Connect with us

Hi, what are you looking for?

Debunking Articles

Dokumente të falsifikuara me logo të PK-së dërgohen në adresa të ndryshme

*Përgatiti: Ridona Berisha

Disa dokumente me logo të Policisë së Kosovës (PK), logo qeveritare, vula të ndryshme dhe mbishkrime të EUROPOL-it janë dërguar në adresa të ndryshme duke përdorur emrat e zyrtarëve  të lartë brenda PK-së. Por dërguesi të tyre nuk janë institucionet e Kosovës dhe e-mailat bashkë më dokumentet, sipas sqarimit të PK-së, janë të falsifikuara. Me qëllimin që të mos krijohen shqetësime tek qytetarët, PK-ja vetëm i ka bërë publike dokumentet dhe emailin e falsifikuar, pa treguar se në cilat adresa janë dërguar këto emaile.

Në përmbajtjen e dokumentit të falsifikuar, i cili është shpërndarë në emër të PK-së shkruan se “Me mandat të Zëvendës Drejtorit të Përgjithshëm të Policisë së Kosovës, në partneritet me Byronë Qendrore të EUROPOL-it në Prishtinë; Unë ju njoftoj për një konfisikim të kompjuterizuar të infiltrimit kibernetik të kapur në adresen tuaj të protokollit të internetit (IP) në lidhje me analizën e mëposhtme:

**PORNOGRAFI E FËMIJËVE.

**PEDOFILI

**PORNOGRAFIA KIBER

**EKSPOZITA

**GROMING”, thuhet në përmbajtjen e dokumentit të falsifikuar.

Më tej, aty jepet paralajmërimi i rrejshëm se, “duke u bazuar në Kodin Penal të Republikës së Kosovës, do të shqiptohet denim me burg dhe gjobë e rëndë për dhunuesit”. Dokumenti pretendohet se është nënshkruar nga Drejtori i Departamentit të Hetimeve, Agron Nezaj dhe Zëvendësdrejtori i Përgjithshëm, Fehmi Hoti.

Sbunkeri ka kërkuar sqarime shtesë nga Policia e Kosovës nëse kanë ndodhur më herët raste të tilla, në cilat adresa janë dërguar emailet dhe cili ka qenë qëllimi i tyre. Por në përgjigje ata vetëm i kanë vënë në dispozicion dokumentet të cilat janë publikuar edhe në komunikatën për media.

Fillimisht më 17 korrik 2023, PK-ja sqaroi se është duke u shpërndarë një email me dokumente të falsifikuara, ku janë përdorur emrat e zyrtarëve të lartë të PK-së dhe logo të ndryshme.

“Porse ri potencojmë se nuk janë dokumente zyrtare, nuk përmbajnë formatin dhe shkrimin zyrtar të PK-së, si dhe nuk janë lëshuar nga adresat zyrtare të Policisë së Kosovës”, thuhet në sqarim.

Edhe më 27 korrik PK-ja doli me një komunikatë tjetër, duke ripërsëritur se këto emaile janë të falsifikuara, ndërsa u bëri thirrje qytetarëve që të mos bien pre e dezinformatave/mashtrimeve të tilla. Po ashtu kërkuan që kushdo që pranon ndonjë e-mail/dokument të tillë ta adresojë në Policinë e Kosovës.

Zbuluesit e kësaj vepre penale ende nuk janë gjetur, dhe sipas PK-së, “janë angazhuar njësitet kompetente policore, me qëllim të hetimit, verifikimit dhe zbulimit të kryerësve të kësaj vepre penale”.

*Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Në epokën me hovin më të madh teknologjik, shtetet u kushtojnë rëndësi të veçantë prezencës së tyre digjitale në rrjetet sociale, si dhe kualitetit...

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.