Connect with us

Hi, what are you looking for?

Debunking Articles

Dezinformata për aksion të policisë së Kosovës në veri

Më 13 mars 2022 media online Banglarreporter që ka shpërndarje të madhe në rrjetin social Facebook, ka publikuar një lajm me titull kryesor ‘’Vuçiç I Paralajmëron Serbët: “Rrini Gati, Kemi Informacione Se Kosova Do Të Ndërmarrë Aksione Të Tjera Në Veri!Po të njëjtin lajm, pa e verifikuar se a është i vërtetë a po jo, e kanë shpërndarë mediat e llogaritë e tjera në  Facebook.

Në përmbajtje të këtij lajmi thuhet se Presidenti i Serbisë, Aleksandar Vuçiçka paralajmëruar sot serbët se në bazë të informacioneve që disponon, Qeveria e Kosovës gjatë nëntorit do të marrë aksione të tjera në veri.

Image

 

Kjo deklaratë e Presidentit të Serbisë është publikuar në nëntor të vitit 2021, pas aksioneve  të Policisë së Kosovës kundër krimit e kontrabandës në Prishtinë, Pejë dhe në veri e jug të Mitrovicës, dhe e ri publikuar me 13 mars të vitit 2022, kështu duke e bërë lajmin aktual dhe duke shpërndarë lajme të  rreme,  që mund të shkaktojë panik tek publiku.

Image

Image

Ndërkohë kanë vazhduar të qarkullojnë lajme të manipuluara përkitazi me mandatin e Forcës së Sigurisë së Kosovës. Kësisoj, faqja “Molla e Kuqe” në Facebook, që kur klikon të kalon tek sajti “Trendonline”, më 15 mars ka risjellë të shkëputur një deklaratë të udhëheqësit të Zyrës Ndërlidhëse për NATO-në Serbi, Cesare Marinelli duke e paraqitur si lajm aktual. Ky lajm ka marrë mijëra pëlqime dhe disa shpërndarje në rrjete sociale. Por, intervista e plotë me Marinelin ishte publikuar më 20 korrik 2021 në Zërin e Amerikës. As titulli nuk përkon me përmbajtjen e tekstit.

Titulli i lajmit të manipuluar është: “Komandanti I KFOR I Reagon Beogradit: SHBA E Ka Krijuar Ushtrinë E Kosovës Dhe E Njeh Mandatin E Tyre”. Por në deklaratë, zyrtari i NATO-së e ripërsërit qëndrimin se aleanca veriatlantike e njeh FSK-në me mandatin që ka pasur deri në vitin 2018, periudhë kjo kur Kuvendi kishte miratuar ligjet për transformimin e FSK-së në Forca të Armatosura. “Kur është fjala për FSK-në, ne i njohim ato në mandatin e tyre aktuaI. Nëse ka një ndryshim, duhet të diskutohet në nivelin e Këshillit të Atlantikut të Veriut “, kishte thënë Marinelli. Këtë ndryshim nuk e ka miratuar ende Këshilli i Atlantikut të Veriut. Përmbajtja e lajmit nuk mbështetet as me atë që shkruan në titull se, “ShBA e ka krijuar ushtrinë e Kosovës”.

Image
Image

* Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Debunking Articles

Pretendimi i ngritur nga Vudi Xhymshiti se Zëvendës Ndihmës Sekretari, Gabriel Escobari, ka nënvlerësuar qeverinë e Kosovës, duke e lidhur këtë me pretendimet se...

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.