{"id":9974,"date":"2024-11-12T14:55:31","date_gmt":"2024-11-12T12:55:31","guid":{"rendered":"https:\/\/sbunker.org\/?p=9974"},"modified":"2025-09-24T17:37:08","modified_gmt":"2025-09-24T15:37:08","slug":"ngecja-katervjecare-e-qeverise-kurti-ne-politiken-e-jashtme","status":"publish","type":"post","link":"https:\/\/sbunker.org\/sr\/analize\/ngecja-katervjecare-e-qeverise-kurti-ne-politiken-e-jashtme\/","title":{"rendered":"Ngecja kat\u00ebrvje\u00e7are e Qeveris\u00eb Kurti n\u00eb politik\u00ebn e jashtme"},"content":{"rendered":"

Viti i par\u00eb<\/span><\/a> i Qeveris\u00eb Kurti sh\u00ebnoi nj\u00eb fillim t\u00eb v\u00ebshtir\u00eb n\u00eb politik\u00ebn e jashtme, e n\u00eb <\/span>vitin e dyt\u00eb<\/span><\/a> situata u p\u00ebrkeq\u00ebsua edhe m\u00eb tej, duke v\u00ebn\u00eb n\u00eb pah nevoj\u00ebn urgjente p\u00ebr rikalibrim. Q\u00eb nga <\/span>viti i tret\u00eb<\/span><\/a>, situata u p\u00ebrkeq\u00ebsua si rezultat i nj\u00eb ministreje t\u00eb Pun\u00ebve t\u00eb Jashtme t\u00eb pakualifikuar dhe lobist\u00ebve t\u00eb pap\u00ebrvoj\u00eb<\/span> t\u00eb ngarkuar me detyr\u00ebn e p\u00ebrfaq\u00ebsimit t\u00eb interesave t\u00eb Kosov\u00ebs jasht\u00eb vendit.<\/span><\/p>\n

Sjellja jodiplomatike ka qen\u00eb vazhdimisht nj\u00eb <\/span>modus operandi<\/span><\/i> n\u00ebn Qeverin\u00eb Kurti. Edhe pse u b\u00eb e para q\u00eb e p\u00ebrmbylli nj\u00eb mandat t\u00eb plot\u00eb kat\u00ebrvje\u00e7ar, kjo qeveri ka d\u00ebshtuar t\u00eb siguroj\u00eb ndonj\u00eb njohje t\u00eb re p\u00ebr shtetin, apo ndonj\u00eb an\u00ebtar\u00ebsim n\u00eb organizata t\u00eb r\u00ebnd\u00ebsishme nd\u00ebrkomb\u00ebtare. Pra, kjo ishte edhe qeveria m\u00eb jet\u00ebgjat\u00eb e Kosov\u00ebs, edhe e vetmja q\u00eb s\u2019ka arritur ndonj\u00eb p\u00ebrparim n\u00eb k\u00ebt\u00eb drejtim.<\/span><\/p>\n

P\u00ebr t\u00eb kat\u00ebrtin vit me radh\u00eb, sa i takon politik\u00ebs s\u00eb jashtme, Qeveria Kurti ka d\u00ebshtuar t\u2019i p\u00ebrmbush\u00eb pothuajse t\u00eb gjitha detyrat, duke shfaqur munges\u00eb t\u00eb dijes dhe strategjis\u00eb, k\u00ebsisoj duke e l\u00ebn\u00eb vendin n\u00eb nj\u00eb pozit\u00eb t\u00eb rrezikshme dhe m\u00eb t\u00eb izoluar se kurr\u00eb m\u00eb par\u00eb.<\/span><\/p>\n

Rastet e nepotizmit: angazhimi i miqve t\u00eb pap\u00ebrvoj\u00eb si lobist\u00eb<\/b><\/p>\n

