Adea Batusha ka përfunduar studimet Bachelor në Universitetin e Prishtinës për Filozofi, dhe tani po vazhdon studimet Master në Universitetin e Uppsalës për Sociologji të Arsimit. Si aktiviste politike ka qenë aktive nga viti 2010, së pari në Lëvizjen VETËVENDOSJE! dhe më pas në Partinë Socialdemokrate ku është përqëndruar në forumin per politika, specifikisht në departamentin e arsimit.

Akri Çipa është konsulent dhe ekspert i politikës së jashtme. Çipa ka mbaruar studimet Master në Columbia University, New York, dhe është aktiv me analiza në fushën e marrëdhënieve ndërkombëtare, çështjeve të sigurisë, demokratizimit dhe proceseve integruese. Shkrimet e tij janë publikuar në The National Interest, Euractiv, Jerusalem Post, Balkan Insight, Brussels Times dhe të tjera.

Armend Bekaj është Ligjërues në Departamentin për Kërkime të Paqes dhe Konfliktit në Universitetin e Uppsala-s, Suedi. Ka punuar për një sërë organizatash ndërkombëtare, përfshirë International IDEA në Suedi. Ka të kryer doktoratën në shkenca politike në Universitetin e Sheffield, Britani të Madhe.

Agon Maliqi është studiues, analist dhe aktivist i shoqërisë civile nga Prishtina, me banim në Tiranë. Prej disa vitesh ai punon si këshillëtar dhe studies i pavarur i çështjeve të sigurisë, paqes dhe demokracisë në Ballkanin Perëndimor për një mori institutesh, organizatash dhe mediash vendase dhe ndërkombëëtare. Si aktivist i shoqërisë civile të Kosovës për thuajse 20 vite, zt. Maliqi mes tjerash ka qenë bashkëthemelues dhe drejtues per disa vite i platformës sbunker. Në vitin 2019 ai qëndroi për gjysmë viti në Uashington D.C si përfitues i Reagan-Fascell Democracy Felloëship në Fondin Kombëtar të Demokracisë (NED) në SHBA. Sot ai është pjesë e Grupit Strategjik për Ballkanin Perëndimor të Fondacionit Heinrich Böll (HBS) me bazë në Berlin; pjesë e Task Forcës rajonale të Ballkanit Perëndimor të Institutit Republikan Ndërkombëtar (IRI) dhe anëtar i Koalicionit Ndërkombëtar për Ripërtëritje Demokratike (ICDR) të Forumit 2000 në Pragë. Zt. Maliqi ka mbaruar studimet master për politikat e zhvillimit ndërkombëtar në Duke University (SHBA) dhe ato bachelor për shkenca politike dhe marrëdhënie ndërkombëtare në Universitetin Amerikan në Bullgari.

Arbër Fetahu është i diplomuar MA në Studime Globale/Ndërkombëtare në Universitetin Shtetëror të Missourit, SHBA si pjesë e Programit të Udhëheqjes Transformuese të USAID-it. Studimet BA për shkenca politike i ka përfunduar në Universitetin e Prishtinës. Ka punuar si Hulumtues në Grupin për Studime Juridike dhe Politike – GLPS.Puna e tij ka qenë e fokusuar kryesisht në politikën e jashtme, dialogun ndërmjet Kosovës dhe Serbisë, integrimin evropian dhe qeverisjen. Arbëri është autor i një sërë analizave dhe ka bashkëpunuar me think-tank europianë si European Council on Foreign Relations – ECFR, Aspen Institute në Gjermani dhe Clingendael në Holandë. Aktualisht punon si Koordinator i Granteve në Fondacionin Kosovar për Shoqëri Civile – KCSF.

Artan Mustafa është hulumtues dhe ligjërues në fushën e politikës sociale. Ka studiuar shkencë politike dhe zhvillim të qëndrueshëm në Universitetin e Vjenës, Universitetin Uppsala dhe Universitetin e Prishtinës, si dhe ka pasur qëndrime në Universitetin e Missouri-t, të Tokios dhe të Oslos. Ka punuar në gazetari që nga viti 2001 dhe ka qenë kryeredaktor i Gazetës Jeta në Kosovë (2011-2013).

Alfred Marleku ka përfunduar studimet bachelor, master dhe ato të doktoratës në shkenca politike. Aktualisht është ligjërues në Kolegjin “UBT”, Fakultetin e Shkencave Politike. Për shumë vjet ka punuar si menaxher i projekteve të ndryshme të financuara nga Komisioni Evropian, USAID-i, Ambasada Amerikane etj., të cilat fokusohen, kryesisht, në reformat e arsimit të lartë në Kosovë, veçanërisht në kërkim dhe zhvillim (R&D); kthimin e trurit; zhvillimin e plan-programeve në harmoni me nevojat e tregut etj. Përveç kësaj, për një kohë ka qenë i angazhuar edhe në sektorin publik si këshilltar politik në fushën e bashkëpunimit juridik ndërkombëtar.

