Connect with us

Hi, what are you looking for?

Debunking Articles

Shtrembërohet Deklarata e Samitit të Athinës

*Përgatiti: Ridona Berisha

Me 21 gusht 2023, kryeministri i Greqisë, Kyriakos Mitsotakis, mblodhi liderë të Ballkanit e Bashkimit Evropian,  ku u diskutua për zgjerimin dhe të ardhmen evropiane të rajonit. Pas takimeve të zhvilluara, pjesë e të cilave ishte edhe kryeministri i Kosovës, Albin Kurti, media serbe spekuluan lidhur me përmbajtjen e Deklaratës së miratuar në fund të Samitit. “Nova.rs” duke e proklamuar si dokument ekskluziv e shtrembëroi tekstin e dokumentit, ku të gjithë liderëve ua përmendi emrat e shteteve prej nga vijnë, përveç kryeministrit të Kosovës, Kurtit.

Ne, Presidenti i Serbisë Aleksandar Vuçiq, Presidentja e Moldavisë Maia Sandu, Presidenti i Ukrainës Volodimir Zelenski, Presidenti i Malit të Zi Jakov Milatović, Kryeministri i Greqisë Kyriakos Mitsotakis, Kryeministri i Rumanisë Ion-Marcel Colaku, Kryeministri Albin Kurti, Presidenti i Këshillit të Ministrave Borjana Kristo, Kryeministri i Maqedonisë së Veriut Dimitar Kovaçevski, kryeministri bullgar Nikolaj Denkov dhe ai kroat Andrej Plenkoviç, në prani të Presidentit të Këshillit Evropian dhe Presidentit të Komisionit Evropian, u takuan sot në Athinë njëzet vjet pas Samitit historik BE-Ballkani Perëndimor në Selanik, dhe lëshuan këtë ​​deklaratë…”, shkruan në teksin e shtrembëruar të publikuar nga  Nova.rs.

Ky artikull është përkthyer dhe publikuar edhe në gjuhën shqipe në Nacionale, me titull, “Publikohet teksi i deklaratës që u miratua në Greqi: Veç Kurtit, s’i përmendet vendi nga vjen”. Mirëpo, më pas ky medium e ka ndryshyar titullin në – “Publikohet teksti i deklaratës që u miratua në Greqi” dhe në përmbajtje ka dhënë sqarimin për ndryshimet e bëra.

Por në Deklaratën zyrtare të Samitit të Athinës, e publikuar nga Ministria e Jashtme e Greqisë pjesëmarrësve në takim u  është referuar vetëm me emrin e tyre dhe pozitën, por jo edhe vendet që përfaqësojnë.

Ne, Presidenti Aleksandar Vuçiq, Presidentja Maia Sandu, Presidenti Volodymyr Zelensky, Presidenti Jakov Milatović, Kryeministri Kyriakos Mitsotakis, Kryeministri Ion-Marcel Ciolacu, Kryeministri Albin Kurti, Kryetarja e Këshillit të Ministrave Borjana Kristo, Kryeministri Dimitar Kovachevski, Ministri Nikolai Denkov dhe kryeministri Andrej Plenkoviç, në prani të Presidentit të Këshillit Europian dhe Presidentes të Komisionit uvropian, u takuan sot në Athinë, njëzet vjet pas Samitit historik BE-Ballkani Perëndimor në Selanik dhe nxorën këtë deklaratë:…”, shkruan në deklaratën zyrtare.

Përmes këtij dokumenti, u shpreh mbështetja dhe vlerësimi për përpjekjet e zellshme të Presidentit të Ukrainës Volodymyr Zelensky, që po ashtu morri pjesë në këtë samit, në përcaktimin e parimeve për paqen në përputhje me Kartën e OKB-së. Po ashtu aty u nënvizua nevoja për një proces zgjerimi të ringjallur nga ana e BE-së me vendet që aspirojnë të bëhen pjesë e saj.

*Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Në epokën me hovin më të madh teknologjik, shtetet u kushtojnë rëndësi të veçantë prezencës së tyre digjitale në rrjetet sociale, si dhe kualitetit...

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.