Qeveria Kurti ka angazhuar disa lobist\u00eb p\u00ebr t\u00eb p\u00ebrmir\u00ebsuar marr\u00ebdh\u00ebniet me aleat\u00ebt kryesor\u00eb t\u00eb Kosov\u00ebs, si\u00e7 jan\u00eb: SHBA-ja dhe shtetet an\u00ebtare t\u00eb BE-s\u00eb. Megjith\u00ebk\u00ebt\u00eb, jan\u00eb ngritur shqet\u00ebsime rreth procesit t\u00eb p\u00ebrzgjedhjes s\u00eb lobist\u00ebve dhe kualifikimeve t\u00eb tyre.<\/span><\/p>\n

I ve\u00e7ant\u00eb \u00ebsht\u00eb rasti i Gani Jakupit, i cili <\/span>fitoi kontrat\u00eb<\/span><\/a> n\u00eb vler\u00eb prej 90,000 eurosh n\u00eb vit. M\u00ebnyra e angazhimit t\u00eb Jakupit l\u00eb t\u00eb kuptohet se procesi nuk ishte i hapur dhe konkurrues.<\/span><\/p>\n

M\u00eb 13 qershor 2023, Ministria e Pun\u00ebve t\u00eb Jashtme shpalli thirrjen p\u00ebr konsulent\u00eb p\u00ebr diplomaci publike dhe kulturore. Gjasht\u00eb dit\u00eb m\u00eb von\u00eb, m\u00eb 19 qershor, ministrja e Pun\u00ebve t\u00eb Jashtme, G\u00ebrvalla-Schwarz, ia delegoi Ambasad\u00ebs s\u00eb Kosov\u00ebs n\u00eb Bruksel p\u00ebrgjegj\u00ebsin\u00eb p\u00ebr angazhimin e Jakupit, i cili e n\u00ebnshkroi marr\u00ebveshjen t\u00eb nes\u00ebrmen. Afati i shpejt\u00eb kohor me t\u00eb cilin u p\u00ebrmbyll procesi l\u00eb t\u00eb kuptohet se Jakupi mund t\u00eb jet\u00eb p\u00ebrzgjedhur p\u00ebrpara se t\u00eb fillonte procesi formal.<\/span><\/p>\n

Duke tentuar ta mbroj\u00eb veten, ministrja G\u00ebrvalla-Schwarz ka b\u00ebr\u00eb <\/span>deklarata mashtruese<\/span><\/a> rreth kontrat\u00ebs, duke n\u00ebnkuptuar se roli i Jakupit p\u00ebrfshin sigurimin e njohjeve t\u00eb reja p\u00ebr Kosov\u00ebn, p\u00ebrgjegj\u00ebsi kjo q\u00eb nuk \u00ebsht\u00eb p\u00ebrmendur n\u00eb kontrat\u00eb. Kontrata tregon se puna e Jakupit do t\u00eb fokusohej n\u00eb shtetet e Beneluksit dhe Franc\u00eb, t\u00eb cilat ve\u00e7se e kan\u00eb njohur Kosov\u00ebn.<\/span><\/p>\n

P\u00ebr m\u00eb shum\u00eb, ajo deklaroi rrejsh\u00ebm se pagesa ishte bazuar n\u00eb projekt, e jo n\u00eb pag\u00eb t\u00eb rregullt. Megjithat\u00eb, kontrata tregon se Jakupi i ka pranuar t\u00eb ardhurat si \u201ckonsulent i jasht\u00ebm\u201d. Nj\u00eb dokument i publikuar nga <\/span>Gazeta Express<\/span><\/a> tregon se shpenzimet e tjera t\u00eb Jakupit, si\u00e7 jan\u00eb: udh\u00ebtimi, ushqimi dhe akomodimi, jan\u00eb mbuluar si shpenzim shtes\u00eb.<\/span><\/p>\n

N\u00eb SHBA, Qeveria Kurti n\u00ebnshkroi dy kontrata t\u00eb majme me dy kompani t\u00eb themeluara rishtazi e pa ndonj\u00eb kontrat\u00eb paraprake t\u00eb lobimit t\u00eb regjistruar sipas Ligjit p\u00ebr Regjistrimin e Agjent\u00ebve t\u00eb Huaj (FARA) t\u00eb Departamentit t\u00eb Drejt\u00ebsis\u00eb t\u00eb SHBA-s\u00eb.<\/span><\/p>\n

