshkall\u00ebzim dramatik t\u00eb masakrave, n\u00eb num\u00ebr e n\u00eb p\u00ebrmasa. Pa kufizimin e mask\u00ebs s\u00eb kund\u00ebrp\u00ebrgjigjes ndaj sulmeve t\u00eb U\u00c7K-s\u00eb dhe t\u00eb t\u00ebrbuara nga bombardimet, forcat s\u00ebrbe shp\u00ebrthejn\u00eb n\u00eb shfrim gjenocidal. Vrasjet dhe d\u00ebbimet masive t\u00eb shqiptar\u00ebve b\u00ebhen ngjarje e \u00e7doditshme. N\u00eb 78 dit\u00eb, sa zgjat fushata e bombardimeve t\u00eb NATO-s q\u00eb sjell fundin e luft\u00ebs, regjistrohet nj\u00eb num\u00ebr trondit\u00ebs prej 84 masakrash. Masakrat m\u00eb masive t\u00eb dokumentuara n\u00eb librin e Gashit, pothuajse pap\u00ebrjashtimisht kryhen pasi nis fushata e NATO-s: n\u00eb Krush\u00eb t\u00eb Madhe me 197 viktima, n\u00eb Krush\u00eb t\u00eb Vog\u00ebl me 114, n\u00eb Izbic\u00eb me 116, Gollak me 209, dhe n\u00eb Mej\u00eb-Korenic\u00eb me 349 civil\u00eb t\u00eb vrar\u00eb. Masakrat e 25 marsit 1999, t\u00eb nes\u00ebrmen e fillimit t\u00eb bombardimeve, ofrojn\u00eb shembullin m\u00eb rr\u00ebnqeth\u00ebs t\u00eb k\u00ebtij transformimi. N\u00eb at\u00eb dit\u00eb t\u00eb vetme regjistrohen tet\u00eb masakra t\u00eb ndryshme. Me fushat\u00ebn ajrore q\u00eb vazhdonte, forcat s\u00ebrbe ndryshojn\u00eb strategjin\u00eb drejt nj\u00eb spastrimi t\u00eb plot\u00eb t\u00eb identitetit shqiptar nga toka e Kosov\u00ebs. Autori sh\u00ebnon edhe shtat\u00eb rr\u00ebmbime t\u00eb civil\u00ebve, q\u00eb nuk kategorizohen si masakra, n\u00eb Shtojc\u00ebn e tret\u00eb t\u00eb librit. Gjasht\u00eb prej tyre kryhen gjat\u00eb k\u00ebsaj faze t\u00eb dyt\u00eb.<\/span><\/p>\n

Nd\u00ebrsa U\u00c7K-ja vazhdonte rezistenc\u00ebn, e p\u00ebrfshir\u00eb n\u00eb nj\u00eb luft\u00eb krejt asimetrike, ajo nuk mund ta mbronte popullat\u00ebn civile nga goditja e k\u00ebtij dufi shfaros\u00ebs t\u00eb S\u00ebrbis\u00eb. Gashi e dokumenton k\u00ebt\u00eb me qart\u00ebsi t\u00eb pam\u00ebshirshme. Madje, si\u00e7 p\u00ebrshkruhet, fjala vjen, n\u00eb masakr\u00ebn e Kralanit (2-4 prill 1999)\u00a0 ose n\u00eb at\u00eb t\u00eb Ka\u00e7anikut (8 prill 1999), popullata civile e gjetur mes dy pal\u00ebve nd\u00ebrluftuese, n\u00eb p\u00ebrpjekjen p\u00ebr t\u00eb ik\u00eb nga zona e nxeht\u00eb, bie drejt e n\u00eb tyt\u00ebn e forcave s\u00ebrbe. Plot 86 civil\u00eb shqiptar\u00eb vriten fill pas zjarrshk\u00ebmbimit n\u00eb Kralan. Nga 32 civil\u00ebt e vrar\u00eb n\u00eb Ka\u00e7anik, nj\u00ebri \u00ebsht\u00eb 99-vje\u00e7 dhe tet\u00eb jan\u00eb femra.\u00a0<\/span><\/p>\n