Albian Krasniqi është kandidat për doktoraturë në Universitetin Teknologjik të Dublinit, duke u specializuar për tregun e punës. Paraprakisht ka mbaruar studimet master për ekonomi të zhvillimit, në Universitetin e Sussexit, në Angli. Albiani ka përvojë pune si ekonomist në institucionet vendore dhe organizatat ndërkombëtare.

Blerta Hoçia është një artiste dhe kuratore nga Shqipëria e cila aktualisht jeton dhe punon në Prishtinë. Ajo ka kryer studimet e larta në Akademinë e Firences. Ka qenë drejtuese e Konservimit dhe Menaxhimit të Arkivit në Muzeun Kombëtar të Fotografisë Marubi në Shqipëri dhe është themeluese e platformës ndërdisiplinore, Nisesos – Kronika nga Periferia. Aktualisht punon si kuratore dhe hulumtuese në Qendrën e Dokumentimit Kosovë, FDHK.

Donika Emini (kandidate për doktoraturë në Politikë dhe Marrëdhënie Ndërkombëtare në Universitetin e Westminster, Londër) po drejton Platformën CiviKos, një sekretariat që mbledh 250 OSHC në Kosovë. Ajo mban një bursë nga Fondi i Kërkimit për Sfidat Globale (GCRF) dhe një diplomë master në Politika Publike, e specializuar në Menaxhimin Publik dhe Jo-fitimprurës dhe Marrëdhënie Ndërkombëtare. Pas kthimit të saj nga Gjermania në Kosovë, znj. Emini ishte përfituese e Programit të Zhvillimit Profesional të të Rinjve nga OSI – Think Tank, si pjesë e Qendrës Kosovare për Studime të Sigurisë, ku ajo punoi më parë (2013-2016). Për më tepër, ajo ishte një Bashkëpunëtore Kërkimore në Institutin e BE-së për Studime të Sigurisë (EUISS) në Zyrën Qendrore në Paris – bursë e dhënë nga Fondi Evropian për Ballkanin. Më parë, znj. Emini punoi me Sekretariatin e Transparency International në Berlin, Institutin e Politikave Ballkanike (IPOL) dhe Konsullatën e Përgjithshme të Republikës së Kosovës në New York.

Donjeta Abazi ka përfunduar studimet në gazetari në Universitetin e Prishtinës. Interesat e saj përfshijnë filmin, teatrin dhe analizën e kulturës bashkëkohore.

Dren Gërguri, Ph.D., është ligjërues në Departamentin e Gazetarisë të Universitetit të Prishtinës, Fulbrighter dhe ish-gazetar. Agjenda e tij kërkimore është në kryqëzimin e dezinformimit, gazetarisë dhe komunikimit politik. Ai ka shërbyer si redaktor i asociuar në revistën shkencore, “Central European Journal of Communication” në periudhën 2023-2025. Gërguri është i angazhuar si konsulent në projekte të ndryshme të organizatave vendore e ndërkombëtare. Gërguri ka botuar katër libra, tre kapituj librash, mbi dhjetë artikuj shkencorë dhe dhjetëra op-ed në fushën e medias. Disa nga op-ed janë përkthyer në rreth 10 gjuhë të huaja, duke përfshirë anglishten, gjermanishten, frëngjishten, rusishten, japonishten, etj.

Ensar Suma punon si këshilltar ligjor. Studimet universitare në nivelin B.A i ka përfunduar në Fakultetin Juridik të Universitetit “Isa Boletini” në Mitrovicë, ndërsa studimet master LL.M, i ka përfunduar në Fakultetin Juridik të Universitetit “Hasan Prishtina” në Prishtinë, në programin “E drejta Kushtetuese dhe Administrative”. Ka qenë dhe vazhdon të jetë aktivist i të drejtave të njeriut. Është pjesëmarrës i shumë konferencave shkencore vendore dhe ndërkombëtare dhe ka publikuar artikuj nga fusha e drejtësisë në revista të ndryshme!