Kompanit\u00eb n\u00eb fjal\u00eb jan\u00eb <\/span>Af\u00ebrdita Rakipi Communications <\/span><\/i>dhe <\/span>Ambal<\/span><\/i>, kjo e fundit e p\u00ebrfaq\u00ebsuar nga Avni Mustafaj. Sipas kontratave, t\u00eb dy k\u00ebto kompani kan\u00eb pranuar ve\u00e7mas 147,000 euro p\u00ebr nj\u00eb vit p\u00ebr pun\u00ebn e tyre. N\u00eb fillim, Qeveria tentoi q\u00eb k\u00ebto <\/span>kontrata t\u2019i mbante t\u00eb fshehura nga publiku<\/span><\/a>, por ato u b\u00ebn\u00eb publike nga FARA n\u00eb SHBA.<\/span><\/p>\n

Asnj\u00ebra nga kompanit\u00eb nuk kan\u00eb uebsajt (faqe interneti) dhe nuk dihet se sa t\u00eb pun\u00ebsuar kan\u00eb. P\u00ebrve\u00e7 k\u00ebsaj, nuk kan\u00eb p\u00ebrvoj\u00eb paraprake n\u00eb lobim, gj\u00eb q\u00eb nuk e arsyeton shum\u00ebn kaq t\u00eb majme t\u00eb kontratave p\u00ebr k\u00ebto \u201ckompani\u201d, t\u00eb cilat udh\u00ebhiqen me nga nj\u00eb person. Megjithat\u00eb, em\u00ebruesi i p\u00ebrbashk\u00ebt i tyre \u00ebsht\u00eb se t\u00eb dyja kompanit\u00eb kan\u00eb <\/span>lidhje t\u00eb ngushta<\/span><\/a> me Qeverin\u00eb Kurti.<\/span><\/p>\n

Megjith\u00ebse k\u00ebto kompani jan\u00eb angazhuar p\u00ebr aktivitete t\u00eb lobimit n\u00eb SHBA, nj\u00eb raport i publikuar s\u00eb fundmi nga <\/span>Radio Europa e Lir\u00eb<\/span><\/a> tregon se, n\u00eb gjasht\u00eb muajt e par\u00eb, shumica e shpenzimeve jan\u00eb b\u00ebr\u00eb n\u00eb Kosov\u00eb dhe ishin p\u00ebr bileta t\u00eb fluturimit. Kjo ngre pyetje serioze rreth efikasitetit dhe legjitimitetit t\u00eb pun\u00ebs s\u00eb tyre, sikurse edhe rreth keqp\u00ebrdorimit t\u00eb mundsh\u00ebm t\u00eb fondeve publike.<\/span><\/p>\n

Qeveria Kurti, e cila ve\u00e7se \u00ebsht\u00eb e mang\u00ebt n\u00eb sfer\u00ebn e politik\u00ebs s\u00eb jashtme, e ka r\u00ebnduar edhe m\u00eb tutje situat\u00ebn me angazhimin e lobist\u00ebve t\u00eb pap\u00ebrvoj\u00eb. Kjo qasje rrezikon ta minoj\u00eb suksesin n\u00eb diplomaci, si\u00e7 u d\u00ebshmua me tendosjen e paprecedent\u00eb t\u00eb marr\u00ebdh\u00ebnieve midis Kosov\u00ebs dhe aleat\u00ebve t\u00eb saj.<\/span><\/p>\n

Marr\u00ebdh\u00ebniet me aleat\u00ebt kryesor\u00eb kan\u00eb prekur pik\u00ebn m\u00eb t\u00eb ul\u00ebt<\/b><\/p>\n

P\u00ebrtej sfid\u00ebs s\u00eb vazhdueshme me shtetet mosnjoh\u00ebse, tani Kosova po ballafaqohet me p\u00ebrkeq\u00ebsim t\u00eb theksuar t\u00eb marr\u00ebdh\u00ebnieve me aleat\u00ebt kryesor\u00eb, duke k\u00ebrc\u00ebnuar pozicionin diplomatik dhe stabilitetin afatgjat\u00eb.<\/span><\/p>\n

