Edhe pas dhjetë vjetësh nga arritja e marrëveshjes së parë në dialog, shumica e të cilave kishte të bënte me Asociacionin e Komunave Serbe, në opinionin e gjerë ka ende shumë paqartësi lidhur me këtë organ të ardhshëm. Çfarë duhet të përfaqësojë Asociacioni? A do të ishte një Republika Srpska e re? A e dëshiron komuniteti serb në Kosovë një Asocacion? Çfarë duhet t’i garantojë Asociacioni komunitetit serb? Këto dhe shumë pyetje të tjera u diskutuan me Jovana Radosavljevic nga Iniciative e Re Sociale në episodin e parë të serisë së re të podkastit të Alternativna “Çelësi i Kosovës: Analiza dhe Perspektiva.
“Ne nuk jemi as afër të kuptojmë se çfarë duhet të përfaqësojë Asociacioni. Të dyja palët, në radhë të parë sepse nuk duan të formojnë Asociacionin, e shtrojnë diskutimin në atë mënyrë që të diskutohet shumë pak për esencën, por gjithçka u fokusua në elemente shumë sipërfaqësore dhe simbolike të këtij organi” – tha ndër të tjera Radosavljević.
