Të ndërmarrësh veprime në bazë të informacionit të gabuar mund të vrasë. Sipas disa studimeve, në 3 muajt e parë të vitit 2020, pothuajse 6.000 njerëz në të gjithë botën ishin shtruar në spitale për shkak të dezinformatave në lidhje me koronavirusin. Gjatë kësaj periudhe, besohet se të paktën 800 njerëz mund të kenë vdekur për shkak të dezinformatave në lidhje me KOVID-19.
Numri i madh i informacioneneve – disa të sakta, disa të pasakta – që përhapen me një ritëm jashtëzakonisht të shpejtë, shumë lehtë mund të kenë një rezultat tragjik. Organizata Botërore e Shëndetësisë këtë fenomen e ka quajtur “Infodemi”. Informacioni i rremë është i shumëllojshëm. Që nga ditët e para të pandemisë, shumica e këtyre informacioneve kanë vënë në dyshim ashpërsinë dhe seriozitetin e KOVID-19. Ata gjithashtu dyshuan në efektivitetin e mbajtjes së maskave dhe rekomanduan barna dhe trajtime pa mbështetje shkencore dhe mjekësore. Ata gjithashtu diskreditojnë edhe efektivitetin e vaksinave, duke deklaruar se ato mund të ndryshojnë ADN-në e njeriut.
Dezinformatat krijojnë terren pjellor për pasiguri. Pasiguria, nga ana tjetër, nxit skepticizmin dhe mosbesimin ndaj institucioneve dhe mediave. Në këtë mënyrë krijohet një mjedis i dominuar nga frika, ankthi, agresioni, drejtimi i gishtit të fajit dhe nga hedhja poshtë e masave të provuara për mbrojtjen e shëndetit publik.
E gjithë kjo, në fund të fundit, çon në humbjen e jetës së njerëzve.
Në “Histori nga rajoni #5” do të zbulojmë se si vendet e Ballkanit u përballën (dhe po përballen) me të ashtuquajturën “Infodemi”. Lajmet e rreme nuk njohin kufij. Përmes përvojave të tyre, ne mund të mësojmë se si të mbrohemi nga epidemia e dezinformatave.
Ky blog është publikuar në kuadër të iniciativës „Tales from the Region”“ që e zbaton Res publica në bashkëpunim me Sbunker (Kosovë), Analiziraj.ba (BH), Ne davimo Beograd (Serbi), Makropolis (Greqi) PCNEN), (Mali i Zi) dhe Lupiga (Kroaci).
Iniciativën „Tales from the Region”as a “ e realizon Instituti për Studime të Komunikimit në kuadër të projektit „Bashko pikat: politika të përmirësuara përmes pjesëmarrjes qytetareas a “, zbatuar nga Instituti për Studime të Komunikimit (ISK), me mbështetje të Ambasadës Britanike në Shkup.