Kosova mbetet shteti i vet\u00ebm n\u00eb Ballkanin Per\u00ebndimor q\u00eb nuk ka pranuar statusin e kandidatit p\u00ebr BE dhe i vetmi shtet i rajonit q\u00eb ka sanksione nga BE-ja.<\/span><\/p>\n

N\u00eb an\u00ebn tjet\u00ebr t\u00eb Atlantikut, marr\u00ebdh\u00ebniet bilaterale t\u00eb Kosov\u00ebs me aleatin kryesor, SHBA-n\u00eb, kan\u00eb prekur pik\u00ebn m\u00eb t\u00eb ul\u00ebt ndonj\u00ebher\u00eb. Administrata e SHBA-s\u00eb ka ngritur shqet\u00ebsime rreth <\/span>cil\u00ebsis\u00eb s\u00eb partneritetit t\u00eb saj<\/span><\/a> me Qeverin\u00eb e Kosov\u00ebs, situat\u00eb kjo e pad\u00ebgjuar m\u00eb par\u00eb n\u00eb Kosov\u00eb.<\/span><\/p>\n

Kryeministri Kurti \u2013 me <\/span>etiketimin<\/span><\/a> e p\u00ebrfaq\u00ebsuesit t\u00eb posa\u00e7\u00ebm, Miroslav Laj\u00e7ak, si t\u00eb nj\u00ebansh\u00ebm n\u00eb krah t\u00eb Serbis\u00eb, si dhe me <\/span>karakterizimin<\/span><\/a> si naiv t\u00eb Sekretarit t\u00eb SHBA-s\u00eb, Antony Blinken \u2013 i ka minuar parimet themelore t\u00eb diplomacis\u00eb.<\/span><\/p>\n

P\u00ebr m\u00eb shum\u00eb, ka pretendime se Qeveria Kurti ka p\u00ebrdorur mjete t\u00eb ndryshme p\u00ebr t\u00eb shp\u00ebrndar\u00eb dezinformata p\u00ebr t\u00eb sulmuar karakterin e diplomat\u00ebve nd\u00ebrkomb\u00ebtar\u00eb. P\u00ebr shembull, nj\u00eb gazetar jo i besuesh\u00ebm <\/span>e publikoi nj\u00eb artikull<\/span><\/a> ku pretendonte se ish-p\u00ebrfaq\u00ebsuesi i posa\u00e7\u00ebm i SHBA-s\u00eb, Gabriel Escobar, ishte pushuar nga pozita e tij.<\/span><\/p>\n

Escobari u p\u00ebrgjigj dhe deklaroi se thashethemet rreth shkarkimit t\u00eb tij kishin qarkulluar menj\u00ebher\u00eb pas <\/span>komunikimit t\u00eb tij me Qeverin\u00eb e Kosov\u00ebs<\/span><\/a>, p\u00ebr sa i takon mbarimit t\u00eb mandatit t\u00eb tij dhe kalimit n\u00eb nj\u00eb rol t\u00eb ri, duke aluduar se informata mund t\u00eb ket\u00eb rrjedhur nga aty.<\/span><\/p>\n

Kjo qasje joetike dhe jodiplomatike e ka izoluar gjithnj\u00eb e m\u00eb shum\u00eb kryeministrin Kurti, i ka shtyr\u00eb udh\u00ebheq\u00ebsit bot\u00ebror\u00eb t\u2019i shmangin takimet me t\u00eb, duke rezultuar me munges\u00eb t\u00eb takimeve bilaterale mes Kosov\u00ebs dhe shteteve per\u00ebndimore.<\/span><\/p>\n

\"\"<\/p>\n

S\u2019ka njohje t\u00eb reja dhe an\u00ebtar\u00ebsim n\u00eb organizata nd\u00ebrkomb\u00ebtare<\/b><\/p>\n

P\u00ebrgjat\u00eb kat\u00ebr vjet\u00ebve t\u00eb kaluar, Kosova nuk e ka fituar asnj\u00eb njohje t\u00eb re. Kjo s\u2019duket t\u00eb jet\u00eb prioritet p\u00ebr ministren e Pun\u00ebve t\u00eb Jashtme, Donika G\u00ebrvalla-Shchwarz, e cila tha se njohjet nuk jan\u00eb <\/span>mat\u00ebs i suksesit n\u00eb politik\u00ebn e jashtme<\/span><\/a>.<\/span><\/p>\n

