Diskutimi i pestë publik në Prizren, organizuar nga Sbunker në bashkëpunim me organizatën Radio Romano Avazo në kinemanë Lumbardhi, u fokusua në temën “Ideologjitë, narrativat dhe mobilizimet anti-gjinore”. Diskutimi solli një debat të thelluar mbi narrativat antigjinore që ekstremizmi i djathtë përpiqet të imponojë në shoqëri, duke promovuar narrativa kundër të drejtave të grave, komunitetit LGBTIQ+, pakicave etnike e kulturore, gjithnjë nën mbrojtjen e konceptit të familjes tradicionale.
Në këtë diskutim morën pjesë qytetarë nga komunitete të ndryshme, të cilët shfaqën angazhim të lartë duke ndarë përvojat e tyre personale dhe sfidat që përballen në jetën e përditshme. Diskutimi u kthye në një platformë interaktive dhe reflektuese, ku u trajtuan nevojat e komunitetit dhe mënyrat se si individët përballen me këto ideologji antigjinore. Pjesëmarrësit ndanë histori personale që ilustronin ndikimin e këtyre narrativave në identitetin dhe mirëqenien e tyre, si dhe në marrëdhëniet mes grupeve të ndryshme shoqërore.
Diskutimi ishte i pasur me pyetje dhe diskutime, duke inkurajuar një shkëmbim mendimesh që theksoi rëndësinë e solidaritetit dhe mobilizimit kolektiv për të luftuar kundër ideologjive diskriminuese.
Ky diskutim i udhëhequr nga Adelina Hasani, jo vetëm që rriti ndërgjegjësimin për këto çështje, por gjithashtu krijoi një hapësirë për dialog dhe reflektim të ndërsjellë në mes pjesëmarrësve/eve
Ky diskutim publik, mbështetet përmes programit Matra të Ambasadës së Mbretërisë së Holandës në Kosovë.
