Sbunker mori pjesë në “Programin e Vizitave Kosovë-Serbi”, organizuar nga Heartefact Fund në Beograd dhe mbështetur nga National Endowment for Democracy.
Gjatë vizitës, diskutuam me individë dhe organizata të ndryshme në Beograd dhe NoviSad, të përkushtuar ndaj promovimit të paqes, lirisë dhe demokracisë. 
Rrugëtimi filloi në Beograd me “Peščanik – Ako vam je dobro, onda ništa“, ku Sbunker shqyrtoi mundësinë e shkëmbimit të artikujve dhe ripublikimit të tyre në gjuhën serbe dhe shqipe.
Pas kësaj, Sbunker u takua me YIHR Srbija, zyrën në Serbi, për t’i adresuar sfidat e paraqitura nga ngritja e ekstremizmit të djathtë dhe nacionalizmit.
Të nesërmen, diskutimet filluan me “Forum Civil Peace Service – Serbia“, të cilat u përqendruan në zvogëlimin e hapësirës së shoqërisë civile në Serbi dhe Ballkanin Perëndimor.
Më pas, Sbunker u takua me CRTA, për të folur rreth sfidave ndaj lirisë së medias dhe demokracisë.
Sbunker gjithashtu mbajti takim me “European Policy Centre/Centar za evropske politike – CEP” mbi strategjitë për të fuqizuar shoqërinë civile dhe institucionet demokratike, duke identifikuar fusha të mundshme për bashkëpunim në të ardhmen.
Itinerari në Beograd përfundoi me “Grupa 484”, që u fokusua në mbrojtjen e të drejtave të pakicave dhe mbështetjen e refugjatëve.
Rrugëtimi vazhdoi në Novi Sad, me ç’rast Sbunker u takua me “Youth Center CK13 – Crna kuća” dhe mësoi më shumë rreth përpjekjeve të tyre për ta avancuar barazinë shoqërore.
Dita vazhdoi me diskutime të mëtejshme me “NDNV, Independent Journalists’ Association of Vojvodina and Autonomija”, të cilat u fokusuan në rëndësinë e lirisë së medias dhe respektimin e standardeve etike në gazetari.
Vizita përfundoi me vizitën e Sbunkerit në “Novi Sad School for Journalism – Novosadska novinarska škola”, duke përfshirë diskutime mbi luftimin e dezinformimit.
Falënderime të përzemërta për Heartefact Fund & National Endowement for Democracy për mbështetjen e tyre në organizimin e kësaj përvoje të jashtëzakonshme!