Ngjash\u00ebm, Qeveria Kurti ka d\u00ebshtuar t\u00eb siguroj\u00eb an\u00ebtar\u00ebsim n\u00eb ndonj\u00eb organizat\u00eb t\u00eb r\u00ebnd\u00ebsishme nd\u00ebrkomb\u00ebtare. Kosova nuk arriti as t\u00eb an\u00ebtar\u00ebsohej n\u00eb Kart\u00ebn e Adriatikut, nj\u00eb asociacion i shteteve t\u00eb Ballkanit Per\u00ebndimor dhe SHBA-s\u00eb, q\u00eb ka p\u00ebr q\u00ebllim mb\u00ebshtetjen gjat\u00eb integrimit n\u00eb NATO. Kjo \u00ebsht\u00eb posa\u00e7\u00ebrisht e r\u00ebnd\u00ebsishme, sepse an\u00ebtar\u00ebsimi n\u00eb Kart\u00ebn e Adriatikut ishte <\/span>premtim i ve\u00e7ant\u00eb i k\u00ebsaj qeverie<\/span><\/a> n\u00eb vitin 2021.<\/span><\/p>\n

Kosova, jo vet\u00ebm q\u00eb d\u00ebshtoi t\u00eb an\u00ebtar\u00ebsohej n\u00eb ndonj\u00eb organizat\u00eb nd\u00ebrkomb\u00ebtare, por gjithashtu <\/span>rrezikoi p\u00ebrjashtimin<\/span><\/a> nga Marr\u00ebveshja e Europ\u00ebs Qendrore p\u00ebr Tregti t\u00eb Lir\u00eb (CEFTA) dhe Procesi i Berlinit, p\u00ebr ndalimin e mallrave t\u00eb importuara nga Serbia, n\u00eb qershor t\u00eb vitit 2023, nj\u00eb shkelje kjo edhe e udh\u00ebzimeve t\u00eb CEFTA-s, edhe e Marr\u00ebveshjes s\u00eb Kosov\u00ebs p\u00ebr Stabilizim-Asociim. Qeveria e Kosov\u00ebs <\/span>e hoqi pjes\u00ebrisht ndales\u00ebn<\/span><\/a> ndaj mallrave serbe, m\u00eb 8 tetor 2024, n\u00eb vet\u00ebm nj\u00eb pik\u00ebkalim kufitar.<\/span><\/p>\n

Sidoqoft\u00eb, pavar\u00ebsisht nivelit t\u00eb ul\u00ebt t\u00eb udh\u00ebheqjes, Kosova kishte mund\u00ebsi solide t\u00eb b\u00ebhej an\u00ebtare e K\u00ebshillit t\u00eb Europ\u00ebs (KiE), organizata m\u00eb e madhe nd\u00ebrqeveritare e fokusuar n\u00eb promovimin e t\u00eb drejtave t\u00eb njeriut, demokracis\u00eb dhe sundimit t\u00eb ligjit n\u00eb Europ\u00eb.<\/span><\/p>\n

Megjithat\u00eb, Franca, Gjermania dhe Italia nd\u00ebrhyn\u00eb dhe n\u00ebp\u00ebrmjet nj\u00eb letre t\u00eb p\u00ebrbashk\u00ebt k\u00ebrkuan q\u00eb Kosova t\u2019i zbatoj\u00eb vendimet e Gjykat\u00ebs s\u00eb saj Kushtetuese, e t\u00eb nd\u00ebrmarr\u00eb hapa t\u00eb r\u00ebnd\u00ebsish\u00ebm drejt themelimit t\u00eb Asociacionit\/Bashk\u00ebsis\u00eb s\u00eb Komunave me Shumic\u00eb Serbe (AKS). Ato <\/span>n\u00ebnvizuan<\/span><\/a> se veprimi konkret q\u00eb duhet t\u00eb nd\u00ebrmerret \u00ebsht\u00eb dor\u00ebzimi i draft-statutit t\u00eb BE-s\u00eb p\u00ebr AKS-n\u00eb.<\/span><\/p>\n