Paradoksalisht, plot 28 t\u00eb tjer\u00eb t\u00eb vrar\u00eb n\u00eb Ka\u00e7anik regjistrohen si \u201cpersona t\u00eb armatosur\u201d; nd\u00ebrkaq, as edhe nj\u00eb i vet\u00ebm nga forcat s\u00ebrbe. Kjo shp\u00ebrputhje t\u00eb b\u00ebn t\u00eb vramendesh lidhur me p\u00ebrmasat reale t\u00eb fuqis\u00eb mbrojt\u00ebse t\u00eb shqiptar\u00ebve. N\u00eb parath\u00ebnie, Gashi tregohet i vet\u00ebdijsh\u00ebm rreth saj. Ai mb\u00ebshtet gjetjet n\u00eb <\/span>list\u00ebn shteruese<\/span><\/a> t\u00eb Qendr\u00ebs p\u00ebr t\u00eb Drejt\u00ebn Humanitare, e cila, thot\u00eb autori, \u201cp\u00ebrmban pasakt\u00ebsi, ngaq\u00eb individ\u00eb t\u00eb masakruar figurojn\u00eb aty t\u00eb regjistruar si persona t\u00eb armatosur, ndon\u00ebse n\u00eb momentin e vrasjes ishin civil\u00eb q\u00eb nuk rezistuan\u201d. \u00cbsht\u00eb kjo ajo varra e fryr\u00eb e numrit t\u00eb veteran\u00ebve, me pash\u00ebrueshm\u00ebrin\u00eb e t\u00eb cil\u00ebs shoq\u00ebria kosovare jeton, e q\u00eb me paradoksalitetin e vet ngre vetulla habie edhe n\u00eb p\u00ebrshkrimet e ndosa masakrave t\u00eb tjera.<\/span><\/p>\n

Ajo q\u00eb del krejt e qart\u00eb nga vepra e detajuar e Gashit \u00ebsht\u00eb se, ndon\u00ebse fushata nga ajri e NATO-s u nis p\u00ebr t\u2019i ndal\u00eb forcat e S\u00ebrbis\u00eb, krahas saj u p\u00ebrshkall\u00ebzua k\u00ebrdia mbi dh\u00e9. Kjo nuk u shp\u00ebtoi intelektual\u00ebve t\u00eb koh\u00ebs. Noam Chomsky, kritik i pam\u00ebshirsh\u00ebm i politik\u00ebs s\u00eb jashtme t\u00eb ShBA-s\u00eb, pohoi se nd\u00ebrhyrja e NATO-s ishte akt agresioni t\u00eb paligjsh\u00ebm, e se e b\u00ebri edhe m\u00eb <\/span>t\u00eb keqe<\/span><\/a> kriz\u00ebn humanitare q\u00eb m\u00ebtonte me e zgjidh\u00eb. N\u00eb dallim prej tij, Christopher Hitchens fushat\u00ebn e NATO-s e pa si nj\u00eb <\/span>domosdoshm\u00ebri<\/span><\/a> morale t\u00eb fuqive euro-atlantike p\u00ebr t\u2019i v\u00ebn\u00eb dig\u00ebn nj\u00eb regjimi gjenocidal n\u00eb Evrop\u00eb. K\u00ebto dy pik\u00ebpamje t\u00eb ndryshme p\u00ebrkufizojn\u00eb debatin mbi nd\u00ebrhyrjen ushtarake t\u00eb NATO-s, q\u00eb edhe vet\u00eb u b\u00eb pjes\u00eb e pandashme e historis\u00eb moderne t\u00eb Kosov\u00ebs, me kritik\u00ebt nga nj\u00ebra an\u00eb q\u00eb pohonin se nd\u00ebrhyrja ishte shkelje e ligjit nd\u00ebrkomb\u00ebtar, pasi u krye pa autorizimin e K\u00ebshillit t\u00eb Sigurimit t\u00eb OKB-s\u00eb, se shkaktoi viktima civile dhe d\u00ebme kolaterale, e se ishte nd\u00ebrhyrje neo-imperialiste q\u00eb synonte me zgjeru ndikimin e NATO-s n\u00eb Ballkan, kurse nga\u00a0 tjetra me mb\u00ebshtet\u00ebsit q\u00eb ngulmonin se nd\u00ebrhyrja parandaloi gjenocidin ndaj shqiptar\u00ebve t\u00eb Kosov\u00ebs, ia krijoi nj\u00eb precedent bashk\u00ebsis\u00eb nd\u00ebrkomb\u00ebtare me nd\u00ebrhy n\u00eb raste masakrash masive dhe se demonstroi angazhimin e NATO-s p\u00ebr mbrojtjen e t\u00eb drejtave t\u00eb njeriut. Mbase, mes \u201ce keqe\u201d dhe \u201ce domosdoshme\u201d, p\u00ebr ne, t\u00eb sh\u00ebnjestruarit e asaj p\u00ebrpjekjeje asgj\u00ebsuese, fushata bombarduese e NATO-s ishte ajo e keqja e domosdoshme.<\/span>
\n<\/span><\/p>\n

