Connect with us

Hi, what are you looking for?

Debunking Articles

Dezinformata e Vuçiqit për grupet çeçene dhe çerkeze në veri të Kosovës

Pas tensioneve të fundit në veri të Kosovës, Presidenti i Serbisë Aleksandar Vuçiq, më 31 korrik ngriti pretendime se në Kosovë kishte qëndruar një grup çeçenesh dhe çerkezësh.

“Në tre ditët e fundit të korrikut ne kemi vërejtur lëvizje të njerëzve nga Çeçenia në Kosovë. Njëri prej tyre është edhe Ahmed Ruslanoviq Bahajev. Po ashtu kemi informacione se në fillim të gushtit, një grup çeçenësh dhe çerkezësh që janë të lidhur me kundërshtarët e Ramazan Kadirovit, qëndruan në veri të Kosovës”, tha Vuçiq.

Sipas tij, detyra e këtyre grupeve ishte eliminimi i serbëve të armatosur në veri të Kosovës dhe rekrutimi i ushtarëve potencialë për të luftuar në Ukrainë. Pretendimi i Vuçiqit zuri vend gjerësisht në ballinat e mediave serbe. Vuçiqi e ka dhënë këtë deklaratë pa ofruar ndonjë fakt plotësues që do ta mbështeste atë.

Mediumet të cilat publikuan në ballinat e tyre pretendimet e presidentit serb shpërndahen edhe në zonat e populluara me shumicë serbe, përfshirë veriun e Kosovës, ku është përqendrimi më i madh i serbëve. Teksti i “Novostit” është shpërndarë edhe nga portali “Kosovo-online”.

Image
Image
Image

Raportimi i mediave serbe është publikuar edhe nga një medium shqiptar, duke e cilësuar si propagandë të mediave të Vuçiqit.

Derisa ministria e punëve të brendshme e as organet tjera të sigurisë nuk janë deklaruar, ka reaguar shefi i kabinetit të presidencës së Kosovës, Blerim Vela, përmes një postimi në twitter. Sipas tij, asnjë shtetas i Kosovës nuk i është bashkuar luftës në Ukrainë, si dhe asnjë çeçen apo çerkez nuk ka bërë komplot për vrasjen e serbëve në Kosovë.

Raportime të tilla që vijnë nga zyrtarët e Beogradit janë shpeshtuar ditët e fundit, që kanë për qëllim të shkaktojnë frikë tek popullata serbe në veri.

* Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Debunking Articles

Pretendimi i ngritur nga Vudi Xhymshiti se Zëvendës Ndihmës Sekretari, Gabriel Escobari, ka nënvlerësuar qeverinë e Kosovës, duke e lidhur këtë me pretendimet se...

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.