Sidoqoft\u00eb, Qeveria e Kosov\u00ebs nuk e mori seriozisht k\u00ebt\u00eb k\u00ebrkes\u00eb. M\u00eb 17 maj 2024, n\u00eb nj\u00eb p\u00ebrpjekje t\u00eb minut\u00ebs s\u00eb fundit p\u00ebr t\u2019i bindur aleat\u00ebt p\u00ebr ta p\u00ebrfshir\u00eb aplikimin e Kosov\u00ebs n\u00eb Asamblen\u00eb e P\u00ebrgjithshme t\u00eb KiE-s\u00eb, G\u00ebrvalla-Schwarz <\/span>i d\u00ebrgoi let\u00ebr<\/span><\/a> Presidentit t\u00eb Asambles\u00eb s\u00eb P\u00ebrgjithshme, ku i b\u00ebri thirrje p\u00ebr ta rishqyrtuar vendosjen e Kosov\u00ebs n\u00eb agjend\u00eb t\u00eb Asambles\u00eb s\u00eb P\u00ebrgjithshme, me premtimin se Kosova, deri n\u00eb fund t\u00eb majit 2024, do ta d\u00ebrgoj\u00eb nj\u00eb draft-statut p\u00ebr shqyrtim n\u00eb Gjykat\u00ebn Kushtetuese.<\/span><\/p>\n

Kur m\u00ebsoi se Kosova nuk ia doli t\u00eb jet\u00eb pjes\u00eb e agjend\u00ebs, G\u00ebrvalla-Schwarz deklaroi se letra q\u00eb ia kishte d\u00ebrguar Presidentit t\u00eb Asambles\u00eb s\u00eb P\u00ebrgjithshme t\u00eb KiE-s\u00eb e kishte <\/span>humbur relevanc\u00ebn e saj<\/span><\/a>. Kjo d\u00ebshmon munges\u00eb t\u00eb vizionit n\u00eb politik\u00ebn e jashtme.\u00a0<\/span><\/p>\n

Nd\u00ebrhyrja n\u00eb zgjedhjet e huaja\u00a0<\/b><\/p>\n

Kryeministri Kurti vazhdimisht ka nd\u00ebrhyr\u00eb n\u00eb zgjedhjet e huaja. N\u00eb Serbi, Kurti e ka mb\u00ebshtetur kandidatur\u00ebn e <\/span>Ardita Sinanit<\/span><\/a>, e cila m\u00eb par\u00eb kishte sh\u00ebrbyer si k\u00ebshilltare n\u00eb kabinetin e tij, p\u00ebr kryetare t\u00eb komun\u00ebs me shumic\u00eb shqiptare n\u00eb Serbi, Preshev\u00ebs, ku ajo i fitoi zgjedhjet.\u00a0<\/span><\/p>\n

P\u00ebr m\u00eb tep\u00ebr, ai nd\u00ebrhyri n\u00eb zgjedhjet e fundit parlamentare dhe presidenciale n\u00eb Maqedonin\u00eb e Veriut, ku e mb\u00ebshteti koalicionin VLEN, Aleanc\u00ebn p\u00ebr Shqiptar\u00ebt t\u00eb udh\u00ebhequr nga Arben Taravari, i cili ishte <\/span>pritur<\/span><\/a> nga kryeministri Kurti n\u00eb zyr\u00ebn e tij, si p\u00ebrpjekje p\u00ebr ta p\u00ebrkrahur fushat\u00ebn e tij elektorale.<\/span>
\n<\/span><\/p>\n