Krim dhe (mos)nd\u00ebshkim<\/b><\/p>\n

Nj\u00eb refren shoq\u00ebron si jehon\u00eb e frikshme pothuajse gjith\u00eb v\u00ebllimin <\/span>Masakrat n\u00eb Kosov\u00eb 1998-1999<\/b> e q\u00eb \u00ebsht\u00eb mbase e v\u00ebrteta m\u00eb e dhimbshme nga t\u00eb gjitha: \u201cP\u00ebr k\u00ebt\u00eb masak\u00ebr deri m\u00eb sot nuk \u00ebsht\u00eb d\u00ebnuar, e madje as gjykuar, askush\u201d. Shk\u00eblzen Gashi nuk dokumenton vet\u00ebm mizorit\u00eb, por evidenton munges\u00ebn e drejt\u00ebsis\u00eb n\u00eb shumic\u00ebn e rasteve. Nga 83 masakrat e p\u00ebrshkruara, 62 mbeten t\u00eb pand\u00ebshkuara. Duke e marr\u00eb parasysh k\u00ebrkimin e thelluar dhe t\u00eb gjat\u00eb t\u00eb autorit edhe n\u00ebp\u00ebr vendimet e gjykatave n\u00eb Hag\u00eb, Beograd e Prishtin\u00eb, duket se k\u00ebtu lirisht mund t\u00eb futen edhe t\u00eb gjitha ato 22 masakrat q\u00eb, n\u00eb Shtojc\u00ebn e dyt\u00eb, paraqiten tabelarisht. Fjal\u00ebt e k\u00ebtij refreni mbajn\u00eb pesh\u00ebn e traum\u00ebs s\u00eb pazgjidhur, duke na kujtu se plag\u00ebt e luft\u00ebs nuk munden me u sh\u00ebru kur drejt\u00ebsia mohohet.<\/span><\/p>\n

\"\"<\/p>\n

Tribunali Nd\u00ebrkomb\u00ebtar p\u00ebr ish-Jugosllavin\u00eb (ICTY), i ngritur n\u00eb Hag\u00eb me i adresu krimet gjat\u00eb luft\u00ebrave jugosllave, p\u00ebrfshi Kosov\u00ebn, ka pas\u00eb disa suksese n\u00eb sjelljen para drejt\u00ebsis\u00eb t\u00eb figurave t\u00eb r\u00ebnd\u00ebsishme mbrapa kasaphan\u00ebs n\u00eb Kosov\u00eb. Nga 83 masakrat e p\u00ebrshkruara, dhjet\u00eb jan\u00eb b\u00eb pjes\u00eb e aktakuzave t\u00eb ICTY-s\u00eb, duke rezultu n\u00eb d\u00ebnime p\u00ebr udh\u00ebheq\u00ebsit kryesor\u00eb politik\u00eb dhe ushtarak\u00eb t\u00eb regjimit jugosllav, sqaron autori n\u00eb parath\u00ebnie.<\/span><\/p>\n