Elvini ka punuar në organizata ndërkombëtare dhe OJQ lokale që nga viti 2009 e tutje në pozicione të shumta dhe filloi të jepte mësim në shkenca politike në vitin 2016 në Kolegjin ISPE. Gjithashtu, ai punon si shkrimtar kontribues për një gazetë lokale online – Kosovo 2.0. Elvini është shkencëtar politik me master në Politikë Evropiane dhe Integrim Evropian. Fusha e tij e specializimit është brenda marrëdhënieve ndërkombëtare me një fokus të veçantë në ndërveprimin e së drejtës ndërkombëtare dhe strukturën politike të shteteve moderne. Brenda karrierës së tij, Elvini fitoi një numër bursash për arritjet e tij akademike, nga organizata të tilla si: fondacioni IPKO, K.A.S. gjermane dhe Shërbimi i Veprimit të Jashtëm i Bashkimit Evropian. Këto arritje i lejuan atij të botonte një kapitull libri në vitin 2018 si bashkautor me shtëpinë botuese prestigjioze Edwar Elgar në Mbretërinë e Bashkuar. Gjithashtu, ai po punon për botimin e shumë punimeve shkencore në fushat e marrëdhënieve ndërkombëtare dhe të drejtës ndërkombëtare publike në revista të huaja të shquara.

Flutura Kusari është juriste e së drejtës së medias dhe aktiviste për të drejtat e njeriut. Ajo monitoron zhvillimet që ndërlidhen me lirinë e shprehjes dhe të medias në Kosovë dhe avokon për mbrojtje të gazetarëve dhe punonjësve të mediave. Flutura punon si këshilltare e lartë ligjore në Qendrën Europiane për Liri të Shtypit dhe Medias (ECPMF) në Leipzig, Gjermani. Përgjatë punës së saj, ajo ka mbështetur qindra gazetarë në Europë që ballafaqohen me padi, ndjekje penale dhe rreziqe të tjera. Flutura avokon para institucioneve europiane për legjislacion dhe politika më të mira për mediat dhe gazetarët. Flutura është një ndër themelueset e Koalicionit Kundër Padive SLAPP në Europë (CASE) dhe shërben si eksperte për Bashkimin Evropian dhe Këshillin e Evropës në draftimin e legjislacionit kundër Padive Strategjike Kundër Pjesëmarrjes Publike. Ajo ka doktoraturë në të drejtën e medias nga Universiteti i Gentit, Belgjikë.

Frymëzim Isufaj ka një dekadë përvojë në politikën e jashtme dhe diplomaci. Ai ka shërbyer si Konsull i Përgjithshëm në Konsullatën e Përgjithshme të Republikës së Kosovës në Nju Jork. Më parë, ai ka mbajtur postin e Zëvendës Shefit të Misionit në Ambasadën e Republikës së Kosovës në Uashington, D.C., ku luajti një rol kyç në avancimin e mbështetjes së SHBA-së për transformimin e Forcës së Sigurisë së Kosovës në ushtri të rregullt. Më herët në karrierën e tij diplomatike, Z. Isufaj shërbeu si Këshilltar për Çështje Politike dhe Ekonomike në Ambasadën e Kosovës në Bruksel.

Gëzimi Selaci është ligjërues në Departamentin e Sociologjisë në Universitetin e Prishtinës. Ka studiuar Sociologji dhe Teori politike në Prishtinë, Londër dhe Budapest. Specializimi i tij ka të bëjë me legjitimimin e pushtetit dhe ndërtimin e shtetit. Interesimi i tij përqëndrohet tek politika dhe pushteti në shoqëri nga perspektiva ndërdisiplinore dhe shtrihet tek të kuptuarit e pranimit/mospranimit të autoritetit, dinamikës së identiteteve kolektive, si dhe aktivizmit politik.

Luljeta është profesoreshë në Fakultetin Juridik të Universitetit të Prishtinës, ku ligjëron lëndët e të drejtës së pronësisë intelektuale, të drejtës tregtare dhe kontraktore dhe të drejtës së arbitrazhit. Fusha e saj e specializimit është pronësia intelektuale (PI), dhe fokusi aktual kërkimor është ndërlidhja në mes të PI, metaversit dhe Inteligjencës Artificiale (AI).

Latif Mustafa ka përfunduar studimet në fushën e filozofisë pranë Universitetit të Prishtinës. Ai, po ashtu, ka qenë asistent hulumtues në kuadër të Institutit të Aleancës së Qytetërime në Stamboll. Ka qenë autor i emisionit filozofik PikëPamje, autor dhe publicist i analizave socio-politike të botuara në shtypin e Maqedonisë së Veriut. Së fundi, ai është angazhuar si kritik në revistën për teorinë, historinë dhe kulturën e filmit – Kinopis, e cila botohet në kuadër të Kinotekës të Republikës së Maqedonisë së Veriut. Ai, është aktivist dhe ligjërues në fushën e edukimit mediatik në kuadër të projekteve të shoqërisë civile në Maqedoninë e Veriut.

