Përpara se të vinte në pushtet, Albin Kurti deklaronte se Kosova ka kapacitete shumë të mëdha për energji elektrike dhe se qytetarët paguajnë shumë për këtë shërbim. Megjithatë, sapo mori pushtetin, qasja e tij ndryshoi. Qytetarët e Kosovës vazhdojnë të përballen me tarifa të larta dhe kufizime të furnizimit me energji elektrike. Në vend që ta zgjidhte këtë problem, Kurti duket se ka kthyer përgjegjësinë tek qytetarët, duke tentuar t’i edukojë ata se në çfarë temperature duhet të ngrohen në shtëpitë e tyre.