Nj\u00eb nga gjyqet m\u00eb t\u00eb r\u00ebnd\u00ebsishme nga k\u00ebrkimet e Gashit rezulton ai q\u00eb lidhet me masakr\u00ebn e\u00a0 Lubeniqit, dhe tjetr\u00ebn n\u00eb Qyshk, Pavlan e Zahaq \u2013 kat\u00ebr fshatra n\u00eb rajonin e Pej\u00ebs, ku gjithsej 162 civil\u00eb shqiptar\u00eb u masakruan nga forcat s\u00ebrbe. N\u00eb shkurt t\u00eb vitit 2014, Gjykata Speciale n\u00eb Beograd d\u00ebnoi n\u00ebnt\u00eb ish-an\u00ebtar\u00eb t\u00eb Brigad\u00ebs 177 t\u00eb Ushtris\u00eb Jugosllave, duke i shqiptu\u00a0 komandantit, Toplica Miladinovi\u0107, nj\u00eb d\u00ebnim prej 20 vitesh, nd\u00ebrsa t\u00eb tjer\u00ebve d\u00ebnime q\u00eb varionin nga dy deri n\u00eb 15 vjet.\u00a0<\/span><\/p>\n

Megjithat\u00eb, ky vendim nuk zgjati shum\u00eb; nj\u00eb vit m\u00eb von\u00eb e p\u00ebrmbysi Gjykata e Apelit n\u00eb Beograd, duke e quajt\u00eb \u201ct\u00eb paqart\u00eb dhe kontradiktor\u201d. Rigjykimi zvarritej me vonesa t\u00eb p\u00ebrs\u00ebritura, duke hedh\u00eb dyshime n\u00ebse drejt\u00ebsia do t\u00eb realizohej ndonj\u00ebher\u00eb p\u00ebr viktimat e k\u00ebtyre masakrave, sqaron Gashi.\u00a0<\/span><\/p>\n

Fati i k\u00ebtyre gjykimeve u lidh ngusht me ndryshimet politike brenda S\u00ebrbis\u00eb. Ngritja n\u00eb pushtet e Aleksandar Vu\u010di\u0107-it n\u00eb prill t\u00eb vitit 2014, t\u00eb njohur p\u00ebr q\u00ebndrimet e tij nacionaliste, ka shum\u00eb gjasa t\u00eb ket\u00eb diktu trajtimin e ngadalt\u00eb dhe t\u00eb nd\u00ebrlikuar t\u00eb k\u00ebtyre gjykimeve t\u00eb ndjeshme.\u00a0<\/span><\/p>\n

Megjithat\u00eb, zhvillimet e sivjetshme lidhur me rastin sjellin nj\u00eb epilog shpres\u00ebdh\u00ebn\u00ebs p\u00ebr gjyq\u00ebsorin e S\u00ebrbis\u00eb. Shtat\u00eb nga t\u00eb p\u00ebrfshir\u00ebt n\u00eb masak\u00ebr, <\/span>n\u00eb prill 2024<\/span><\/a> mor\u00ebn nga Gjykata e Lart\u00eb e Beogradit d\u00ebnimet e shqiptuara fillimisht nga Gjykata Speciale, duke sh\u00ebnu k\u00ebshtu nj\u00eb moment t\u00eb r\u00ebnd\u00ebsish\u00ebm, ani se t\u00eb vonuar, n\u00eb sistemin e mefsht\u00eb gjyq\u00ebsor t\u00eb S\u00ebrbis\u00eb.<\/span><\/p>\n