Kjo qasje \u00ebsht\u00eb problematike n\u00eb kat\u00ebr aspekte. S\u00eb pari, mb\u00ebshtetja e nj\u00eb partie politike, koalicioni, ose kandidati, anashkalon parimet themelore t\u00eb diplomacis\u00eb dhe minon sovranitetin e shteteve t\u00eb tjera. Kur kryeministri Kurti b\u00ebn thirrje q\u00eb t\u00eb mb\u00ebshtetet nj\u00eb parti specifike, koalicion, ose kandidat, ai e b\u00ebn k\u00ebt\u00eb n\u00eb cil\u00ebsin\u00eb e kryeministrit, e jo vet\u00ebm t\u00eb udh\u00ebheq\u00ebsit t\u00eb partis\u00eb s\u00eb tij, Vet\u00ebvendosje. Nd\u00ebrhyrja mund t\u2019i d\u00ebmtoj\u00eb r\u00ebnd\u00eb marr\u00ebdh\u00ebniet bilaterale me k\u00ebto shtete.\u00a0<\/span><\/p>\n

S\u00eb dyti, me Kushtetut\u00eb, Kosova definohet si shtet multietnik, e jo shtet-komb. Prandaj, me rreshtimin p\u00ebrkrah nj\u00eb grupi t\u00eb caktuar etnik n\u00eb shtetet fqinje, Kurti duket se po i shp\u00ebrfill parimet themelore t\u00eb Kushtetut\u00ebs s\u00eb Kosov\u00ebs.\u00a0<\/span><\/p>\n

S\u00eb treti, me k\u00ebshillimin e minoritetit shqiptar n\u00eb Ballkanin Per\u00ebndimor se cili kandidat, parti, ose koalicion \u00ebsht\u00eb m\u00eb i mir\u00eb p\u00ebr ta, rrezikon ta rris\u00eb polarizimin brenda komunitetit shqiptar, i cili nuk \u00ebsht\u00eb monolitik n\u00eb preferencat e tij politike.\u00a0<\/span><\/p>\n

Gjithashtu, n\u00eb t\u00eb shkuar\u00ebn, Kurti kishte ftuar komunitetin shqiptar n\u00eb Shtetet e Bashkuara <\/span>p\u00ebr ta mb\u00ebshtetur kandidatur\u00ebn e Joe Bidenit<\/span><\/a> n\u00eb zgjedhjet presidenciale. S\u00eb fundmi, Kurti <\/span>ka nxitur diaspor\u00ebn e Kosov\u00ebs n\u00eb BE<\/span><\/a> p\u00ebr t\u2019i mb\u00ebshtetur socialdemokrat\u00ebt. Kjo l\u00ebvizje \u00ebsht\u00eb gabim strategjik, marr\u00eb parasysh <\/span>rritjen e r\u00ebnd\u00ebsishme<\/span><\/a> t\u00eb partive t\u00eb djathta dhe t\u00eb ekstremit t\u00eb djatht\u00eb n\u00eb zgjedhjet e fundit n\u00eb BE, si dhe fitoren e Donald Trumpit n\u00eb zgjedhjet presidenciale t\u00eb SHBA-s\u00eb.\u00a0<\/span><\/p>\n

Kjo munges\u00eb e vizionit n\u00eb politik\u00ebn e jashtme tregon se kryeministri Kurti e sheh bot\u00ebn n\u00eb nj\u00eb m\u00ebnyr\u00eb binare (t\u00eb ndar\u00eb n\u00eb dy blloqe) dhe nuk e ka ndier t\u00eb nevojshme t\u2019i shfryt\u00ebzoj\u00eb mund\u00ebsit\u00eb p\u00ebr p\u00ebrparim t\u00eb mundsh\u00ebm, ose t\u2019i krijoj\u00eb disa baza me partit\u00eb e s\u00eb djatht\u00ebs p\u00ebrpara ndryshimeve t\u00eb pashmangshme n\u00eb zgjedhjet n\u00eb Europ\u00eb dhe n\u00eb SHBA.\u00a0\u00a0\u00a0<\/span><\/p>\n

