Më 16 maj, 2024, në Bibliotekën Kombëtare të Kosovës, “Pjetër Bogdani” u hap ekspozita, “Artistë dhe Refugjatë”, në kuadër të projektit që bashkoi shtatë artistë nga Kosova, Maqedonia e Veriut dhe Ukraina, të cilët në mars udhëtuan në Rumani për t’i dëgjuar historitë e refugjatëve ukrainas.
“Artistë dhe refugjatë” është një udhëtim emocional përtej kufijve, duke transformuar historitë e thella të refugjatëve ukrainas në vepra arti. Veprat e ekspozuara përfshijnë nga format e qarta skulpturore e pikturat në teknika dhe qasje të ndryshme, e deri tek monodrama me pyetjen “Kush e do tokën time”.
Projekti është një përpjekje e përbashkët nga Sbunker (Kosovë), Qendra për Art Bashkëkohor (Maqedonia e Veriut) dhe Rrjeti i Integrimit të Grave (Rumani), me mbështetjen e Programit të Aktivizmit Dixhital TechSoup.
Ekspozita do të jetë e hapur për vizitorë deri më 22 maj, 2024.