Megjith\u00ebse d\u00ebnimi i Miladinovi\u0107-it dhe t\u00eb tjer\u00ebve paraqet moment t\u00eb r\u00ebnd\u00ebsish\u00ebm \u2013 me t\u00eb p\u00ebrmbyllet gjykimi i kat\u00ebrt n\u00eb Beograd i t\u00eb p\u00ebrfshir\u00ebve n\u00eb masakrat kund\u00ebr shqiptar\u00ebve \u2013\u00a0 mbetet \u00e7\u00ebshtje jetike me vazhdu me k\u00ebrku drejt\u00ebsi p\u00ebr t\u00eb gjitha viktimat e luft\u00ebs n\u00eb Kosov\u00eb, mbasi ve\u00e7 duke i mbajt\u00eb kriminel\u00ebt p\u00ebrgjegj\u00ebs p\u00ebr vrasjet, shoq\u00ebrit\u00eb mund t\u00eb l\u00ebvizin drejt pajtimit dhe sh\u00ebrimit, p\u00ebr ta trasu k\u00ebshtu rrug\u00ebn drejt nj\u00eb t\u00eb ardhmeje m\u00eb paq\u00ebsore.<\/span><\/p>\n

Duke iu kthy sistemit gjyq\u00ebsor t\u00eb Kosov\u00ebs, Gashi sh\u00ebnon se n\u00eb tetor t\u00eb vitit 2021, gjykatat e Kosov\u00ebs d\u00ebnuan me 20 vjet burg nj\u00eb ish-polic s\u00ebrb p\u00ebr p\u00ebrfshirjen n\u00eb masakr\u00ebn e fshatit Sllovi. Ky ishte rast i r\u00ebnd\u00ebsish\u00ebm, pasi sistemi gjyq\u00ebsor i Kosov\u00ebs, shpesh i kritikuar p\u00ebr munges\u00eb efikasiteti, nisi m\u00eb n\u00eb fund me i gjyku vet\u00eb autor\u00ebt e krimeve t\u00eb luft\u00ebs, tashm\u00eb q\u00eb EULEX-i e ka zhvendos\u00eb mandatin e vet nga roli ekzekutiv n\u00eb rol kryesisht monitorues, mentorues e k\u00ebshillues.\u00a0<\/span><\/p>\n

Gjyqet q\u00eb ende vazhdojn\u00eb lidhur me masakrat e <\/span>Izbic\u00ebs<\/span><\/a>, t\u00eb <\/span>Staradranit<\/span><\/a> dhe t\u00eb Dubrav\u00ebs \u2013 dy t\u00eb parat tashm\u00eb kan\u00eb prek\u00eb fundin \u2013 sh\u00ebnojn\u00eb kthes\u00ebn e r\u00ebnd\u00ebsishme q\u00eb Kosova po b\u00ebn n\u00eb p\u00ebrpjekjen p\u00ebr drejt\u00ebsi. Gjykime t\u00eb reja priten n\u00eb t\u00eb ardhmen: Prokuroria Speciale po p\u00ebrgatit aktakuz\u00eb kund\u00ebr <\/span>53 personave<\/span><\/a> t\u00eb p\u00ebrfshir\u00eb n\u00eb masakr\u00ebn e Mej\u00ebs \u2013 m\u00eb t\u00eb madhen e koh\u00ebs s\u00eb luft\u00ebs n\u00eb Kosov\u00eb.<\/span><\/p>\n

Ky nuk \u00ebsht\u00eb fundi<\/b><\/p>\n

Shk\u00eblzen Gashi ka dokumentu me kujdes masakrat e kryera n\u00eb vitet e luft\u00ebs n\u00eb Kosov\u00eb, duke ndri\u00e7u k\u00ebt\u00eb faqe t\u00eb historis\u00eb si askush m\u00eb par\u00eb. Madje, gjat\u00eb p\u00ebrpilimit t\u00eb librit, <\/span>ishte kritik<\/span><\/a> ndaj AShAK-ut p\u00ebr m\u00ebnyr\u00ebn e ngatht\u00eb t\u00eb dokumentimit t\u00eb masakrave te \u201cFjalori Enciklopedik i Kosov\u00ebs\u201d, duke theksu se institucioni m\u00eb i lart\u00eb i dijeve n\u00eb Kosov\u00eb kishte l\u00ebn\u00eb jasht\u00eb nj\u00eb num\u00ebr t\u00eb konsideruesh\u00ebm t\u00eb tyre dhe se ato q\u00eb i dokumentonte, nuk ofronin t\u00eb dh\u00ebna t\u00eb sakta.<\/span><\/p>\n