Qeveria Kurti ka shp\u00ebrfaqur munges\u00eb t\u00eb dijes, p\u00ebrvoj\u00ebs dhe profesionalizmit q\u00eb nevojitet p\u00ebr zhvillimin e nj\u00eb strategjie koherente p\u00ebr politik\u00ebn e jashtme t\u00eb Kosov\u00ebs. Kjo ka rezultuar me gafa diplomatike, shoq\u00ebruar me p\u00ebrkeq\u00ebsimin e marr\u00ebdh\u00ebnieve me aleat\u00ebt kryesor\u00eb, duke e d\u00ebmtuar r\u00ebnd\u00eb interesin shtet\u00ebror t\u00eb Kosov\u00ebs dhe duke penguar p\u00ebrpjekjet p\u00ebr rritjen e legjitimitetit dhe pranis\u00eb nd\u00ebrkomb\u00ebtare t\u00eb saj.<\/span><\/p>","protected":false},"excerpt":{"rendered":"

Viti i par\u00eb i Qeveris\u00eb Kurti sh\u00ebnoi nj\u00eb fillim t\u00eb v\u00ebshtir\u00eb n\u00eb politik\u00ebn e jashtme, e n\u00eb vitin e dyt\u00eb situata u p\u00ebrkeq\u00ebsua edhe m\u00eb tej, duke v\u00ebn\u00eb n\u00eb pah nevoj\u00ebn urgjente p\u00ebr rikalibrim. Q\u00eb nga viti i tret\u00eb, situata u p\u00ebrkeq\u00ebsua si rezultat i nj\u00eb ministreje t\u00eb Pun\u00ebve t\u00eb Jashtme t\u00eb pakualifikuar dhe lobist\u00ebve […]<\/p>","protected":false},"author":4,"featured_media":9985,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[972,624,1091,998,996],"ppma_author":[20],"class_list":["post-9974","post","type-post","status-publish","format-standard","has-post-thumbnail","hentry","category-analize","tag-kosove","tag-kryesore","tag-kurti","tag-politike","tag-qeveria-kurti"],"authors":[{"term_id":20,"user_id":4,"is_guest":0,"slug":"visar","display_name":"Visar Xhambazi","avatar_url":{"url":"https:\/\/sbunker.org\/wp-content\/uploads\/2023\/10\/Visar-Xhambazi_Headshot-scaled-1-e1778848717235.jpg","url2x":"https:\/\/sbunker.org\/wp-content\/uploads\/2023\/10\/Visar-Xhambazi_Headshot-scaled-1-e1778848717235.jpg"},"user_url":"","last_name":"Xhambazi","first_name":"Visar","description":""}],"_links":{"self":[{"href":"https:\/\/sbunker.org\/sr\/wp-json\/wp\/v2\/posts\/9974","targetHints":{"allow":["GET"]}}],"collection":[{"href":"https:\/\/sbunker.org\/sr\/wp-json\/wp\/v2\/posts"}],"about":[{"href":"https:\/\/sbunker.org\/sr\/wp-json\/wp\/v2\/types\/post"}],"author":[{"embeddable":true,"href":"https:\/\/sbunker.org\/sr\/wp-json\/wp\/v2\/users\/4"}],"replies":[{"embeddable":true,"href":"https:\/\/sbunker.org\/sr\/wp-json\/wp\/v2\/comments?post=9974"}],"version-history":[{"count":6,"href":"https:\/\/sbunker.org\/sr\/wp-json\/wp\/v2\/posts\/9974\/revisions"}],"predecessor-version":[{"id":13192,"href":"https:\/\/sbunker.org\/sr\/wp-json\/wp\/v2\/posts\/9974\/revisions\/13192"}],"wp:featuredmedia":[{"embeddable":true,"href":"https:\/\/sbunker.org\/sr\/wp-json\/wp\/v2\/media\/9985"}],"wp:attachment":[{"href":"https:\/\/sbunker.org\/sr\/wp-json\/wp\/v2\/media?parent=9974"}],"wp:term":[{"taxonomy":"category","embeddable":true,"href":"https:\/\/sbunker.org\/sr\/wp-json\/wp\/v2\/categories?post=9974"},{"taxonomy":"post_tag","embeddable":true,"href":"https:\/\/sbunker.org\/sr\/wp-json\/wp\/v2\/tags?post=9974"},{"taxonomy":"author","embeddable":true,"href":"https:\/\/sbunker.org\/sr\/wp-json\/wp\/v2\/ppma_author?post=9974"}],"curies":[{"name":"wp","href":"https:\/\/api.w.org\/{rel}","templated":true}]}}