Connect with us

Hi, what are you looking for?

Debunking Articles

Ripublikohet një lajm i vjetër lidhur me shtrenjtimin e rrymës

“LAJMI I FUNDIT: Shtrenjtimi i rrymës, Gjykata merr vendim” – është titulli i lajmit të publikuar në faqen në “Facebook”, Lajme Fresh 24.

Ky portal i ka mbi 29 mijë ndjekës në llogarinë e tyre në “Facebook” dhe përmes publikimit të lajmeve të paverifikuara, ka lajthitur opinionin publik.

Image

Në lajmin e postuar citohet burimi, që është KlanKosova.tv, por pas verifikimit del që lajmi të jetë publikuar më 16 qershor 2022 në orën 14:39.

Megjithëkëtë, kjo faqe qysh në titull dhe me shkronja të mëdha e ka cilësuar si “LAJM I FUNDIT” duke e paraqitur si lajm aktual. Po ashtu klikimi në faqen në Facebook, çon tek një faqja me emër – bbcnewsm.com.

Në përmbajtje të tekstit është njoftimi i Gjykatës Supreme, i datës 16 qershor (2022), i cili flet për rrëzimin e vendimit të Gjykatës Themelore të Prishtinës lidhur me shtyrjen e zbatimit të tarifave të reja të energjisë elektrike.

Kolegji i Gjykatës Supreme në konfliktin administrativ, sipas padisë së paditësit-propozuesit Partia Demokratike e Kosovës (PDK) kundër të paditurit-kundër propozuesit Zyra e Rregullatorit për Energji, (ZRrE), me bazë juridike anulim i vendimit të paditurit, nr. prot. 077/22 të datës 16.02.2022 dhe kërkesë për shtyrjen e ekzekutimit të njëjtit, duke vendosur lidhur me kërkesën për rishqyrtim të jashtëzakonshëm të vendimit gjyqësor të parashtruar nga i padituri ZRrE, kundër aktvendimit të Gjykatës së Apelit, e ka aprovuar si të bazuar kërkesën për rishqyrtim të jashtëzakonshëm të vendimit gjyqësor, e parashtruar nga i padituri Zyra e Rregullatorit për Energji (ZRRE), kundër aktvendimit të Gjykatës së Apelit”, shkruan në njoftimin e Gjykatës.

Vendimi ishte nxjerrë pasi Zyra e Rregullatorit për Energji i ngriti tarifat të energjisë elektrike. Kjo nxiti pakënaqësi të shumta, ku Partia Demokratike e Kosovës vendosi ta kontestojë atë pranë instancave gjyqësore.

Marrë parasysh interesimin e publikut me qëllim të përfitimit monetar, lajme të vjetra si këto për tarifat e energjisë janë plasuar në vazhdimësi nga faqe online, të cilave nuk u dihet as pronësia as impresumi.

* Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Debunking Articles

Pretendimi i ngritur nga Vudi Xhymshiti se Zëvendës Ndihmës Sekretari, Gabriel Escobari, ka nënvlerësuar qeverinë e Kosovës, duke e lidhur këtë me pretendimet se...

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.