Nj\u00eb nga vlerat shtes\u00eb t\u00eb k\u00ebtij botimi \u00ebsht\u00eb p\u00ebrfshirja e fotografive \u2013 shumica nga fotograf\u00eb lufte me nam bot\u00ebror \u2013 q\u00eb ofrojn\u00eb dritare t\u00eb hapura p\u00ebrball\u00eb p\u00ebrshkrimeve t\u00eb masakrave. Vet\u00eb kopertina, me nj\u00eb ilustrim rr\u00ebnqeth\u00ebs nga Alexandra Boulat, paralajm\u00ebron tonin e asaj q\u00eb ndodhet n\u00eb brendi: nj\u00eb p\u00ebrballje e hidh\u00ebt me t\u00eb v\u00ebrtetat e kobshme. Fotografia mund ta komunikoj\u00eb at\u00eb q\u00eb fjal\u00ebt nuk e thon\u00eb dot, e Gashi \u00ebsht\u00eb siguru, duke u marr\u00eb vet\u00eb me <\/span>copyright<\/span><\/i>-et, q\u00eb kujtesa e k\u00ebtyre mizorive t\u00eb mos mbetet ve\u00e7 e shkruar, por edhe e dukshme n\u00eb krejt lakuriq\u00ebsin\u00eb e vet t\u00eb vrazhd\u00eb.\u00a0<\/span><\/p>\n

Raportet nga organizatat si Amnesty International dhe Human Rights Watch, mediat bot\u00ebrore si BBC e CNN, s\u00eb bashku me vendimet gjyq\u00ebsore nga ICTY dhe gjykatat e tjera, ofrojn\u00eb nj\u00eb baz\u00eb solide q\u00eb e b\u00ebn k\u00ebt\u00eb vep\u00ebr t\u00eb paz\u00ebvend\u00ebsueshme p\u00ebr studiuesit, historian\u00ebt dhe aktivist\u00ebt e t\u00eb drejtave t\u00eb njeriut.<\/span><\/p>\n

Libri vjen n\u00eb tri gjuh\u00eb: shqip, s\u00ebrbisht dhe anglisht. Versioni n\u00eb anglisht \u00ebsht\u00eb i domosdosh\u00ebm, pasi vepr\u00ebn e b\u00ebn t\u00eb qasshme p\u00ebr komunitetin nd\u00ebrkomb\u00ebtar. Historian\u00ebt, studiuesit, gazetar\u00ebt dhe akademik\u00ebt bot\u00ebror\u00eb mund t\u00eb gjejn\u00eb n\u00eb t\u00eb nj\u00eb burim kredibil p\u00ebr t\u00eb kuptu dhe studiu t\u00eb kaluar\u00ebn e Kosov\u00ebs. Kurse ata zyrtar\u00eb, diplomat\u00eb e nd\u00ebrmjet\u00ebsues per\u00ebndimor\u00eb q\u00eb ndjekin interesa t\u00eb ngusht\u00eb, ky lib\u00ebr i detyron t\u00eb p\u00ebrballen me t\u00eb kaluar\u00ebn q\u00eb shpesh e anashkalojn\u00eb. Urojm\u00eb q\u00eb zyrtar\u00ebt dhe diplomat\u00ebt kosovar\u00eb ta kthejn\u00eb k\u00ebt\u00eb botim n\u00eb nj\u00eb mjet t\u00eb drejtp\u00ebrdrejt\u00eb diplomacie, duke ua dor\u00ebzu at\u00eb si ‘dhurat\u00eb’ homolog\u00ebve per\u00ebndimor\u00eb, p\u00ebr t\u2019ua kujtu se drejt\u00ebsia n\u00eb shoq\u00ebrit\u00eb pas konfliktit nuk mund t\u00eb arrihet pa u p\u00ebrball\u00eb sinqerisht me t\u00eb kaluar\u00ebn.<\/span><\/p>\n

