Connect with us

Hi, what are you looking for?

Debunking Articles

Të dhëna kontradiktore të qeverisë me ato të Bankës Botërore

*Përgatiti: Ridona Berisha

Kryeministri i Kosovës Albin Kurti përmes Twitterit është deklaruar gabimisht për të dhënat e prezantaura nga Banka Botërore, lidhur me përparimin ekonomik të Kosovës.

Kurti ka shkruar se Banka Botërore ka lavdërime të larta për Kosovën në periudhën prej kur ai është drejtues i qeverisë. “Sipas këtij institucioni, krahasuar me 10 vjet më parë Kosova ka rritur të ardhurat për kokë banori për 50% dhe ka ulur shkallën e varfërisë për 35%, duke tejkaluar vendet me të ardhura të ngjashme për kokë banori”, ka shkruar Kurti.

Mirëpo, Banka Botërore ka treguar që, “Kosova ka përjetuar progres të qëndrueshëm ekonomik gjatë dekadës së fundit, me një rritje prej afër 50 përqind të të ardhurave për kokë banori dhe një ulje prej 35 përqind të shkallës së varfërisë”.  Komunikata e Bankës Botërore lë të kuptohet që progresi i qëndrueshëm ekonomik erdhi gjatë dekadës së fundit dhe jo “krahasuar me dekadën e fundit”, ashtu siç ka pretenduar kryeministri.

Deklarata e kryeministrit është në kundërthënie me vetë komunikatën e dërguar mediave nga zyra e tij pas publikimit të Bankës Botërore. Aty konfirmohet e njëjta gjë të cilën e ka thënë Banka Botërore.

Drejtori i Bankës Botërore për Ballkanin Perëndimor Xiaoqing Yu, ka thënë se Kosova mund të përfitojë nga riorientimi i ekonomisë, në drejtim të prodhimit dhe eksportit, duke rritur punësimin cilësor për të gjithë dhe duke siguruar zhvillim të qëndrueshëm që mbron mjedisin për gjeneratat e ardhshme.

Ndaj kësaj deklarate të kryeministrit reagoi opozita.  Sipas tyre, Kurti po synon mashtrimin e qytetarëve duke i shtrembëruar të dhënat.

“Rritjen e qëndrueshme ekonomike të vendit tonë përgjatë një dekade, nuk mund të ia atribuosh qeverisjes tënde të tanishme!”, ka shkruar Jehona Lushaku – Sadriu (LDK). Për këtë ka reaguar edhe Avdullah Hoti, i cili këtë e ka cilësuar si propagandë mashtruese.

*Ky artikull publikohet në kuadër të Iniciativës Rajonale të Ballkanit Perëndimor kundër dezinformimit. “Qendra kundër dezinformatave në Ballkanin Perëndimor: ekspozimi i ndikimeve keqdashëse përmes gazetarisë mbikëqyrëse.”

Lexoni Gjithashtu

Analizë

Katër ditë para Vitit të Ri, më 27 dhjetor 2023, Qeveria e Kosovës miratoi në heshtje Projektligjin për Komisionin e Pavarur për Media, i...

Analizë

Viti i parë i Qeverisë Kurti shënoi një start të vështirë në politikën e jashtme, shoqëruar me shumë gabime diplomatike dhe dështime të protokollit....

Disinfo

Gjatë dy viteve të fundit, Kosova ishte cak i sulmeve kibernetike dhe kërcënimeve me bomba, që kishin për qëllim destabilizimin e vendit dhe krijimin...

Analizë

Në epokën me hovin më të madh teknologjik, shtetet u kushtojnë rëndësi të veçantë prezencës së tyre digjitale në rrjetet sociale, si dhe kualitetit...

Copyright © 2024 Të gjitha të drejtat e rezervuara © Sbunker. Materialet e botuara në këtë faqe nuk mund të riprodhohen, shpërndahen, transmetohen, ruhen apo përdoren në mënyra tjera, pa leje paraprake nga Sbunker. Design & Hosting by: PROGON LLC.