Mehdi Sejdiu doktorand i Shkencave Politike në Universitetin e Heidelbergut. Ai studioi Shkenca Politike dhe Marrëdhënie Ndërkombëtare në Universitetin Şehir të Stambollit (BA) dhe Universitetin e Heidelberg (MA). Ka punuar si këshilltar politik i Zëvendëskryeministrit të Parë të Kosovës (2021 – 2023) duke koordinuar më së shumti çështjet Kosovë – BE, përfshirë përfundimin e procesit të liberalizimit të vizave. Ai është alumni i programeve si IPS nga Bundestagu Gjerman, Akademia Diplomatike e Vjenës dhe TEFF nga Stiftung Mercator. Mehdiu ka punuar në disa institute kërkimore në Gjermani dhe Kosovë, ndër të tjera në Institutin për Shkenca Politike në Heidelberg, Grupin për Hulumtim të Politikave Ballkanike dhe Grupin për Studime Juridike dhe Politike.

Miloš Pavković është një shkencëtar politik me specializim në rajonin e Evropës Juglindore, politikën krahasuese, regjimet hibride dhe politikën e BE-së. Studimet bachelor dhe master për shkenca politike i kreu në Universitetin e Beogradit. Ai kaloi një vit në Universitetin e Grazit si student në Erasmus dhe mbrojti tezën e magjistraturës (De)konsolidimi i shtetësisë së Kosovës në kontekstin e negociatave bashkëkohore ndërmjet Qeverive të Kosovës* dhe Serbisë. Ai kreu masterin e dytë në shkencat politike në Universitetin e Evropës Qendrore (CEU). Ai është bashkëautor i publikimit Elementet kryesore të nevojshme për përparimin në normalizimin e marrëdhënieve ndërmjet Kosovës dhe Serbisë. Miloš aktualisht është i punësuar si studiues në Qendrën e Politikave Evropiane (CEP), Beograd dhe shërben si Ambasador i Ri i Evropës në Ballkanin Perëndimor.

Naim Jakaj ka studiuar Sociologji dhe Drejtësi. Ai ka një përvojë të gjatë të punës në Kuvendin e Kosovës, si koordinator dhe si këshilltar në fushën e praktikës parlamentare, çështjeve sociale dhe të drejtësisë në Kosovë. Aktualisht është hulumtues në Institutin e Kosovës për Drejtësi në kuadër të Programit Qeverisja e mirë.

Sefer Zogaj ka përfunduar studimet bachelor në Universitetin e Prishtinës, Fakultetin Ekonomik. Gjatë shkollës së mesme ka filluar të shkruaj vështrime për Gazetën “Epoka e Re”, më pas edhe për mediat e Shqipërisë si “Albeu” dhe “Shekulli”. Ai është në përfundim të studimeve master në Fakultetin Ekonomik. Gjatë studimeve ka punuar në një mori mediash si Intro, Ballkani, Insajderi.com, Shqip.com dhe tash KTV. Seferi është poashtu pjesë e shoqërisë civile përmes Institutit për Kërkime Ekonomike. Përveç kësaj, e ka menaxhuar edhe një biznes të vogël “Gift of Heart” që kryesisht është marrë me shitje online. Interesimi i tij kryesor në jetë është studimi i shkencave sociale.

Violeta Zefi ka ndjekur studimet themelore dhe ato master, në fushën e Psikologjisë, në Universitetin e Prishtinës. Në vitin 2017 ka përfunduar studimet e doktoratës në Masaryk University, Republikë Çeke. Aktualisht është ligjëruese në Kolegjin “UBT”, dhe në të njëjtën kohë ndjek specializimin në fushën e “Psikologjisë Klinike”. Nga viti 2006 ka punuar për organizata të ndryshme vendore dhe ndërkombëtare. Përpos ligjërimit ajo punon edhe si Psikologe në Asociacionin Kosovar të Personave që Jetojnë me HIV/AIDS (në kuadër të Global Fund për HIV/AIDS) dhe njëkohësisht është e angazhuar si psikologe, konsulente dhe trajnere në projekte të ndryshme.

Xhemajl Rexha është gazetar nga Kosova. Aktualisht është kryetar i Asociacionit të Gazetarëve të Kosovës. Nga viti 2005 deri më 2020 ka punuar në Kohavision, ku ka mbajtur disa pozita, përfshirë atë të kryeredaktorit, ndërsa më pas ka qenë drejtor i informacionit në Kanal10. Rexha njihet si reporter dhe analist i aftë, i fokusuar në çështje politike, sociale dhe zhvillimet në Kosovë dhe rajonin e Ballkanit. Ai është i përkushtuar ndaj promovimit të lirisë së medias në Kosovë dhe ka kontribuar në mentorimin e gazetarëve të rinj, duke ndarë përvojën dhe njohuritë e tij për të forcuar sektorin mediatik në vend. Për punën e tij është vlerësuar me disa çmime, duke u renditur ndër gazetarët më të spikatur në Kosovë.