Si\u00e7 v\u00ebren <\/span>Vuk Dra\u0161kovi\u0107<\/span><\/a> \u2013 me gjas\u00eb i penduari i vet\u00ebm mes gatuesve t\u00eb \u00e7orb\u00ebs nacionaliste s\u00ebrbe t\u00eb viteve 1990 \u2013 brezat e rinj n\u00eb S\u00ebrbi, q\u00eb nuk i kan\u00eb jetu ato vite, ose q\u00eb gjat\u00eb tyre kan\u00eb qen\u00eb kalamaj, shpesh nuk jan\u00eb t\u00eb vet\u00ebdijsh\u00ebm p\u00ebr rolin e vendit t\u00eb tyre n\u00eb luft\u00ebrat e ish-Jugosllavis\u00eb, dhe p\u00ebr shum\u00eb prej tyre, S\u00ebrbia ishte viktima, jo agresori. Duke e b\u00eb k\u00ebt\u00eb lib\u00ebr t\u00eb disponuesh\u00ebm n\u00eb s\u00ebrbisht, Gashi ia hap der\u00ebn nj\u00eb brezi t\u00eb ri intelektual\u00ebsh s\u00ebrb\u00eb q\u00eb t\u00eb p\u00ebrballen me an\u00ebn tjet\u00ebr t\u00eb narrativ\u00ebs. Urojm\u00eb t\u00eb gjej\u00eb shtigjet me u shp\u00ebrnda mir\u00eb e gjer\u00eb n\u00ebp\u00ebr raftet e librarive dhe t\u00eb bibliotekave t\u00eb S\u00ebrbis\u00eb.<\/span><\/p>\n

Disa fjal\u00eb duhen th\u00ebn\u00eb p\u00ebr kurajon q\u00eb iu desh Gashit me e p\u00ebrfundu k\u00ebt\u00eb vep\u00ebr: n\u00eb nj\u00eb vend ende t\u00eb plagosur nga trauma e luft\u00ebs, ku e kaluara \u00ebsht\u00eb shpesh tep\u00ebr e dhimbshme p\u00ebr ta kqyr\u00eb drejt n\u00eb sy, Gashi ka kriju di\u00e7ka monumentale. Pakkush mund t\u00eb kish nd\u00ebrmarr\u00eb nj\u00eb projekt t\u00eb till\u00eb me t\u00eb nj\u00ebjt\u00ebn nd\u00ebrthurje t\u00eb rigorozitetit intelektual, t\u00eb ndjeshm\u00ebris\u00eb emocionale dhe t\u00eb k\u00ebmb\u00ebnguljes, krejt i vet\u00ebm, me e shteru. P\u00ebr pes\u00eb vjet, ai ka q\u00ebmtu t\u00eb dh\u00ebna, shpesh nga burime q\u00eb vet\u00eb jan\u00eb kredh\u00eb n\u00ebp\u00ebr do skuta t\u00eb internetit e t\u00eb arkivave, si\u00e7 jan\u00eb raportet e organizatave humanitare nga koha e luft\u00ebs, ose nga d\u00ebshmi q\u00eb rrinin t\u00eb strukura n\u00eb mbamendjen e t\u00eb mbijetuarve asnj\u00ebher\u00eb t\u00eb pyetur p\u00ebr krajatat q\u00eb i kan\u00eb kalu.<\/span><\/p>\n

Me k\u00ebt\u00eb botim, Shk\u00eblzen Gashi nuk po ia v\u00eb pik\u00ebn k\u00ebtij projekti kolosal. Ai do t\u2019i akumuloj\u00eb t\u00eb gjitha t\u00eb ardhurat nga shitja e librit p\u00ebr ta kriju faqen e internetit me masakrat n\u00eb Kosov\u00eb. Faqja jo thjesht do t\u2019i katalogoj\u00eb masakrat e dokumentuara n\u00eb k\u00ebt\u00eb lib\u00ebr, por do t\u00eb mund\u00ebsoj\u00eb p\u00ebrdit\u00ebsime mbi ato m\u00eb pak t\u00eb ndri\u00e7uarat dhe mbi gjykimet e d\u00ebnimet e reja. Platforma e till\u00eb <\/span>online<\/span><\/i> do t\u00eb ofroj\u00eb nj\u00eb burim t\u00eb vazhduesh\u00ebm p\u00ebr kujtes\u00ebn publike \u2013 nj\u00eb vend ku emrat, historit\u00eb dhe e v\u00ebrteta e vuajtjeve t\u00eb viktimave do t\u00eb b\u00ebhen t\u00eb p\u00ebrjetsh\u00ebm dhe t\u00eb p\u00ebrbotsh\u00ebm.<\/span><\/p>","protected":false},"excerpt":{"rendered":"

v\u00ebshtrim mbi librin Masakrat n\u00eb Kosov\u00eb 1998-1999 t\u00eb autorit Shk\u00eblzen Gashi, botim i OJQ-ve Admovere dhe Integra Gjakov\u00eb, nata mes 1 dhe 2 prillit 1999: forcat speciale s\u00ebrbe, t\u00eb shoq\u00ebruara nga nj\u00ebsi policie, hyjn\u00eb me forc\u00eb n\u00eb sht\u00ebpin\u00eb e familjes Vejsa, n\u00ebn pretekstin e k\u00ebrkimit t\u00eb pjes\u00ebtar\u00ebve t\u00eb Ushtris\u00eb \u00c7lirimtare t\u00eb Kosov\u00ebs. Por burrat tashm\u00eb […]<\/p>","protected":false},"author":186,"featured_media":12784,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[14],"tags":[972,624,1218,971,1219],"ppma_author":[215],"class_list":["post-7931","post","type-post","status-publish","format-standard","has-post-thumbnail","hentry","category-kritike","tag-kosove","tag-kryesore","tag-masakrat-ne-kosove-1998-1999","tag-serbi","tag-shkelzen-gashi"],"authors":[{"term_id":215,"user_id":186,"is_guest":0,"slug":"gazmend-berlajolli","display_name":"Gazmend B\u00ebrlajolli","avatar_url":{"url":"https:\/\/sbunker.org\/wp-content\/uploads\/2024\/10\/download-2-11-e1727870699594.jpg","url2x":"https:\/\/sbunker.org\/wp-content\/uploads\/2024\/10\/download-2-11-e1727870699594.jpg"},"user_url":"","last_name":"B\u00ebrlajolli","first_name":"Gazmend","description":"Gazmend B\u00ebrlajolli \u00ebsht\u00eb i lindur n\u00eb Pej\u00eb. Studimet themelore p\u00ebr Gjuh\u00ebsi i ka mbaru n\u00eb UCL t\u00eb Londr\u00ebs, kurse studimet Master, po p\u00ebr Gjuh\u00ebsi, n\u00eb Universitetin e Prishtin\u00ebs. Punon si redaktor tekstesh, p\u00ebrkthyes dhe interpret i pavarur."}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/7931","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/186"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=7931"}],"version-history":[{"count":3,"href":"https:\/\/sbunker.org\/sr\/wp-json\/wp\/v2\/posts\/7931\/revisions"}],"predecessor-version":[{"id":7939,"href":"https:\/\/sbunker.org\/sr\/wp-json\/wp\/v2\/posts\/7931\/revisions\/7939"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/12784"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=7931"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=7931"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=7931"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=7931"}],"curies":[{"name":"wp","href":"https:\/\/api.w.org\/{rel}","templated":true}]}}